PLANET  ETHIOPIA
Advertisment

ለሴቶች...

                                                                                                                    

 

 

ስለ ድህረ-ወሊድ ድብርት ምንነት፣ መንስኤና መፍትሄው ፡-
ድህረ-ወሊድ ድብርት ከወሊድ በኋላ ባሉት 12 ወራት ውስጥ የሚከሰት ድባቴ ሲሆን 10% የሚሆኑ እርጉዝ ሴቶችን ያጠቃል።

ወሊድን ተከትሎ የሚመጣ መጠነኛ የሆነ እና ላጭር ጊዜ ብቻ የሚቆይ ድብርት፣ መነጫነጭ፣ማልቀስ፣እንቅልፍ ማጣት ወዘተ ብዙ እናቶች ላይ የሚከሰት ሲሆን ህክምና እንደሚያስፈልገውና እንደ ችግር የሚታየው ግን የድባቴ ደረጃ ላይ ሲደርስ ብቻ ነው።

ይህ ችግር በእናትና ልጅ መካከል የሚኖር ቁርኝት ላይ፣ የህጽኑን እድገት ላይ፣ ትዳር ላይ እንዲሁም የትዳር አጋር የአእምሮ ጤና ላይ አሉታዊ ተጽእኖ ሊኖረው ይችላል፤

ከዚህ በተጨማሪም ይህ ችግር፣ ከእርግዝና እና ከወሊድ ጋር በተያያዘ እና ባልተያያዘ ድባቴ የመጠቃት እድልን ይጨምራል።

>> ለችግሩ ተጋላጭነትን የሚጨምሩ ሁኔታዎች -

• ትዳር ውስጥ የሚኖር አለመስማማት
• የኑሮ ጫና
• ከትዳር አጋር ኣኮኖሚያዊ እና ስነ-ልቦናዊ ድጋፍ አለማግኘት
• ያልታቀደ እርግዝና
• ቤተሰብ ውስጥወይም እናቲቱ ላይ የአእምሮ ህመም ከዚህ በፊት ተከስቶ የሚያቅ ከሆነ
• የጽንስ መጨናገፍ
• ጤናማ ልጅ አለመውለድ 
......................................ወዘተ ናቸው

>> ህክምናው -

- በእርግዝና ክትትል ወቅት የእናቲቱን የአእምሮ ጤና ሁኔታ ማጤን በጣም አስፈላጊ ነው

- የህመሙ ጥንካሬ ቀላል ወይም መካከለኛ ከሆነ ስነ-ልቦናዊ እና ማህበራዊ ህክምና በቂ ይሆናል ተብሎ ይታሰባል።

- ይሁና ህመሙ የከፋ ከሆነ የግዴታ የመድሃኒት ህክምና ሊያስፈልግ ይችላል፤ከመድሃኒት ጋር አብሮ ስነ-ልቦናዊ እና ማህበራዊ ህክምና መስጠትም ይመከራል።

መድሃኒት በሚታዘዝበት ወቅት መድሃኒቱ ከጡት ማጥባት ጋር ያለውን ግንኑነት ማጤን ያስፈልጋል

ከዚህ ቀደም ድህረ-ወሊድ የሚከሰት ድባቴ የነበራት እናት ወሊድን ተከትሎ መጠነኛ የሆኑ የድባቴ ምልክቶች ከታዩባት በቶሎ ህክምና መጀመር ተመራጭነት አለው።
.
ምንጭ:- Doctor Alle

Advertisment

Related Articles

Post your comment

Advertisment