PLANET  ETHIOPIA.com

Lifestyle አኗኗር


  • ይቅርታ በማድረግ የሚያገኟቸው ጠቀሜታዎች

                   

    ይቅርታ ማድረግና ይቅር ባይነት በህይዎት ዘመን ሲኖሩ እጅጉን ከሚያስፈልጉ ሰዋዊ ባህሪያት አንዱ ነው።ይቅር ባይነት ለአዕምሮ እርካታን በመፍጠር የደስተኝነት ስሜትን ያጎናጽፋል የራስ መተማመን እንዲኖርም ይረዳል።ይቅር ማለት ትልቅነት ከዚህ ባለፈም ፍቅርና ርህራሄን ማሳያም ተደርጎ ይወሰዳል።

    የስነ ልቦና ባለሙያዎች ይቅርታ አድራጊው ለመጥፎ ባህሪዎች ሳይሆን ለነበሩ መጥፎ አጋጣሚዎች ይቅርታ በማድረግ ከዚህ በኋላ መልካም ግንኙነትና መልካም ወዳጅነትን ለመመስረት በማለም የሚደረግ የመልካምነት መገለጫ መሆኑን ይናገራሉ።ይቅርታ ማድረግ በራሱ ለነገሮች ፍትህ የመስጠት ያክልም ውጤት አለውና ይቅር ማለት እጅጉን አስፈላጊ መሆኑንም ነው የሚናገሩት።
    ከዚህ አንጻርም ይቅር ለማለት የሚያበቁና ይህን በማድረግዎ የሚያገኟቸውን ጠቀሜታዎች ባለሙያዎች ይጠቅሳሉ፤

    የአዕምሮ ነጻነት ለማግኘት፦ ይቅርታ ሲያደርጉ መጀመሪያ የሚያገኙት ትልቁ ነገር የአዕምሮ እርካታና ነጻነት ነው።ከዚህ አንጻርም ይቅር ሲሉ አላስፈላጊ የሆኑ ቁጣና ግልፍተኝነት በመቀነስ የተሻለ ድባብ መፍጠር ይችላሉ።

    ግንኙነትን ለማደስ፦ ይቅር ሲሉ ከዚያ ሰው ጋር የነበረዎትን ኩርፊያም ሆነ ቁርሾ አስወግደው መልካም ወዳጅነት ይመሰርታሉ።ይህ ደግሞ ምናልባትም ሰው ለሰው ያለውን ዋጋም ከፍ ያደርግልዎታል።

    የተሻለ ስብዕናን እንዲላበሱ ያደርጋል፦ ይቅር ባይነት ስብዕናዎን ከፍ በማድረግ በአስተሳሰብም ሆነ በአመለካከት የተሻሉ እንዲሆኑ ያደርግዎታል።የእነዚህ ድምር ውጤት ደግሞ የተሻለ ማንነትን ለመላበስ እጅጉን ያግዝዎታል።

    ትብብርን ያጠናክራል፦ ይቅርታ ሲያደርጉ ምናልባትም በተፈጠረው ነገር አላግባብ ተበድያለሁ ነገሮችም በዚህ መልኩ በመሆናቸው ተጎድቻለሁ ለሚል ሰው አለኝታነትን ማሳያ መንገድም ይሆናል።ከዚህ አንጻርም ጠንካራ ትብብሮሽ ያለበት ወዳጅነትን ለማጠናከርና ወዳጅነትን ለማዝለቅም እጅጉን ይረዳል።

    ሰላም፦ ይቅርታ ማድረግ ሲችሉ ይቅር ባይነት የሰላም መንገድ መሆኑን ለሌሎች ማሳያም አጋጣሚ ነው።በዚህ ደግሞ ሌሎችን ከኩርፊያና ከመነጣጠል ይልቅ የተሻለ የሰላም መንገድ እንዳለ በማሳየት እገዛ ያደርጉላቸዋል።የእርስዎም ሆነ የአካባቢዎ ሰላም ያለውን ዋጋ ደግሞ ዘለቄታዊና አስፈላጊ መሆኑን ማሳያም ይሆንልዎታል።

    የተሻለ ከባቢን ለመፍጠር፦ ይቅርታ ሲያደርጉ ቁጣ የተሞላበት ስሜታዊነት ለማስወገድ በሚደረገው ጥረት የራስዎን አስተዋጽኦ እንዲያደርጉም ይረዳዎታል።ይህን ማድረግዎም የተሻለ ከባቢን ለመፍጠር ይረዳወታል።

    መልካምነትን ለማጎልበት፦. የእርስዎ ይቅር ማለት በሌሎች ዘንድ ምንም አይነት ስያሜ ቢሰጠውም መልካምነትን ለማጎልበትና ለማሳደግ ይርዳዎታልና ይጠቀሙበት።

    የራስን የህይዎት ዘይቤ ለማዳበር፦ ይቅር ባይነት በራስዎ የህይዎት ፍልስፍና እንዲጓዙና መልካም የሆኑ ባህርያትን እንዲያጎለብቱም ይረዳዎታል።እናም ለእርስዎ መልካም ባይሆኑም እንኳን ሰዎችን ይቅር ማለት ጥቅሙ ከፍ ያለ ነውና ያንን ማድረጉን ባለሙያዎች ይመክራሉ።

    ከምንም በላይ ያለፈን መጥፎ ነገር እያሰቡ መኖር ወደ ኋላ ከመጎተትና ከማስቀረት የዘለለ ጠቀሜታም ሆነ አስተዋጽኦ የለውም።ይቅር ለማለት የሚያገኙ ድፍረት ደግሞ የህይዎትዎ የጥንካሬ ምንጭ ይሆናልና፥ ባለችዎት አጭር የህይዎት ዘመን ይቅር ባይ ቢሆኑ ያተርፋሉ።

    ምንጭ:- ዶክተር አለ(Doctor Alle)

    Read more »

  • የሚበሉ ነፍሳት

                        

    ጣዕማቸው ምን ሊመስል ይችላል? ጥሩ ሊሆን ይችላል?

    ከአካባቢ ደህንነት አንፃር እንዲሁም ለእንስሳት ሥጋ እንደ አማራጭ ከመሆን አንፃር የነፍሳት ምግብ ተመራጭ ነው።

    ግን ማን ነው ነፍሳትን በምግብነት እየተጠቀመ ያለው?

    ዓለም በበርካታ ነፍሳት የተሞላች ነች። ብዙዎችም እነዚህን ነፍሳት ምግባቸው ያደርጋሉ። ይህን የሚያደርጉት ምግብ ተቸግረው ሳይሆን በጣዕሙ መርጠውት ነው።

    በሜክሲኮ በጣዕማቸው ተወዳጅ የሆኑ የነፍሳት አይነቶች አሉ። በተለይም ቀይ ትሎች ዋጋቸውም ውድ ነው። እነዚህ ቀይ ትሎች በጥሬ ሁሉ ለምግብነት ይውላሉ።

    የተለያዩ ነፍሳትን ለምግብነት ለማግኘት ነፍሳቱ ወደ ሚገኙበት የተለዩ ገበያዎች መሄድ ሊያስፈልግ ይችላል።

    አንዳንድ ነፍሳት በጣም ተፈላጊ ከመሆናቸው የተነሳ ነፍሳቱን ለማራባት የመሞከር ነገርም አለ። በሌላ በኩል ደግሞ ነፍሳት ማራባት በጥብቅ የሚከለከልበት ሁኔታ አለ።

    ለምግብነት የሚውሉ አብዛኞቹ ነፍሳት እንዲሁ በቀላሉ የሚገኙ ናቸው። ከሰሃራ በታች በሚገኙ አገራት ለምግብነት የሚውሉ ነፍሳትን በምሳሌነት ማንሳት ይቻላል።

    አብዛኛውን ጊዜ በዝናብ ወቅት የመጀመሪያው ዝናብ እንደጣለ ነፍሳት በብዛት ካሉበት ይወጣሉ ወይም ይፈለፈላሉ።

    በቀጣዩ ቀን መሬት ያለብሳሉ በሚባል ደረጃ ይበዛሉ።

                       

    መረጃዎች እንደሚያመለክቱት ነፍሳት በብዛት የሚበሉት በገጠራማ አካባቢዎች ሲሆን በከተማ ደግሞ ገቢያ ላይ ይገኛሉ።

    ሳይንስ እንደሚለው አብዛኞቹ ነፍሳት ሙሉ በሙሉ ለምግብነት መዋል ይችላሉ። በዚህ ንፅፅር 40 በመቶ የሚሆኑ የከብቶች ሥጋ ግን ለምግብነት መዋል አይችልም።

    ለምግብነት መዋል የሚችሉ ሌሎች ነፍሳት ደግሞ በብዛት ዛፍ ላይ ይገኛሉ። ለምሳሌ በዝናብ ወቅት ወደ ቡርኪና ፋሶ ቢኬድ የዛፎች ስር በአባጨጓሬ ተሸፍኖ ይገኛል።

    በዚህ ወቅት ኗሪዎችም ንጋት ላይ ተነስተው ነፍሳቱን ይለቅማሉ። ነፍሳቱ የፍራፍሬ ያህል ጣም ያላቸው መሆናቸውንም ይናገራሉ።

    በዛፎች ግንድ ውስጥ የሚፈጠሩ ነፍሳትም አሉ። በዚህ መልኩ ከሚፈጠሩት የተወሰኑት በዲሞክራቲክ ኮንጎ በጣም የተለመዱ ናቸው።

    በዓለም አቀፍ ደረጃ በብዛት ለምግብነት የሚውሉት ፌንጣና አምበጣና ናቸው።

    በእስያ ገበሬዎች የሩዝ እርሻ ላይ መረብ ወጥረው ለምግብነት የሚውሉ ነፍሳትን ይይዛሉ። በሜክሲኮም ከበቆሎ እርሻ በተመሳሳይ መልኩ ነፍሳትን ለመያዝ ይሞከራል።

    እንደ ሰብል ሁሉ ለምግብነት የሚውሉ ብዙ ነፍሳት የሚገኙት ወይም የሚፈጠሩት በተለያየ ወቅት ነው። ነፍሳቱ የሚገኙባቸውን ወቅት ተከትሎም የተለያዩ በአላት በተለያዩ አገራት ይካሄዳሉ።

    ለምሳሌ የጃፓኑን የተርብ፤ በቡርኪና ፋሶና በዲሞክራቲክ ኮንጎ የሚካሄደውን የአባጨጓሬ በአል መጥቀስ ይቻላል።

    በአሁኑ ወቅት ነፍሳትን በብዛት አምርቶ ለምግብነት የማዋል ፍላጎት ቢኖርም እዚያ ደረጃ ላይ አልተደረሰም።

    ነፍሳትን ለምግብነት የማዋሉ ነገር በብዛት እየታየ ያለው የምግብ አማራጭን ከማስፋት እንዲሁም ይዘትን ከማሻሻል አንፃር ነው።

    በሌላ በኩል ደግሞ አካባቢን ከብክለት ከመጠበቅ አንፃር ነው።

    ምንጭ፦ ቢቢሲ

    Read more »

  • በቀን ውስጥ ጤናማ ለሽንት የሚደረግ ምልልስ ስንት ነው?

                       

    መመላለስ ያለብን ይህን ያህል ጊዜ ነው የሚል የተቀመጠ መስፈርት ባይኖርም ሰዎች በቀን ቢያንስ በአማካይ ለስድስትና ለሳባት ጊዜያት ያህል ይመላለሳሉ ይላሉ ባለሙያዎች።

    በእርግጥ የተለያዩ ምክንያቶች ምልልሳችን ላይ ተጽዕኖ ያሳድራሉ ከነዚህም መካከል መድሐኒት፣ ምግብና መጠጥ፣ ዕድሜ፣ የሽንት ፊኛ መጠን እና ሌሎችም ተካተዋል።

    ታዲያ ይህንን ካልን ዘንድ ጤነኛና ጤነኛ ያለሆነ ምልልስን ምልክቶቹ ምን እንደሚመስሉ እንቃኝ፤

    ጤነኛ የሽንት ምልልስ አንድ ሰው በ24 ሰዓታት ውስጥ 1 ነጥብ ዘጠኝ ሊትር ከተጠቀመ ለሰባት ጊዜያት ያህል ሊመላለስ ይችላል ይላል።

    ሆኖም ከላይ ከጠቀስናቸው ተጽዕኖዎች በተጨማሪ የምንወስዳቸው የመጠጥ ዓነቶች እንደ አልኮልና አነቃቂ መጠጦች ከሆኑ የሽንት መጠንን ይበልጥ ይጨምራሉ።

    እንዲሁም አንዳንድ መድሐኒቶች በተለይ ለደም ግፊት የምንወስዳቸው የሽንት መጠን ላይ ተጽዕኖ ያሳድራሉ ተብሏል።

    በእርግዝና ወቅት የሚመጣ በሆርሞን ለውጥ ምክንያት የሚከሰት የሽንት መጨመርም ሊያጋጥም ይችላል።

    እንዲሁም ከወሊድ በኋላ ለስምንት ሳምንታት ሊቆይ እንደሚችልም ይናገራሉ።

    ለሽንት ቶሎ ቶሎ መመላለስና ያለመመላለስ ያለንበት ሁኔታን ያመላክታሉ ከተባሉት መካከል የጀርባ ህመም፣ ደም የቀላቀለ ሽንት፣ ለመሽናት መቸገር፣ ራስ ምታት፣ ከባድ ሽታ ያለው እና በሽንት ወቅት የህመም ስሜት መሆናቸው ተገልጿል።

    ታዲያ ከላይ የተዘረዘሩት ምልክቶች ካጋጠማችሁ የህክምና ባለሙያ ማማከር አለባችሁ ይላሉ ባለሙያዎች።

    በሌላ በኩል ብዙ ውሃ መጠጣት የሽንት መጠናችንን ቢጨምረውም በተቃራኒው ውሃ ያለመጠጣት ደግሞ ድርቀትን ያስከትላል።

    ዕድሜ እየጨመረ ሲሄድ በምሽት ተነስተን የመሽናት ዕድላችን እየጨመረም ይሄዳል ብለዋል ባለሙያዎቹ።

    በተጨማሪም ዕድሜያቸው ከ60 ዓመት በላይ የሆናቸው ሰዎች ከሁለት ጊዜ በላይ መነሳት የለባቸውም፤ ሆኖም ከሁለት ጊዜ በላይ ከተነሱ ሐኪምን ማማከር ማማከር ይገባል።

    ታዲያ የሽንት መጠናችንን ለመቆጣጠር የተቀመጡ አንዳንድ መስፈርቶች ተጠቅሰዋል።

    ከነዚህም መካከል የአነቃቂ መጠጦችን መጠን መቀነስ፣ ስምንት ብርጭቆ ውሃ በቀን መጠጣት፣ ከግብረስጋ ግንኙነት በፊትና በኋላ መሽናት፣ እንደ እርጎ ያሉ ምግቦችን መቀነስ እና ሌሎችም ተጠቅሰዋል።

    ባለሙያዎቹ በምንሸናበት ወቅት በመሐል ቢያንስ የሦስት ሰዓታት ልዩነት መኖር አለበት ብለዋል።

    መመላለስ ያለብን ይህን ያህል ጊዜ ነው የሚል የተቀመጠ መስፈርት ባይኖርም ሰዎች በቀን ቢያንስ በአማካይ ለስድስትና ለሳባት ጊዜያት ያህል ይመላለሳሉ ይላሉ ባለሙያዎች።

    በእርግጥ የተለያዩ ምክንያቶች ምልልሳችን ላይ ተጽዕኖ ያሳድራሉ ከነዚህም መካከል መድሐኒት፣ ምግብና መጠጥ፣ ዕድሜ፣ የሽንት ፊኛ መጠን እና ሌሎችም ተካተዋል።

    ታዲያ ይህንን ካልን ዘንድ ጤነኛና ጤነኛ ያለሆነ ምልልስን ምልክቶቹ ምን እንደሚመስሉ እንቃኝ፤

    ጤነኛ የሽንት ምልልስ አንድ ሰው በ24 ሰዓታት ውስጥ 1 ነጥብ ዘጠኝ ሊትር ከተጠቀመ ለሰባት ጊዜያት ያህል ሊመላለስ ይችላል ይላል።

    ሆኖም ከላይ ከጠቀስናቸው ተጽዕኖዎች በተጨማሪ የምንወስዳቸው የመጠጥ ዓነቶች እንደ አልኮልና አነቃቂ መጠጦች ከሆኑ የሽንት መጠንን ይበልጥ ይጨምራሉ።

    እንዲሁም አንዳንድ መድሐኒቶች በተለይ ለደም ግፊት የምንወስዳቸው የሽንት መጠን ላይ ተጽዕኖ ያሳድራሉ ተብሏል።

    በእርግዝና ወቅት የሚመጣ በሆርሞን ለውጥ ምክንያት የሚከሰት የሽንት መጨመርም ሊያጋጥም ይችላል።

    እንዲሁም ከወሊድ በኋላ ለስምንት ሳምንታት ሊቆይ እንደሚችልም ይናገራሉ።

    ለሽንት ቶሎ ቶሎ መመላለስና ያለመመላለስ ያለንበት ሁኔታን ያመላክታሉ ከተባሉት መካከል የጀርባ ህመም፣ ደም የቀላቀለ ሽንት፣ ለመሽናት መቸገር፣ ራስ ምታት፣ ከባድ ሽታ ያለው እና በሽንት ወቅት የህመም ስሜት መሆናቸው ተገልጿል።

    ታዲያ ከላይ የተዘረዘሩት ምልክቶች ካጋጠማችሁ የህክምና ባለሙያ ማማከር አለባችሁ ይላሉ ባለሙያዎች።

    በሌላ በኩል ብዙ ውሃ መጠጣት የሽንት መጠናችንን ቢጨምረውም በተቃራኒው ውሃ ያለመጠጣት ደግሞ ድርቀትን ያስከትላል።

    ዕድሜ እየጨመረ ሲሄድ በምሽት ተነስተን የመሽናት ዕድላችን እየጨመረም ይሄዳል ብለዋል ባለሙያዎቹ።

    በተጨማሪም ዕድሜያቸው ከ60 ዓመት በላይ የሆናቸው ሰዎች ከሁለት ጊዜ በላይ መነሳት የለባቸውም፤ ሆኖም ከሁለት ጊዜ በላይ ከተነሱ ሐኪምን ማማከር ማማከር ይገባል።

    ታዲያ የሽንት መጠናችንን ለመቆጣጠር የተቀመጡ አንዳንድ መስፈርቶች ተጠቅሰዋል።

    ከነዚህም መካከል የአነቃቂ መጠጦችን መጠን መቀነስ፣ ስምንት ብርጭቆ ውሃ በቀን መጠጣት፣ ከግብረስጋ ግንኙነት በፊትና በኋላ መሽናት፣ እንደ እርጎ ያሉ ምግቦችን መቀነስ እና ሌሎችም ተጠቅሰዋል።

    ባለሙያዎቹ በምንሸናበት ወቅት በመሐል ቢያንስ የሦስት ሰዓታት ልዩነት መኖር አለበት ብለዋል።

    Read more »

  • ዓለም አቀፍ የንግድ ተቋማትና ኢትዮጵያ - 'ፒዛ ሃት'

                           

    በአሜሪካው ግዙፉ 'ያም ብራንድስ' ዓለም አቀፍ ኩባንያ እና በኢትዮጵያው 'በላይ አብ ፉድስ' መካከል በተደረሰው ስምምነት መሠረት ፒዛ ሃት ዛሬ የመጀመሪያውን ቅርንጫፍ አዲስ አበባ ላይ ከፍቷል።

    በያዝነው ሳምንት መገባደጃ ላይም አንድ ተጨማሪ ቅርንጫፍ እንደሚከፈት ይጠበቃል። በሚቀጥሉት ሁለት ዓመታት ደግሞ የቅርንጫፎቹን ቁጥር 10 ለማድረስ ድርጅቶቹ ተስማምተዋል።

    35 ሚሊዮን ብር ወጭ የተደረገበት ይህ ስምምነት በሁለቱ ቅርንጫፎቹ 55 ሠራተኞች ያቀፈ ሲሆን ኢትዮጵያ በሰሃራ ክፍለ ግዛት ለፒዛ ሃት 12 መዳረሻ ሆናለች።

    እውን ፒዛ ሃት ወደ ኢትዮጵያ መግባቱ መንግሥት ለዓለም አቀፍ ንግድ ተቋማት ገበያውን ነጻ እያደረገ እንደሆነ ሊያሳየን ይቻላል? የምጣኔ ሃብት ባለሙያ የሆኑት አብዱልመናን መሃመድ እንዲህ አይነት መደምደሚያ ላይ መድረስ እንደሚከብድ ይናገራሉ።"እንዳዛ ማለት ይከብዳል። ይሁን እንጂ የኢትዮጵያ መንግሥት ከአውሮፓውያኑ 2012 ጀምሮ የኢንቨስትመንት አዋጁን በብዙ መልኩ በማሻሻል የውጭ ሃገር ኢንቨስተሮች ሊሰማሩ የሚችሉበትን የንግድ ዘርፎች ብዛት እንዲጨምር አድርጓል" ይላሉ ባለሙያው።

    አቶ አብዱልመናን ፒዛ ሃት ኢትዮጵያ ውስጥ የገባባበት መንገድ ለየት ባለ ሁኔታ እንደሆነ ይናገራሉ።

    "ፒዛ ሃት ፍራንቻይዝ (የንግድ ስም ሽያጭ) ነው። ኢትዮጵያውያን ናቸው የድርጅቱን ስም በመውሰድ ደረጃውን በጠበቀ መልኩ ምርቶችን ለተጠቃሚ የሚያቀርቡት"ብለዋል።

                             

    አንደ ምጣኔ ሃብት ባለሙያው ፒዛ ሃት ወደ ኢትዮጵያ የመጣበት ዋነኛ ምክንያት የኢትዮጵያውያን የመግዛት አቅም እየጨመረ ከመምጣቱ ጋር ይያያዛል።

    "በዓለም አቀፍ ደረጃ የታወቁ የንግድ ተቋማት ወደ ኢትዮጵያ መምጣታቸው ለሌሎች የንግድ ተቋማትም መማበረታቻ ነው" ሲሉ ይሞግታሉ።

    የሚያዘጋጃቸውን ፒዛዎች ከ90 እስከ 350 ብር ለገበያ የሚያቀርበው ፒዛሃት ምግቡን ለማዘጋጀት የሚያስፈልጉ ግብዓቶች በጠቅላላ ከውጭ ሃገር እንደሚያስገባ አስታውቋል።

    ይህ የድርጅቱ እርምጃ ጥሬ ግብዓቶችን በማቅረብ ተጠቃሚ ሊሆኑ የሚችሉ ዜጎችን ሊጎዳ አይችልም ወይ ለሚለው ጥያቄ ባለሙያው ምላሽ ሲሰጡ "እንደ ፒዛ ሃት ያሉ ፍፈራንቻይዝ ተቋማት ለምርቶቻቸው ጥራት እጅጉን ይጠነቀቃሉ። ለዚህም ነው ግብዓቶቹ በሙሉ ከአንድ ቦታ እንዲሆኑ የሚመርጡት። በዚህ አካሄዳቸውም ተጨማሪ የአገልግሎት ክፍያን በመጠየቅ ትርፋማ ይሆናሉ" በማለት ሂደቱን ያስረዳሉ።

    አብዱልመናን ድርጅቱ በገበያው ውስጥ ምን ያህል ስኬታማ ሊሆን የሚችለው ምርቶቹን በተመጣጣኝ ዋጋ ማቅረብ ሲችል እንደሆነ ይጠቁማሉ።

    በሳምንት ወደ 2200 ሽያጭ ለማከናወን እቅድ እንዳለው ፒዛ ሃት ያሳወቀ ሲሆን አሁን የተተመነለት ዋጋ የተጋነነ እንደሆነ ባለሙያው ይናገራሉ።

    "ዋጋ በሌሎች ሃገራት ካለው ጋር ተመሳሳይ ነው። በኢትዮጵያም ከ3-12 የአሜሪካን ዶላር ለመሸጠት ነው ያሰቡት። ከፍተኛው 350 ብር አካባቢ ማለት ነው። ይህ ደግሞ ከፍተኛ ገቢ ላለው የህብረተሰብ ክፍል ብቻ ነው ሊሆን የሚችለው" ይላሉ።

    መቀመጫውን ኬንታኪ ግዛት ያደረገው ፒዛ ሃት በአፍሪካ ከ1 ሺህ በላይ ፒዛዎችን በመለያው የሚሸጡ ሱቆች ያሉት ሲሆን ኩባንያው በአህጉሪቱ 188 ፍቃድ ያላቸው ቅርንጫፎች እንዳሉትም ተዘግቧል፡፡

    ምንጭ፦ ቢቢሲ

    Read more »

  • በስራ ቦታ ንቁ ለመሆን

                      

    በስራ፣ ስብሰባ እና በሌሎች ጉዳዮች ምክንያት ለረጅም ሰዓት መቀመጥ ለተለያዩ በሽታዎች አጋላጭ መሆኑ ይነገራል።

    ተመራማሪዎችም ለዚህ የሚሆን መፍትሄ አለን ብለዋል።

    ለረጅም ሰዓት መቀመጥ ከልክ ላለፈ ውፍረት፣ ስኳር፣ ከልብ ጋር ተያያዥ ለሆኑ በሽታዎች እና ለካንስር እንደሚያጋልጥ ተመራማሪዎች አስታውቀዋል።

    በመሆኑም ለእነዚህ በሽታዎች ያለንን ተጋላጭነት ለመቀነስ አካላዊ እንቅስቃሴ አስፈላጊ እንደሆነ ተመራማሪዎቹ ተናግረዋል። 

    በአንድ ጥናት እንደተረጋገጠው በአምስት ቀናት ለ30 ደቂቃዎች የአካል እንቅስቃሴ ማድረግ የሚከሰቱ የጤና ችግሮችን መቀነስ እንደሚያስችል ጥናቱ አሳይቷል።

    በመሆኑም በስራ ቦታ ንቁና ጤናማ መሆን እንዲችሉ የሚከተሉትን አምስት ነገሮች ተግባራዊ ያድርጉ ተብሏል። 

    1. ብስክሌት መንዳት

    ወደ ስራ ቦታ በሚያመሩበት ወቅት የመኪና ትራንስፖርትን ከመጠቀም ብስክሌት መንዳትን አልያም በእግር መጓዝን ልምድ ማድረግ በርካታ የጤና ጠቀሜታዎች እንዳሉት ነው የተገለፀው።

    በዚህም ብስክሌት በማሽከርከር ወደ ስራ የሚጓዙት የመኪና ትራንስፖርት ከሚጠቀሙት አንፃር ለሞት እና ለካንሰር ያላቸው ተጋላጭነት ዝቅተኛ መሆኑን ነው ጥናቱ ያመለከተው።

    ብስክሌት ማሽከርከር አልያም በእግር መጓዝ ከልብ በሸታ እና ደም ስር ጋር ተያይዞ የሚፈጠሩ ችግሮችን እንደሚቀንስ ተነግሯል። 

    ብስክሌት የሚያሽከረክሩት የመኪና ትራንስፖርት ከሚጠቀሙት አንፃርም የተስተካከለ የሰውነት አካል እንዲኖራቸው ይረዳል ሲሉ ተመራማሪዎቹ ተናግረዋል።

    2. ስራን ቆሞ የመስራት ልምድ ማዳበር

    በስራ ቦታ ስራን ቆሞ መከወን ቀላል እና ሰዎች ለበሽታ ያላቸውን ተጋላጭነት እንሚቀንስ ተጠቅሷል።

    ተመራማሪዎቹ እንዳረጋገጡት በስራ ቦታ ላይ በትንሹ ለሁለት ሰዓት ቆሞ መስራት የሚያስፈልግ ሲሆን፥ ከተቻለ እስከ አራት ሰዓት በማድረስ ጤናን መጠበቅ ያስፈልጋል። 

    3. ረጅም እንቅስቃሴ

    በስራ ቦታ መቀመጥ የግድ አስፈላጊ ሊሆን የሚችልና የሚጠበቅ ቢሆንም የስራ አካባቢው በሚፈቅደው ደረጃ የምንቀሳቀስበት ሁኔታ ማመቻቸት እንደሚያስፈልግ ተጠቅሷል።

    ለዚህም አንሳንሰርን አለመጠቀም፣ መኪና ከስራ አካባቢ አርቆ ማቅም፣ ከስራ ባልደረቦች ጋር በኢሜል ከመገናኘት በአካል መሄድ፣ እየተንቀሳቀሱ ስልክ መመለስስን መልመድ እና ሌሎች መንገዶች በመጠቀም በስራ አካባቢ መንቀሳቀስ እንዲቻል ማድረግ እስፈላጊ መሆኑን ተመራማሪዎች ገልፀዋል።

    4. የስራ ቦታን ለመንቀሳቀስ ምቹ ማድረግ 

    በስራ ቦታ እንቅስቃሴ ማድረግ ስራን በጥራት፣ በብቃት፣ ውጤታማ እና መልካም በሆን ስሜት ማከናወን እንዲቻል ጠቀሜታ ስላለው ሀላፊዎች የስራ ቦታን ማቀንቀሳቀስ እንዲቻል በማድረግ ማዘጋጀት ይጠበቅባቸዋል።

    ከዚህም ውስጥ፥ ከስራ አካባቢ ወንበርና ጠረቤዛን ማራቅ፣ በእግር መራማድን ማበረታት፣ እየተንቀሳቀሱ ቁጥጥር ማድረግ እና ሌሎች ተያያዥ ስርዓቶችን በስራ አካባቢ መዘርጋት ያስፈልጋል ተብሏል።

    5. በምሳ ሰዓት እንቅስቃሴ ማድረግ

    የምሳ ሰዓት የሚሰሩበት ወንበርና ጠረቤዛ ላይ በመሆን የመስመር ስልክ ከመጠቀም እና የኢሜል መልዕክት ከመመለስ መንቀሳቀስ እና የአካል እንቅስቃሰየ ማድረግ ጠቀሜታ እንዳለው ተገልጿል።

    ምንጭ:- ኤፍ ቢ ሲ(FBC)

    Read more »

  • አዲስ ልብሶች አገልግሎት ላይ ከመዋላቸው በፊት መታጠብ አለባቸው፦ ጥናት

                        

    አዲስ ልብሶችን ሳይታጠቡ መልብስ በባክቴሪያ ለሚተላለፉ በሽታዎች እንደሚያጋልጥ ተገለጸ።

    በኒዩዮርክ ዩንቨርሲቲ የማይክሮ ባዮሎጂና የሴል ባለሙያ የሆኑት ፕሮፌሰር ፕሊፕ ቴርኖ እንደሚሉት አዲስ ልብሶች አገልግሎት ላይ ከመዋላቸው በፊት መታጠብ አለባቸው።

     ልብሶቹ ለሽያጭ ሲቀርቡ በሳምንታት ውስጥ በርከት ያሉ ደንበኞች እንደሚሞክሯችውና ሳይገዟቸው እንደሚሄዱ ነው የተገለጸው።

     

    ልብሶቹ የሚሸጡበት ጊዜ ፍጥነት፣ የልብሱ ማቆያ ጥበትና ስፋት ሌሎች ሁኔታዎችም የራሳቸው አስተዋጽኦ ቢኖራቸውም ደንበኖች አዲስ ልብሶችን የመልበስ ፍላጎት ያላቸው በመሆኑ በተደጋጋሚ እንደሚሞከሯቸው ታውቋል።

    ፕሮፌሰር ፕሊፕ ቴርኖ በአልባሳት መደበሮች ላይ ባካሄዱት ጥናት የአልባሳት ደንበኞች ልብሶችን በመለካትና ሳይገዙ በመሄድ ባክቴሪያና ‘‘ጀርሞችን’’ ልብሶቹ ላይ ትተው እንደሚሄዱ አረጋግጠዋል።

    በጥናቱ ለተለያዩ በሽታዎች መነሻ የሆኑ ባክቴሪና ‘‘ጀርሞች’’ በልብሶች ላይ እንደተገኙ ነው ፕሮፌሰር ቴርኖ ያረጋገጡት።

    ሰዎቹ ‘‘በጀርም’’ና ቫክቴሪያ የተበከሉ ልብሶችን በመነካካት አፍ፣ አፍንጫ፣ ቆዳና ሌሎች የሰውንት ክፍሎችን በመንካት ልብሶቹ ለበሽታ መተላለፊያ መንገዶች እንደሆኑ በጥናቱ ተጠቅሷል።

    በዚህ መንገድ የሚከሰተው አደጋ ቀለል ያለ ቢሆንም የመቁስልና የቆዳ መሰንጠቅ ችግር ባለባቸው ሰዎች ላይ ጉዳቱ ከፍ ሊል እንደሚችል ፕሮፌሰሩ ገልጸዋል።

    ከዚህም ሌላ በልብሶች ምርት ሂደት አገልግሎት ላይ የሚውሉ የቀለምና ሌሎች ‘‘ኬሚካሎችም’’ ቆዳን የማቃጠል ስሜት ስልሚኖራቸው ልብሶችን አጥቦ መልበስ አስገዳጅ ከሚያደርጉት ምክንያቶች አንዱ እንደሆነ ነው ጥናቱ የሚጠቁመው።

    በኒውጀርሲ የቆዳ ሃኪም የሆኑት ዶክተር መጋሀን ፈለይ አንዳንድ የልብስ ንጽህና መስጫዎች የሚጠቀሟቸው የማጽጃ ኬሚካሎች ውህድ ንጥረ ነገሮችና ቀለሞች ለተወሰነ ጊዜ ቆዳን ማቃጠልና ሽፍታ የሚያጋልጡ መሆኑን ነው የሚገልጹት።

    ከኮፍያ ጀምሮ አዲስ ልብሶችን እንደየ ስሪታቸው ባህሪ በማጠብ ማድረቅና መጠቀም የእራስንና የሌሎችን ጤና መጠበቅ አስፈላጊ እንደሆነ ነው የተገለጸው።

    ከመልበሻ ክፍል እንደወጣን ከመመገብ፣ መጠጣትና ሌሎች ተግባራትን ከማከናዎናችን በፊት እጃችንን በመታጠብ በልብሶች ሊተላለፉ የሚችሉ በሽታወችን በቀላሉ መከላከል እንደሚሚቻል በዘገባው ተገልጿል።

    ምንጭ:- ኤፍ ቢ ሲ(FBC)

    Read more »

  • ኢትዮጵያዊቷ የሙሽሪቶች ፋሽን ዲዛይነር አምሳለ አበራ ከዚህ አለም በሞት ተለየች - Hollywood's bridal-wear designer Amsale Aberra passes away at 64

     

    ኢትዮጵያዊቷ የሙሽሪቶች ፋሽን ዲዛይነር አምሳለ አበራ ከዚህ አለም በሞት ተለየች::

    በተለይ የሠርግ ልብስ ዲዛይኖችን በመስራት ለአሜሪካውያንና ለሌሎችም ታላላቅ ሰዎች በማቅረብ የምትታወቀው አምሳለ አበራ ያረፈችው ትናንት ምሽት ነው። አድማስ ሬዲዮ ባገኘው መረጃ፣ አምሳለ ለጥቂት ጊዜ በህመም ላይ ቆይታለች። ከወይዘሮ ጸዳለ አሳምነው እና ከአቶ አበራ ሞልቶት አዲስ አበባ ውስጥ ነው የተወለደችው። በልጅነቷ ወደ አሜሪካ መጥታ በፖሊቲካል ሳይንስና በፋሽን ዲዛይን ሁለት ዲግሪዎችን አግኝታለች። ባለትዳርና የአንዲት ልጅ እናት ነች.:

    Source: Admas radio

    Read more »

  • ተወዳጁ የቤት እንስሳ - The Favorite Pet

                                                 

    ከሮቤ ባልቻ

    ከለማዳ የቤት እንስሳት ሁሉ ውሻ በጣም ተወዳጅ ነው፡፡ ‹‹ውሻ ታማኝ ነው፤›› ባለቤቱንና ንብረቱን ይጠብቃል፤ ከጥቃትም ይከላከላል፤›› ተብሎም በአገራችን ይሞካሻል፡፡ አብዛኞቹ የአውሮፓ አገሮችም ለውሻ ያላቸው ፍቅር ከፍ ያለ ነው፡፡ እንደ ኑሮው ሁኔታ ከአንድ እስከ ሁለትና ሦስት ውሾች ማሳደግም የተለመደ ነው፡፡

    ውሻ አሳድጎ የውሻ ባለቤት መሆንና በግቢ ወይም በአፓርታማ ቤቶች አስሮ ለጥበቃ ብቻ ማስቀመጡ ለአውሮፓውያኑ በቂ አይደለም፡፡

    እያንዳንዱ የውሻ ባለቤት ማታ ከሥራ መልስ ወይም ጠዋት ውሻውን በተዘጋጀለት ማሰሪያ በመቆጣጠር ሲያናፍሰውና ሲያዝናናው መመልከት የተለመደ ነው፡፡ ሥራ የሌላቸው ወይም በሥራ እረፍትና በጡረታ ላይ ያሉ የውሻ ባለቤቶች ደግሞ ባመቻቸው ሰዓት ውሾቻቸውን ይዘው ሲዘዋወሩ ይታያሉ፡፡

    በክረምቱ ወራት ውሾቹ በቅዝቃዜ እንዳይጎዱ ከጀርባቸው የሚጠለቅላቸው የተዘጋጁ አልባሳት አሉዋቸው፡፡ አውሮፓውያኑ የውሾች ባለቤቶች ለውሾቹ ብቻ ሳይሆን ለአካባቢያቸው ንጽሕና መጠበቅ የሚያሳዩት ጥንቃቄም ለሚኖሩበት ከተማ ወይም ሰፈር የሚሰጡትን ትኩረት ይገልጻል፡፡

    ውሾቹ አብዛኛውን ጊዜ የሚፀዳዱት በሚናፈሱበት ወቅት ስለሆነ፣ እያንዳንዱ የውሻ ባለቤት ፌስታል መሰል ላስቲኮችን በቦርሳ ወይም በኪስ ይዞ መንቀሳቀስ የተለመደ ተግባር ነው፡፡ ውሾቹ ከተፀዳዱ ባለቤቶቹ  በያዙት ማፈሻ ቆሻሻውን  አንስተው በየመንገዱና በየሰፈሩ በተቀመጡ የቆሻሻ ማጠራቀሚያ መጨመር አለባቸው፡፡ ይህ ፖሊስ ወይም የሰፈር ጥበቃ ተከታትሎ የሚያስፈጽመው አይደለም፡፡ የዕድገታቸው ደረጃ ሆኖ ሕዝቡ እንደ ባህል የተቀበለው ተግባር ነው፡፡ ይህን አለማድረግ ደግሞ በጣም ነውርና ከሰው የማይጠበቅ መሆኑን ተቀብለውታል፡፡ ስለዚህ ውሾቹ ተፀዳድተው የተውትን ቆሻሻ ሰው አየኝ አላየኝ ብሎ ትቶ መሄድ አይታሰብም፡፡ ይህ የሕዝቡ ባሕል አንድ አካል ሆኗል ማለት ነው፡፡

    ይህን ተግባር ስመለከት ለእኛ ለአፍሪካውያን ሁለት ቁም ነገሮችን ተመኘሁ፡፡ አንደኛው፣ አቅም ኖሯቸው የቤት እንስሳት የሚያሳድጉ ግለሰቦች ለእንስሳው የሚያደርጉት ክብካቤ መልካም ሆኖ መገኘት፡፡ ሁለተኛው፣ የመኖሪያ አካባቢዎችንና ከተሞችን ባለው አቅም እንደራሱ ጉዳይ አይቶ የሚንከባከብና የሚቆረቆርላቸው ኅብረተሰብና የከተሞች አመራሮች በብዛት ተፈጥረው ማየት፡፡

    ምንጭ:- ሪፖርተር

     

    Read more »

  • ቁጠባ ወደ ስኬትዎ የሚያስገባ አይነተኛ መንገድ - Saving Money For a Successful Life

    በታደሰ ብዙዓለም

    ብዙዎቻችን ከትንሽ ደመወዝ ላይ በመቆጠብ ህይወታችን ሊቀየር እንደሚችል አናስብም።

    ስለገንዘብ በቂ እውቀት ያላቸው ባለሙያዎች ግን ይህን ቢያደርጉ በቀላሉ ወደ ስኬትና በልፅግና ጎዳና ሊያመሩ ይችላሉ ያሏቸውን ምክሮች ይጠቁማሉ።

    ቢዝነስ ስታንዳርድ ይዞት በወጣው ዘገባ ላይ እንደተመለከተው ሀብት ለማከማቸት ዝግጁ መሆን ከሁሉ በፊት መምጣት ያለበት ጉዳይ ነው ይለናል፤ ዝግጁነት ደግሞ ከአስተሳሰብ ይጀምራል በማለት።

    ሀብትን በማከማቸት ህይወትዎን ለመቀየር ከፈለጉ ፥ ቀደም ብለው እያራመዱት ያለውን የአይቻልም ካባ ማውለቅና አዲስ የአዕምሮ ዝግጁነትን መጎናፀፍም ግድ ይልዎታል።

    ይሁንና አንዳንዶች ዝግጁነቱ ቢኖራቸውም እንኳን አካሄዱን ካለማወቅ ብዙ ጊዜ ውድቀትን ሲያስከትልባቸው እናስተውላለን።

    ለመለወጥ ቁጠባ አይነተኛ መሳሪያ እንደሆነ ቢያምኑም ቁጠባቸውን በምን መልኩ ማከናወን እንዳለባቸው ግን ባለማወቃቸው ሲቸገሩ እናያለን።

                                              

    ለዚህም በርካቶች በዘልማድ ያገኙትን ገንዘብ ካገኙና የሚፈልጉት ነገር ላይ ካዋሉ በኋላ ፤ የምትተርፋቸውን ጥቂት ገንዘብ በመቆጠባቸው ነው ውጤታማ ሊሆኑ የማይችሉት።

    ባለሙያዎቹ ግን ይህ አይነቱ አካሄድ ኋላቀር እና ከዚህ ይልቅ ከወርሃዊ ወጪዎ አስቀድመው መደበኛ ቁጠባን ባህል ማድረግ እንደሚገባ ይመክራሉ።

    ልክ እንደ ሯጭ አትሌት ሁሉ ከመነሻ መድረሻ ግብን አስቀድሞ መወሰን ተገቢ ነው ሲሉም ያክላሉ።

    የሚቆጥቡትን ገንዘብ ምን ላይ ሊያውሉት እንዳሰቡና ሊሰሩት ያሰቡት ስራ ምን ያህል ካፒታል እንደሚጠይቅ ማወቅም አስቀድመው ሊሰሩት የሚገባ የቤት ስራዎ ነው።

    በገንዘብ አወጣጥዎ ላይ ህግና መመሪያ ማስቀመጥም ወሳኝ ነው፤ ከማገኛት አንስተኛ ገንዘብ ላይ ከዚህ በላይ ወጪ ማውጣት አይኖርብኝም በማለት ለፍላጎትዎ ልጓም ሊያበጁም ይገባል።

    ገንዘብዎን ባገኙት ነገር ላይ ከመበተን መቆጠብና በጡረታ ጊዜ ሊያጋጥምዎ የሚችለውን የገንዘብ እጥረት ከግንዛቤ በማስገባት የቁጠባ ባህልዎ በተቻለ መጠን የማያቋርጥ እንዲሆን መወሰንም ይጠበቅብዋታል ።

    ገቢዎትንና ወጪዎትን መለየትዎ ቁጠባ ከመጀመርዎ በፊት ሊያውቁት የሚገባ ጉዳይ ሲሆን፥ የቁጠባ ባህልዎ ማደጉ በተጨማሪም ብድርዎን ያለመጨናነቅ እንዲመልሱ የሚያስችልዎ አይነተኛ ስልት መሆኑንም መዘንጋት የለብዎትም።

    እነዚህን ምክሮች በሚገባ ከተገበሩም ህልም የመሰለዎትንና በትንሽ ገቢ ቀስ በቀስ መለወጥ ይቻላል የሚለውን መርህ ገንዘብዎ በማድረግ፤ ሀብት መፍጠር ይችላሉ የሚለውም የባለሙያዎቹ መልዕክት ነው።

    ምንጭ:- ኤፍ ቢ ሲ(FBC)

     

    Read more »

  • የኢትዮጵያ ገና ለምን ታህሳስ 29 ይከበራል? - Why Ethiopian Celebrate Ethiopian Christmas on January 7?

                                                                        

    የአውሮፓውያንን የጊዜ ቀመር በሚከተሉ ሃገራት የክርስቶስ ልደት ዲሴምበር 25 (ታህሳስ 16) ይከበራል። ኢትዮጵያዊንን ጨምሮ ከ10 በላይ ሃገራት ደግሞ ከ12 ቀናት በኋላ ታህሳስ 29 ያከብራሉ። ይህ እንዴት ሊሆን ቻለ ስንል የኃይማኖት ሊቃውንትን ጠይቀናል።

    "የጎርጎሮሳውያን የዘመን አቆጣጠር ያመጣው ፍልሰት"

    የኢትዮጵያ ቤተክርስትያን የዘመን አቆጣጠር ከአውሮፓውያን የዘመን አቆጣጠር የተለየ ነው።

    አንደኛ ሰባት ዓመት ከስምንት ወር ከአስር ቀን ልዩነት አለ። ሁለተኛ እያንዳንዱ ወር የሚይዛቸው ቀናት ልዩነት አላቸው። ''በእያንዳንዱ ወር ውስጥ ከስድስት እስከ አስር ቀናት የሚደርሱ ልዩነቶች አሉ'' ይላሉ በኢትዮጵያ ኦርቶዶክስ ተዋህዶ ቤተክርስቲያንን የዘመን ቀመር (ባህረ ሃሳብ) ዙሪያ መጽሃፍ ያሳተሙት መጋቤ ጥበብ በእምነት ምትኩ ።

    "የጎርጎሮሳውያኑ የዘመን አቆጣጠር እስከተጀመረበት ድረስ መላው ዓለም ተመሳሳይ የዘመን አቆጣጠር እንደነበረው ይታመናል"የሚሉት መጋቤ ጥበብ በእምነት" ነገር ግን በ1382 ዓ.ም የካቶሊክ ቤተክርስትያን ጳጳስ የነበረው ጎርጎሪዮስ የዘመን አቆጣጠሩ ችግር አለበት በሚል እንደገና እንዲሰላ ወሰነ። ከዚያም በአንድ ዓመት ውስጥ 365 ቀን ከ6 ሰዓት ነው ያለው የሚለውን ሃሳብ በማንሳት በየዓመቱ አንድ አንድ ሰዓት ተጨምሮብናል'' ይላሉ።

    ስለዚህ እንደ መጋቤ ጥበብ በእምነት ይህ አንድ ሰዓት ተጠራቅሞ መጨመር አለበት በማለት ከኒቂያ ጉባኤ ጀምሮ ያለውን አስልቶ በማሳሰብ 10 ቀን በመሙላቱ ኦክቶበር 5 የነበረውን ኦክቶበር 15 ነው ሲል አውጇል።

    "ስለዚህ በእኛና በእነሱ መካከል እየቀነሰ የሚሄድ ቢሆንም የ10 ቀን ያህል ልዩነት አለን።"

    እንግዲህ የኢትዮጵያ ቤተክርስትያን ከኖህ ዘመን ጀምሮ የነበራትን የቀን አቆጣጠር ጠብቃ ይዛ የቀጠለችና ምንም ነገር ያላሻሻለች በመሆኑ የነበረው እንዳለ ነው ሲሉ ያስረዳሉ።

    "በተመሳሳይ የኢትዮጵያ ቤተክርስትያን ብቻ ሳትሆን የግብፅ ቤተክርስትያንም ምንም አይነት ማሻሻያ አላደረገችም።''

    "ዘመን በአንድ ክብ ላይ አንድ ነጥቡን መነሻ አድርጎ ክቡን የመቁጠር ሂደት ነው" የሚሉት ደግሞ መጋቢ ሰለሞን አበበ ገ/መድህን ናቸው ።

    ዘመን መቁጠር የጀመረው ክርስትናው አይደለም የሚሉት መጋቢ ሰለሞን ክርስትናው ከመጣ በኋላ ታላቁን ክስተት የጌታን የኢየሱስ ክርስቶስ መወለድ መነሻ አደረጉ ብለዋል።

    "ይህም በአንድ ክብ ላይ የትኛው ነጥብ ላይ ሄጄ ነው መቁጠር የምጀምረው እንደማለት ነው። ምክንያቱም ዞረው በሚገጥሙ በማያቋርጡ ተፈጥሯዊ ሁኔታዎች የምድርን ዙረት መሠረት አድርጎ ዘመናችን ስለሚለዋወጥ ነው የምንቆጥረው።"

    ስለዚህ እንደ መጋቢ ሰለሞን በጁሊያን አቆጣጠር ለቆጠራ እንዲመቸውና እንዲሞላለት በዘፈቀደ ያስገባቸው ወደ 44 ደቂቃ እና 56 ቁርጥራጭ ሰከንዶች ተጨምረዋል።

    "በኋላ ላይ ጎርጎሪዮስ ሲያርመው ከዓመታት በኋላ ተጠራቅመው እነዛ ድቃቂዎች አስር ተጨማሪ ቀናት ወልደው ተገኙ።"

    ጎርጎሪዮስ እነዚህ አስር ቀናት ከናካቴው ተጎርደው ይውጡ የሚል አቋም ወሰደ ሲሉ ያስረዳሉ መጋቢ ሰለሞን።

    እርማቱ ሲካሄድ ለጊዜው በዓመት፣ በአስር ዓመት የማይታሰቡ ቁርጥራጭ ደቂቃዎች ቀን በመውለዳቸው ልዩነቱ እንደፈጠረ የሚናገሩት መጋቢ ሰለሞን "እኛ እንግዲህ የጁሊያን ሳይታረም የቀረውን ይዘን በመሄዳችን በወራቱ ላይና በቀናቱ ላይ አስርም ስምንትም እንዲሁም በዓመታቱ ላይ ልዩነቶችን እየፈጠረ መጣ። ስለዚህ የመጀመሪያው ልዩነት ሲታረም የታረመውን አለማካተታችን ነው።"

                                                                              

    የክርስቶስ ልደት መጽሐፍ ቅዱሳዊና ታሪካዊ መሠረቶች

    እንደ መጋቤ ጥበብ በእምነት የአውሮፓውያኑ የቀን አቆጣጠር መሠረት ያደረገው በ735 ዓ.ም የተከሰተውን የሮም መቃጠልን ነው። "ከዛ ተነስተው ነው የአዲስ ኪዳን ዓመተ ምህረታቸውን የቀመሩት።"

    የኢትዮጵያ ቤተ-ክርስትያን ግን እንዲህ ዓይነት ክስተቶችን መሠረት እንዳላደረገች የሚናገሩት መጋቤ ጥበብ በእምነት ምክንያቱ ደግሞ እንዲህ ዓይነት ክስተቶች የዓመት ልዩነት ሊፈጥሩ ስለሚችሉ እንደሆነ ይገልፃሉ።

    "የኢትዮጵያ ቤተ-ክርስትያን ለልደተ-ክርስቶስ መነሻ የምታደርገው መጽሐፍ ቅዱስ ነው። ይኸውም የሉቃስ መጽሐፍ ምዕራፍ አንድ ላይ ቅዱስ ገብርኤል በስድስተኛው ወር ወደ ድንግል ማርያም ተላከ ይላል። ስድስት ወር ማለት ከዛ በፊት አንድ ታሪክ አለ ማለት ነው።"

    "በዚያው ምዕራፍ ላይ ቅዱስ ገብርኤል ወደ ዘካርያስ ሄዶ ዮሐንስ እንደሚፀነስ ብስራት ነግሮታል። የዮሐንስ ፅንሰት ከተከናወነ ከስድስተኛው ወር በኋላ ቅዱስ ገብርኤል ወደ እመቤታችን ሄደ ማለት ነው።"

    "ስለዚህ የጌታ ልደት መነሻ የሆነው የዮሐንስ ፅንሰት ወይም ልደት ነው። ዮሐንስ ደግሞ መቼ ነው የተፀነሰው የሚለውን ስናይ ዘካርያስ በቤተመቅደስ ገብቶ ያጥን ነበር ይላል። ይህ ሥርዓት ደግሞ በዓመት አንዴ የሚፈፀም ነው።"

    እንደ መጋቤ ጥበብ በእምነት ያንን ጊዜ ለማወቅ ደግሞ ብሉይ ኪዳን ላይ ዘካርያስ ገብቶ ቤተ መቅደሱን ያጠነበት ቀን በሰባተኛው ወር ከቀኑም በአስረኛው ቀን ነው (ዘሌ 16፥29፣ ዘሌ 23፥27 ) የሚለውን ማየት ያስፈልጋል።

    በተጨማሪም የአይሁዳውያን የቀን አቆጣጠር ደግሞ የሚጀምረው ከመጋቢት ነው። ከዚያ ተነስተን መስከረም ድረስ ስንቆጥር ሰባተኛው ወር ላይ እንደርሳለን። ስለዚህ ካህኑ ለሕዝቡ ስርየተ-ኃጢዓት የሚለምነው በመስከረም ወር ነው ማለት ነው ይላሉ መጋቤ ጥበብ።

    "ስለዚህ በቤተክርስትያናችን የብስራቱ ቀን መስከረም 27 ነው። ከዛ በኋላ ደግሞ ከሦስት ቀናት በኋላ ለሚስቱ ሄዶ ነግሯት ዮሐንስ ተፀነሰ። ከዚህ ከስድስት ወር በኋላ ቅዱስ ገብርኤል ወደ እመቤታችን የሄደበትን ቀን ስንቆጥረው መጋቢት 29 ቀን ይሆናል። ከዛ ደግሞ ተነስተን ዘጠኝ ወር ከአምስት ቀን ስንቆጥር ታህሳስ 29 ላይ እንደርሳለን" ይላሉ።

    የኢየሱስ ክርስቶስን ልደት መቼ ነው በትክክል መከበር ያለበት? የሚለውን ለመመለስ ቤተ-ክርስትያን በይፋ በሚታወቅ መልኩ ልደቱን ማክበር የጀመረችው መቼ ነው? የሚለውን ማየት አስፈላጊ እንደሆነ ደግሞ መጋቢ ሰለሞን ይናገራሉ።

    ቅዱስ መጽሐፍ የጌታን ልደት እንጂ የተወለደበትን ቀን አይነግረንም የሚሉት መጋቢ ሰለሞን በይፋ የተመዘገበ ታሪክ የምናገኘው በ4ኛው ምዕተ-ዓመት ላይ ነው ይላሉ።

    "አንዳንዶች በሦስተኛው ምዕተ-ዓመትም የመከበሩ ምልክቶች አሉ የሚል ዘገባ ያቀርባሉ። ይህ ከሆነ በዚህ የቀን ፍለጋው ውስጥ አሁንም ልዩነቶች ተፈጥረዋል።"

    የተለያዩ ምሁራን የቀን ቆጠራን ለማካሄድ ባህረ-ሃሳብም ሆነ ጎሪጎሪያውያን ወደ ኋላ ሲሄዱ ስህተት መፈፀማቸውን የሚናገሩት መጋቢ ሰለሞን፤ ከዛ ይልቅ ከኢየሱስ ልደት ጋር ያለውን ቀን ለመለየት መጽሐፍ ቅዱስን መመልከት ይሻላል ይላሉ።

    ኢየሱስ በተወለደ ጊዜ የነበሩ ምልክቶች የታላቁ ቄሳር መኖር፣ የሕዝብ ቆጠራ እንዲካሄድ ማዘዙ፣ የኮከቡ መታየት (ስነ-ከዋክብት ተመራማሪዎች ወደ ኋላ ሄደው አንዲመረምሩ ስለሚያስችላቸው)፣ በይሁዳ ላይ ሄሮድስ የሚባል ንጉስ መኖሩ፣ ጴንጤናዊው ጲላጦስ በሮም ላይ ገዢ ሆኖ መሾሙ፣ እነዚህ ታሪካዊ ክስተቶችን ከመፅሐፍ ቅዱስ ውጪ ካሉ ሰነዶች ጋር አያይዘን ካየን ሁለቱም የዘመን አቆጣጠሮች ወደኋላ ተሄዶ ሲመረመሩ ስህተት አለባቸው ሲሉም ሃሳባቸውን ያጠናክራሉ።

    "በጎሪጎሪዮሳውያኑ 7 ዓመት ወደ ኋላ፤ በእኛ ደግሞ 15 ዓመት ወደኋላ ተመልሶ ነው የታሪካዊ ሁነቶች የተከሰቱት የሚሉ ጥናቶች ወጥተዋል" ይላሉ መጋቢ ሰለሞን።

                                                                    

    የኢትዮጵያ ወንጌላውያንና ካቶሊኮች

    እንደ መጋቢ ሰለሞን ከሆነ የኢትዮጵያ ወንጌላዊያን ክርስትያኖች ልደት፣ ሞትና ትንሳዔን አበይት በዓላት አድርገው የሚቆጥሩ ናቸው።

    "በኢትዮጵያ ውስጥ ቀደምት ክርስትና ነበር። ቀዳሚውም ክርስትና ወደ 2000 ዓመት ኖሯል። ይህ ሃገር የክርስትና ውርስና ቅርስ አለው" ይላሉ።

    "...ምንም እንኳ ወንጌል አማኞች በአንዳንድ አስተምህሮዎች እና ትውፊታቸው ከቀዳሚቷ የኢትዮጵያ ኦርቶዶክስ ቤተ-ክርስትያን ቢለዩም ነገር ግን የጌታን ልደት በማክበሩ ላይ ያንኑ የቀዳሚውን ይዞ መሄዱን መርጠዋል" ሲሉም ያስረዳሉ።

    ምክንያታቸው ደግሞ የትኛውንም ለመምረጥ ምንም የተለየ መጽሐፍ ቅዱሳዊ መሠረት የለም የሚል ነው። "ይልቁንም ትውፊትን ነው የመረጥነው ማለት ነው" ብለዋል።

    የኢትዮጵያ ካቶሊክ ቤተክርስትያን በሄደችበት ሃገር ያለውን ባህል እና አካሄድ በመከተል የእምነት ስብከቷን እንደምታካሂድ የሚናገሩት መጋቤ ጥበብ በእምነት፤ በዚህ የተነሳም የኢትዮጵያ ካቶሊካዊት ቤተክርስትያን የተለየ የቀን አቆጣጠር አትከተልም ብለዋል።

    ምንጭ: ቢቢሲ

    Read more »

  • የግሉ ዘርፍ ሠራተኞች ለመውለድ ምን ያህል ይጠብቁ? - Private Company Female Employees and Pregnancy

    የህዝብ ተወካዮች ምክር ቤት ረቡዕ ህዳር 26 ቀን 2010 ዓ.ም ባካሄደው የሶስተኛ ዓመት 7ኛ መደበኛ ስብሰባ የተሻሻለውን የመንግሥት ሠራተኞች አዋጅ በማፅደቅ የመንግሥት ሰራተኞችን የወሊድ ፈቃድ ከሦስት ወደ አራት ወር ከፍ እንዲል አድርጓል።

    አዋጁ በብዙዎች እሰይ የተባለለት ቢሆንም የአዋጁን መፅደቅ ተከትሎ በግሉ ዘርፍ ያሉ እናቶችስ? የሚል ጥያቄ እየተነሳ ነው።

    አንድ አገር ላይ እየሰሩና እኩል ግብር እየከፈሉ እንዴት የዚህ ዓይነት ልዩነት ይኖራል በሚል አስተያየታቸውን የሰነዘሩ ብዙዎች ናቸው።

    በግሉ ዘርፍ ያሉ ሴቶችን ጉዳይ በተመለከተ ከቢቢሲ ጥያቄ የቀረበላቸው የፌደራል የሴቶችና ህፃናት ጉዳይ ሚኒስቴር ህግ ዳይሬክቶሬት ዳይሬክተር አቶ ደረጀ ተክይበሉ በግሉ ዘርፍና በመንግሥት በጀት በማይተዳደሩ የልማት ድርጅቶች የአሰሪና ሠራተኛ ግንኙነትን የሚመለከት ሌላ አዋጅ መኖሩን በማስታወስ ይህ አዋጅም ተሻሽሎ ተመሳሳይ ውጤት እንደሚኖር ገልፀዋል።

    "የአሰሪና ሠራተኛ አዋጁ በመሻሻል ላይ ነው። በመሰረታዊነት የሚታየው ወሊድ ሴት ልጅ ትውልድን የመተካት ሃላፊነት የምትወጣበት ተፈጥሯዊ ነገር መሆኑ ነው። ስለዚህ ተመሳሳይ የሆነ የፖሊሲ አቋም ይኖራል ተብሎ ነው የሚጠበቀው። እስከዛሬም የነበረው ነገር ተመሳሳይ ነው" ብለዋል አቶ ደረጀ።

    ነገር ግን ይህ በግሉ ዘርፍ ያሉ ሴቶች የወሊድ ፈቃድን የሚመለከተው አዋጅን የማሻሻል ሂደት ገና በጅምር ላይ ነው።

    አቶ ደረጀ እንደሚሉት በአሁኑ ወቅት ሰራተኛና ማህበራዊ ጉዳይ ሚኒስቴር ማሻሻያውን እያየውና እየመከረበት ሲሆን ለውሳኔ አልደረሰም።

    እዚህ ጋር ሊነሳ የሚችለው ጥያቄ ለግል ዘርፍ ሠራተኞች የተዘጋነው አዋጅ በትክክል መቼ ይፀድቃል የሚለው ነው።

    ለመንግሥት ሠራተኞች የፀደቀው አዋጅ በተጨማሪም የመንግሥት መስሪያ ቤቶች የህፃናት ማቆያ እንዲያዘጋጁም ይደነግጋል።

    ያነጋገርናቸው እናቶች እርምጃው በጣም ጥሩ እንደሆነ ሲገልፁ ስድስት ወር ጡት ከማጥባት አንፃር አሁንም የወሊድ ፈቃድ ሊሻሻል እንደሚገባ የሚናገሩም አሉ።

    በተመሳሳይ የኢትዮጵያ የማህፀንና ፅንስ ሃኪሞች ማህበር ፕሬዚዳንት ዶክተር ደረጀ ንጉሴ ከእናቶች ከወሊድ ማገገም እንዲሁም ስድስት ወር ከማጥባት አንፃር ማህበራቸው የወሊድ ፍቃድ መርዘምን እንደሚደግፍ ይናገራሉ።

    ይህ ማለት ፍቃዱ ከዚህም በላይ ከፍ ቢል እንደ ህክምና ባለሙያ የሚደግፉት ነው።

    በተቃራኒው በአገሪቱ ነባራዊ የኢኮኖሚ ሁኔታ የወሊድ ፍቃድን መጨመር የሴቶችን ሥራ የመቀጠር እድል ይቀንሳል የሚል አስተያየት የሰጡን ሴቶችም አሉ።

    በፌስቡክና በተለያዩ ገፆች ሴቶችን የሚመለከቱ ነገሮችን የምትፅፈው ቤተልሄም ነጋሽ ቀደም ሲል የወሊድ ፈቃድ እንዲጨመር በማህበራዊ ድረ ገፆች ቅስቀሳ እናድርግ የሚል ጥያቄ ቀርቦላት የነበረ ቢሆንም፤ መጀመሪያ የኢኮኖሚው ሁኔታና የቀጣሪዎች አመለካከት ከግምት ውስጥ መግባት አለበት ብላ በማመን በቅስቀሳው ከመሳተፍ መቆጠቧን ትናገራለች።

    "ማህበረሰቡ መጀመሪያ መውለድ ዘር መተካት መሆኑን በመረዳት በወሊድ ምክንያት እናቶች ላይ የሚፈጠረውን ጫና ለመካፈል ፈቃደኛ መሆን አለበት። የድርጅት ባለቤቶች የወሊድ ፍቃድ ሲሰጡ ቀጣዩን ትውልደ እየተንከባከቡና እያሳደጉ መሆኑን ማወቅ አለባቸው" ትላለች።

    የቀድሞዋ ጋዜጠኛ ሮዝ መስቲካ ሥራዋን ያቆመችው የመጀመሪያ ልጇን ስትወልድ እንደነበር ታስታውሳለች።

    የወሊድ ፍቃድ ስድስት ወር መሆን አለበት በማለት በማህበራዊ ድረ ገፅ ቅስቀሳ ስታደርግ በመቆየቷ በአዋጁ መሻሻል ደስተኛ መሆኗን ትናገራለች።

    "ስድስት ወር ይጨመር የምለው አንድም ስድስት ወር ለማጥባት፤ ሌላው ደግሞ እናት በቂ እረፍት እንድታደርግ ነው። ቢሆንም ግን የተገኘው አንድ ወርም ቀላል ባለመሆኑ ደስተኛ ነኝ። ብዙ እናቶች እንደሚያደርጉት ከራሳቸው ፍቃድ ጨምረው ስድስት ወር ሊያጠቡ ይችላሉ" ብላለች።

    በመጀመሪያው የመንግስት ሰራተኞች አዋጅ 515/1999 መሰረት የወሊድ ፍቃድ ሦስት ወር ነበር።

    Read more »

  • የመንግስት ሰራተኞች የወሊድ ፈቃድ ወደ አራት ወር ከፍ አለ - Maternity Leave

                                                                   

    የህዝብ ተወካዮች ምክር ቤት የተሻሻለውን የመንግስት ሰራተኞች ረቂቅ አዋጅ አጸደቀ።

    ምክር ቤቱ ዛሬ ባካሄደው 3ኛ ዓመት የስራ ዘመን 7ኛ መደበኛ ስብሰባ የተሻሻለውን የመንግስት ሰራተኞች አዋጅን ጨምሮ ሌሎች ሁለት አዋጆችንም አፅድቋል።
    የተሻሻለው የመንግስት ሰራተኞች አዋጅ ሀገሪቷ ከደረሰችበት የዕድገት ደረጃ ጋር የተጣጣመና የመንግስት ሰራተኛውን መብት የሚያስጠብቁ ድንጋጌዎችን ያካተተ መሆኑ ተገልጿል።
    የሰው ኃብት ልማት እና መልካም አስተዳደር ጉዳዮች የህግና ፍትህ ጉዳዮች ቋሚ ኮሚቴዎች ረቂቅ አዋጁን በዝርዝር በማየት የውሳኔ ሀሳባቸውን ለምክር ቤቱ አቅርበዋል።
    በዚህም ረቂቅ አዋጁ በዓለም አቀፍ ደረጃ የታዩ ምርጥ ተሞክሮዎችን መሰረት ያደረገና አገሪቷ እያስመዘገበች ያለውን ዕድገት ማስቀጠል የሚያስችል ፐብሊክ ሰርቪስ ለመገንባት የሚረዳ መሆኑን የቋሚ ኮሚቴዎቹ በውሳኔ ሀሳባቸው አብራርተዋል።
    የመጀመሪያው የመንግስት ሰራተኞች አዋጅ 515/1999 በትግበራ ወቅት ያጋጥሙትን ችግሮች የሚፈታ እና አዋጁ የነበሩበትን ክፍተቶች የሚሞላ መሆኑም ተብራርቷል።
    የተሻሻለው አዋጅ ለሴት ሰራተኞች የአራት ወራት የወሊድ ፍቃድ ከመስጠቱም ባለፈ በመንግስት መስሪያ ቤቶች የህጻናት ማቆያ ቦታዎች እንዲዘጋጁ የሚያደርጉ ድንጋጌዎችን ይዟል።
    በቀድሞው አዋጅ የወሊድ ፍቃድ 90 ቀናት ወይም 3 ወር የነበረ ሲሆን፥ በተሻሻለው አዋጅ ወደ 120 ቀናት ወይም 4 ወር ከፍ ብሏል።
    የወሊድ ፈቃዱ ፅንስ የተቋረጠባቸው ሴቶችንም የሚያካትት መሆኑ ተገልጿል።
    አንድ የመንግስት ሰራተኛ የዓመት ፍቃድ በገንዘብ ሲለወጥ የሰራተኛው የአንድ ቀን ደመወዝ የሚታሰበው ያልተጣራ የወር ደመወዙን በ30 ቀናት በማካፈል መሆኑንም አዋጁ ይደነግጋል።
    በሌላ በኩል የህመም ፈቃድ የመጀመሪያዎቹ ሶስት ወራት ከሙሉ ደመወዝ ጋር፣ለተከታዮቹ ሶስት ወራት ደግሞ ከግማሽ ደመወዝ ጋር እንዲሁም ለሚቀጥሉት ሁለት ወራት ያለደመወዝ እንደሚሰጥ ነባሩ አዋጅ ይደነግጋል።
    በአዲሱ አዋጅ ግን የመጀመሪያዎቹ ስድስት ወራት ከሙሉ ደመወዝ ጋር፣ ለተከታዮቹ ሁለት ወራት ደግሞ ከግማሽ ደመወዝ ጋር እንዲሰጣቸው በሚል ተሻሽሏል።
    የምክር ቤቱ አባላት አዋጁ አገሪቷ አሁን ከደረሰችበት የዕድገት ደረጃ ጋር የሚጣጣምና የመንግስት ሰራተኞችን መብት የሚያስጠብቁ ድንጋጌዎችን ያካተተተ ነው በማለት በአንድ ድምፀ ተአቅቦና በአብላጫ ድምፅ አፅድቀውታል።
    ምክር ቤቱ በዛሬው ውሎው የተፈጥሮ ኃብት ልማትና አካባቢ ጥበቃ ጉዳዮች ቋሚ ኮሚቴ የደን ልማት ጥበቃና ረቂቅ አዋጅን በተመለከተ ያቀረበወን የውሳኔ ሀሳብ መርምሮ በአብላጫ ድምፅና በ13 ድምፀ ተአቅቦ አፅድቋል።
    በኢትዮጵያ መንግስትና በአለምአቀፍ የልማት ማህበር መካከል ለፍትሃዊ የመሰረታዊ አገልግሎቶች ማስፋፊያ ፕሮግራም ማስፈጸሚያ የሚውል ተጨማሪ ብድር ለማግኘት የተደረገውን ስምምነት ለማፅደቅ የቀረበ ረቂቅ አዋጅንም በሙሉ ድምፅ አፅድቋል።
    ምንጭ፦ ኢዜአ

    Read more »

  • ስለ ጠልሰም ወይም በተለምዶ የአስማት ጥበብ ተብሎ ስለሚጠራው ምን ያህል ያውቃሉ? - "Telsem" Or Magical Wisdom of Art

                                                         

    ጠልሰም አስማታዊ ጥበብ ነው ፤ ትርጉሙ ደግሞ አምሳል፣ውክልና እንዲሁም ማስዋብ ማለት ነው።

    ጠልሰም የተለየ ኀይል ያለው ጥበብ ነው።

    ኢትዮጵያውያን ከሁለተኛው ክፍለ ዘመን ጀምሮ ይሰሩት የነበረ ጥበብ መሆኑም ይነገራል።

    ይህም ጥበብ በየገዳማቱ በብራናዎች ላይ አርፏል።

    የጠልሰም ጥበብ ኃይል ያላቸውን ቃላት፣ዕፅዋት እንዲሁም ምልክቶችን ይይዛል።

    ጠልሰም የመፈወስ ኃይል አለው ስለሚባል በክታብነት የሚጠቀሙበት አሉ።

    ይህ ጥበብ በአሁኑ ወቅት በአንዳንድ አካባቢዎች ብቻ ተወስኗል።

    የጠልሰም ስዕልም እነዚህን ኃይል ያላቸውን ቃላቶች፣ ምልክቶችና ዕፅዋት በመጠቀም የሚሳል ነው።

    ጠልሰም ከመፈወስ በተጨማሪ ሰውን የመሰወር፤ ግርማ ሞገስን መስጠት፤ በሰዎች ጫንቃ ላይ ለመስፈር የሚዳዳውን ሰይጣን ጋሻና ጦር በመሆን መከላከልና ማስጣል የሚያስችል ኃይል አለው ተብሎ ይታመናል፤ ይህም ዓቃቤ ርዕስ ተብሎ ይጠራል።

    ለዛሬም ከአንድ ኢትዮጵያዊ ጠልሰምን የሚጠቀም ሰዓሊ እናስተዋውቃችሁ።

    ተወልደብርሃን ኪዳነ አስመራ ከተማ ውስጥ ማይ ጃሕጃሕ በተባለ ልዩ ስፍራ ነው የተወለደው። የአንድ ዓመት ህፃን ልጅ ሆኖም ወደ ኢትዮጵያ መጣ።

    በመቐለ የአቡነ ገብረ መንፈስ ቅዱስ ቤተክርስትያን ውስጥ የአብነት ትምህርቱን የተማረው ከመርጌታ አርአያ ሲሆን በተጨማሪም ጥንታዊና እየጠፋ ያለውንም የጠልሰምን ዕውቀት አስተምረውታል።

    የመደበኛ ትምህርቱን 8ኛ ክፍል ከደረሰ በኃላ ሁሉንም ነገር ጥሎ ወደ ጐጃም ጣና ቂርቆስ ገዳም ገባ።

    ገዳሙ ውስጥ ለሦስት ዓመታት ያህል የጠልሰም ጥበብን ከሊቃውንት አባቶች ተማረ።

                                                             

    የጠልሰምን ጥበብ ከአፈር፣ ከዕፅዋት፣ከቅጠልና ከአበባ እንዴት መሳል እንደሚቻልም ለዓመታት አጠና።

    ወደ ሰሜን ወሎ በማቅናትም በአቡነ ይምርሃነ ክርስቶስ ገዳም ውስጥ ስለ ጠልሰም አንድ ዓመት ተምሯል።

    ከዚያም በኃላ ሰሜን ሸዋ በሚገኘው የደብረ ሊባኖስ ገዳም በመሄድ የጠልሰምን ጥበብ ለአንድ ዓመት ተኩል ያህል አጥንቷል።

    ተወልደብርሃን በዚህ አላበቃም ወደ ቢሾፍቱም በመሄድ በቤተ ሩፋኤል ገዳም ውስጥ አንድ ዓመት ከሦስት ወር በመቆየት በጠልሰም ዙሪያ ላይ ቁፋሮና ምርምር አካሂዷል።

    ወጣቱ በነዚህ የምርምርና የጥናት ጊዜው ጠልሰም ትልቅ የኢትዮጵያውያን ስልጣኔ መሆኑን እንደተረዳ ይናገራል።

                                                                 

    "የመጀመርያው ሰዓሊ ራሱ ፈጣሪ ነው፤የሰው ልጅ የፈጣሪ የጠልሰም ጥበብ ውጤት ነው። የሰው ልጅም ከፈጣሪው የወረሰውን የጥበብ ኅይል ተጠቅሞ የጠልሰምን ጥበብ መከወን ችሏል። በዚሁ ዘዴ ከመላዕክት ጋር ይነጋገራል። ሲያሰኘው ደግሞ ጥበቡ እየረቀቀ በሄደ ቁጥር ከአጋንንት ጋርም ያወራል" በማለት ተወልደብርሃን ስለ ጠልሰም አፈጣጠርና መንፈሳዊ ግንኙነት ይገልፃል ።

    በኢትዮጵያ የጠልሰም ጥበብና ሐረግ በየገዳማቱ ብራና ላይ ይገኛሉ። ተወልደብርሃን በጠልሰም ምርምር ዘልቆ የገባ ሲሆን የራሱን የፈጠራ ውጤት በማከል የተለያዩ ስዕሎችን ያዘጋጃል።

    እስከ አሁን ድረስ ከሌሎች ኢትዮጵያውያን ሰዓሊያን ጋር በመሆን በአዲስ አበባ የአሜሪካ ኤምባሲ፣ብሔራዊ ቴአትር፣ነፃ አርት ቪሌጅ፣ሸራተን ሆቴል፣እንዲሁም በመቐለ ከተማ፣ በዓዲ ግራትና አክሱም ዩኒቨርሲቲዎች በተለያየ ጊዜ የጠልሰም ስዕሎች ዓውደ ርእይ አቅርቧል።

    በመቶዎች የሚቆጠሩ የጠልሰም ስዕሎችንም ሰርቷል።

    "ኢትዮጵያውያን ከጠልሰም በፊት የነበረውና 'ርስተ ጌታ' በሚል ይታወቅ የነበረው የጥበብ ጸጋ አጥተነዋል። 'ርስተ ጌታ' በስነ ፍጥረት ዙሪያ የሚያጠነጥን የስዕል ጥበብ ነበረ። በአሁኑ ሰዓት የዚህ ጥበብ አሻራ በደብረ ዳሞ ገዳም (ትግራይ) እንዲሁም በይምርሃነ ክርስቶስ ገዳም (ላልይበላ) ይገኛል" በማለት ተወልደብርሃን ይናገራል።

    ይህንን ጥበብ ወደ ቀጣዩ ትውልድ ለማስተላለፍ ዕቅድ ያለው ተወልደብርሃን ትግራይ ክልል ውስጥ ከክልሉ የባህልና ቱሪዝም ቢሮ ጋር በመተባበር በአምስት አካባቢዎች በጠልሰም ጥበብ ዙሪያ ለወጣቶች ስልጠና ለመስጠት አቅዶ እንዳልተሳካለት ይናገራል።

    "ጠልሰም ደግሞ ምንድን ነው? አሉኝ። ብራና ላይ ስዬ አሳየሁዋቸው፤ሊቀበሉት አልቻሉም፤ይኸው ቤቴን ዘግቼ እስላለሁ" ሲል ሁኔታው ምን ያህል እንዳልተመቻቸለት ገልጿል።

                                                          

    ተወልደብርሃን ማታ እስከ እኩለ ሌሊት ሲስል ሻማ ማብራትና ዕጣን ማጨስ ይወዳል።

    ባለፈው ዓመት ዘጠኙን ቅዱሳን ለመሳል 78 ሻማዎችን አብርቷል።

    በኢትዮጵያ የጠልሰም ጥበብ ውስጥ ሴቶች አይሳተፉበትም ምክንያቱም ይህ ጥበብ የአስማት ነው ተብሎ ስለሚታወቅ ከባድ ተፅዕኖ ስለሚደርስባቸው ነው በማለት ተወልደብርሃን ይገልፃል።

    ተወልደብርሃን በአሁኑ ሰዓት መቐለ በሚገኝ አንድ የሥነጥበብ ጥምህርት ቤት ዘመናዊ የስዕል ጥበብ ያስተምራል።

    በቀጣይ አንድ ትልቅ የጠልሰም ጥበብ ውጤቶችን የሚያሳይ ዓውደ ርዕይ ለማዘጋጀት አቅዷል።

    "ኢትዮጵያ ውስጥ ጠልሰም አደጋ ላይ ነው፤ሌላው ቀርቶ በውል ተጠንቶ አልተሰነደም። እኔ ያጠናሁትና የሰበሰብኩትን ዕውቀት በመፅሃፍ አሳትሜ ወደ ህዝቡ እንዳላቀርብ አጋዥ በማጣት ይኸው አቋረጥኩት" ሲል ተወልደ ብርሃን በምሬት ይናገራል።

    ምንጭ: ቢቢሲ

    Read more »

  • ውቅያኖስን እንታደግ በሚል መፈክር ከ4 ሺህ በላይ ሰዎች በአሸዋ ላይ በመወዳደራቸው በድንቃድንቅ መዝገብ ሰፍረዋል - Thousands Take Part in Record-breaking Beach Race to Help "save the ocean"

                                                                

    ውቅያኖስ እንታደግ በሚል መፈክር ከ4 ሺህ በላይ ሰዎች በአሸዋ ላይ በመወዳደራቸው በዓለም የድንቃድንቅ መዝገብ ሰፍረዋል።

    መሰረቱን ካሊፎርኒያ ያደረገው “ሰርፊንግ ማዶና ኦሺንስ ፕሮጀክት” ድርጅት በሺዎች የሚቆጠሩ ሰዎችን በባህር ዳርቻ በአሸዋ ላይ ሩጫ በማወዳደር የዓለም ግዙፉን የአሸዋ ላይ ውድድር ያዘጋጀ በሚል ተመዝግቧል።

    ድርጅቱ ለየት ያለውን ውድድር ያዘጋጀው ውቅያኖስን እንጠብቅ እንታደግ የሚል ንቅናቄን ለመፍጠር ነው ተብሏል።

                                                                                               

    ውድድሩ በሳንዲያጎ በውቧ ኢንቺኒታስ የባህር ዳርቻ የተካሄደ ሲሆን፥ 4 ሺህ 288 ሰዎችን የመለማመጃ ጫማቸውን ተጫምተው እንዲሮጡ በማድረግ ነው በዓለም የድንቃ ድንቅ መዝገብ ላይ የሰፈሩት።

    የተወሰኑ ተወዳዳሪዎች ራሳቸውን ፎቶ ለማንሳት ሲሉ ለአፍታ ውድድሩን በማቆማቸው በድንቃድንቅ መዝገብ ስማቸው ሳይሰፍር ቀርቷል።

    ሆኖም በድንቃድንቅ መዝገቡ ላይ ለመስፈር በትንሹ 1 ሺህ ሰዎችን ማሳተፍ ያስፈልግ የነበረ ሲሆን፥ ከዚያ በላይ ቁጥር ያላቸው ሰዎች ውድድሩን በማጠናቀቃቸው ለድሉ በቅተዋል።

                                                           

    ተሳታፊዎቹ በአሸዋ ላይ በትንሹ 100 ሜትሮችን መሮጥ የሚጠበቅናቸው ቢሆንም የሰርፊንግ ማዶና ኦሺንስ ፕሮጀክት ድርጅት ግን ለአዋቂዎች በ5 ሺህ በ10 ሺህ እና በ15 ሺህ ኪሎ ሜትር የተለያየ የርቀት ሩጫን በግዴታ አስቀምጧል።

    ለታዳጊዎች ደግሞ 1 ሺህ ሜትርን መሮጥ ግዴታ ተጥሎባቸዋል።

    በዚህም በርካቶች የተጣለባቸውን ነየርቀት ወሰን በአሸዋ ላይ ሩጠው ጨርሰዋል።

    ምንጭ፦ www.guinnessworldrecords.com

    Read more »

  • የልጆችዎን የሞባይል አጠቃቀም ይከታተሉ ይሆን? - Will You Monitor Your Kids' Mobile Usage?

                                                                           

    ዲስ አበባ፣ ህዳር 1፣ 2010 (ኤፍ.ቢ.ሲ) ወላጆች የልጆችን የሞባይል ስልክ በርቀት ለመቀየር እና የስክሪን አጠቃቀም ጊዜ ገደብ ማስቀመጥ የሚችሉበት መተግበሪያ ይፋ ሆኗል።

    በጎግል በተደረገ ጥናት መሠረት በአውስትራሊያ ውስጥ ዕድሜያቸው ከ2 እስከ 12 ዓመት ያሉት 50 በመቶ የሚሆኑ ልጆች የራሳቸው ሞባይል ስልክ አላቸው።

    ታዲያ አብዛኛዎቹ ቤተሰቦች የልጆቻቸውን ኢንተርኔት አጠቃቀም በመቆጣጠር ረገድ ንቁ ተሳትፎ ቢያደርጉም፥ ጊዜ ገደብ ማስቀመጥ ግን አስቸጋሪ ሆኖባቸዋል ነው የተባለው።

    ስለዚህ ይሄን ችግር መፍታት የሚችል “”ፋሚልይ ሊንክ” የተሰኘ በጎግል ኩባንያ የተገነባ አዲስ መተግበሪያ መጀመሩን ተጠቁሟል።

    ይህ መተግበሪያ ዓላማው ወላጆች የልጆቻቸውን የሞባይል አጠቃቀም ለመወሰን እና መረጃን ለማዳረስ ነው ተብሏል።

    መተግበሪያው በአንድሮይድ ኦፕሬቲንግ ሲስተም መሣሪያዎች ላይ ተግባራዊ የተደረገ ሲሆን፥ ወላጆች ወይም ተንከባካቢዎች የልጆችን የሞባይል ስልክ ስክሪን የመመልከቻ ጊዜ ገደብ፣ የሚጠቀሙባቸውን መተግበሪያዎች ለመከታተል እና የመኝታ ሰዓት ማቀናጀትን ጨምሮ ሌሎች በርካታ ባህሪዎችን እንዲቆጣጠሩ ያግዛቸዋል ነው የተባለው።

    አዲሱ “ፋሚሊ ሊንክ” መተግበሪያ፥ ወላጆች ህጻናት የሞባይል ስልኮቻቸውን እንዴት እንደሚጠቀሙበት በመመልከት የአጠቃቀም ደንቦችን ለማቀናጀት እንደሚረዳም ኩባንያው ተናገሯል።

    ይህም ልጆች ቴክኖሎጂን በደህንነት እንዲጠቀሙ የሚያግዝ መሆኑ ነው የተጠቆመው።

    የጎግል ቃል አቀባይ እንደገለጹት ከሆነ፥ ቴክኖሎጂው ወላጆች የልጆቻቸውን ፍላጎት ለማወቅ፣ በቀጥታ መስመር( online) ላይ እያወሩ ያሉትን እና ምን ዓይነት መረጃ እያጋሩ እንደሆነ ለመመልከት ይረዳል። 

    በተጨማሪም ወላጆች መረጃን ደህንነቱ በተጠበቀ ሁኔታ እንዴት እንደሚጠቀሙ ከልጆቻቸው ጋር ግልጽ ውይይት ማድረግ እንደሚያስችላቸው ተነግሯል።

    “ፋሚሊ ሊንክ” መተግበሪያ አንድሮይድ ኦፕሬቲንግ ሲስተም በሚጠቀሙ የስልክ መሳሪያዎች ተግባራዊ የተደረገ ሲሆን፥ የአፕል ስማርት ስልኮች ያላቸው ሰዎችም ተመሳሳይ አገልግሎት መጠቀም ይችላሉ ተብሏል።

    ምንጭ:- ኤፍ ቢ ሲ(FBC)

    Read more »

  • 10 የአለማችን አስገራሚ ሰዎች - 10 Amazing People Of The World

    ሁላችንም ከሌላው ሰው ጋር ለየት የሚያደርገን በህሪያትና ችሎታዎች የታደልን ነን፡፡ ይሁንና የአንዳንድ ሰዎች የተሰጣችው ልዩ ችሎታ በጣም የሚገርምና ጉድ የሚያሰኝ ነው፡፡ ከዚህ በመቀጠል በአለማችን በጣም አስገራሚ የሆኑ  ሰዎችን ተፈጥሮ ካደለቻቸው ልዩ ብቃታቸው ጋር እናያለን፣

     

    1. ወገበ-ቀጭ እመቤት

     

                                                          

    የ26 አመቷ ጀርመናዊት ሚሸል ኮብከ በአለማችን ወገበ-ቀጭኗ እመቤት ስትሆን፤ የወገቧ መጠነ-ዙሪያ 40.64 ሳንቲ ማትር ወይም 16 ኢንች ነው፡፡ ሚሸል የወገቧን መጠነ-ዙሪያ ከዚህም በታች ወደ 35.56 ሳንቲ ማትር ወይም 14 ኢንች  የማሳነስ ዕቅድ እንዳላት ትናገራለች፡፡ “ችቦ አይሞላም ወገቧ ማር እሸት ነው ቀለቧ” የተባለው ለዚች አይነቷ ቆንጆ ሳይሆን አይቀርም፡፡

     

    1. ብረት-በሉ ሰው

                                                                                   

    ይህ ግለሰብ ሚቸል ሎቲቶ ይባላል የፈረንሳይ ዜግነት ያለው ሲሆን እንደ አውሮፓውያን አቆጣጠር ሠኔ 15 ቀን 1950 ነበር የተወለደው፡፡ ሚቸል ሎቲቶ  አንድን አውሮፕላን በሁለት አመታት ውስጥ አጣጥሞ እንደበላ ይነገርለታል፡፡ በ40 አመት ጊዜ ውስጥ ሚቸል ሎቲቶ ከዘጠኝ ቶን በላይ ክብደት የሚመዝን ብረት ተመግቧል፡፡ መቸም ሰው በጤናው ብረትን አይመገብምና “ይህ ሚቸል የተባለ ግለሰብ ግን ጤነኛ ነው?” ብለው ሳይጠይቁ አይቀሩም:: ሚሸል ፒካ የተባለ የአእምሮ ህመም ተጠቂ ሲሆን፣ የህመሙ ዋነኛ ባህሪይ ሰዎች በተለምዶ የማይመገቧቸውን ነገሮች (ብረትና ፕላስቲክ የመሳሰሉትን) እንድንመገብ የሚያደርግ ነው፡፡

     

    1. ፂመ-ረጅሙ ሰው

                                                                               

    ራም ሲንግ ቹዋሃን ይባላል ህንዳዊ ነው በአለማችን ፂመ-ረጅሙ ሰው ለመባል በቅቷል፡፡ የራም ፂም 4.29 ሜትር የሚረዝም ሲሆን በቀን ውስጥ አንድ ሰዓት የሚሆነውን ጊዜ ፂሙን በማጽዳትና በማበጠር ያሳልፋል፡፡ አሪፍ ጊዜ ማሳለፊያ ያገኘ ይመስላል፡፡

     

    1. እድሜ-ጠገቡ ፓይለት

                                                                            

    አቶ ፒተር ዌበር ጁኒየር የተባሉት አሜሪካዊ በአለማችን እድሜ ጠገቡ አውሮፕላን አብራሪ መሆናውን አለምአቀፋዊው የክበረ ወሰን መዝገብ ያስረዳል፡፡ አቶ ፒተር የ96 አመት ወጣት ሲሆኑ ላለፉት 72 አመታት አውሮፕላን ሲያበሩ ቆይተዋቷል፡፡ በአሁኑ ወቅት በወር ቢያንስ ለሁለት ጊዜ የሰማይ ላይ ጉዟቸውን እንደሚያከናውኑ አቶ ፒተር ይናገራሉ፡፡

     

    1. እድሜ-ጠገቧ የዮጋ መምህርት

                                                                           

    አሁን ደግሞ ከእድሜ ጠገቡ አውሮፕላን አብራሪ ወደ እድሜ-ጠገቧ የዮጋ መምህርት እንሸጋገር፡፡ ወይዘሮ ታኦ ፖርቸን-ሊንች የ96 አመት እድሜ ባለጸጋ ናቸው፡፡ ለ70 አመታት የዮጋ እንቅስቃሴ ሲያደርጉ ቆይተዋል፡፡ ዘወትር ከሌሊቱ 11 ሰዓት ላይ ወይዘሮዋ ተማሪዎቻቸውን ሰብስበው እንዴት ሰውነታቸውን ማጠፍና መዘርጋት እንደሚችሉና ሌሎችን የዮጋ ዘዴዎች ያስተምራሉ፡፡

     

    1. አፈ-ሰፊው ሰው

     

                                                                         

    ፍራንሲስኮ ዶሚነጎ ጃኩይም ይባላል በአለማችን ትልቅ የሆነውን አፍ በመያዝ ክብረ ወሰኑን ሰብሮ ይገኛል:: የጃኩይም አፍ ከዳር እስከዳር 17ሳንቲ ማትር ወይም 6.69 ኢንች ያህል ይሰፋል፡፡

     

    1. ብረ ንግስት

                                                                          

    አሻ ራኒ የሁለት የአለም ክበረ-ወሰኖች ባለቤት ነች፤ ከባድ ነገሮችን በጸጉሯና በጆሮዋ በመጎተት ብቃቷ፡፡ የ23 አመቷ አሻ በዚህ ለዩ ችሎታዋ ብረቷ ንግስት የሚል ቅጽል ስም ተሰጥቷታል፡፡

     

    1. ቀንዳሟ ወይዘሮ

                                                                            

    ይህ ደግሞ ከወደ ቻይና የተገኘ አስገራሚ ዜና ነው፡፡ እንደ አውሮፓውያን አቆጣጠር 2010 ዣንግ ሩይፋንግ የተባሉ ወይዘሮ ግንባራቸው ላይ ቀንድ በማብቀል አለምን አስደምመዋል፡፡ ወይ ጉድ!!

     

    1. የብርቱ ሳንባ ባለቤት

     

                                                                        

    እርስዎ ምን ያህል መጠን ያለውን ፊኛ መንፋት ይችላሉ? ማንጂት ሲንግ የተባለው ግለሰብ ግን 2.5 ሜትር መጠነ-ዙሪያ ያለውን ፊኛ በ42 ድቂቃ ውስጥ በመንፋት በአለማችን የጠንካራ ሳነባ ባለቤት መሆኑን አስመስክሯል፡፡

     

    1. እጁን እንዳነሳ የቀረው ሰው

                                                                         

    ይህ ሰው የሂንዱ እምነት ተከታይ ነው፡፡ እንደ አውሮፓውያን አቆጣጠር በ1973 ሳደሁ አማር ባራቲ የተባለ ግለሰብ የሂንዱ አምላክ ክብር ሲል ቀኝ እጁን አነሳ፤ ከዛን ቀን ጀምሮ ለአምላኩ ክብር ያነሳውን እጁን አላወረደም፡፡

    ምንጭ:- የሸገር FM 102.1 ሬዲዮ

     

     

     

    Read more »

  • ህፃናትን በበጉዲፈቻ ወደ ውጭ አገር መላክ የሚፈቅደው አንቀጽ ከኢትዮጵያ ቤተሰብ ሕግ እንዲሠረዝ ተወሰነ

                                                            

    የውጭ አገር ጉዲፈቻ የተፈጥሮ ቤተሰብ ፍቅርና እንክብካቤን ሙሉ በሙሉ የማይተካና ከዚህ ቀደም በጉዲፈቻ ወደ ውጭ አገራት የሄዱ ህፃናት ላይ የማንነት ቀውስ በማስከተሉ፣ ይህን አሠራር የሚፈቅደው የሕግ ድንጋጌ ከቤተሰብ ሕጉ እንዲሠረዝ መንግሥት ወሰነ።

    በዚህም መሠረት የቤተሰብ ሕጉ ላይ ማሻሻያ የሚያደርግ ረቂቅ ሕግ ዛሬ ለፓርላማ ቀርቦ ለዝርዝር እይታ ተመርቷል ። የውጭ ጉዲፈቻን በሚፈቅደው ሕግ አማካይነት ተጀምረው በፍርድ ቤት ሂደት ላይ የሚገኙ እንዲቀጥሉ ማሻሻያው ይፈቅዳል።

    በሌላ በኩል የመንግሥት ሠራተኞች አዋጅ የተለያዩ ማሻሻያዎችን አካቶ ለፓርላማ የቀረበ ሲሆን፣ ለእናቶች ከወሊድ በኋላ ይፈቀድ የነበረው የሁለት ወር ዕረፍት ሦስት ወር እንዲሆን፣ በድምሩ እናቶች ለቅድመና ድህረ ወሊድ የአራት ወር እረፍት እንዲያገኙ በረቂቅ ሕጉ ተካቶ ቀርቧል።

    ምንጭ:- ሪፖርተር

    Read more »

  • የሰውነት ክብደትን መቀነስ በርካታ ገንዘብ ለመቆጠብ ያግዛል

                                                              

    ከልክ በላይ የሆነ አላስፈላጊ ውፍረት ለመላው ጤንነት ጎጅ መሆኑን የህክምና ባለሙያዎች በተደጋጋሚ ይገልጻሉ።

    ከልክ በላይ መወፈር የልብና ተያያዥ የጤና እክሎች፣ የስኳር በሽታ እና የካንሰር ተጋላጭነትን ይጨምራል።

    ይህ እንዳይሆን ታዲያ ክብደትን መቆጣጠርና ከሰውነት ቁመት ጋር የተመጣጠነ ክብደት ሊኖር እንደሚገባም ያነሳሉ።

    ከዚህ ጋር ተያይዞም በተደረገ ጥናትም ከሰውነት ቁመት ጋር የተመጣጠነ የሰውነት ክብደት መያዝና አላስፈላጊ ውፍረትን መቀነስ በሺዎች የሚቆጠር ዶላርን ለመቆጠብ እንደሚያግዝ ገልጸዋል።

    በአሜሪካ የጆን ሆፕኪንስ ዩኒቨርሲቲ የሚገኙ ተመራማሪዎች ባደረጉት ጥናት፥ ከልክ በላይ ውፍረትን መቆጣጠር መቻል በአመት ከላይ ለተጠቀሱት በሽታዎች የሚወጣን የህክምና ወጪን በመቆጠብ ኢኮኖሚያዊ ተጠቃሚነትም ለማሳደግ እንደሚረዳ ገልጸዋል።

    ተመራማሪዎቹ በጥናታቸው እንደገለጹት በተለይም በ50ዎቹ የእድሜ ክልል የሚገኝ ሰው የሰውነት ክብደቱን መቆጣጠርና መቀነስ ከቻለ በርካታ ገንዘብ መቆጠብ ይችላል።

    አንድ የ50 አመት ሰው ክብደቱ ከሰውነት ቁመቱ ጋር ያለውን ምጣኔ (ባዮ ማስ ኢንዴክስ) በ5 በመቶና ከዚያ በላይ መቀነስ ከቻለ በአመት 36 ሺህ 278 የአሜሪካ ዶላር መቆጠብ ይችላል ብለዋል፤ (የህክምና ወጪው ጥናቱ በተደረገበት ሃገር ያለውን የሚገልጽ ነው)።

    ይህ ገንዘብ ግለሰቡ/ግለሰቧ ክብደታቸውን መቆጣጠርና ከላይ ለተጠቀሱት በሽታዎች ተጋላጭነታቸውን መቀነስ በመቻላቸው የመጣ መሆኑንም ተመራማሪዎች ይገልጻሉ።

    እናም የሰውነት ክብደታቸው ከሰውነት ቁመታቸው ጋር ያለው ምጣኔ አነስ ያለ ከሆነ፥ ለበሽታ የመጋለጥ እድላቸው አነስተኛ ስለሚሆን የህክምና ወጪያቸውም ይቀንሳል ብለዋል ተመራማሪዎቹ።

    ክብደቱ ከሰውነት ቁመቱ ጋር ያለው ምጣኔ 25 የሆነ ሰው ጤናማና የተስተካከለ የሰውነት ክብደት እንዳለው ሲታሰብ፥ ከ25 እስከ 30 ያለው ደግሞ ወፍራም ተብሎ ይታሰባል።

    ከ30 በላይ መሆን ደግሞ ከልክ በላይ የሆነ አላስፈላጊ ውፍረት በሚለው ምድብ ይካተታል።

    ታዲያ በዚህ ጥናታቸው አንድ የ20 አመት ወጣት ሰው ከአላስፈላጊ ውፍረት (ከ30 በላይ) ወፍራም (እስከ 30 ባለው) ወደሚለው ምድብ በመምጣት ክብደቱን ማስተካከል ከቻለ፥ በአመት ውስጥ 17 ሺህ 655 የአሜሪካ ዶላር መቆጠብ ይችላል ነው ያሉት።

    ከልክ በላይ ከሆነ ውፍረት (ከ30 በላይ) ወደ ጤነኛ ውፍረት (እስከ 25 ባለው) ከመጣ ደግሞ የሚቆጥበውን የገንዘብ መጠን ወደ 28 ሺህ 20 ዶላር ማሳደግ እንደሚችልም ይገልጻሉ።

    ይህ የገንዘብ ቁጠባ ደግሞ ወጪን ከመቀነስ ባሻገር ምርታማነትንም ይጨምራል ነው የሚሉት ተመራማሪዎቹ፤ ምክንያቱም በህመም ሳቢያ ቤት በመዋል ያለ ስራ የሚባክንን ጊዜ መቅረፍ ያስችላልና።

    ከልክ በላይ ሲወፍሩ ለበሽታ መጋለጥ፣ ለህክምና በርካታ ገንዘብ ማውጣት እና ቤት ውስጥ በመዋል ከስራ መራቅ ይመጣል፤ ይህ ደግሞ ገንዘብን አባክኖ ምርታማነትን በመቀነስ ከፍ ያለ ኢኮኖሚያዊ ጉዳት ያስከትላል።

    ይህ የግለሰቦች አመታዊ የህክምና ወጪ ታዲያ እንደ ሃገር ሲታሰብም ከፍ ያለ ጠቀሜታ ያለው ነውና አላስፈላጊ ውፍረትን መከላከል ቀዳሚው ትኩረት ሊሆን እንደሚገባ አጽንኦት ይሰጣሉ።

     

    ምንጭ:- ኤፍ ቢ ሲ(FBC)

     

     

     

    Read more »

  • የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች

                                                   

    የአትክልት ተመጋቢ መሆን ወይም አትክልትን አዘውትሮ በመመገብ የምናገኛቸውን የጤና ጥቅሞች ብለው ተመራማሪዎቹ የጠቀሷቸውን እናካፍልዎ።

    1.ለስኳር በሽታ የመጋለጥ እድላችንን ይቀንሳል፦ ጥናቱ እንዳመላከተው ስጋን ከመመገብ ይልቅ አትክልትን አዘውትረው የሚመገቡ ሰዎች ለስኳር በሽታ ያላቸው የተጋላጭነት መጠን ዝቅተኛ ነው ይላሉ።

    2.ለልብ ህመም እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን ይምንጠቀም ከሆነ ልባችን በቀላሉ እንዳይታመም እና ጤነኛ እንዲሆን ይረዳናል።

    እንደ ስጋ ያሉ መግቦች በውስጣቸው ያለው የስብ መጠን ከፍተኛ በመሆኑ በደማቸን ውስጥ የኮሌስትሮል መጠን እንዲበዛ በማደረግ በቀላሉ ለልብ ህመም ሊዳርጉን ስለሚችሉ ስጋ ነክ ከሆኑ ምግቦች ይልቅ አትክልትን አዘውትሮ መመገብ ይመከራልም ብለዋል ተመራማሪዎቹ።

    3.ለደም ግፊት እንዳንጋለጥ ይረዳናል፦ የአትክልት ተመጋቢ ወይም አትክልትን አዘውትረን የምንጠቀም ከሆነ ለደም ግፊት ያለን ተጋላጭነት እጅጉን ይቀንሳል ተብሏል።

    4.ክብደትን ለመቀነስ ይረዳል፦ የአትክልት ተመጋቢ ወይም አትክልትን አዘውትረን የምንጠቀም ከሆነም ክብደትን በቀላሉ ለመቀነስ ያስችለናልም ብለዋል ተመራማሪዎቹ።

    ተመራማሪዎቹ ባደረጉት ጥናትም ከመጠን በላይ ውፍረት ያላቸው ሰዎችን በሁለት ቡድን ካካፈሉ በኋላ አንድኛውን ቡድን አትክልት ሌላኛውን ደግሞ ስጋ ነክ ምግቦችን እንዲመገቡ ካደረጉ በኋላ ባገኙት ውጤት አትክልት ተመጋቢዎች ብዙ ኪሎ ግራም ቀንሰው ተገኝተዋል።

    5.ለካንሰር እንዳንጋለጥ ይረዳናል፦ አትክልትን አዘውትረን በተመገብን ቁጥር ለካንሰር በሽታ የመጋለጥ እድላችን እንደሚቀንስ ተነግሯል።

    6.ያማረ የሰውነት ቆዳ እንዲኖረን ያደርጋል፦ አትክልት ተመጋቢነት ለቆዳችን ማማር ከፍተኛ ጠቀሜታ አለው ተብሏል።

    አትክልትን አዘውትረን በመመገባችንም በቀላሉ እንደ የቆዳ መሸብሸብ እና ከሌሎች ከቆዳ ጋር ተያያዥነት ላላቸው ችግሮች እንዳንጋለጥ ይረዳናል።

    ምንጭ፦ healthdigezt.com

    ተቶርጉሞ የተጫነው፦ በሙለታ መንገሻ

    Read more »

  • ድብርትን ለማስወገድ በሳምንት ለ1 ሰዓት የአካል ብቃት እንቅስቃሴ ማድረግ ይጠቅማል

                                                   

    የአካል ብቃት እንቅስቃሴ ማድረግ በርካታ የጤና ጠቀሜታዎች አንዳሉት ይታወቃል፤ በቅርቡ የወጣ ጥናት ደግሞ የአካል ብቃት አንቅስቃሴ ከድብርት ለመላቀቅ ፍቱን ነው ይላል።

    ተመራማሪዎች ለ30 ዓመታት ተካሄደ ባሉት ጥናታቸው የአካል ብቃት እንቅስቃሴ ድብርትን በማስወገዱ ረገድ ከፍተኛ ጠቀሜታ እንዳለው አመላክተዋል።

    በአውስትራሊያ ተመራማሪዎች የተመራው እና በአሜሪካ ጆርናል ኦፍ ሳይካትሪ ላይ በታተመው የጥናት ውጤት እንደተገለጸው፥ በጥናቱ በ22 ሺህ 500 ኖርዌያውያን ላይ ክተትል ተደርጓል።

    በዚህም በሰዎች ላይ ከሚከሰቱ አዳዲስ ድብርቶች ወስጥ 12 በመቶ ያክሉ በሳምንት ለ1 ሰዓት ብቻ በሚሰራ የአካል ብቃት እንቅስቃሴ መከላከል እንደሚቻል ተለይቷል።

    በኤን.ኤስ.ደብሊው ዩኒቨርሲቲ ብላክ ዶግ ኢኒስቲቲዩት ሳይካትሪስት እና ኢፒዲሞሎጂስት የሆኑት የጥናት ቡድኑ መሪ ሳም ሀርቬይ፥ የምንሰራው የአካል ብቃት መጠን እና አይነት ምንም ችገር የለውም ይላሉ።

    ዋናው ጥቅም የሚገኘው ሰዎች በሳምን ውስጥ ምንም ካለመስራት ወደ የአንድ እና የሁለት ሰዓት አካል ብቃት እንቅስቃሴ እንዲሰሩ በማሸጋገር ነው ብለዋል።

    በጥናቱም የአካል ብቃት እንቅስቃሴን አዘውትረው የሚሰሩ ሰዎች ለድብርት የመጋለጥ አድላቸው በ41 በመቶ የቀነሰ መሆኑም ተለይቷል ብለዋል።

    ይህም በዓመት 100 ሺህ የሚደርሱ የድብርት ህክምናዎችን ሊያስቀር ይችላል የተባለ ሲሆን፥ ለጤና የሚወጣን በቢሊየን የአሜሪካ ዶላር የሚቆጠሩ ገንዘቦችንም ለመቆጠብ ያስችላል ነው የተባለው።

    ምንጭ:- ኤፍ ቢ ሲ(FBC)

    Read more »