PLANET  ETHIOPIA
Advertisment

ይሄውልህ ስማኝ!

(ከቤተልሄም ኒቆዲሞስ)

ጣቴን አንጨብርሬ ፡ ጠጉሬንም ነጭቼ
አንዴ በንብርክኬ ፡ አንዴ ተደፍቼ
ለስልባቦት ቀኔ ፤ ከሞት ለሰፈፈች
ሰላም አልባ ነፍሴ ፤ ፍቅር ለታመመች
ለምኜህ ነበረ ፤ አቅፍ ሙሉ ደስታ
አንዲት ጀንበር ስቄ ፤ ባጭር እንድፈታ
ከኑሮ ሰቀቀን ፤ ከሃፍረት መኝታ
ሰውረኝ እያልኩኝ ፤ ስከተልህ ጌታ
አንተም ከዳመና ፤ እኔም ከምድር ላይ
ገምቶ የከረፋ ፤ የሰው ክፋት ስናይ
ምሬት ሲያደባየኝ ፤ በተራዬ ስሸት
የኔን ክፋት አይተህ ፤ ፈገግታህ ሲከተት
አቆምኩኝ ማነፍረቅ ፤ ጀመረኝ ስርቅታ
የልጅነት ልቤ ፤ አምቶኝ ወደማታ
እውነት ነው ፈጣሪ ፤ አንተማ ልክ ነህ
ድሮስ እጣን እንጂ ፤ መች ካዋቂ ውለህ
እንዲህ ውብ ከሆነ ፤ ልጅነት ሲጠራ
አሮጌ ሰው ቀርቶ ፤ ትልቅ ህጻን ስራ!

 

Advertisment

Related Articles

Post your comment

Advertisment