PLANET  ETHIOPIA
Advertisment

የጋንግሪን በሽታ እንዴትና በምን ይከሰታል?

                                                                                                  

የጋንገሪን በሽታ አንድ የሰውነት ክፍል ደም አጥሮት ምግብና ኦክስጅን አልደርሰው ብሎ ሲጠቁርና ሕይወት አልባ ሆኖ በድን ሲሆን፣ ጋንግሪን ይዞታል ወይም ተፈጥሯል ይባላል፡፡ ለምሳሌ በተለያዩ አደጋዎችና ሌሎች ምክንያቶች በአካላችን የተለያዩ ክፍሎች የደም ዝውውር

ቢቋረጥ፣ የተቋረጠበት የሰውነት ክፍል ጋንግሪን ይፈጥራል፡፡እንዲሁም አንዳንዴ የልብ ችግር ያለባቸው ሰዎች ደም ይረጋና ከልብ ወደ ደም ስሮች ይሄዳል፤በጣም ትንሽም ብትሆን የረጋች ደም የደም መተላለፊያ ትቦዎችን ትዘጋለች፤ በዚህ ጊዜ ይህ ደም ይመግበው የነበረው የሰውነት ክፍል

ምንም ማግኘት ስለማይችል ጋንግሪን ይፈጥራል፤ ምክንያቱም አካሉ በምግብና አየር እጥረት ምክንያት ይሞታል፡፡ ከዚህ በተጨማሪ በደም ስር ጥበት ምክንያትም ጋንግሪን ሊፈጠር ይችላል፡፡ለረጅም ጊዜ የስኳር ሕመም የገጠማቸው ሰዎች፣ የደም ግፊት ችግር ያለባቸው እንዲሁም

ከፍተኛ የደም ቅባት ያለባቸው ሕሙማን የደም ስራቸው ሊጠብ ይችላል፡፡ ሌላው ምክንያት ደግሞ የቁስል ማመርቀዝ ወይም ኢንፌክሽን ነው፤ የሰውነት ክፍል አመርቅዞ ሲያብጥና በባክቴሪያ

ሲጠቃ አካሉ በደም ስር ደም አይደርሰውም፡፡ ስለዚህ ምግብና አየር ስለማይደርሰው ጋንግሪን ይፈጠራል፡፡ እንደ እጅና እግር ያሉ አካላትንም ደም እንዳይዘዋወር ጠፍንገን ለረዥም ሰዓት ካሰርናቸው ጋንግሪን ሊያስከትል ይችላል፡፡

በሽታው የሚከሰተው አብዛኛውን ጊዜ በስኳር፣ በልብ እንዲሁም በደም ግፊት ሕሙማን ላይ በመሆኑ እነኝህ በሽታዎች ያሉባቸው ሰዎች የተለየ ክትትል ማድረግ አለባቸው፤ በተለይ ማንኛውንም ቁስለት ችላ ማለት የለባቸውም፤

ጋንግሪን የሞተ የአካል ክፍል በመሆኑ ሕክምናው የተጠቃውን በድን አካል ማስወገድ ብቻ ነው፤ ነገር ግን ሰዎች አብዛኛውን ጊዜ በዚህ ምርጫ ደስተኞች አይሆኑም፤ ሐኪሞችንም ለመቁረጥ ይፈጥናሉ የሚል አስተያየት ይሰጣሉ፤ ሌሎች አማራጮች ካሉ በማለትም መፍትሔ በማፈላለግጊዜ ይሰጣሉ፤ ይህ ሁኔታም በሽታው ስር እንዲሰድ ክፍተት ይፈጥራል፤ ይህ ሁኔታ ዞሮ ዞሮ የሚጎዳው ታካሚውን ይሆናል፡፡ በጋንግሪን በሽታ ላይ ሐኪሞች ነገር ስር ሳይሰድ የሚሰጡትን የመዳን ውሳኔ በጊዜ መቀበል ህይወትን ሊያድን ይችላል፡፡

ምንጭ :-Doctor alle

Advertisment

Related Articles

Post your comment

Advertisment