PLANET  ETHIOPIA
Advertisment

ፊላዴልፊያ ጎዳናዎቿን ንጹህ ለማድረግ ሽንትን መልሶ ግለሰቡ ላይ የሚረጭ ቀለም ጥቅም ላይ ልታውል ነው

 

                                                 

          የአሜሪካዋ ፊላዴልፊያ ከተማ ሽንትን መልሶ ግለሰቡ ላይ የሚረጭ የግድግዳ ቀለም በሙከራ ደረጃ ጥቅም ላይ ልታውል መሆኑ ተሰምቷል።

የከተማዋ ትራንዚት ኤጀንሲ ይህን ቴክኖሎጂ እንዲጠቀም ያስገደደው ከከተማ ጽዳት ጋር ተያይዘው የሚነሱ ችግሮችን ለመቅረፍ ነው ተብሏል።

የደቡብ ፔንሲልቫኒያ ትራንስፖርት ባለስልጣን በቅርቡ ቀለሙን በሙከራ ደረጃ የሚጀምር ሲሆን፥ “አልትራ ኤቨር ድራይ /Ultra-Ever Dry/” የቀለሙ መጠሪያ ነው።

በመንገድ ዳር ቆሞ የሚሸና ሰው ሽንቱን በሚሸናበት ጊዜ ይህን ቀለም የተቀባው ግድግዳ ሽንቱ ተመልሶ ወደ ግለሰቡ እንደረጭ ያደርጋል ነው የተባለው።

የደቡብ ፔንሲልቫኒያ ትራንስፖርት ባለስልጣን አንድሬው ቦሰች፥ በጎዳናዎች ላይ ከንጽህና ጋር ተያይዘው የሚነሱ ቅሬታዎች የተለመዱ ናቸው፤ ሰራተኞቻችንም በየእለቱ ከማጽዳት በተጨማሪ ይህንን ችግር ለመቅረፍ የተለያዩ ሙከራዎችን እያደረጉ ነው ብለዋል።

“እስካሁን ሽንት ተመልሶ የሚሸናው ሰው ላይ እንዲረጭ የሚያደርገው የግድግዳ ቀለም በአሜሪካ ሳንፍራንሲስኮ እና በጀርመን ሀምበርግ ከተሞች ህዝብ በሚበዛባቸው ስፍራዎች ላይ ጥቅም ላይ ውለዋል” ይላሉ ቃል አቀባዩ።

“ከእነዚህ ከተሞች እንደተረዳነው ከሆነ የተሻሉ ለውጦች አሉ፤ እኛም ይህን በከተማችን ተግባራዊ በማድረግ በጽዳት በኩል የሚነሱ ቅሬታዎችን ለማስቀረት አስበናል” ብለዋል።

በፊላዴልፊያ እንደ ሳንፍራንሲስኮ ሁሉ በአደባባይ ላይ መሽናት ህገ ወጥ ተግባር ሲሆን፥ በአደባባይ ላይ ሲሸና የተያዘ ሰው በ300 የአሜሪካ ዶላር እንዲቀጣ ያደርጋል።

ሆኖም ግን ሰዎች ከዚህም አልፎ በየአደባባዩ ሲፀዳዱ ይስተዋላል የሚሉት ቃል አቀባዩ፥ ይህንን ለመከላከልም ሽንት መልሶ የሚረጨውን ቀለም በስፋት በየመንገድ ዳር ያሉ ግድግዳዎች ላይ ለመቀባት ወስነናል ብለዋል።

ቀለሙን ለመቀባት የሚፈጀው ወጪ አነስተኛ በመሆኑም በቀላሉ የአካባቢያችንን ንጽህና ለመጠበቅ ያስችላል ሲሉ ይናገራሉ።

የትርጉም ምንጭ፦ FBC( አዲስ አበባ፣ መስከረም 9፣ 2009 (ኤፍ.ቢ.ሲ))

Advertisment

Related Articles

Post your comment

Advertisment