PLANET  ETHIOPIA
Advertisment

የጆሮ ውስጥ ጩኸት (Tinnitus)

                                                                                         

 

የጆሮ ውስጥ ጩኸት ማለት በአንድ ወይም በሁለት ጆሯችን የውሰጥ ክፍል የሚሰማን ያልተለመደ ድምፅ ሲሆን ይህ ድምፅ አልፎ አልፎ የሚከሰት ወይም ያለማቋረጥ የሚመጣ ነው፡፡ የድምፁ አይነት የፉጨት፣ የመንሾካሾክ፣ የደውል ወይም የቃጭል ሊሆን ይችላል፡፡ ይህ ችግር በሴቶችና በወንዶች ላይ ፆታ ሳይለይ አኩል የሚከሰት ሲሆን ከወጣቶች ይልቅ በእድሜ የገፉ ሰዎች፣ ካላረገዙ ሴቶች ይልቅ በእርግዝና ላይ ያሉ ሴቶች ላይ የመከሰት እድሉ ከፍተኛ ነው፡፡ ሁለት አይነት የጆሮ ውስጥ ጪኸት ችግር ሲኖር አንደኛው ለራሳችን ብቻ የሚሰማ ሲሆን ሌላው ደግሞ ለኛና ወደ ጆሯችን ተጠግቶ ለሚሰማ ሰው የሚሰማ ነው፡፡ 

የጆሮ ውስጥ ጩኸት (Tinnitus) ምክንያቶች
ለዚህ ችግር መከሰት ይህ ነው ተብሎ የተቀመጠ አንድ ምክንያት ባይኖርም እንደዋና ምክንያት የሚጠቀሰው ግን የጆሯችን የውስጥ ክፍል ህዋሶች መጎዳት ነው፡፡ ሌሎች ምክንያት ተደርገው ከሚጠቀሱት መካከል፡-
• እድሜ ከ60 አመት በላይ መሆን
• ለከፍተኛ ድምፅ መጋለጥ 
• የጆሮ በኩክ መደፈን
• የጭንቅላትና የአንገት ላይ አጢ
• በጭንቅላትና የአንገት ላይ ጉዳት
• የተለያዪ መድሀኒቶች
• የደም ግፊት መጨመር
• የደም ማነስ
• ሲጋራ ማጨስ
የጆሮ ውስጥ ጩኸት (Tinnitus) ጋር ሊከሰቱ የሚችሉ ምልክቶች
• የሰውነት መዛል
• ውጥረት
• የእንቅልፍ ችግር
• ትኩረት የመስጠት ችግር
• የማስታወስ ችግር 
• ድብርት
• ጭንቀትና ብስጭት 
እነዚህ ምልክቶች ከታዪና ከሳምንት በላይ ከቀጠሉ ወደ ሀኪም ቤት ሄዶ መታየቱ አማራጭ የሌለው ነገር ነው፡፡ ይህ ችግር የተከሰተበት ምክንያት ከተጣራ በኋላ ተገቢው ህክምና ይደረጋል፡፡ ህክምናው እንደ አስፈላጊነቱ በመድሀኒት፣ በቀዶ ጥገና ወይንም በቴራፒ ሊካሄድ ይችላል፡፡

ምንጭ :-Doctor alle

 

 

Advertisment

Related Articles

Post your comment

Advertisment