Health ጤና

  • የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች

                                                   

    የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች ብለው ተመራማሪዎቹ የጠቀሷቸውን እናካፍልዎ።

    1.ለስኳር በሽታ የመጋለጥ እድላችንን ይቀንሳል፦ ጥናቱ እንዳመላከተው ስጋን ከመመገብ ይልቅ አትክልትን አዘውትረው የሚመገቡ ሰዎች ለስኳር በሽታ ያላቸው የተጋላጭነት መጠን ዝቅተኛ ነው ይላሉ።

    2.ለልብ ህመም እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን ይምንጠቀም ከሆነ ልባችን በቀላሉ እንዳይታመም እና ጤነኛ እንዲሆን ይረዳናል።

    እንደ ስጋ ያሉ መግቦች በውስጣቸው ያለው የስብ መጠን ከፍተኛ በመሆኑ በደማቸን ውስጥ የኮሌስትሮል መጠን እንዲበዛ በማደረግ በቀላሉ ለልብ ህመም ሊዳርጉን ስለሚችሉ ስጋ ነክ ከሆኑ ምግቦች ይልቅ አትክልትን አዘውትሮ መመገብ ይመከራልም ብለዋል ተመራማሪዎቹ።

    3.ለደም ግፊት እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን የምንጠቀም ከሆነ ለደም ግፊት ያለን ተጋላጭነት እጅጉን ይቀንሳል ተብሏል።

    4.ክብደትን ለመቀነስ ይረዳል፦ የአትክልት ተመጋቢ ወይም አትክልትን አዘውትረን የምንጠቀም ከሆነም ክብደትን በቀላሉ ለመቀነስ ያስችለናልም ብለዋል ተመራማሪዎቹ።

    ተመራማሪዎቹ ባደረጉት ጥናትም ከመጠን በላይ ውፍረት ያላቸው ሰዎችን በሁለት ቡድን ካካፈሉ በኋላ አንድኛውን ቡድን አትክልት ሌላኛውን ደግሞ ስጋ ነክ ምግቦችን እንዲመገቡ ካደረጉ በኋላ ባገኙት ውጤት አትክልት ተመጋቢዎች ብዙ ኪሎ ግራም ቀንሰው ተገኝተዋል።

    5.ለካንሰር እንዳንጋለጥ ይረዳናል፦ አትክልትን አዘውትረን በተመገብን ቁጥር ለካንሰር በሽታ የመጋለጥ እድላችን እንደሚቀንስ ተነግሯል።

    6.ያማረ የሰውነት ቆዳ እንዲኖረን ያደርጋል፦ አትክልት ተመጋቢነት ለቆዳችን ማማር ከፍተኛ ጠቀሜታ አለው ተብሏል።

    አትክልትን አዘውትረን በመመገባችንም በቀላሉ እንደ የቆዳ መሸብሸብ እና ከሌሎች ከቆዳ ጋር ተያያዥነት ላላቸው ችግሮች እንዳንጋለጥ ይረዳናል።

    ምንጭ፦ healthdigezt.com

    ተቶርጉሞ የተጫነው፦ በሙለታ መንገሻ

    Read more
  • የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች

                                                                     

    የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች ብለው ተመራማሪዎቹ የጠቀሷቸውን እናካፍልዎ። 1.ለስኳር በሽታ የመጋለጥ እድላችንን ይቀንሳል፦ ጥናቱ እንዳመላከተው ስጋን ከመመገብ ይልቅ አትክልትን አዘውትረው የሚመገቡ ሰዎች ለስኳር በሽታ ያላቸው የተጋላጭነት መጠን ዝቅተኛ ነው ይላሉ። 2.ለልብ ህመም እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን ይምንጠቀም ከሆነ ልባችን በቀላሉ እንዳይታመም እና ጤነኛ እንዲሆን ይረዳናል። እንደ ስጋ ያሉ መግቦች በውስጣቸው ያለው የስብ መጠን ከፍተኛ በመሆኑ በደማቸን ውስጥ የኮሌስትሮል መጠን እንዲበዛ በማደረግ በቀላሉ ለልብ ህመም ሊዳርጉን ስለሚችሉ ስጋ ነክ ከሆኑ ምግቦች ይልቅ አትክልትን አዘውትሮ መመገብ ይመከራልም ብለዋል ተመራማሪዎቹ። 3.ለደም ግፊት እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን የምንጠቀም ከሆነ ለደም ግፊት ያለን ተጋላጭነት እጅጉን ይቀንሳል ተብሏል። 4.ክብደትን ለመቀነስ ይረዳል፦ የአትክልት ተመጋቢ ወይም አትክልትን አዘውትረን የምንጠቀም ከሆነም ክብደትን በቀላሉ ለመቀነስ ያስችለናልም ብለዋል ተመራማሪዎቹ። ተመራማሪዎቹ ባደረጉት ጥናትም ከመጠን በላይ ውፍረት ያላቸው ሰዎችን በሁለት ቡድን ካካፈሉ በኋላ አንድኛውን ቡድን አትክልት ሌላኛውን ደግሞ ስጋ ነክ ምግቦችን እንዲመገቡ ካደረጉ በኋላ ባገኙት ውጤት አትክልት ተመጋቢዎች ብዙ ኪሎ ግራም ቀንሰው ተገኝተዋል። 5.ለካንሰር እንዳንጋለጥ ይረዳናል፦ አትክልትን አዘውትረን በተመገብን ቁጥር ለካንሰር በሽታ የመጋለጥ እድላችን እንደሚቀንስ ተነግሯል። 6.ያማረ የሰውነት ቆዳ እንዲኖረን ያደርጋል፦ አትክልት ተመጋቢነት ለቆዳችን ማማር ከፍተኛ ጠቀሜታ አለው ተብሏል። አትክልትን አዘውትረን በመመገባችንም በቀላሉ እንደ የቆዳ መሸብሸብ እና ከሌሎች ከቆዳ ጋር ተያያዥነት ላላቸው ችግሮች እንዳንጋለጥ ይረዳናል።

    ምንጭ፦ healthdigezt.com ተቶርጉሞ

    የተጫነው፦ በሙለታ መንገሻ

    Read more
  • ድብርትን ለማስወገድ በሳምንት ለ1 ሰዓት የአካል ብቃት እንቅስቃሴ ማድረግ ይጠቅማል

                                                   

    የአካል ብቃት እንቅስቃሴ ማድረግ በርካታ የጤና ጠቀሜታዎች አንዳሉት ይታወቃል፤ በቅርቡ የወጣ ጥናት ደግሞ የአካል ብቃት አንቅስቃሴ ከድብርት ለመላቀቅ ፍቱን ነው ይላል።

    ተመራማሪዎች ለ30 ዓመታት ተካሄደ ባሉት ጥናታቸው የአካል ብቃት እንቅስቃሴ ድብርትን በማስወገዱ ረገድ ከፍተኛ ጠቀሜታ እንዳለው አመላክተዋል።

    በአውስትራሊያ ተመራማሪዎች የተመራው እና በአሜሪካ ጆርናል ኦፍ ሳይካትሪ ላይ በታተመው የጥናት ውጤት እንደተገለጸው፥ በጥናቱ በ22 ሺህ 500 ኖርዌያውያን ላይ ክተትል ተደርጓል።

    በዚህም በሰዎች ላይ ከሚከሰቱ አዳዲስ ድብርቶች ወስጥ 12 በመቶ ያክሉ በሳምንት ለ1 ሰዓት ብቻ በሚሰራ የአካል ብቃት እንቅስቃሴ መከላከል እንደሚቻል ተለይቷል።

    በኤን.ኤስ.ደብሊው ዩኒቨርሲቲ ብላክ ዶግ ኢኒስቲቲዩት ሳይካትሪስት እና ኢፒዲሞሎጂስት የሆኑት የጥናት ቡድኑ መሪ ሳም ሀርቬይ፥ የምንሰራው የአካል ብቃት መጠን እና አይነት ምንም ችገር የለውም ይላሉ።

    ዋናው ጥቅም የሚገኘው ሰዎች በሳምን ውስጥ ምንም ካለመስራት ወደ የአንድ እና የሁለት ሰዓት አካል ብቃት እንቅስቃሴ እንዲሰሩ በማሸጋገር ነው ብለዋል።

    በጥናቱም የአካል ብቃት እንቅስቃሴን አዘውትረው የሚሰሩ ሰዎች ለድብርት የመጋለጥ አድላቸው በ41 በመቶ የቀነሰ መሆኑም ተለይቷል ብለዋል።

    ይህም በዓመት 100 ሺህ የሚደርሱ የድብርት ህክምናዎችን ሊያስቀር ይችላል የተባለ ሲሆን፥ ለጤና የሚወጣን በቢሊየን የአሜሪካ ዶላር የሚቆጠሩ ገንዘቦችንም ለመቆጠብ ያስችላል ነው የተባለው።

    ምንጭ:- ኤፍ ቢ ሲ(FBC)

    Read more
  • በኢትዮጵያ በየዓመቱ በጡት ካንሰር ከሚጠቁት 13 ሺህ ሰዎች ወስጥ 53 በመቶዎቹ ለሞት ይዳረጋሉ ተባለ

                                                            

    በኢትዮጵያ በየዓመቱ ለጡት ካንሰር ከሚጋለጡ 13 ሺህ ሰዎች ውስጥ 7 ሺህ ያህሉ ለሞት እንደሚዳረጉ የጤና ጥበቃ ሚኒስቴር አስታወቀ።

    ህብረተሰቡ ለጡት ካንሰር ያለው የግንዛቤ ማነስና ህክምናውን የሚሰጡ የጤና ተቋማት በቂ አለመሆን በሽታውን በቀላሉ መከላከል እንዳይቻል ማድረጉንም ሚኒስቴሩ አስታውቋል።

    የጡት ካንሰር በቅድሚያ በጡት ላይ በመከሰት ወደ ሌሎች የሰውነት ክፍሎች በመዛመት ለሞት የሚያጋልጥ በሽታ ሲሆን፥ በሽታው በዋናነት ሴቶችን የሚያጠቃ ይሁን እንጅ አልፎ አልፎ ወንዶችንም ያጠቃል። 

    በኢትዮጵያ በየዓመቱ 13 ሺህ ሰዎች ለጡት ካንሰር የሚጋለጡ ሲሆን፥ ከነዚህ ውስጥ 7 ሺህ ያህሉ እንደሚሞቱ ከጤና ጥበቃ ሚኒስቴር የተገኘው መረጃ ያመላክታል።

    የጥቅምት ወር በዓለም አቀፍ ደረጃ የጡት ካንሰርን በተመለከተ ግንዛቤ ማስጨበጫ ወር ሆኖ ይቆያል።

    ይህን አስመልክቶ የጤና ጥበቃ ሚኒስቴር ከቀዳማዊት እመቤት ፅህፈት ቤት ጋር ትናንት በሰጡት መግለጫ ማህበረሰቡ ስለ በሸታው ያለው ግንዛቤ በቂ ባለመሆኑ ተጋላጭነቱን መቀነስ አለመቻሉ ተገልጿል።

    የጤና ጥበቃ ሚኒስትር ፕሮፌሰር ይፍሩ ብርሃነ፥ ኢትዮጵያ በዚሁ በሽታ ከሚጠቁ አዳጊ አገራት አንዷ መሆኗን ጠቅሰው የህብረተሰቡ የግንዛቤ ማነስ ዋነኛው ችግር መሆኑን ገልፀዋል።

    የጡት ካንሰር መንስኤዎች

    • የአካል ብቃት እንቅስቃሴ አለማድረግ
    • ጡት አለማጥባት፣ ሲጋራ ማጨስ
    • አልኮል መጠጣት
    • ከሆርሞን ጋር የተያያዙ መድሀኒቶችን መውሰድ
    • ቶሎ አለመውለድ እና ሌሎቹ ምክንያቶች ለጡት ካንሰር መንስኤዎች ናቸው።

    የጡት ካንሰር ተጋላጭነትን ለመቀነስ

    • በየቀኑ የአካል እንቅስቃሴ በማድረግ
    • ከ1 ዓመት እስከ 2 ዓመት ጡት ማጥባት
    • ከ20 እስከ 30 መካከል ባለው እድሜ ልጅ በመውለድ ተጋላጭነትን መቀነስ እንደሚቻል ፕሮፌሰር ይፍሩ ተናግረዋል።

    የጡት ካንሰር ምርመራውም ሆነ ህክምናው በጣም ከፍተኛ ወጪ ስለሚጠይቅና ህይዎትን ሊያሳጣ ስለሚችል ሕብረተሰቡ ቅድመ ምርመራ በማድረግ መከላከል እንዳለበት አሳስበዋል።

    ሚኒስቴሩም በብሄራዊ ካንሰር መቆጣጠሪያ ስትራቴጂ እየተመራ እንደማንኛውም በሽታ መከላከሉ ላይ ትኩረት ለማድረግ የግንዛቤ ማስጨበጥ ስራ እየሰራ ነው ብለዋል።

    በቅድመ ምርመራ ከተቻለ ቀድሞ ለመከላከል ካልሆነም በሽታውን ቀድሞ በማወቅ ወደ ህክምና እንዲያገኙ እየተደረገ መሆኑን ገልፀዋል።

    ሚኒስትሩ አሁን ላይ 12 የመንግስት ሆስፒታሎች ህክምናውን እየሰጡ መሆኑን ጠቅሰው የህክምና ማዕከላት እጥረትን ለመቀነስ ተጨማሪ ስድስት የህክምና ማዕከላት እየተገነቡ መሆኑን ገልፀዋል።

    የግል ህክምና ተቋማት ህክምናውን እንዲሰጡ ለማድረግ እየተሰራ መሆኑን የገለጹት ሚንስትሩ ሐኪሞችን በተጓዳኝነት ስለ በሽታው በማሰልጠን እንዲመረምሩና ህክምና እንዲሰጡ እየተደረገ ነውም ብለዋል።

    የዘንድሮው የግንዛቤ ማስጨበጫ ወር በኢትዮጵያ ''የጡት ካንሰር በሽታን መከላከል የሁላችንም ሀላፊነት ነው፤ጡትዎን በመዳሰስና ቅድመ ምርመራ በማድረግ ህይዎትዎን ይታደጉ'' በሚል መሪ ሀሳብ ለ11ኛ ጊዜ ይከበራል።

     

    ምንጭ:- ጤናችን

     

    Read more
  • ጥፍራችን ስለ ጤናችን እንደሚናገር ያውቃሉ?

                                                            

    የጥፍራችን ቀለም፣ ቅርፅና ስፋት ለተለያዩ የጤና ችግሮች መጋለጣቸውን እንደሚያሳዩ ተገለጸ።

    ከዚህ በታች በምስል ተደግፈው በምናያቸው ነጥቦች ጥፍሮቻችን ለአደገኛ በሽታ መጋለጣችንን ሊያሳዩ እንደሚችሉ እንመለከታለን።

    የጥፍር ቀለም መለዋወጥ፣ መቆሸሽና መወፈር ሰውነታችን እክል እንዳጋጠመው የሚያሳዩ ማስጠንቀቂያ ደወል ሊሆኑ ይችላሉ ተብሏል።

    1.    የጥፍር ቀለም

    የጤናማ ጥፍር ቀለም ወደ ሮዝ እና ነጭ ያጋደለ ሲሆን መብቀያው (ስሩ) ነጭ የጨረቃ ቅርጽ ይይዛል። 

    አረንጓዴ ቀለም ያለው ጥፍር የባክቴሪያ ኢንፌክሽን ምልክት ነው። 

    በጥፍሮቻችን ላይ ቀያይ መስመሮች ከታየቱም ከልብ በሽታ ጋር የተያያዘ ችግር እንዳለብን ያመላክታሉ።

    ሰማያዊ ጥፍሮችም ደማችን ኦክስጅን በበቂ ሁኔታ እያገኘ አለመሆኑን ሊያሳዩ ይችላሉ ነው የተባለው።

    ነጭ ቀለም ያላቸው ጥፍሮችም ከጉበት ጋር የተያያዘ ችግር እንዳለብን የሚያስጠነቅቁ ሲሆን በጥፍሮቻችን የላይኛው ክፍል የሚታዩ ጥቋቁር ነጥቦች ደግሞ የእድሜ መግፋትን ያመላክታሉ።

    2. ወፍራም ጥፍሮች

    ወፍራም ጥፍሮች በተፈጥሮ የሚከሰቱ ወይም የተለመዱ አይደሉም፤ ከሳንባ እና ተያያዥ በሽታዎች ጋር ይያያዛሉ እንጂ። 

    ወፍራምና የተቦረቦሩ ጥፍሮች እድገትን የሚቆጣጠር እጢ በሽታ እና መሰል ችግሮች ምልክት ሊሆን እንደሚችሉም ይነገራል።

    ወፍራም ጥፍሮች የደካማ ደም ዝውውር ውጤት መሆናቸውም ተደርሶበታል።

    3. የተሰነጣጠቁ ጥፍሮች 

    ጥፍሮች የሚሰነጣጠቁት የፎሊክ አሲድ፣ ቫይታሚን ሲ እና ፕሮቲን እጥረት ነው። 

    በጥፍራችን ስሮች ላይ የሚታዩ ነጭ ነጥቦች 10 በመቶ ለሚሆነው የሚያሳክክ የቆዳ በሽታ መነሻ ናቸው።

    የተሰነጣጠቁ ጥፍሮች ብዙ ጊዜ ስር ከሰደደ የምግብ እጥረት ጋር የሚያያዙ ናቸው።

    4. ወደ ውጪ የሚታጠፉ ጥፍሮች

    ጥፍራችሁ ወደ ውጪ የሚታጠፍና የማንኪያ ቅርጽ የሚሰራ ከሆነ እንዲሁም በጣም ስስ ከሆነ የብረት ንጥረ ነገር እጥረት ወይም ብዛት አልያም የልብ ህመም ምልክት ሊሆን ይችላል።

    5. የተቦረቦሩ ጥፍሮች

    የተቦረቦሩ ጥፍሮች ለሚያሳክክ የቆዳ በሽታ አልያም ጸጉርን ለሚጨርስ በሽታ መጋለጥን ያመለክታሉ።

    ምንጭ:- ኤፍ ቢ ሲ(FBC)

    Read more
  • የድንገተኛ ልብ ሕመምን ለመከላከል

                                                        

     በፋይበር የበለፀጉ ምግቦችን መመገብ
    እንደ ስንዴ፣ሲሪያል፣ ፍራፍሬ፣አትክልት እና አጃን መመገብ ከኮሌስትሮል ወደ ሰውነታችን እንዳይወስድ ማድረግ አቅም አለው
     የአካል ብቃት እንቅስቃሴ ማድረግ
    እንቅስቃሴን ማድረግ ለድንገተኛ የልብ ሕመም ተጋላጭነትን ይቀንሳል በቀን ቢያንስ ለ30 ደቂቃ እንቅስቃሴ ያድርጉ
    ለሰውንት ተስማሚ የሆኑ የስብ ዓይነቶችን ምግቦች መመገብ
    ይህም ማለት ከስጋ እና ጮማ ከበዛባቸው ምግቦች ይልቅ እንደ አሳ፣ኦቾሎኒ፣እና አቮካዶ የመሳሰሉትን መመገብ
     ሲጋራ ማጤስን ማቆም
    ሲጋራን በመደበኛ ሁኔታ የሚያጨሱ ከሆነ እራስዎን ለድንገተኛ የልብ ሕመም በከፍተኛ ሁኔታ ይዳርጋል
     የሚወስዱትን የጨው መጠን መቀነስ
    ጨውን መመገብ የሚያዘወትሩ ከሆነ የደም ግፊትዎን እንዲጨምር ያደርጋሉ፡፡ስለዚህ የሚመገቡትን የጨው መጠን ይቆጣጠሩ፣
     ጭንቀትን መቀነስ
    ከፍተኛ የሆነ ጭንቀት ካለብዎ ራስዎን ለአደጋ እየጣሉ ስለሆነ ለመቀነስ ይሞክሩ
     የስኳር መጠንዎን መቆጣጠር
    የስኳር ሕመም ለልብ ሕመም በከፍተኛ ሁኔታ የሚያጋልጥ ስለሆነ በሚገባ ይቆጣጠሩ
     የደም ግፊት መጠንዎን በሚገባ መቆጣጠር
    የደም ግፊት ለልብ ሕመም ተጋላጭነትን ስለሚጨምር በሚገባ መቆጣጠር ይኖርብዎታል፡፡ መድኃኒት የሚወስዱም ከሆነ በሐኪምዎ ትዕዛዝ መሠረት ይተግበሩ
     የአልኮል መጠጥ ማስወገድ
    አልኮልን በአብዛኛው የሚጠጡ ከሆነ እራስዎን ለደም ግፊት መጨመር ያጋልጣሉ ይህም በተዘዋዋሪ ለልብ ሕመም ይዳርግዎታል::

    ምንጭ:- ጤናችን

    Read more
  • በእርግዝና ወራት የሚያጋጥመው የማቅለሽለሽ ስሜትና መፍትሄዎቹ!

                                                    

    በእርግዝና ወራት ሊከሰቱ ከሚችሉ ሁኔታዎች አንዱ ጠዋት ጠዋት ምቾት

    ማጣት አንዱ ነው። በተለይ ማለዳ ላይ አብዛኛዎቹ ነፍሰጡሮች የማቅለሽለሽና
    የማስመለስ ህመም ያጋጥማቸዋል። አብዛኞቹ ጠዋት ላይ ነው የሚያጋጥማቸው። ይህ ስሜት በአንዳንዶቹ ላይ ግን ቀኑን ሙሉና እስከ ምሽት ድረስ ሊዘልቅ ይችላል። በየትኛውም ጊዜ ላይ ቢከሰት ግን የነፍሰጡሮችን ስሜት
    የሚረብሽ ነውና የቻሉት የራሳቸውን ዘዴ ተጠቅመው ችግሩን ለመቀነስ ይጥራሉ።ይህ አልሆን ሲላቸው ደግሞ የሀኪም እርዳታን ይጠይቃሉ። እኛም የሚከተሉት የመፍትሄ አቅጣጫዎች ይህን የህመም ስሜት ያስታግሳሉ በሚል አቅርበናል። 
    1.በቂ እንቅልፍ መተኛት በምሽት ወደ መኝታ ቤት ስናመራ ከሚረብሹ ነገሮች መራቅ ይኖርብናል። በባዶ ሆድ ወደ መኝታ መሄድ ደግሞ ችግሩን ያብሳል፤ ጨጓራ በተራበ ስአት የሚረጨው አሲድ የማቅለሽለሽ ስሜትን ስለሚፈጥር። የመመገቢያና የመኝታ ስአትን ቢያንስ ለ30 ደቂቃ ማራራቅም ይመከራል።
    2. የገብስ ቆሎና መሰል ቀላል ምግቦችን መመገብ በማለዳ የማቅለሽለሽ ስሜት ሲከሰት ተቻኩሎ ከአልጋ ከመነሳት ይልቅ እዚያው ጋደም እንዳሉ እንደ ገብስ ቆሎ ያሉ ለጨጓራ ቀለል ያሉ ምግቦችን መመገብ ያሻል።
    3. ትንሽ ትንሽ ግን ቶሎ ቶሎ መመገብ የተቀቀለ እንቁላል፣ አይብ እና እርጎን
    የመሳሰሉ በፕሮቲን የበለጸጉ ምግቦችን መመገብ ተገቢ ነው። የተጠበሱና ቅባት
    የበዛባቸው ምግቦችን መመገብ ግን አይመከርም። 
    4. ውሃ አብዝቶ መጠጣት
    5. የሎሚ አልያም የዝንጅብል ሻይ መጠጣት የማቅለሽለሽ ስሜትን ይቀንሳል።
    6. ሎሚ ማሽተትም በተመሳሳይ መልኩ የማቅለሽለሽ ስሜትን ይቀንሳል።

    ምንጭ:- ጤናችን

    Read more
  • ሀሰተኛ የከንፈር ውበት መጠበቂያ ቀለሞች ለከፋ የጤና ጉዳት ስለሚያስከትሉ ጥንቃቄ ማድረግ ያስፈልጋል

                                                               

    የትክክለኛነት ማረጋገጫ የሌላቸው ሀሰተኛ የከንፈር ውበት መጠበቂያ ቀለሞችን መጠቀም ለከፋ የጤና ጉዳት እንደሚያጋልጥ ተነግሯል።

    በብሪታኒያ ፓርላማ የሰብዓዊ እና ማህበራዊ ደህንነት ጉዳዮች ኮሚቴ ሀሰተኛ የከንፈር ውበት መጠበቂያ ቀለሞች ከጤና ጥበቃ መመሪያ ውጭ የሆኑ እና ከፍተኛ ጉዳት እንደሚያደርሱ በክትትል ደርሼበታለሁ ብሏል።

    በፌስቡክ እና በኢ-ቤይ አማካኝነት ለ300 ደንበኞች ሀሰተኛ ምርቶችን የሸጠ ግለሰብም ጉዳዩን ወደ ፍርድ ቤት አምርቶ በእስራት እንዲቀጣ ተደርጓል።

    ሀሰተኛ የከንፈር ውብት መጠበቂያ ቀለሞችን በመደበኛ ሁኔታ የሚጠቀሙ ከሆነ፥ ለከፍተኛ የደም ግፊት፣ ለመራቢያ አካል ችግር፣ ለአዕምሮ እና ለልብ ህመም ያጋልጣል ነው የተባለው።

    በተለይም ነፍሰጡር ሴቶች ቀለሞቹን በሚጠቀሟቸው ጊዜ በማህፀን ውስጥ ላሉ ህፃናት የአዕምሮ ህዋሳት መውደም ይዳርጋል።

    ሀሰተኛ ምርቶችን ገዝተው የሚጠቀሙ ሰዎች የከፋ የጤና ጉዳት ሳይደርስባቸው በፊት ጥንቃቄ ማድረግ አለባቸው ተብሏል።

    በመሆኑም በየመንገዱ ወይም በማንኛውም ሱቅ በቅናሽ ዋጋ ያለማብራሪያ እና ያልምንም የትክክለኝነት ማረጋገጫ የሚሸጡ የከንፈር ማስዋቢያዎችን ከመግዛት መቆጠብ እንዲያስፈልግ ተመክሯል።

    በተለይም የከንፈር ውበት መጠበቂያ ቀለሞችን መጠቀም የሚፈልግ ሰው ካለ ወደ ኮስሞቲክስ ሱቆች ወይም መድሃኒት ቤቶች ጎራ በማለት ማማከር እና የሚያስፈልገውን ምርት መግዛት እና በአጠቃቀሙ መሰረት መጠቀም ይግባል ነው የተባለው።

    የንግድ እና የጤና ተቋማትም ሀሰተኛ የከንፈር ውበት መጠበቂያ በሚሸጡ ሰዎች ላይ ጥብቅ ቁጥጥር መስራት እና የግንዛቤ በቀለሞቹ ጉዳት ላይ የግንዛቤ ማስጨበጫ ስራዎችን መስራት እንንዳለባቸውም ተመክሯል።

    ምንጭ:- ኤፍ ቢ ሲ(FBC)

    Read more
  • ተቅማጥ/Diarrehea/

                                                                     

    ተቅማት በህክምናው አጠራር ዲሀሪያ ተደጋጋሚ በሆነ ውሃማነት ያለው ሰገራ መታየት፣ማቅለሽለሽ፣የሰውነት ሙቀት መጨመርና የምግብ ፍላጎት መቀነስ በማስከተል ሊከሰት ይችላል;; ተቅማጥ ለአጭር ጊዜ የሚቆይ/Acute/ ወይም ለረጅም ጊዜ የሚቆይ/Chronic/ እስከ 2 ሳምንት አካባቢ የሚቆይ ሊሆን ይችላል;;
    ምልክቶች
    -ቁርጠት፣ ሆድ መነፋት 
    -ማቅለሽለሽ፣ ማስታወክ
    -ደም፣ሙከስ ወይም ያልተፈጨ ምግብ ከሰገራ ጋር መታየት 
    -ክብደት መቀነስ 
    -ትኩሳት
    ጠቃሚ ምክሮች 
    -በየቀኑ ከ8-10 ብርጭቆ ፈሳሽ መውሰድ 
    -እንደ ሾርባ ያሉ ፈሳሾችን መውሰድ
    -ቡና፣ኮላ፣አልኮል፣ቅባታማና ቅመም የበዛባቸውን ምግቦች ተቅማጡ እስከሚቆም አለመውሰድ 
    -ማግኔዥየም አብዝተው የያዙ ምግቦችን አለመመገብ 
    -ሙዝ መመገብ በሰውነታችን ውስጥ ለኢንፌክሽን ተጋላጭነትን ይቀንሳል::

    ምንጭ:- ጤናችን

    Read more
  • ምግብ ከተመገቡ በኋላ ማድረግ የሌለብዎትን ያውቃሉ?

                                                                   

     ገላዎን አይታጠቡ
    የተመገቡት ምግብ በሚገባ እንዲፈጭ የደም ዝውውር ወደ ጨጓራዎ እንዳያዘንብል ያስፈልጋል፡፡ ገላዎን በሚታጠቡበት ጊዜ የደም ዝውውሩ በአመዛኙ ወደ እግር እና እጅ ይሄዳል፡፡ይህም የምግብ መፈጨት ሂደትን ያዛባል፡፡ ምግብ ከተመገቡ በኋላ ቢያንስ ለ30 ደቂቃ መጠበቅ ይኖርብዎታል፡፡
     እንቅልፍ አይተኙ
    ከተመገቡ በኋላ እንቅልፍ ወዲያው መተኛት በጨጓራ ውስጥ ያሉትን ምግብ የሚፈጩ ኤንዛሚዎች ከጨጓራችን ወደ ምግብ ማስገቢያ ጉሮሮ እንዲመጡ ያደርጋል፡፡ ይህም የማቃጠል ስሜት እንዲሰማን ያደርጋል፡፡
     የእግር መንገድ አያድርጉ
    ምግብን ከተመገቡ በኋላ የእግር መንገድ ማድረግ የምግብ መፍጨት ሂደትን እንደሚያፋጥን የሚታሰብ ቢሆንም በምግብ መፈጨት ጊዜ ለሰውንት ጠቃሚ የሆኑትን ንጥረ ነገሮች እንዳይወስዱ ያደርጋል፡፡
     ሻይን አይጠጡ
    ሻይን መጠጣት የልብ ሕመምን ለመከላከል ጠቃሚነት እንዳለው ቢታወቅም ወዲያውኑ ከምግብ በኋላ መጠጣት አይረንና የተለያዩ ፕሮቲኖች በሰውነታችን እንዳይወሰዱ ያደርጋል፡፡
    ፍራፍሬዎችን አይመገቡ፡
    ከምግብ በኋላ ወዲያውኑ ፍራፍሬዎችን መመገብ በሚገባ እንዲፈጩ ስለማያደርግ ፍራፍሬዎችን 1 ሰዓት ከምግብ በፊት ወይንም 2 ሰዓት ከምግብ በኋላ ቆይቶ መመገብ ይቻላል፡፡
     ሲጋራን አያጢሱ
    ጥናቶች እንደሚያሳዩት ከምግብ በኋላ ሲጋራን ማጤስ ለካንስር ተጋላጭነትን በከፍተኛ ሁኔታ ይጨምራል፡፡ ከምግብ በኃላ ብቻ ሳይሆን ባጠቃላይ ሲጋራ ማጤስ ለጤናዎ ጎጂ ነው።
    ከዚህ በተጨማሪ ምግብን በሚመገቡ ጊዜ
    • በትክክል ተቀምጦ መመገብ
    • በዝግታ መመገብ
    • በሚገባ አላምጦ መመገብ
    • ከጥጋብ በላይ አለመመገብ ያስፈልጋል
    ከምግብ በኃላ ትንሽ ጊዜ ሰጥተው ቁጭ ብለው እረፍት ማድረግም ይችላሉ (መተኛትን አይጨምርም)፣ ቢያንስ ለሰላሳ ደቂቃ ከላይ የተጠቀሱትን ባያደርጉ ይመከራል።
    ምንጭ፦በዶ/ር ሆነሊያት ኤፍሬም 

    Read more
  • የቶንሲል ህመምን በቤት ውስጥ ለማከም

                                                                                    

    በጉሮሮ ግራና ቀኝ የሚገኙ ሁለት እጢዎች ሲሆኑ፥ የተለያዩ
    ባክቴሪያዎችና ቫይረሶች ወደ ሰውነታችን ዘልቀው እንዳይገቡ
    ይከላከላሉ።
    የሰውነታችን በሽታ የመከላከል አቅም የሚያሳድጉ ነጭ የደም
    ህዋሳትንም ያመርታሉ።
    እነዚህ እጢዎች ራሳቸው ሲመረዙ ቶንሲሊቲስ የተሰኘ በተለምዶ
    ቶንሲል ብለን የምንጠራው ህመም ይከሰታል።
    በባክቴሪያ አልያም ቫይረስ ኢንፌክሽን የሚ
    ከሰተው የቶንሲል
    ህመም፥ የቶንሲል እጢዎችን የማሳበጥና ጉሮሮን የመከርከምልክቶች
    አለው።
    ህመሙ አንዳንድ ጊዜም መተንፈስ አለማስቻልን ሊያስከትል ሁሉ
    ይችላል።
    ቶንሲል በየትኛውም የእድሜ ክልል የሚከሰት ስሆን፥ በህፃናት እና
    ታዳጊዎች ላይ ግን በጣም የተለመደ ነው።
    የቶንሲል ህመም ምልክቶች
    - የጉሮሮ ህመም፣
    - ምግብ የመዋጥ ችግር፣
    - የድምፅ ለውጥ፣
    - መጥፎ አተነፋፈስ፣
    - ትኩሳት፣
    - የጆሮ ህመም፣
    - ራስ ምታ
    ት፣ ወዘተ..
    የቶንሲል ህመምን የተለያዩ መድሃኒቶችን በመውሰድ መከላከል
    የሚቻል ሲሆን፥ ብዙ ጊዜ በቤት ውስጥ በሚዘጋጁ ነገሮች በቀላሉ
    ማከም እንደሚቻል ይታወቃል።
    ውሃ ውስጥ ጨው ጨምሮ አፍን መጉመጥመጥ፣ አፍ እና ጉሮሮን
    ከጎጂ ተህዋስያን ለማፅዳት እና በቶንሲል እጢዎች አካባቢ ሌላ
    ኢንፌክሽን እንዳይከሰት ያግዛል።
    የፍራፍሬ ጭማቂዎችን ከሶስት እስከ አምስት ቀናት መውሰድ በሽታ
    የመከላከል አቅምን በማሳደግ የትኛውንም መመረዝ (ኢንፌክሽን)
    ለመዋጋት ያግዛል።
    ከሚጎመዝዙና ቅመማ ቅመም ከበዛባቸው ምግቦችና መጠጦች ግን
    መራቅ ተገቢ ነው ተብሏል።
    የቶንሲል ህመምን በቤት ውስጥ ለማከም የሚረዱ ዘዴዎች
    1. ማር

     አንድ ብርጭቆ ውሃ ውስጥ አራት ማንኪያ ማር፣ ሩብ ማንኪያ ጨው
    እና የሎሚ ጭማቂ ጨምረን በማዋሃድ በቀን ከ2 እስከ 3 ጊዜ
    መጠጣት ጥሩ ወጤት ያስገኛል።
    2. በርበሬ እና እርድ
    አንድ ብርጭቆ የፈላ ወተት ላይ የእርድ ብናኝ እና ጥቂት በርበሬ
    ጨምሮ በማዋሃድ ከመኝታ በፊት መጠጣት ህመሙን ያስታግሳል።
    3. ካሮት፣ ቀይ ስር እና ኩከምበር
    300 ግራም ካሮት፣ 100 ግራም ቀይ ስር እና 100 ግራም ኩከምበር
    በአንድ ላይ በመፍጨት ጭማቂ በማዘጋጀት መጠቀምም ሌላኛው
    ለህመሙ መፍትሄ ነው ተብሎ የተጠቀሰ ነው።
    4. ሎሚ
    አንድ ሎሚ ለሁለት በመክፈል ጨው መነስነስ፤ ከዚያም በመ
    ጭመቅ
    መጠጣትም ጥሩ መፍትሄ ያስገኛል ተብሏል።
    5. በረዶ
    ብዙዎቻችን በረዶ እንዴት የቶንሲል ህመምን ለመቅረፍ ይረዳል
    የሚለው ጉዳይ ሊያስገርመን ይችላል።
    ነገር ግን በረዶ ችግሩን በማስወገድ ረገድ ውጤታማ መሆኑ ነው
    የሚነገረው።
    የተወሰኑ የበረዶ ጡቦችን በጨርቅ ጠቅልሎ ወደ ቶንሲል እጢዎች
    በመላክ ከ10 እስከ 15 ደቂቃ መቆየት፤ ይህንኑ በቀን ለአራት ጊዜ
    ማከናወን ህመሙን በአጭር ጊዜ ለማስወገድ ይረዳል።
    6. ዝንጅብል
    ዝንጅብል ጨምቀን ሞቅ ካለ ውሃ ጋር ማዋሃድ (ካስፈለገም አንድ
    ማንኪያ ማር መጨመር ይቻላ
    ል)፤ ከዚያም በቀን ለአንድ ወይም ሁለት
    ጊዜ መጉመጥመጥ።
    ዝንጅብልን ሻይ ውስጥ ጨምሮ መጠጣትም ሌላኛው አማራጭ ነው።
    7. ቀይ ሽንኩርት
    ቀይ ሽንኩርት በመፍጨትና ከሞቀ ውሃ ጋር በማዋሃድ አፍን
    መጉመጥመጥ ህመሙን ለማስታገስ እንደሚያግዝም ተነግሯል።
    በአጠቃላይ ከላይ የተጠቀሱትን ዘዴዎች በመጠቀም ህመሙ
    ሊታገስልን ካል
    ቻለ ወደ ህክምና ተቋማት በመሄድ አስፈላጊውን
    ምርመራ ማድረግ ተገቢ ነው።

    ምንጭ:- ጤናችን

     

    Read more
  • ሄፖታይተስ ቢ

                                                     

    ሄፖታይተስ ምንድን ነው?
    ሄፖታይተስ ማለት ከጉበት መቆጣት ጋር የተያያዘ የጉበት ጉዳት ማለት ሲሆን ፤ይህ የጉበት መቆጣት በሁለት ይከፈላል፡፡ የመጀመሪያው ድንገተኛ ሄፖታይተስ (Acute) ይባላል፡፡ሁለተኛው ደግሞ ስር የሰደደ የቆየ የጉበት መቆጣት (Chronic) ሲባል የህመሙ ምልክቶች ስድስት ወርና ከእዚያ በላይ ሲቆይ የሚከሰቱ ናቸው፡፡ የመጀመሪያው ድንገተኛው ሄፖታይተስ በቀናት ውስጥ ይጀምርና በሁለት ወይም በሦስት ወራት በዛ ከተባለ በስድስት ወር ውስጥ ህመምተኛው ከበሽታው ያገግማል፡፡

    የሄፖታይተስ መንስዔዎች በሁለት ይከፈላሉ። ተላላፊ (ከኢንፊክሽን) ጋር የተያያዙ እና ከኢንፌክሽን ጋር ያልተያያዙ ናቸው፡፡ በአብዛኛው በሽታው የሚከሰተው ግን ከኢንፊክሽን ጋር በተያያዘው
    መንስዔ ነው፡፡ ከኢንፊክሽን ጋር በተያያዘ ለሚመጣው በሽታ መንስዔ ከሚሆኑት ውስጥ ከፍተኛ መጠን ያለው የአልኮል መጠጥ፣መድሐኒቶች፣ የኢንዱስትሪ ኬሚካሎች፣መርዛማ ነገሮች ይጠቀሳሉ፡፡አልፎ አልፎ የሰውነታችን የውስጥ መከላከያ (ኢሚዩኒቲ) ሲዛባ የእራሳችን የበሽታ መከላከያ ጉበታችንን ይጎዳውና «አውቶ ኢሚዩን» ሄፖታይተስ የተባለውን የጉበት መቆጣት ሊያስከትል ይችላል፡፡ በሌላ በኩል ደግሞ ምንም መንስኤው የማይታወቅ
    የጉበት መቆጣት ሊከሰት ይችላል፡፡ ይህም «ክሪብቶጄኒክ» ሄፖታይተስ ይባላል፡፡

    ሄፖታይተስ ቢ ምንድነው?
    አብዛኛው ሄፖታይተስ የሚከሰተው በአምስት ዋና ዋና የጉበት ቫይረሶች ማለትም ሄፖታይተስ ኤ፣ቤ፣ሲ፣ዲ እና ኢ ተብለው በሚጠሩ የቫይረስ ዓይነቶች ሲሆን፤የእያንዳንዳቸው ባህሪና ምንነት የሚታወቀው በውስጣቸው ባለው ጄኔቲክ ማቴርያል ነው፡፡እነዚህ ቫይረሶች በሽታን የሚያመጡበት መንገድ ይለያያል፡፡ ሄፖታይተስ ኤ(A) እና ኢ(E) ከንጽህና ጉድለት ጋር በተያያዘ በተበከለ ውሃና ምግብ አማካኝነት የሚተላለፉ ሲሆን፤ ሄፖታይተስ ቢ፣ሲ እና ዲ
    ልክ እንደ ኤች አይ ቪ ቫይረስ ከደምና ከደም ጋር በተያያዙ መንገዶች የሚተላለፉ ናቸው፡፡እነዚህ ቫይረሶች የሚራቡት ጉበት ውስጥ ሲሆን ፤ከተራቡ በኋላ ወደ ደም ዝውውራችን ይገባሉ። በእዚህ ጊዜ ሰውነታችን ቫይረሱን ለመዋጋት ፀረ ህዋስ (አንቲ ቦዲ) ያመርታል፡፡ሄፖታይተስ ኤ፣ ሲ፣ ዲ እና ኢ በተዘዋዋሪ መልኩ በምርመራ የሚገኙ ሲሆን ፤ እነዚህ ፀረ ህዋሶች በደማችን ውስጥ በምርመራ በመለየት የትኛው ቫይረስ እንደያዘን ለማወቅ ይቻላል፡፡ ሄፖታይተስ ቢ ከሌሎች ለየት የሚለው የቫይረሱን አካል (አንቲጅን) በምርመራ
    ከደም ውስጥ በመለየት ቫይረሱ እንዳለብን በቀጥታ ማወቅ ይቻላል፡፡ በቫይረሱ ሽፋን ላይ ያለው አንቲጅን (ሄፖታይተስ ቢ ሰርፊስ አንቲጅን) በደም ውስጥ ከተገኘ ቫይረሱ እንዳለብን ያሳያል፡፡ ከቫይረሱ ውስጠኛው ክፍል የሚመነጭ አንቲጅን (ሄፖታይተስ ቢ ኢአንቲጅን) በምርመራ ከተገኘ በደም ውስጥ ያለውን የመራባት መጠንና የማስተላለፍ አቅሙን ከፍተኛነት ያሳያል፡፡
    የቫይረሱ መጠን በላቦራቶሪ በደም ውስጥ በዝቶ በአንድ ሲሲ ከአሥር ሚሊዮን እስከ መቶ ሚሊዮን ከተገኘ የህመሙን ደረጃ ከፍተኛነት ያሳያል፡፡ አምስቱም የጉበት ቫይረሶች ድንገተኛ የጉበት መቆጣት ሲያመጡ ተመሳሳይ ምልክቶችን ያሳያሉ፡፡ ሄፖታይተስ ኤ እና ኢ ድንገተኛ የጉበት መቆጣት ያስከትሉና ጉበታችን በራሱ ጊዜ አገግሞ ሰውነታችንም ቫይረሶቹን ሙሉ በሙሉ ያስወግዳል። ስለዚህም በደም ውስጥ አይቆዩም፡፡ ሄፖታይተስ ቢ፣ ሲ እና ዲ ደግሞ ምንም ምልክት ሳያሳዩ በደም ውስጥ ለረዥም ጊዜ በመቀመጥ እየተራቡ ሄደው ስር የሰደደ የጉበት መቆጣት መንስኤዎች ሊሆኑ ይችላሉ፡፡ ከፍተኛ ደረጃ የደረሰ የጉበት በሽታና ካንሰርንም ሊያመጡ ይችላሉ፡፡ከአምስቱ ቫይረሶች ሄፖታይተስ ዲ ስንኩል በመሆኑ ለብቻው ሰውን የማጥቃት አቅም የለውም፡፡ ሰውን የሚያጠቃው ከሄፖታይተስ ቢ ጋር በመዳበል ወይም ሄፖታይተስ ቢ
    የተያዘን ሰው ነው፡፡ ሁለቱ አብረው ሲከሰቱ የሚያስከትሉት ጉዳትም የከፋ ነው፡፡ሄፖታይተስ ቢ በአገሪቱ በከፍተኛ የጉበት በሽታና የጉበት ካንሰር መነሻነት በዋነኛነት የሚጠቀስ ቫይረስ ሲሆን ፤ከኤ እስከ ኤች የሚደርሱ ዝርያዎች (ጅኖታይፕስ) አሉት፡፡እነዚህ ዝርያዎች በተለያዩ የዓለማችን ክፍል የሚገኙ ሲሆኑ፤ የሚያስከትሉት የህመም መጠን አንዱ ከሌለው ይለያያል፡፡ አንዳንዶቹ በህክምና ቶሎ ሲድኑ አንዳንዶቹ ግን አይድኑም። በእዚህም ምክንያት ሄፖታይተስ ቢን ለህክምና አስቸጋሪ ያደርገዋል።

    በሽታው ከሰው ወደ ሰው የመተላለፊያ መንገዶች
    በሽታው የሚተላለፈው በቫይረሱ በተበከለ ደም፣ ልቅ የሆነ የግብረ ስጋ ግንኙነት፣የተበከሉ መርፌዎችና ስለታም ነገሮችን በጋራ በመጠቀም፣ በወሊድ ጊዜ ከእናት ወደ ልጅ በመሳሰሉት መንገዶች ከሰው ወደ ሰው ይተላለፋል።ቫይረሱ በበሽታው በከፍተኛ ደረጃ በተጠቁ ሰዎች ውስጥ መጠኑ ይለያይ እንጂ በማንኛውም ፈሳሽ የሚገኝ በመሆኑ በቀላሉ ከሰው ወደ ሰው እንዲተላለፍ ያስችለዋል፡ የሄፖታይተስ ቫይረስ ወደ ሰውነታችን ለመግባት ቀዳዳ ይፈልጋል፡፡ ምንም ጉዳት የሌለው ጤነኛ ቆዳ ውስጥ አልፎ አይገባም፡፡ ነገር ግን የዓይናችን የውስጠኛው ሽፋን ያለምንም ችግር ሊያስተላልፈው ስለሚችል ቫይረሱም ያለበት ፈሳሽ ዓይናችን ውስጥ ቢረጭ በበሽታው ለመያዝ መንገድ ይሆናል፡፡ ስለዚህ በቫይረሱ የተጠቁ ሕሙማንን የሚያስታምሙ የቤተሰብ አባላት የተላጠ ወይንም የተሰነጠቀ ማንኛውም ቁስል እጃቸው
    ላይ ካለ በፕላስተር መሸፈን አለባቸው፡፡ማንኛውም ከሰውነት የሚወጣ ፈሳሽ (ላብንና ዕንባንም ጨምሮ) በጥንቃቄ መያዝና መወገድ አለበት፡፡ ቫይረሱ ወደ ሰውነታችን ሲገባ ከዘጠና እስከ ዘጠና አምስት ከመቶ የሚሆኑ ሰዎች ላይ የሰውነታችን መከላከያ ኃይል ቫይረሱን ሙሉ ለሙሉ አስወግዶ ቋሚ መከላከያ ይፈጥራል፡፡ ቫይረሱን ይዘው የሚቀሩት ከአንድ እስከ አምስት ከመቶ የሚሆኑ ሕመምተኞች ብቻ ናቸው፡፡ ቫይረሱ ካለባቸው ጥቂቶቹ ስር የሰደደ የጉበት መቆጣት ሲይዛቸው አብዛኞቹ ምንም ምልክት አያሳዩም፡፡ በአጠቃላይ ቫይረሱ በደማቸው ውስጥ ካለባቸው ሰዎች ውስጥ ሃያ ከመቶ የሚሆኑት ብቻ ከፍተኛ የጉበት በሽታ (ክሮኒክ ሊቨርዲዚዝ) ይይዛቸዋል። ከእነዚህ ውስጥ እጅግ በጣም ጥቂቶቹ ከዓመታት በኋላ የጉበት ካንሰር ሊይዛቸው ይችላል፡፡የሲዲሲ (የተላላፊ በሽታዎች ማዕከል) ጥናት እንደ ሚያሳየው ኢንፌክሽኑ በብዛት የሚታየው ከሃያ እስከ አርባ ዓመት ባለው የዕድሜ ክልል ውስጥ ባሉ ሰዎች ሲሆን ሕፃናት
    ላይ እንብዛም አይገኝም፡፡ ከአርባ ዓመት ዕድሜ በላይ ባሉ ሰዎች የበሽታው መጠን የመቀነስ አዝማሚያ ያሳያል፡፡ቫይረሱ ወደ ሰውነት በሚገባበት ወቅት ድንገተኛ የጉበት መቆጣት የሚያሳየው ምልክት የምግብ ፍላጎት መቀነስ፣ ማቅለሽለሽ፣ የሰውነት መቀነስ፣ ዐይን ቢጫ መሆን፣ በቀኝ
    በኩል የላይኛው የሆድ ክፍል የህመም ስሜት የሚሰማ ሲሆን፤ ህመምተኛው ህክምና ከወሰደ በሦስት ወር ውስጥ ያገግማል፡፡ ስድስት ወር ከሞላው ግን ስር ወደ ሰደደ የጉበት በሽታ ይቀየራል፡፡

    ሕክምናው
    ለድንገተኛ የጉበት መቆጣት ምንም የሚሰጠው መድኃኒት የለም፡፡ ህመምተኛውም ከፍተኛ ካሎሪ ያላቸው ምግቦችን እንዲመገብና መልቲ ቫይታሚኖችን በመጠቀም ከበሽታው ለማገግም ይችላል፡፡ቫይረሱ በደሙ ውስጥ ያለበት አንድ ሰው ስለመድኃኒቱ ከመጨነቅ ይልቅ ጉብቱ ላይ ጉዳት ከሚያደርሱ ነገሮች ራሱን እየጠበቀ (እንደ አልኮል ያለ፣ ሐኪም ትዕዛዝ የሚወሰድ መድኃኒት፣ ያበሻ መድሀኒት) በተወሰነ ጊዜ ርቀት ቋሚ የህክምና ክትትል ቢያደርግ ይመከራል፡፡

    ምንጭ:- ጤናችን

    Read more
  • በሰውነታችን ውስጥ ቀይ የደም ህዋስ መጠን ዝቅተኛ መሆኑን የሚያሳዩ ምልክቶችና መደረግ ያለባቸው ጥንቃቄዎች

                                                                

    ሰዎች በደማቸው ውስጥ የቀይ ደም ህዋሳት መጠን ዝቅተኛ በሚሆንበት ጊዜ ሰውነታቸው በቂ ኦክሲጅን ለማግኘት ከመጠን በላይ ለመስራት ይገደዳል።

    ይህ ደግሞ የሰውነት ድርቀትን ያስከትላል።

    የቀይ የደም ህዋሳት መጠን ዝቅጠተኛ መሆን ለተለያዩ ችግሮች የሚዳርግ ሲሆን የሚያሳያቸው ምልክቶች አሉ።

    ሰዎች ቀይ የደም ህዋሳቸው እንዲጨምር አመጋገብን ከማስተካከል አልፎ ሌሎችንም ተግባራት ሊያከናውኑ ይችላሉ፤ ሆኖም ምልክቶች ካልተወገዱ ሃኪምን ማማከር ይኖርባቸዋል።

    ቀይ የደም ህዋሳት በሰዎች ደም ውስጥ በጣም አስፈላጊ ህዋሶች ሲሆኑ፥ በኦክሲጅንን በሰውነት ውስጥ የሚያጓጉዘውን ሄሞግሎቢንን ይዘዋል።

    ሄሞግሎቢን ለደም ቀለም መለያየትም ወሳኝ ሚና አለው።

    ቀይ የደም ህዋሳት በሰውነት ውስጥ ለ115 ቀናት የሚዘወሩ ሲሆን፥ ከዚያ በኋላ ወደ ጉበት በመግባት ተበታትነው በውስጣቸው ያለው ንጥረነገር ተጠራቅሞ እንደገና ወደ ህዋስነት ይመለሳሉ።

    እነዚህ ህዋሳት በዘላቂነት የሚመረቱት ከአጥንት መቅኔ(bone marrow) በመሆኑ፥ ሰውነታችን በቂ ንጥረ ምግብ ካላገኘ የቀይ ደም ህዋሳት መጠን ዝቅተኛ የመሆን እና የመጥፋት ችግር ያጋጥማል።

    - ደም ማነስ፣ ከፍተኛ ድካም፣ የሰውነት መዛል፣ የትንፋሽ እጥረት እና የልብ ምት መዛባት የቀይ ደም ህዋስ መጠን በደማችን ውስጥ ዝቅተኛ ሲሆን ከሚታዩ ምልክቶች ዋናዎቹ ናቸው።

    በወንዶች ሰውነት ውስጥ መገኘት አለበት ተብሎ የሚገመተው መደበኛ ቀይ የደም ህዋሳት መጠን፥ በማክይሮ ሊትር ከ4 ነጥብ 7 እስከ 6 ነጥብ 1 ሚየሊን ህዋሶች ሲኖሩ ነው።

    ለሴቶች ደግሞ ከ4 ነጥብ 2 እስከ 5 ነጥብ 4 ሚሊየን ይደርሳሉ ተብሎ ይገመታል።

    የህፃናት ደግሞ ከ4 እስከ 5 ነጥብ 5 ሚሊየን ቀይ የደም ህዋሳት እንደሚደርሱ ተነግሯል።

    ይህ የደም ህዋሳቱ መጠን እንደየሰው ሊለያይ ይችላል ነው የተባለው።

    በቤተሙከራ የደም ህዋስ ልኬት መሰረትም ከተቀመጠው መጠን ያነሰ ህዋስ ያላቸው ሰዎች ለከፋ የጤና ችግር ተጋላጭ መሆናቸውን ያመላክታል።

    ለቀይ የደም ህዋስ መጠን መቀነስ ምክንያት ሊሆኑ ከሚችሉ አጋጣሚዎች መካከል ከፍተኛ የደም መፍሰስ፣ በቂ ንጥረ ምግብ አለመጠቀም፣ የኩላሊት ህመም፣ የአጥንት መቅኔ እጥረት፣ እርግዝና እና የሰውነት ድርቀት ይጠቀሳሉ።

    በመሆኑም ቀይ የደም ህዋሳትን ለመጨመር በውስጣቸው አይረን የሚገኝባቸውን እንደ
    አሳ፣ ስፒናች፣ ባቄላ፣ ስጋ፣ ምስር፣ የዶሮ ጉበት፣ ቦለቄ እና ሌሎችን የእህልና የስጋ ተዋፅኦዎች መመገብ ይገባል።

    በቫይታሚን ቢ-12 የበለፀጉትን ቀይ ስጋ፣ ወተት፣ አይብ፣ አሳ እና መሰል ምግቦችን መጠቀም የቀይ የደም ህዋሳትን መጠን እንዳይቀንስ ያደርጋሉ።

    በቫይታሚን ቢ-9፣ ሲ፣ ኤ የበለፀጉ ፍራፍሬዎችን እና የአትክልት ምግቦችን መውሰድም ጠቃሚ መሆኑ ተነግሯል።

    የአልኮል መጠንን መቀነስ እና የአካል ብቃት እንቅስቃሴ መስራት ለቀይ የደም ህዋሳት በሰውነታችን ውስጥ በበቂ ሁኔታ መገኘት አስተዋፅጽኦ አላቸው።

    በአመጋገብ እና በሌሎች በራስ አቅም በሚሰሩ ተግባራት የማይስተካከል የቀይ የደም ህዋስ መጠን ማነስ ችግር በሚኖርበት ጊዜ የከፋ የጤና ቀውስ ከመፈጠሩ በፊት ሃኪሞችን ማማከር ይገባል ።

    ምንጭ:- ጤናችን

    Read more
  • ደም ማነስ መከሰቱን ማሳያ ምልክቶች

                                                                         
    በርካቶች ከደም ማነስ ይልቅ ስለ ደም ግፊት እና ደም ብዛት ማውራት ይቀናቸዋል።

    ይሁን እንጅ ደም ማነስም ከደም ብዛት ያልተናነስ ከፍተኛ ጉዳት ያስከትላል።

    አንዳንድ ጊዜ ለረጅም ጊዜ ተቀምጠው ቆይተው ሲነሱ አልያም ተመግበው ከመቀመጫዎ ሲነሱና ረዘም ላለ ጊዜ ሲቆሙ የማዞር አጋጣሚ ይከሰታል።

    መሰል አጋጣሚዎች ደግሞ ከደም ማነስ ጋር የተያያዙ ሊሆኑ እንደሚችሉ ባለሙያዎች ይናገራሉ።

    የህክምና ባለሙያዎችም ሰዎች ለደም ግፊት የሚሰጡትን ትኩረት ያክል ለደም ማነስም ሊሰጡ እንደሚገባ ይመክራሉ።

    እነዚህ ደግሞ የደም ማነስ መከሰቱን ማሳያ ምልክቶች ናቸው፤

    የመፍዘዝና በአግባቡ ማስተዋል አለመቻል፦ ይህ ምልክት ከቀላል ራስ ምታት ጋር ከተከሰተ የደም ማነስ ችግር ሊሆን ይችላል።

    የደም ማነስ ሲከሰት ወደ አዕምሮ የሚፈሰው የደም መጠን እንዲቀንስ ያደርጋል፥ ይህ ደግሞ ወደ አዕምሮ የሚሄደውን የኦክስጅን መጠን በማሳነስ የመፍዘዝ ስሜትና በአግባቡ እንዳያስተውሉ ያደርጋል።

    ይህ አጋጣሚ በአብዛኛው ማለዳ ከእንቅልፍዎ እንደነቁ ከአልጋ ላይ ፈጥነው ሊወርዱ ሲሞክሩ ሊስተዋል ይችላል።

    ከፍተኛ ድካም፦ ደም ማነስ ሃይልዎን በማሳጣት ለከፍተኛ ድካም ይዳርጋል፤ በሰውነት ውስጥ የሚኖር የደም ዝውውር ዑደት ሃይልና እና አቅም ላይ የራሱ ተፅዕኖ አለው።

    በዚህ ችግር ከተጠቁ ተኝተውም ሊደክምዎት ይችላልና መሰል ሁኔታ ሲከሰትብዎት ወደ ሃኪም ቤት ቢያቀኑ መልካም ነው።

    ፈጣን የልብ ምት፦ ይህም ደም ማነስ መከሰቱን ማሳያ አንደኛው ምልክት መሆኑን ነው ባለሙያዎች የሚናገሩት።

    ወደ ልብ ዝቅተኛ የሆነ የደም ፍሰት ካለ ከወትሮው በተለየ ሁኔታ እንዲኮማተር ያደርገዋል፤ ይህን መሰሉ የደም እጥረት ሲከሰት ደግሞ ባልተለመደ መልኩ ፈጣን የልብ ምት እንዲከሰት ያደርገዋል።

    ይህም ፈጣን አተነፋፈስ እንዲኖር በማድረግ ምናልባትም ያልተለመደ የሰውነት ሙቀት መቀያየር እንዲኖር ሊያደርግም ይችላል።

    ከልብ ጋር የተያያዘ ነገር በሙሉ አደጋው የከፋ ሊሆን ስለሚችል፥ መሰል አጋጣሚ ሲከሰት በተቻለ መጠን ወደ ህክምና ተቋም ማምራት ተገቢ ይሆናል።

    የእጅ መዳፍና ቆዳ መርጠብና መቀዝቀዝ፦ ከአካል ብቃት እንቅስቃሴ ውጭ መሰል አጋጣሚ ከተከሰተ በደም ማነስ መጠቃትዎን ማሳያ ሊሆን ይችላል።

    ሁኔታው በተለይም ከፈጣን የልብ ምት እና ጥልቅ አተነፋፈስ ጋር ጋር ከተዋሃደ ደግሞ መታየት ይኖርብዎታል።

    ትኩረት ማጣት፦ በሚያስተውሉ ጊዜ ትኩረት የሚያጡ ከሆነ ደም ማነስ ተከስቶ ሊሆን ይችላልና መታየቱ አይከፋም።

    በሰውነት ውስጥ ከተከሰተው የደም ማነስ ጋር ተያይዞ አዕምሮ በቂ የደም መጠን አይደርሰውም፤ ይህ ደግሞ በአዕምሮ ውስጥ የሚገኙ ህዋሳትን ኦክስጅን በማሳጣት ስራቸውን በአግባቡ እንዳይሰሩ ያደርጋቸዋል።

    በዚህ ጊዜም በአግባቡ ማስተዋልና መመልከት አለመቻል ስራን በትክክል አለመከወን ይከሰታል፥ መሰል ሁኔታዎች ሲከሰቱም ሃኪምን ማማከርና መታየቱ የተሻለ መሆኑን ባለሙያዎች ያነሳሉ።

    እንግዳ የሆነ የውሃ ጥም ስሜት፦ ከወትሮው በተለየ መልኩ ሰውነት ፈሳሽ ያጠረው ያክል አሁንም አሁንም ውሃ የመጥማት ስሜትም ሌላው የዚህ ችግር ማሳያ ተደርጎ ይወሰዳል።

    ይህ ስሜት ሰውነትዎ በርካታ መጠን ያለው ፈሳሽ ወደ ደም ውስጥ እንዲገባ መፈለጉን ማሳያና ደም ማነሱን ማመላከቻም ነው።

    የተጋረደ እይታ አንድን ነገር በትክክል ማስተዋልና መመልከት አለመቻልና ሲመለከቱ የተጋረደ ነገር ከተመለከቱ ይህም ምልክቱ ነውና መጠንቀቁ አይከፋም።

    በሰውነት ውስጥ የደም ማነስና ያንን ተከትሎ የሚመጣው የኦክስጅን እጥረት አይን ትክክለኛውን ስራ በአግባቡ እንዳይሰራ ያደርገዋል፥ በዚህም የተጋረደ እይታና ብዥታ ይከሰታል።

    ከዚህ ባለፈም ማስመለስ፣ ድብርትና መጫጫን፣ መፍዘዝ፣ ራስ ምታት፣ የአንገት አካባቢ እንደልብ አለመታዘ፣ ከበድ ያለ ሳል፣ በጀርባ የላይኛው ክፍል ላይ የሚሰማ ህመምና የስርዓተ ምግብ አለመፈጨትም የዚህ ምልክት ሊሆኑ ይችላሉ።

    ማለዳ እንደነቁ በፍጥነት ከአልጋ ወርዶ ለመቆም አለመሞከር፣ ውሃ በብዛት መጠጣት፣ ሲቀመጡ እግርን አለማጠላለፍ፣ በቫይታሚን ቢ12 እና ፎሊክ አሲድ የበለጸጉ ምግቦችን ማዘውተር፣ የአካል ብቃት እንቅስቃሴ፣ በቂ እረፍትና መኝታ፣ ሲጋራና አልኮል ማስወገድ፣ ጥራጥሬ፣ አትክልትና ፍራፍሬን በብዛት መመገብ ደግሞ ለዚህ መፍትሄዎች ናቸው።

    ምንጭ:- ጤናችን

    Read more
  • የጡት ካንሰርን በቀላሉ ለመለየት

                                                                              

    በዩናይትድ ስቴትስ ከ37 ሴቶች መካከል አንዷ በጡት ካንሰር በሽታ ህይወቷ እንደሚያልፍ ጥናቶች ያሳያሉ።

    የአሜሪካ የካንሰር ማህበር እንደሚለው 2017 ብቻ በአገሪቱ 40 ሺህ ሴቶች በካንሰር ህመም ህይወታቸው ያልፋል።

    ባለሙያዎች እንደሚሉት፥ ብዙ ሴቶች ምንም ዓይነት የበሽታው ምልክት ሳይታይባቸው የጡት ካንሰር ህክምናን የሚከታተሉ ሴቶች ብዙ ናቸው።

    ይሁን እንጂ የማያቋርጥ ሕመም እና መድረቅን የመሰሉ የተወሰኑ የህመም ምልክቶች ይታያሉ።

    ባለሙያዎች ሴቶች ሁል ጊዜ መደበኛ የሆነውን የጡታቸውን ጤንነት ካልተለመደው በመለየት ጥንቃቄ ማድረግ አለባቸው ሲሉ ይመክራሉ።

    ያልተለመዱ የጡት ጤንነት ገፅታዎች የሆኑ የካንሰር ህመም ምልክቶች ናቸው ያሏቸውንም ይዘረዝራሉ፦

     የጡት ቆዳ ያልተለመደ ቀለም ሲይዝ፣

     እንግዳ በሆነ መልኩ ከጡት ጫፍ ፈሳሽ ወይም ደም ሲወጣ ወደ ህክምና መሄድ አስፈላጊ መሆኑንም ተጠቁሟል። ይሁን እንጂ ከጡት ጫፎች የሚወጣው ደም አስቀድሞ የካንሰርን ምልክት ነው ብሎ መደምደም አይቻልም ነው የተባለው። 

     የቆዳ መቅላት እና የጡት ማተኮስ የካንሰር ምልክቶች ናቸው ተብሏል።

     በጡት ላይ የሚታይ ህመምም ቀላል የካንሰር ምልክት መሆኑን የካንሰር ህክምና ባለሙያዎቹ ጠቁሞዋል። 

    ባለሙያዎች ታካሚዎች እንደነዚህ ዓይነት ምልክቶች ሲታዩባቸው አስቀድመው ካልታከሙ የአጥንት ህመም እና ካንሰሩ አስቀድሞ ከተሰራጨም የአጥንት መሳሳት ሊያጋጥማቸው እንደሚችል ያስጠነቅቃሉ። 

    ስለዚህ በጡት አከባቢ ከላይ የተዘረዘሩት ዓይነት ምልክቶች ሲታዩ ተሎ ወደ ህክምና በመሄድ ባለ ሙያን ማማከር እና አስፈላጊውን ምርመራ ማካሄድ እንደሚገባ ተጠቁሟል።

    ምንጭ:- ኤፍ ቢ ሲ(FBC)

    Read more
  • ደም ግፊትን በ5 ደቂቃ ውስጥ እንዲወርድ ማድረግ

                                                             

    ደም ግፊት በተለያዩ መንገዶች ሊከሰት የሚችል ሲሆን፥ ለምሳሌም ጨው አብዝቶ መጠቀም፣ አነስተኛ የፕሮቲን መጠን ያላቸው ምግቦችን በመመገብ እንዲሁም በቂ የአካል እንቅስቃሴ ካለማድረግ ጋር ተያይዞ ሊከሰት ይችላል።

    አንዴ በደም ግፊት ከተያዝንም ወደ ነበረበት ለመመለስ ለረጅም ጊዜ መድሃኒት መውሰድ ወይም ከብዙ አይነት ምግቦች ራሳችንን እንድናገል ያደርገናል።

    ለዚህ ይረዳ ዘንድም በቻይናዎች ዘንድ ለዘመናት ሲጠቀሙበት የነበረው እና በተመራማሪዎች ተጠንቶ የደም ግፊታችን ሲጨምር በ5 ደቂቃ ውስጥ ወደ ነበረበት ለማውረግ የሚረዳንን መንገድ እናካፍሎ።

    በምንጨናነቅበት ወቅት የሰውነታችን ጡንቻ በመቆጣት የደም ቧንቧችን እንዲጠብ በማድረግ ደም እንደልቡ እንዳይዘዋወር ያደርጋል ይህም የደም ግፊታችን መጠን ከፍ እንዲል ስለሚያደርግ ጭንቀትን ማሰወገድ አለብን።

    የድም ግፊት ሲያጋጥመን አንገታችንን በሁሉም አቅጣጫ አስር ጊዜ ቀስ እዩልን ወደ ላይ እና ወደታች በማሸት የድም ግፊት መጠንን መቀነስ ይቻላል ተብሏል።

    ከአንገታችን ዝቅ ብሎ ያለ ቦታን / collarbone/ የሚባለውን አካባቢ ቢያንስ ለአንድ ደቂቃ ያክል በሁለቱም አቅጣጫ በማሻሸት ወይም በመታሸት የደም ግፊታችንን እንዲወርድ እና ወደ ነበረበት ቦታ እንዲመነለስ ማድረግ እንችላለን።

    ምንጭ:- ጤናችን

    Read more
  • የእግር እብጠት አለብዎ?

                                                

    የእግር እብጠት ማንኛውንም ሰው ሊያጋጥም የሚችል የተለመደ ችግር ነው፡፡ ይህ ችግር በራሱ በሽታ አይደለም ነገር ግን ሌሎች ውስጣዊ ችግሮች እንዳሉ የሚያሳይ ምልክት እንጂ፡፡ ይህ ችግር የሚጀምረው ፈሳሽ በሰውነታችን የተለያዩ ክፍሎች በሚከማችበት ጊዜ ሲሆን እብጠት እንዲፈጠር ያደርጋል ይህ እብጠት በህክምና ቋንቋ ኢዴማ(Edema) ይባላል፡፡

    ይህ ችግር የሚያጋጥመን በተለያዩ ምክንያቶች ነው ከነዚህም መካከል፦ ከመጠን ያለፈ የሰውነት ክብደት፣ ለረጂም ጊዜ መቆም ወይም መቀመጥ፣ እድሜ፣ እርግዝና፣ የተመጣጠነ ምግብ እጥረት፣ ስፖርታዊ እንቅስቃሴ አለማድረግ እና ደካማ የደም ዝውውር ናቸው፡፡
    የስኳር በሽታ፣ የልብ ችግር፣ የኩላሊት ወይም ጉበት በሽታ ያለባቸው ሰዎች እና ነፍሰ ጡር/እርጉዝ ሴቶች ለዚህ ችግር በይበልጥ የተጋለጡ ናቸው፡፡ ከዚህ በታች የተዘረዘሩት የእግር እብጠትን ለመቀነስ ይረዳሉና ይተቀሙባቸው፦
    1. የውሃ ፈውስ/Hydrotherapy
    ይህ አይነቱ የውሃ ህክምና ቀዝቃዛና ሙቅ ውሃን የሚያካትት ሲሆን በእግርዎ ላይ ያለውን እብጠት በመቀነስ ስኬታማ ነው፡፡ ሙቅ ውሃው የደም ዝውውር እንዲጨምር ሲረዳ ቀዝቃዛ ውሃ ደግሞ እብጠትና መቅላት እንዲቀንስ ይረዳል፡፡
    • በሁለት እቃዎች፦ በአንዱ ቀዝቃዛ ውሃ በሌላኛው ደግሞ ሙቅ ውሃ ይሙሉት፡፡
    • እግርዎን ከ3-4 ደቂቃ በሙቅ ውሃ ውስጥ ይንከሩት
    • በፍጥነት እግርዎን ቀዝቃዛ ውሃ ውስጥ ለ1 ደቂቃ ይንከሩት፡፡
    • ይህን ሂደት በማቀያየር ከ15-20 ደቂቃ ይደጋግሙት
    • እስኪሻልዎት በቀን ለጥቂት ጊዜ ይደጋግሙት
    2. መታሸት/Massage
    እግርን መታሸት(ማሳጅ) ለእግር እብጠት በጣም ፍቱን ከሆኑት ዘዴዎች አንዱ ነው፡፡ በተጎዳው አካባቢ ግፊት በመፍጠር የተጎዱ ጡንቻዎች ዘና እንዲሉ በማድረግ እና የደም ዝውውር እንዲጨምር ያደርጋል፡፡ ትርፍ ፈሳሾች እንዲወገዱ የሚደረገውን ሂደት ያበረታታል፡፡
    • እግርዎን ትንሽ ሞቅ ያለ የኦሊቭ ዘይት ይቀቡት
    • ለ 5 ደቂቃ በቀስታ ወደ ላይ አቅጣጫ ይሹት(ወደ ታች አቅጣጫ መታሸት የለበትም)፡፡ በጣም ተጭነው እንዳያሹት ይጠንቀቁ፡፡
    • በቀን ለብዙ ጊዜ ይህን ያድርጉት
    ሻወር እየወሰዱ ወይም ከሻወር በኋላ ቢያሹት በጣም ውጤታማ ይሆናል፡፡ እብጠቱ በእርግዝና ምክንያት የተከሰተ ከሆነ ሃኪምዎን ያማክሩ፡፡
    3. ጨው
    ጨው በፍጥነት እብጠትን የመቀነስ እና ህመምን የማስታገስ ባህሪ አለው፡፡ በጨው ውስጥ የሚገኝው ማግኒዚየም ሰልፌት በቀላሉ በቆዳ ውስጥ ሰርጎ በመግባት የደም ዝውውርን በመጨመር እና እብጠትን በመቀነስ ይረዳል፡፡ በተጨማሪ የተጎዳ እና የደከመን ጡንቻ ዘና ያደርጋል፤ የእግርን ሽታ በመቀነስ ይረፋል፡፡
    • ግማሽ ኩባያ ጨው ለብ ባለ ውሃ ጋር ይቀላቅሉት
    • ያበጠውን እግር ከ10 እስከ 15 ደቂቃ ይንከሩት/ይዘፍዝፉት
    • ይህን ሂደት በሳምንት 3 ጊዜ ይደጋግሙት
    4. ዝንጅብል/Ginger
    ዝንጅብል ተፈጥሮአዊ የእግር እብጠት ፍቱን ህክምና ነው፡፡ ከእግር እብጠት ጀርባ ያለውን ሶዲየም(Sodium) በማቅጠን(Dilute) ከፍተኛ አስተዋጽኦ ያበረክታል፡፡ በተጨማሪም የዝንጅብል ፀረ-ኢንፍላሜሽን ባህሪ እብጠቱ እንዲቀንስ ይረዳል፡፡
    • ያበጠውን እግር በዝንጅብል ዘይት ማሸት ወይም
    • ከ2-3 ብርጭቆ የዝንጅብል ሻይ ይጠጡ ወይም ጥሬ ዝንጅብል ያኝኩ
    5. የሎሚ ውሃ
    የሎሚ ውሃ መጠጣት ትርፍ ፈሳሽ እና መርዛማ ነገሮች ከሰውነታችን እንዲወገዱ በማድረግ የእግር እብጠትን እና በሌሎች የሰውነት ክፍሎች ላይ ያሉ እብጠቶችን ይቀንሳል፡፡ በተጨማሪ ሰውነታችን የፈሳሽ እጥረት እንዳያጋጥመው ይከላከላል፡፡
    • በአንድ ኩባያ ሙቅ ውሃ ውስጥ ሁለት ማንኪያ የሎሚ ጭማቂ ይቀላቅሉበት
    • ትንሽ የተፈጥሮ ማር በመጨመር ያጣፍጡት
    • ያዘጋጁትን የሎሚ ውሃ በቀን ለጥቂት ጊዜ ይጠጡት፡፡

    ምንጭ:- ጤናችን

    Read more
  • ማግኒዚየም በሰውነታችን ውስጥ ከመጠን በላይ ሲበዛ ወይም ሲያንስ የአዕምሮ ህመም ያስከትላል

                                                 

    ውሮሎጂ በተባለው መጽሔት ላይ የወጣው አዲስ ጥናት እንደሚያሳየው፥ በጣም ከፍተኛ ውይም ዝቅተኛ የማግኒዚየም መጠን የአዕምሮ ህመም በማስከተል የሰዎችን በመርሳት በሽታ የመያዝ እድላቸውን ከፍ ሊያደርገው ይችላል።

    የስንዴ ዱቄት፣ አረንጓዴ ቅጠላማ አትክልቶች፣ ሙዝ እና የመሳሰሉት ከማግኒዚየም ምንጮች መካከል ጥቂቶቹ ናቸው።

    ዝቅተኛ የማግንዚየም መጠን የሚባለው በአንድ ሊትር እስከ 0 ነጥብ 79 ሚሊ ሊትር የሚደርስ ሲሆን፥ ከፍተኛ የማግኒዚየም መጠንም በአንድ ሊትር እስከ 0 ነጥብ 90 ሚሊ ሊትር ሊደርስ እንደሚችል ተገልጿል።

    ጥናቱ የተካሄደው በ9 ሺህ 569 ሰዎች መሆኑን ባለሙያዎች ይገልፃሉ።

    ለጥናት በናሙና የተሳተፉት ሰዎች ከመጀመርያው የአእምሮ ችግር አልነበራቸውም ተብሏል።

    ለስምንት ዓመታት ያህልም ክትትል የተደረገላቸው መሆኑም ጭምር በጥናቱ ቀርቧል።

    በክትትል ወቅቱ ለናሙና ከቀረቡት 823 ሰዎች በአእምሮ ሕመም መያዛቸው፥ ከእነዚህ ውስጥ 662 ሰዎች የአልዛይመር በሽታ እንዳለባቸው መረጋገጡ ተገልጿል።

    በተጨማሪም የማግኒዚየም ደረጃዎቻቸው ከፍተኛ እና ዝቅተኛ የሆኑት ቡድን በአማካይ ከነበሩት ጋር ሲነጻጸር በአእምሮ በሽታ የመያዝ ዕድላቸው ከፍተኛ ሲሆን፥ 30 በመቶ ደግሞ በተለየ መልኩ የመዘንጋት ችግር አጋጥሟቸዋል ተብሏል።

    የማግኒዚየም ደረጃዎችም በአምስት የተከፈሉ ሲሆን፥ ተመራማሪዎቹ በአዕምሮ ችግር እና በማግኒዚየም ማነስ ወይም መብዛት መሃከል ጋር ያለውን ግንኙነት በመመርመር ሶስተኛው ደረጃ ማጣቀሻ ተጠቅመዋል።

    ምንጭ:- ኤፍ ቢ ሲ(FBC)

    Read more
  • የሪህ ህመም ያለባቸዉ ሰዎች መመገብ ያለባቸዉና የሌለባቸዉ ምግቦች

                                                                  

    ሪህ(ጋዉት) የሚባለዉ ህመም በደም ዉስጥ የዩሪክ አሲድ መጠን በከፍተኛ ደረጃ ጨምሮ ዩሬት ክሪስታልስ በመገጣጠሚያ አካባቢዎች እንዲጠራቀም በማድረግ መገጣጠሚያዎቹ ላይ ህመም እንዲከሰት የሚያደርግ የህመም አይነት ነዉ፡፡

    ስለሆነም ለሪህ ህመም የሚስማማዉን የአመጋገብ ዘዴዎችን መከተል በደም ዉስጥ የዩሪክ አሲድ መጠንን መቀነስ ያስችላል፡፡ ምግቦቹ ህመሙን ለማዳን ባይረዱም ህመሙ በተደጋጋሚ እንዳይከሰትና በህመሙ ምክንት የሚከሰተዉን የመገጣጠሚያ ላይ ጉዳት ለመቀነስ ይረዳል፡፡ በተጨማሪም ህመሙን እንዲሁም በደም ዉስጥ ያለዉን የዩሪክ አሲድ መጠን ለመቀነስ መድሃኒቶችን መዉሰድ ያስፈልጋል፡፡

    የአመጋገቡ ዝርዝር፡   

    በአጠቃላይ የአመጋገብ መርሆዉ ከተመጣጠ አመጋገብ ስርዓት ጋር የሚመሳሰል ነዉ፡፡

    • ክብደት መቀነስ፡- ክብደትዎ ሲጨምር የሪህ ህመም ተጋላጭነትዎን የሚጨምር ሲሆን ክብደትዎን መቀነስ ግን ለሪህ ህመም ተጋላጭነትዎ እንዲቀንስ ይረዳል፡፡
    • ኮምፕሌክስ ካርቦሃይድሬትስ/ኃይል ሰጪ ምግቦቸ፡- አታክልት፣ ፍራፍሬና ጥራጥሬ ምግቦችን ማዘዉተር፡፡ እንደ ነጭ ዳቦ፣ኬክ፣ ከረሜላ ፣ ስኳርነት ያላቸዉን መጠጦችን/ፈሳሾችን መተዉ/አለመመገብ ይመከራል፡፡
    • ዉሃ፡- በቀን ዉስጥዉሃን አብዝቶ መጠጣት ለሪህ ህመም መቀነስ ጋር ተያያዥነት አለዉ፡፡ ስለሆነም በቀን ዉስጥ ከ8 እስከ 16  ብርጭቆ ፈሳሽ  እንዲጠጡ ከዚያ ዉስጥ ግማሹ ዉሃ ቢሆን ይመከራል፡፡
    • ስብ፡- ስብነት/ ጮማነት የበዛበት የእንስሳትም ይሁን የዶሮ እንዲሁም የወተተት ተዋፅኦዎችን አለመመገብ/መቀነስ ያስፈልጋል፡፡
    • ፕሮቲን፡- ከቀይ ስጋ፣ አሳና ከወተት ተዋፅኦ የሚገኘዉን የፕሮቲን መጠን መጥኖ መመገብ (ከ113 እስከ 170 ግራም)፡፡ የሚመገቡት ምግብ ዉስጥ የስብነት ይዘታቸዉ አነስተኛ ወይም ምንም የሌላቸዉ እርጎ ወይም የስብነት መጠኑ የቀነሱ መተቶች/ skim milk/መጠቀም፡፡

    ለተወሰኑ ምግቦች ወይም ምግብ ዉስጥ ለሚጨመሩ ነገሮች የሚመከሩ

    • ከፍተኛ ፕዩሪን ያላቸዉ አታክልቶች/ High-purine vegetables:- ጥናቶች እንዳረጋገጡት ከፍተኛ ፕዩሪን ያላቸዉ እንደ ቆስጣ፣የአበባ ጎመንና መሽሩም ያሉ ምግቦችን መመገብ የሪህ ህመም ተጋላጭነትንና መከሰትን አይጨምሩም/አያመጡም ፡፡ በተጨማሪም ባቄላ ወይም የአበባ እህሎች መካከለኛ የፒዩሪን መጠን ግን ጥሩ የፕሮቲን ምንጮች ስለሆኑ መመገብ ይችላሉ፡፡
    • ከአካላት/ኦርጋን ወይም ግላንዲዉላር ስጋ/፡- ከፍተኛ ፕዩሪን ያላቸዉና የደምን የዩሪክ አሲድ መጠን የሚጨምሩ እንደ ጉበት፣ኩላሊት፣ጣፊያና የበግ አንጎል የመሳሰሉ ምግቦችን ያለመመገብ
    • መጠጥ/አልኮሆል፡- አልኮሆል የዩሪክ አሲድ መመረትን ይጨምራል፤የሰዉነትን የፈሳሽ ምጣኔን ያዛባል፡፡ ስለሆነም አልኮሆል ያለመጠጣት፡፡ ለምሳሌ ቢራ ለሪህ ህመም በተደጋጋሚ መከሰት ምክንት ሊሆን ይችላል፡፡
    • ቡና፡- አንዳንድ ጥናቶች እንዳሳዩት ቡናን በመጠኑ መጠጣት የሪህ ህመም ተጋላጭነትን እንደሚቀንስ ያሳያል፡፡ ነገር ግን ቡና ሲጠጡ ከሌሎች ህመሞች ጋር ያለዉን ሁኔታ አመዘዝነዉ መሆን አለበት
    • የተወሰኑ የባህር ምግቦች፡- እንደ ሰርዲንና ቱና ያሉ ምግቦችን ያለመመገብ
    • ፕሪም፡- ፕሪም መመገብ ለሪህ ህመም ተጋላጭነትዎን እንደሚቀንሱ መረጃዎች ያመለክታሉ፡:

     

    ምንጭ:- ጤናችን

     

    Read more
  • የስኳር ህመምን ለመከላከል ከሚረዱ መንገዶች ዉስጥ ዛሬም ቢጀምሩት ዘገዩ የማይባሉበት የአኗኗር ዘይቤ ለዉጥ ማድረግ ተገቢ ነዉ፡፡

                                                          

    ብዛት ከሚከሰቱ የስኳር አይነቶች ዉስጥ አንዱ የሆነዉ ተይፕ (2) መከላከል ትልቅ ነገር ነዉ፡፡ እርስዎ ለስኳር ህመም ተጋላጭ ከሆኑ ለምሳሌ የሰነት ክብደትዎ ከፍተኛ ከሆነ ወይም በቤተሰብዎ ዉስጥ የስኳር ህመም ያለበት ሰዉ ካለ የስኳር ህመምን መከላከል ቅድሚያ መስጠት ይገባዎታል፡፡

    የስኳር ህመምን ለመከላከል ከሚረዱ/ከሚመከሩ መንገዶች ዉስጥ ዋናዋናዎቹ

    1. በቂ የሆነ የአካል ብቃት እንቅስቃሴ ማድረግ፡
      ተከታታይነት ያለዉ የአካል ብቃት እንቅስቃሴ ማድረግ የሰዉነትን ክብደት ለመከነስ፣ የደም የስኳር መጠንን ለመቀነስና ለኢንሱሊን ሆርሞን የመስራት አቅም መጨመር እንዲኖር ያደርጋል፡፡ ከሚመከሩ የአካል ብቃት እንቅስቃሴዎች ዉስጥ ኤሮቢክስና የሬሲስታንስ ትሬንግ ዋና ዋናዎቹ ናቸዉ፡፡
    2. የፋይበር/የቃጫነት ይዘታቸዉ ከፍተኛ የሆኑ ምግቦችን ማዘዉተር፡- ይህን ማድረግ በደምዎ ዉስጥ ያለዉን የስኳር መጠን በመቆጣጠር ለህመሙ ተጋላጭነትዎን እንዲቀንስ ያደርጋል፤ለልብ ህመም ተጋላጭነዎን ይቀንሳል፤ የሰዉነት ክብደትዎን ለመቀነስ እገዛ ያደርጋል፡፡ ከፍተኛ የፋይበር መጠን ካለቸዉ ምግቦች ዉስጥ የሚመደቡት አትክልትና ፍራፍሬ፣ባቄላ፣ጥራጥረዎችና ኦቾሎኒ  ናቸዉ፡፡
    3. ጥራጥሬዎች/ሆል ግሬይንስ መጠቀም: ምንም እንኳ በምን ዘዴ እንደሆነ ባይታወቅም ጥራጥሬ ምግቦችን ማዘዉተር የደም የስኳር መጠንን በመቆጣጠር የስኳር ህመም ተጋላጭነትዎን ለመቀነስ ይረዳል፡፡ ከነዚሀ ምግቦች ዉስጥ የሚመደቡት የተለያዩ ዳቦዎች፣ፓስታና ጥራጥሬዎች ናቸዉ፡፡
    1. ክብደት መቀነስ፡- የሰዉነት ክብደትዎ ከፍተኛ ከሆነ ክብደትዎን መቀነስ የስኳር ህመምን ለመከላከል ትልወቁን ቦታ ይወሰወዳል፡፡ የሚቀንሱት እያንዳንዷ ኪሎ የጤንነትዎ ሁኔታ እንዲሻሻል የማድረግ አቅም አለዉ፡፡ በጥናት እንደታየዉ የሰዉነታቸዉን ክብደት በፊት ከነበረዉ በ7 በመቶ የቀነሱና ተከታታይነት ያለዉ የአካል ብቃት እንቅስቃሴ ማድረግ የስኳር እመም ተጋላጭነትን እስከ 60 በመቶ ድረስ የመቀነስ አቅም አለዉ፡፡
    2. ጥናማ አመጋገብን መከተል፡- የስኳር ይዘታቸዉ መጠነኛ የሁኑ ምግቦችን እንዲሁም ጤናማ አመጋገብ ዘዴን በመከተል የስኳር መጠንን መቀነስ ይቻላል::                                      

    ምንጭ:- ጤናችን

    Read more