Advertisment

NEWS: የአሜሪካ ጠቅላይ ፍረድ ቤት የፕሬዚዳንት ትራምፕ የስደተኞች የጉዞ ክልከላ በስፋት እንዲተገበር ፈቀደ

                                              

የአሜሪካ ጠቅላይ ፍርድ ቤት ፕሬዚዳንት ዶናልድ ትራምፕ ስደተኞች ወደ ሀገሪቱ እንዳይገቡ ለመከልከል ያወጡት የጉዞ ክልከላ በስፋት እንዲተገበር ፈቅዷል።

ፍርድ ቤቱ ፕሬዚዳንት ዶላናልድ ትራምፕ ከተለያዩ የዓለም ሀገራት ስደተኞች ወደ አሜሪካ እንዳይገቡ መከልከል ይችላሉ ሲል ነው ፈቃዱን የሰጠው።

የፍርድ ቤቱ ውሳኔም ለፕሬዚዳንት ዶናልድ ትራምፕ በከፊል አሸናፊነትን ያጎናፀፈ መሆኑም ተነግሯል።

ከዚህ ቀደም የካቲት ወር ላይ ተጥሎ የነበረው የጉዞ ክልከላ የኢራን፣ ሊቢያ፣ ሶማሊያ፣ ሱዳን እና የመን ለ90 ቀናት ዜጎች ወደ አሜሪካ እንዳይገቡ የከለከለ ሲሆን፥ ስደተኞችን ደግሞ ለ120 ቀናት የሚከለክል ነበር።

የሪፐብሊካኑ ፕሬዚዳንት ዶናልድ ትራምፕ፥ የጉዞ ክልከላውን መጣል ያስፈለገው ሀገሪቱን ከአሸባሪዎች ጥቃት ለመጠበቅ ነው ማለታቸው ይታወሳል።

ሆኖም ግን የታችኛው ፍርድ ቤቶች የፕሬዚዳንቱን ክልከላ ውድቅ አድርገው የነበረ ቢሆንም፥ የሀገሪቱ ጠቅላይ ፍርድ ቤት ክልከላው ተግባራዊ እንዲሆን መፍቀዱን ተከትሎ በሰኔ ወር አጋማሽ አካባቢ ነበር ተግባራዊ እንዲሆን የተደረገው።

የአሜሪካ ጠቅላይ ፍድር ቤት ባሳለፍነው ሳምንት በዋለው ችሎት ክልከላው ከሚመከለታቸው ሀገራት የሚመጡ እና በአሜሪካ ዜግነት ያላቸው ሰዎች አያቶች፣ አባትና እናት፣ አጎት፣ አክስት፣ የወንድም ወይም የእህት ልጅ ከጉዞ ክልከላው ውጪ ናቸው፤ አሜሪካ መግባትም ይችላሉ ብሏል።

ምንጭ:- ኤፍ ቢ ሲ(FBC)

Post your comment

Advertisment
Advertisment