PLANET  ETHIOPIA
Advertisment

ስለ ቫሪኮስ ቬይንስ (Varicose Veins) - ምንነት፣ መንስኤ፣ ምልክቶቹና መከላከያው

                                           

     ቫሪኮስ ቬይንስ የምንለው የሕምም ዓይነት በማንኛውም የሰውነት ክፍላችን የደም መልስ ቱቦዎች ላይ ሊከሰት የሚችል ቢሆንም በአብዛኛው የሚያጠቃውና የተለመደው በእግር ላይ ነው፡፡

ይህም የሚሆነው ብዙ መቆምና በሰውነታችን የደም መልስ ቱቦዎች ላይ ግፊት ስለሚፈጥር ነው፡፡

>> አጋላጭ ሁኔታዎች -

 ዕድሜ ፡-
ዕድሜ መጨመር ለህመሙ ያጋልጣል

 ፆታ፡- 
በሴቶች ላይ በአብዛኛው ይከሰታል ይህም የሚሆነው በሰውነታቸው ላይ ከሚከሰቱ ሆርሞን ለውጦች እና በእርግዝና ጊዜ ነው፡፡

 ከልክ ያለፈ ውፍረት፡- 
የሰውነት ክብደት መጨመር በቬኖች የደም መመለስ ሥራ ላይ ጫናን ይፈጥራል፡፡

 ለብዙ ሰዓታት መቆም ወይንም መቀመጥ፡- 
ደም ከእግራችን ወደ ልብ የሚመላለስበትን ሁኔታ በማዛባት ለብዙ ሰዓታት መቆምም ሆነ መቀመጥ ለቫሪኮስ ቬን ሕመም ተጋላጭ ያደርገል፡፡

>> ምልክቶቹ -

 ጥቁር ወይንጠጅ ወይንም ሰማያዊ ቀለም ያለው የደምስር እብጠት በእግራችን ላይ መኖር

 ጠመዝማዛ የሆኑና የአበጡ የደም ስሮች በእግሮ ላይ መታየት

 እግሮን የመክበድና ህመም ስሜት መሰማት

 በታችኛው የእግር ክፍሎ የማቃጠል፣ የመጨምደድና የመርገብገብ ስሜት መሰማት

 ለረጅም ሰዓታት ሲቆሙም ሆነ ሲቀመጡ የሚብስ የህመም ስሜት
 የማሳከክ ስሜት

>> የመከላከያ መንገዶች -

ሙሉ በሙሉ በሽታውን የምንቆጣጠርበት መንገድ ባይኖርም የደም ዝውውሮን ወይም የጡንቻ ጥንካሬን መጨመር ለበሽታው ያለውን ተጋላጭነት መቀነስ ይችላሉ።

በተጨማሪም...

 የአካል ብቃት እንቅስቃሴ
 ክብደቶን መቆጣጠር
 ጨው የበዛበት ምግብን መቀነስ
 ከፍታ ያለው ጫማ አለማዘውተር
 በእረፍት ወቅት ወይም ሲተኙ እግሮን በትራስ ከፍ ማድረግ
 አቋቋምዎንና አቀማመጥዎን መለዋወጥ

>> የሚያስከትለው ጉዳት -

ቫሪኮስ ቬይንስ ከፍተኛ ጉዳትን በአብዛኛው ባያስከትልም ከታች የሚጠቀሱትን ችግሮች ግን አልፎ አልፎም ቢሆን ሊያስከትል ይችላል፡፡

 ቁስለት፡- 
እጅግ በጣም የሕመም ስሜት ያለው የእግር ቁስለት ከአበጠው የደም ስር አጠገብ በሚገኝ ቆዳ ላይ ሊከሰት ይችላል፡፡

 በቆዳ ላይ የቀለም ለውጥ ከተከሰተ ወደ ሐኪም በመሄድ መመርመር ያስፈልጋል፡፡

 የደም መርጋት፡- 
አንዳንድ ጊዜ ከውስጥ የሚገኙ የደም መልስ ቱቦዎች ሊያብጡ ይችላሉ፡፡ በዚህን ጊዜ የተጎዳው እግር ዕብጠትን ያሳያል፡፡

 ድንገተኛ የሆነ ዕግር ማበጥ ከተከሰተ በአፋጣኝ ወደ ሕክምና መሄድ ተገቢ ነው፡፡
.
ምንጭ:- Doctor Alle

Advertisment

Related Articles

  • ስለ ዚካ ቫይረስ

    ሰውነትን በቀይ ሽፍታ ያለብሳል። በከፍተኛ ትኩሳት ያስጨንቃል። የአጥንት መገጣጠሚያዎችን እየቆረጠመ ኅመም ይፈጥራል። የዐይን መቅላትን ያስከትላል። ዋነኛ መተላለፊያው የትንኝ ንክሻ ነው። የዚካ ...

  • ስለ ነሰር ምን ያውቃሉ?

    ነስር (Nose bleeds) በአፍንጫ ደም መፍሰስ (ነስር) የምንለው አስደንጋጭ የሆነ፤ነገር ግን በአብዛኛው ለከፋ አደጋ የማይዳርግ የሕመም ዓይነት ነው፡፡ነስር በሁለት ዓይነት ይከፈላል፡፡1) ...

Post your comment

Advertisment