Love & Relationship - ፍቅርና ግንኙነት

  • ለፍጻሜ የተቃረበን የፍቅር ህይዎት ለመታደግ

                                                                                            

    በፍቅር ህይዎትዎ የሚያጋጥምዎትን እክል በምን መልኩ ተወጥተውት ያውቃሉ?

    ምናልባት እርስዎ የማያስተውሏቸው ጥቃቅን ነገሮች የፍቅር ህይዎትዎ እንዲያበቃ ሊያደርጉት ይችላሉ።

    ለስራዎ የበዛ ጊዜ ከመስጠት ጀምሮ በዕለት ተዕለት ውሎዎ የሚከሰቱ ጉዳዮች የፍቅር ህይዎትዎ ላይ አወንታዊም ሆነ አሉታዊ ተፅዕኖ ያሳድራሉ።

    ለፍቅረኛና ለስራ እኩል ጊዜ ሰጥቶ መሄድ አለመቻል ደግሞ በአብዛኛዎቹ ጥንዶች የሚስተዋል ችግር ሲሆን ይስተዋላል።

    ይህን ለማስታረቅ በሚደረግ ሂደት ደግሞ ምናልባትም የፍቅር ህይዎትዎ አደጋ ላይ ሊወድቅ ይችላል።

    የስነ ልቦና ባለሙያዎችም በተለያየ ምክንያት ለፍጻሜ የተቃረበን ፍቅር ማደሻ መንገዶች ያሏቸውን ምክረ ሃሳቦች ይሰነዝራሉ።

    ጊዜን በአግባቡ መጠቀም፦ ምንም ያክል አስቸኳይና ጫና የበዛበት ቢሆንም እንኳን በተቻለ መጠን ስራን ቢሮ ውስጥ አጠናቀው ለመምጣት ይሞክሩ።

    ከቢሮ ወጥተው ቤት ከሆኑ ሙሉ ትኩረትዎ ከፍቅር አልያም ከትዳር አጋርዎ እና ልጆች ካሉም ከእነርሱ ጋር ሊሆን ይገባል።

    ትንሽም ቢሆን ከፍቅር አልያም ከትዳር አጋርዎ ጋር የሚያሳልፏት አጭር ጊዜ የፍቅር ህይዎትዎን ከውድቀት የመታደግ አቅም አላትና ይጠቀሙበት።

    ማድነቅ መቻልን ይልመዱ፦ መደነቅና መመስገን ለሰው ልጅ ትልቅ የደስታ ምንጭ መሆኑ እሙን ነው።

    ይህ አካሄድ ታዲያ ለጠንካራና ዘለቄታ ላለው የፍቅር ህይዎትም ይጠቅማል።

    ከዚህ አንጻርም ጥንዶች እርስ በርስ ቢደናነቁና ቢመሰጋገኑ በመካከላቸው ጠንካራና የተሻለ ግንኙነት ይኖር ዘንድ ያስችላልና ያንን ማድረጉ መልካም ነው።

    ቤት ውስጥ ሲሆን አጋርዎ ላደረገው/ላደረገችው ነገር ማድነቅና ማመስገን፥ እክል የገጠመውን ፍቅርም ቢሆን በፅኑ መሰረት ላይ ለማቆም ያግዛል።

    የሽርሽር ጊዜ ማዘጋጀት፦ ከፍቅር አልያም ከትዳር አጋርዎ ጋር ፕሮግራም በመያዝ ለተወሰኑ ቀናቶችም ቢሆን ወጣ ብሎ መዝናናት መቻል።

    ለዚህም በሳምንቱ መጨረሻ ያሉ ቀናቶችን አልያም የተወሰነ እረፍት በመውሰድ ከስራና መሰል ጉዳዮች በራቀ መልኩ አብረው ጊዜ ማሳለፍ።

    በዚህ መልኩ የሚያሳልፏቸው ቀናቶች የፍቅር ህይዎትዎን ጣፋጭና አስደሳች ያደርጉታል።

    ትኩረት መስጠት መቻል፦ ጥቃቅንም ቢሆኑ ለፍቅር አጋርዎ ጉዳዮች ሙሉ ትኩረት መስጠት መቻል ይኖርብዎታል።

    የልደት ቀንን እና መሰል አጋጣሚዎችን ማስታወስና ትኩረት አለመንፈግ እንዲሁም ወደ ማህበራዊ ተቋማት በጋራ መሄድ በሚገባ ጊዜ ለጉዳዩ ትኩረት በመስጠት መከወን።

    ለመሰል ጉዳዮች ትኩረት አለመንፈግዎ የፍቅር ህይዎትዎን ለመታደግ ይረዳል።

    ስጦታ፦ ስጦታ ትልቅም ሆነ ትንሽ የራሱ ትውስታ ያለውና በጥንዶች ዘንድ የበለጠ መቀራረብን የመፍጠር አቅም እንዳለው ይነገራል።

    ማንኛውም ስጦታ ለጠንካራና ጽኑ ፍቅር መሰረት የመሆን አቅም እንዳለውም ነው ባለሙያዎች የሚናገሩት።

    ከዚህ አንጻርም ስጦታን ምናልባት አጥፍተው ከሆነ ለዚያ ማካካሻ አልያም መታረቂያ ሳይሆን በተመቸዎ ጊዜ ቢያደርጉት የተሻለ ይሆናል።

    ምናልባት በሆነ አጋጣሚ የፍቅር ህይዎትዎ እክል ገጥሞት ከሆነ እነዚህን መንገዶች በመጠቀም ማስተካከል ይችላሉ።

     

    ምንጭ:- ጤናችን

     

    Read more
  • ጥንዶች ትኩረት ሊያደርጉባቸው የሚገቡ ጉዳዮች

                                                            

    የፍቅር ግንኙነት ሰጥቶ መቀበልን መሰረት ያደረገና በአንድ ወገን የላይነት ሳይሆን በትብብር መንፈስ የተቃኘ ሲሆን ረጅም ጊዜ የመቆየትና ጠንካራ የመሆን አቅም አለው።

    በጣም ቀላልና ትልቅ ቦታ የማይሰጣቸው ለሽርሽር ሲወጣ የሚያዙ እቃዎችን መምረጥና ማደራጀትን ጨምሮ ሌሎች ቀላል ተግባራትም ለዘለቄታዊ የፍቅር ግንኙነት የራሳቸው ድርሻ እንዳላቸው ይነገራል።

    ዘወትር በፍቅር ህይዎት ውስጥ በሰከነ መንፈስ ነገሮችን መመልከትና በመወያየት ልዩነቶችን መፍታት ፍቅርን ለማጠንከርና ለማዝለቅ ይረዳል።

    ከዚህ በተቃራኒው ደግሞ ጭቅጭቅ የበዛበትና መነጋገር የሌለበት የፍቅር ህይዎት ቆይታው አጭርና አሰልች ይሆናል።

    የስነ ልቦና ባለሙያዎች ደግሞ ጥንዶች በፍቅር ህይዎታቸው ውስጥ ልብ ሊሏቸው የሚገቡ ጉዳዮችን ያነሳሉ።

    ከዚህ በታች የተጠቀሱትም ለፍቅር ህይዎት መሰናከል መንስኤና በፍቅር ህይዎት ውስጥ የደስታ ስሜት እንዲጠፋ የሚያደርጉ ናቸው።

    መሰረታዊ ባህሪንና ማንነትን መደበቅ፦ አንዳንድ ጊዜ በእርስዎ ስብዕና፣ ድርጊትና ጓደኞች ምክንያት የፍቅር አጋርዎ በጣም እንደተጎዳ፣ እንደተገለለና ምናልባት እንደተበሳጨ ሊጨነቁና ሊያስቡ ይችላሉ።

    ከዚህ አንጻርም አዋዋልዎን፣ ጓደኞችዎንና የሚያደርጉትን ድርጊትና መሰረታዊ ማንነትዎን ሊደብቁና ምናልባት ሊቀንሷቸው ይችሉም ይሆናል።

    ግን ይህን በማድረግዎ የእርስዎ የሆነን ነገር ከማሳነስና ዋጋ ከማሳጣት ውጭ የተለየ ትርፍ እንደማይገኝ የስነ ልቦና ባለሙያዎች ይናገራሉ።

    ከዚህ አንጻርም መሰል አካሄድ አፍራሽ ጎኖቹ ይበዛሉና በተቻለ መጠን ከአጋርዎ ጋር በመወያየት ማሳዎቅ።

    ምናልባት የእኔ የሚሏቸው መገለጫዎችና ወዳጅ ዘመድም ሆነ ጓደኞችዎ ለእርስዎ ምን ያክል አስፈላጊና ጠቃሚ እንደሆኑ ማሳየትና ማስረዳትም ይኖርብዎታል።

    ከዚህ ባለፈም የፍቅር ህይዎታችሁ በመሰል አጋጣሚዎች እና ድባብ ታጅቦ መዝለቁ ያለውን ጠቀሜታ በማስረዳትም ድብብቆሹን ማቆም ይገባዎታል።

    አለመፈለግን ከልክ በላይ መታገስ፦ ያለመፈለግና የመገለል ስሜት የፍቅር ህይዎት በአጭሩ እንዲቋጭ ከሚያደርጉ አጋጣሚዎች መካከል ከቀዳሚዎቹ ይጠቀሳል።

    በአንድ ወቅት በተፈጠረ አለመግባባት ምክንያት ለፍቅር አጋርዎ ክብር አለማሳየትና እንደማይፈልጉት/እንደማይፈልጓት ማሳየትና ማግለል ከልክ በላይ ስሜትን ይጎዳል።

    በዚህ ወቅት እምነት እንደሌለዎት ማሳየት የበዛ ማግለልና ቸል ማለት ማሳየትን መታገስም ዋጋ ያስከፍላል።

    በዚህ ወቅት ታዲያ በግልጽ ተነጋግሮ በመወያየት የሃሳብ ልዩነቶችን በሰላማዊ መንገድ ለመፍታት መሞከር።

    ችግር ሲፈጠር መሰል ባህሪን ከማሳየት ይልቅ ችግር መፍቻ መንገዶችን መለየትና በዚያ አግባብ ልዩነቶችን መፍታት ቀዳሚው ሊሆን ይገባል።

    በነገሮች ላይ የሚስተዋል የበዛ ልዩነት፦ ምናልባት ቤት ውስጥ ከእቃዎች አቀማመጥ ጀምሮ በነገሮች ላይ የተለያዩ አይነት ፍላጎቶች ሊኖሩ ይችላሉ።

    ከዚህ ጋር ተያይዞም ተገናኝታችሁ ስትዝናኑም ሆነ አንድ ነገር ስትከውኑ በይሉኝታ ተይዛችሁ መሆን አይኖርበትም።

    ያላችሁን ልዩነት ለማስወገድና ወደ አንድ ለመምጣትም በአግባቡ መነጋገርና መወያየትን መልመድና ልዩነቶችን በዚያ አግባብ መፍታት።

    በዚህ መልኩ ከአለባበስ የሚጀምር ልዩነትን ተነጋግሮ መፍታት ከፍ ወዳለው ደረጃ ለመድረስ የመጀመሪያው እርምጃ ነውና ይጠቀሙበት።

    ከዚህ በተጨማሪም በበዛ መልኩ በነገሮች ላይ ቀዝቀዝ ያለ ስሜት ማሳየት፣ ከእርሱ/እርሷ ስልክ እስከሚደዎል መጠበቅ እንዲሁም ምቾት በማይሰማዎት ጊዜ በይሉኝታ ታስሮ መገናኘት ከጠቅሙ ጉዳቱ ያመዝናልና ባይከውኑት ይመረጣል።

    ምንጭ:- ጤናችን

    Read more
  • በባልና ሚስት መሃል ጭቅጭቅ ሲነግስ እንዴት ይፈታል?

                                                    

    ከሊሊ ሞገስ

    ትዳር በባህር ወይም ውቅያኖስ ውስጥ ያለችን ትልቅ መርከብ ይመስላል፡፡ መርከቧ ረጅም ርቀት እንደመጓዟ ለተለያዩ አየር ፀባይ ለውጦች መጋለጧ አይቀሬ ነው፡፡ ፀጥታና ሰላም የሰፈነበት ጉዞ እንደምታደርግ ሁሉ አንዳንዴ ማዕበልና ሞገድ ለበዛበት ነፋስ፣ ለተተናኳሽ ሻርኮች፣ ከበረዶ ክምር ጋር ለግጭት፣ ቀደም ብለው ሳይፈተሹ ላለፉት የቴክኒክ ብልሽቶችና በቅርብ ጊዜ ደግሞ ለባህር ላይ ወንበዴዎች ስትጋለጥ እየሰማን ነው፡፡ ታዲያ ከዚህ ሰው ሰራሽና ተፈጥሯዊ ከሆነው አደጋ ለመውጣት ወይንም ቀድሞውኑ ላለመጋለጥ ካፒቴኑ፣ ረዳቶቹና ቴክኒሺያኖቹ የበኩላቸውን ጥረት ያደርጋሉ፡፡ የሚጠበቅባቸውን ጥንቃቄ ካላደረጉ ደግሞ ለመዘረፍ፤ እንደ ታይታኒክም ለመስመጥ፣ ከዚያም ባለፈ ለሞት ይዳረጋሉ፡፡

    ትዳርም እንዲሁ ነው፡፡ የዕድሜ ልክ ኃላፊነት የምንወስድበት፣ ከተለመደው የግንኙነት አካሄድ በዘለለ ራሳችንን ለገባንበት ትስስር መስዋዕት የምናደርግበት፣ መልካምና አሳዛኝ የሆኑ ክስተቶችን የምናስተናግድበት ረጅም የህይወት ጎዳና ነው፡፡ ታዲያ እነዚህ ገጠመኞች ለምን ተፈጠሩ? ብለን ብቻ አንቆዝምም፤ ጠዋትና ማታም እያብሰለሰልን ዕድሜያችንን አንገፋም፡፡ ለችግራችን መሰረታዊ የሆነውን መንስኤውን ማወቅ፣ ለገጠመን ጉዳይ እንዴት መመለስ እንደሚገባን ማተኮር ያስፈልገናል፡፡ ይህን ዕውን ለማድረግ ደግሞ ሁለቱ ባለትዳሮች የሚወስዷቸው እርምጃዎች ወሳኞች ናቸው፡፡ ስለዚህ ጥንዶች ትዳራቸውን ሊያወፍሩት፣ ሊያቀጭጩት፣ መልካምና አስደሳች አሊያም በሰቆቃ የተሞላ ሊያደርጉት ይችላሉ፡፡

    የዛሬው እንግዳችን ጌታቸው የሰላሳ ስድስት ዓመት ጎልማሳ ነው፡፡ ቆንጅዬ ሚስትና የአምስት ዓመት ሴት ህፃን ልጅ አለው፡፡ በሃያዎቹ አጋማሽ ዕድሜው አካባቢ በነበረው የቅድመ ጋብቻ የወሲብ ልምምድ ከቀድሞዋ ጓደኛው የአስር ዓመት ወንድ ልጅ አድርሷል፡፡ ልጁ የሚኖረው ከአያቶቹ ማለትም ከእናቱ ወገኖች ጋር ነው፡፡ ‹‹ባለቤቴ ይህን ከመጋባታችን በፊት ታውቃለች፣ እኔም በተወሰነ ጊዜ እየሄኩ እጠይቀዋለሁ›› ይለናል፡፡

    ‹‹ይሁንና ባለቤቴ ለሴት ልጃችን በቂ ክብካቤ ሳላደርግ ለወንድ ልጄ ብዙ ትኩረት እንደምሰጥና የተለያዩ ነገሮችን እንድምገዛለት ነገረችኝ፡፡ በትንሽ ነገር ከኔ ጋር መጠላት ጀምራለች፤ አለመግባባት ሲፈጠርም የወንድ ልጄን ጉዳይ ሁሌ ታነሳለች፡፡ የርሱን ጉዳይ ትታው የራሳችንን ህይወት እንድንመራ ብነግራትም ትዳራችን አስቸጋሪ ሁኔታ ውስጥ እየገባ ነው ያለው፡፡ በጣም ተጨንቄያለሁ፡፡ ከርሷ ምንድነው ማድረግ ያለብኝ?›› በማለት ጌታቸው ጠይቆናል፡፡

    ወጣትነት ብርታትና ጥንካሬ የሞላበት፣ ብዙ ሰዎች ሊመለሱ ቢናፍቁት የማያገኙት፣ ራሳቸውን ለመለወጥ ቢሞክሩ መሆን የማይችሉበት ብዙ ውጣ ውረዶች ያሉበት በህይወት ዘመናችን የምናሳልፈው ጊዜ ነው፡፡ ወጣትነት ከነችግሮቹ በዕውነት ደስ የሚል የህይወታችን አንዱ ክፍል ነው፡፡ አንዳንዶች በእርግጥም ይህን ዘመን በትኩስ ሃይላቸው ይጠቀሙበታል፤ ሌሎችንም ያገለግሉበታል፤ ራዕያቸውንም እውን ለማድረግ የወደፊቱን መሰረት በማስያዝ የተቻላቸውን ያደርጉበታል፡፡ ሌላው ደግሞ በተባለው እየተመራ፤ መኖር የተፈቀደው ለዛሬ ብቻ ይመስላል፡፡ ነገን ሳይመለከት እንዲሁ በዋል ፈሰስ ወርቃማ ጊዜውን ያባክነዋል፡፡

    እንግዲህ ከወንድማችን ጥያቄ መረዳት እንደምንችለው በአንድ ወቅት በነበረው የቅድመ ጋብቻ የወሲብ ልምምድ ልጅ ወለደ፡፡ መልካም አደረገ ባንለውም በወቅቱ ለፈፀመው ወይም ለገጠመው ነገር ምንም ሊያደርግና ሊመልሰው የማይችለው ነገር እንደሆነ ሁላችንም እንረዳለን፡፡ ያ ያለፈው ታሪኩ ነው፤ አንፍቀውም፡፡ ልንፍቀው እንሞክር ብንልም መላጥ፣ ማድማትና ማቁሰል ነው የሚሆንብን፡፡ ስለዚህ… ከሄድን ሁል ጊዜም ቢሆን ሊፈጠር ወይም ሊከሰት የሚችል ነገር እንዳለ ቀድሞውኑ ማሰብ ነው፡፡ አያችሁ በድርጊታችን ልጅ ሳይፈለግ ወደዚህ ምድር ይመጣል፤ ለኤች.አይ.ቪና ሌሎች የአባላዘር በሽታዎች መዳረግ አለ፤

    ከቤተሰብና ጓደኛ መገለል፤ እግዚአብሔርን ማሳዘን ይመጣል፣ ለተለያዩ ማህበራዊና ስነ ልቦና ችግሮች መጋለጥ ይኖራል፡፡ አያችሁ በወጣትነት ዘመን ሁሌ ቸበርቻቻ የለም፤ አንዳንዴ የሚጎረብጡ ሁኔታዎችንም ማሳለፍ አለ፡፡ አካሄዳችንን ካላስተካከልን፤ እንደ እግዚአብሔር ፈቃድም ካላደረግን ደግሞ ዘወትር ልንረሳው የማንችለውን ጠባሳ ነው የምንሸከመው፡፡ ስለዚህ በዚህ አጋጣሚ የምንመክረው ከጋብቻ በፊት ያለ ማንኛውም ግንኙነት ለቀጣይ ህይወታችን መሰረት የምንገነባበት ጊዜና ወሳኝ ቢሆንም የወሲብ ልምምድ ማድረግ ግን አይጠበቅብንም፤ አይጠቅምም፡፡ ብዙዎቻችን አድርገን አልፈን ይሆናል፤ ግን ገንቢ አልነበሩም፡፡ ለጊዜው ተደስተንባቸው ይሆናል፤ መጨረሻቸው ግን አያምርም፡፡ ሐጢያት ከመሆኑም ባሻገር ዘርፈ ብዙ ለሆኑ ችግሮችና ጭንቀቶች ይዳርጉናል፡፡ ልምምዱን ከጋብቻ በኋላ ለጋብቻና ለትዳር ብቻ ማድረግ ነው፡፡

    በጣም የሚገርመው ነገር ያልተፈለገ እርግዝና በሁለቱ ሰዎች ላይ ከሚደርሰው የስሜት ችግርና ማህበራዊ ጫና ባሻገር በተወለደው ልጅ ላይ የሚገጥመው ሚዛናዊ ያልሆነ አስተዳደግ በወደፊት ስብዕናው ላይ ከፍተኛ ችግር ማስከተሉ ነው፡፡ ሰዎች ብዙውን ጊዜ የሚያስቡት የራሳቸውን ጊዜያዊ ችግር ከመቅረፍ እንጂ ሳይፈልግ ወደዚች ምድር በሚያመጡት ልጅ ላይ ሊደርስ የሚችለውን ችግር አያስተውሉትም፡፡ ይህን በምን መንገድ እንደፈቱት ሊፈቱት እንደሞከሩ ባናውቅም አንድ እውነታ አለ፡፡ ተለያይተው ነው የሚኖሩት፡፡ አባት ሌላ ትዳር መስርቶ በሌላ ዓለም ውስጥ ሲመላለስ ልጅ ደግሞ ከእናቱና ቤተሰቧ ጋር ሌላ ህይወት ይገፋሉ፡፡ ከዚህ የሚከፋው ደግሞ አሁን ባለ ው አዲስ ህይወት ላይ በፊት የተፈጠረው ችግር ከአሁኑ ላይ ሌ ላ ችግርን እየወለደ ትዳርን መበጥበጡ ነው፡፡ እየተረዳችሁን ነው?

    ከላይ ያነሳናቸውን መነሻዎች ከግምት ውስጥ በማስገባት በወንድማችን ትዳር እያንዣበበ ያለውን ችግር ለመቅረፍ ይበጃሉ የምንላቸው ምክሮች ካነበብናቸውና በህይወታችን ተሞክሮ ካየናቸው ነገሮች በመነሳት የሚከተሉትን አቅርበናል፡፡ (ይሁንና እነዚህ እውነታዎች በሌሎች የባልና ሚስት ጭቅጭቅ ችግሮች ውስጥ መፍትሄ ሊሆኑ እንደሚችሉ መረዳት ያስፈልጋል)

    – የችግሩን መንስኤ ማወቅ

    በእርግጥ ላለመግባባታችሁ ምክንያት የሆነው የወንድ ልጅህ ጉዳይ ነው ብለህ ታስባለህን? መሸፈኛ ላለመሆኑ ምን ያህል እርግጠኛ ነህ? ተፈጠረ ለምትለውስ ችግርና አለመግባባት ባለቤትህ ሳትሆን አንተ ለችግሩ ያበረከትከውን ነገር እንዳለስ አስበህ ታውቃለህ? አየህ መጀመሪያ እነዚህን መለየትና መሰል ጥያቄዎችን መመለስ የመጀመሪያ ጉዳይህ ሊሆን ነው የሚገባ ህ፡፡ ለዚህ ደግሞ መፍትሄ ሊመጣ የሚችለው መጀመሪያ ከራስህ በኩል ያለውን ስታስተካክልና ስታፀዳ ነው፡፡ ሁሉም ቤቱን ቢያፀዳ አካባቢም ንፁህ ይሆናል እንደሚባለው ነው፡፡

    የኛ ችግር ምን መሰለህ? ብዙውን ጊዜ ለችግሮቻችን ሌላው ላይ መቀሰርና ሁኔታዎች ላይ ማላከክ እንጂ የለመድነው ወደራሳችን መልሰን መመልከቱን አናስብም፡፡ እንዲህ አደረጉብ ኝ፤ ይህን ሰጡኝ እንጂ ጉዳዩ ለመከሰቱ የኛ እጅ አለበት፤ የስራ ዬን አገኘሁ አንልም፡፡ በእጃችን ያለውን መፍትሄ ሳንጠቀም ሌላ አዲስ ነገር እንፈልጋለን፡፡ ባለን ሳናመሰግን የሌለንን እንናፍ ቃለን፡፡ ስለዚህ የመጀመሪያው ምክራችን የሚሆነው ከርሷ ጋር ምን ላድርግ ሳይሆን ከኔ በኩል ምን ላድርግ ብለህ ራስህን እንድትጠይቅና ለችግሩ ትክክለኛውን መንስኤ እንድታውቅ ነው፡፡ መቼም ወደህና ፈቅደህ ያለህበትንና ያሳለፍከውን ሁኔታ ተረድታ ነው ያገባችህ የሚል እምነት አለን፡፡

    ቃል ኪዳናችሁን አክብሩ

    በየትኛውም ስርዓት ተጋቡ ብቻ በሰርጋችሁ ዕለት አንዳችሁ ለሌላኛው ቃል መግባታችሁ አይቀርም፡፡ በተለይ ደግሞ መንፈሳዊ ጋብቻ ሲሆን በእግዚአብር በጉባኤ መካከል የገባችሁትን ቃል ማስታወስ ነው፡፡ ጋብቻ ውስጥ መጎርበጥ ቢኖርም፣ መውደቅ መነሳት ቢፈጠርም ቃል ኪዳናችሁን ማሰብ ተገቢ ይመስለናል፡፡ ስለዚህ ከመጋባታችሁ በፊት ስለልጁ ጉዳይ ከተነጋገራችሁ እንዴት ልታሳድጉት ነበር ያሰባችሁት? ልትረዱትስ ተነጋግራችኋል? የተባባላችሁትን እናንተው ስለምታውቁ ያንን ኃላፊነት በተሰማው መንገድ መጠበቅ ነው፡፡

    ልጅህን በፊት አልረዳውም፤ ምንም አላደርግለትም ብለህ ነግረኻት ከሆነና አያቶቹና እናቱ ይበቁታል ብለህ ወደ ትዳር ከገባህ ያንን ማክበር ነው፡፡ እርሷም ምንም ችግር የለም፤ ዋናው ፍቅሩ ነው በውጪ ሆኖ ልትረዳው ትችላለህ ብላህ ከነበረ ቃሏን መጠበቅ ይኖርባታል፡፡ ጠቅልለህ ቤትህ ካስገባሃት ወይም ጠቅላላ ቤት ከገባች በኋላ ባህሪያችሁንና የገባችሁትን ቃል አጥፋችሁ ከሆነ አግባብ ይመሰለንም፡፡

    ደግማችሁ በግልፅ ተነጋገሩ

    ከላይ የጠቀስነው ነገር ሊሰራ መስሎ ካልታያችሁና፣ ቃላችሁን ማጠፍ ከጀመራችሁ ማድረግ የሚገባችሁ ነገር በጉዳዩ ላይ መነጋገር ነው፡፡ በስሜት ተገፋፍታችሁና የነበራችሁበት ወቅታዊ ፍቅር አርቃችሁ እንዳትመለከቱ ካደረጋችሁ ደግማችሁ በጉዳዩ ላይ በግልፅ መወያየት ነው፡፡ መቼም እንደ ባለአዕምሮ ሰው አትርዳው አትልህም፤ አንተም እርሷ እንዳለችው ከሴት  ልጅህ በማስበለጥ እየረዳኸው ካለ አግባብ ነው ለማለት አንደፍርም፡፡ ሁለቱም ልጆችህ ቢሆኑም በአንድ አይነት ማየት አለብኝ ብለህ መሰብ ግን የዋህነት ነው የሚመስለን፡፡ ለዚህም የአብርሃምን ታሪክ ማስታወሱ የምንልህ የበለጠ ይገባሃል የሚል እምነት አለን፡፡

    አብርሃም ሚስቱ ሳራ መውለድ ባልቻለችበት ወቅት አገልጋይ ከሆነቻት አጋር ጋር እንዲተኛ ፈቀደችለት፡፡ ኢስማኤል የተባለ ልጅም አገኘ፡፡ ሳራም በእግዚአብሔር ዘንድ መጎብኘትዋ በደረሰ ጊዜ ፀነሰች፣ ይስሃቅንም ወለደች፡፡ ይሁንና ኢስማኤል ከይስሃቅ ጋር እኩል በአባቱ ቤት ያድግ ዘንድና ያለውንም ይካፈል ዘንድ ሳራ ደስተኛ አለነበረችም፡፡ አጋርን ከነልጁ ያሰናብታቸው ዘንድ ጠየቀችው፡፡ አብርሃምም የተባለውን አደረገ፡፡ አብርሃም ልጁን ኢስማኤልን ጠልቶት ይመስልሃል ከአጋር ጋር እንዲሄድ ያደረገው? ከቃልኪዳን ሚስቱ ከሳራ ሀሳብ ጋር በመተባበር አይመስልህምን? የተስፋውን ልጅ ይስሃቅን የመረጠው ዝም ብሎ ይመስልሃልን? አየህ በቃል ኪዳን የተገኘ ለጅና በመወስለት የመጣ አንድ አይደለም፡፡ ከዚህ የምንማረው ነገር ያለ ይመስለናል፡፡

    ባለቤትህን አማክር

    ሌላው ስለትዳር ሲታሰብ ሁሌ መዘንጋት የሌለብህ ነገር ከጋብቻ በኋላ የኔ የሚባል ነገር የለም፡፡ የእኛ የሚባል አጀንዳ ነው የሚመጣው፡፡ ያንተ ጉዳይ የርሷ ነው፤ የርሷም ደግሞ የአንተ ነው፡፡ ለልጅህ የምታወጣውን ጊዜና ገንዘብ ከባለቤትህ ጋር በመመካከር ሊሆን ይገባል፡፡ አንድ ነገር ማሰብ ያለብህ ልጅህን መርዳትህ ወንጀል ባይሆንም፤ ሄደህ መጎብኘትህንም ማንም ባይጠላውም መርሳት የሌለብህ ነገር ልህንን ልታይ ስትሄድ የቀድሞ ጓደኛህንም የማግኘቱ አጋጣሚ የሰፋ መሆኑ ነው፡፡ ይህ ደግሞ ከባለቤትህ ፈቃድና እውቅና ውጪ ሲዘወተር ሌላ ነገር እንድትጠረጥር ያደርጋታል፡፡ ሰው ነችና ደግሞ ቢሰማት ሊገርምህ አይገባም፡፡ በትዳራችሁ ላይ የወንድ ልጃችሁ ጉዳይ እስከገባ ድረስ የርሱን ነገር ተይው ልትላት አይገባም፡፡ ልጁ እኮ እያነጋገራችሁ ነው? ልጁ እኮ ላለመግባባታችሁ መንስኤ እየሆነ ነው፡፡ የራሳችሁን ኑሮ ለመኖር ከፈለጋችሁ በጋራ ጉዳያችሁ ብቻ ነው ልታተኩሩ የሚገባው፡፡ ግን እውነታውን እንይ ካልን አይደለም ከአብራካችን ስለወጡት ልጆች ከሌላውም ጋር ቢሆን መገናኘታችን፣ መነካካታችን የግድ ይላል፡፡ ደሴት ሆነን ልንኖር አልተጠራንም፡፡ ስለዚህ የርሱን ነገር ትተሽ የራሳችንን ኑሮ ብቻ እንኑር አትበላት፡፡ አማክራት፡፡ ነገሩን በመሸሽ ዘላቂ የሆነ መፍትሄ ልናመጣ አንችልም፡፡ ነገሩን አዳፍነነው በአፈር ሸፋፍነነው ላሁኑ በዚሁ ብናልፍ ዝናብ ሲዘንብበትና ነፋስ ሲመጣበት አግጦ መውጣቱ አይቀርም፡፡ S

    – የእግዚአብሔርን ቃል አጥኑ

    ከላይ ያነሳናቸው ጠቃሚ ምክሮች ቢረዷችሁም በትዳራችሁ ዘላቂ የሆነ ውጤት እንድታመጡ ግን ከናፈቃችሁ ሁልጊዜ የእግዚአብሔርን ቃል ማሰብ ነው፡፡ ክርስቲያን እንደመሆናችሁ ለማሰብ ከዛም ባለፈ የሚታየ ለውጥ በህይወታችሁ ለማምጣት ቃሉን ማጥናት መልካም ነው እንላለን፡፡ ቃሉ ህይወት አለው፤ መዳን በርሱ በኩል ብቻ እንደሆነ ነው የሚናገረው፡፡ አየህ ቃሉ ውስጥህ ሲገባ ተመሳሳይ ስሜት አይኖርህም፡፡ ስታጠፋ ይወቅስሃል፤ ስታዝን ያፅናናሃል፤ ስትደክም ያበረታሃል፤ ከመንገድ ወጣ ትስትልም ወደ ቀናው ጎዳና ይመልስሃል፡፡

    ስለዚህ ይህን ማድረግ በህይወታችሁ ስትለማመዱ እናንተ ስላላችሁ ወይም ልጆቻችሁን ስለተንከባከባችሁ ብቻ በስርዓት ያድጋሉ ማለት እንዳልሆነ ትረዳላችሁ፡፡ አብርሃም ልጁን ከአጋር ጋር ሲሰድ እግዚአብሔር ዝም አላላቸውም፡፡ በሚያስፈልጋቸው ነገር ሁሉ ይረዳቸው ነበር፡፡ ስለዚህ ቃሉ ሲገባችሁ ልጅህ የመከራከሪያ አጀንዳ፤ ላለመግባባታችሁ መንስኤ አይሆንም፡፡ ያላችሁን ነገር ለአምላካችሁ አሳልፋችሁ መስጠት ትጀምራላችሁ፡፡ የሰጣችሁትንም ይጠብቅና ያሳድግ ዘንድ እርሱ ታማኝ ስለሆነ ቃሉን ዕለት ዕለት ለማጥናት ሞክሩ፡፡

    እንግዲህ ይበጃችኋል ብለን ያሰብነውን በተለያየ አቅጣጫ ለመጠቆም ሞከርን፡፡ ለውጥና ፍተሻ ከራስ ነውና የሚጀምረው ስራህን በራስህ እንድትጀምር፤ እንድትመካከሩ፤ በግልፅ እንድትወያዩ ቃል ኪዳናችሁንም በማክበር የአምላካችሁን ቃል ተግባራዊ እንድታደርጉ አውግተናል፡፡ እኛ እንግዲህ መጠቆምና አቅጣጫ ማሳየት እንጂ ተሳታፊዎቹ እናንተው የችግሩ ባለቤቶች ስለሆናችሁ ከዚህ በላይ ልንሄድ አንችልም፡፡ ሁሉን የሚችለው አንድዬ እርሱው ይርዳችሁ፡፡ ለዛሬ አበቃን፡፡ 

    ምንጭ:- ጤናችን

    Read more
  • ጭቅጭቅን ማስቆሚያ 4 የፍቅር ዘዴዎች::

                                                    

    ፍቅረኛሞች ናችሁ እንበል፡፡ ግንኙነታችሁ ይህን የሚመስል ከሆነ፣ አልፎ አልፎ መጨቃጨቃችሁ ወይም መጣላታችሁ አይቀርም፡፡ ይሁን እንጂ፣ በፍቅረኛችን መበሳጨቱም ሆነ መናደዱ፣ ጭቅጭቁን እንዴት ማስተናግድ እንዳለብን እስካወቅን ድረስ፣ የፍቅር ግንኙነቱን ሊንደው አይገባም፡፡

    1. ሁለት አይነት ችግሮች መኖራቸውን መገንዘብ
    ከፍቅረኛችን ጋር ባለን ግንኙነት ስንበሳጭ ወይም ስንናደድ አብዛኛውን ጊዜ ሁለት የተለያዩ ችግሮች ይኖራሉ፤ እነኚህም ችግሮች ስሜታችንና ችግሩ ራሱ ናቸው፡፡ ለምሳሌ ያህል፣ ፍቅረኛሽ የተበላባቸውን ሳህኖች ባለማጠቡ ተበሳጭተሻል እንበል፡፡ ይህን ጊዜ መፍታት ያለብሽ ሁለት ችግሮች አሉ፤ ሳህኖቹ መታጠብ ያለባቸው ሲሆን፣ ፍቅረኛሽ ይህን ባለማድረጉ መበሳጨትሽንም ማቆም አለብሽ፡፡
    በአብዛኞቹ ሌሎች የህይወት ዘርፎች ለችግሮችን ቅድም ተከተል በመስጠት በተናጠል ልንፈታቸው ይገባል፡፡ የፍቅር ግንኙነታችንን በተመለከተ የሚፈጠሩ ግጭቶችንም ቢሆን በተመሳሳይ መልኩ ማስተናግዱ ተገቢ ይሆናል፡፡ ‹‹ስለ… ብለህ አንዴ እንኳን ሳህኖቹን ብታጥባቸው ምን አለበት?›› የሚለውን የመሰለ ጥያቄ ከመሰንዘራችን በፊት ውጤታማ ውይይቶችን አስቸጋሪ የማናደርግ ምክንያታዊ ሰው መሆናችንን ማረጋገጥ አለብን፡፡
    በፍቅረኛችን ምግባር ወይም አድራጎት ተበሳጭተን ቅሬታችንን ከመግለፅ መቆጠብ ይኖርብናል፡፡ በእርግጥ፣ በመሳጨትና ንዴታችንን መግለፅ የተለመደ ነው፤ ምንም ነገር ሳናደርግ ያለማቋረጥ በችግሮቻችን ዙሪያ መቆዘሙ ግን ይበልጥ እንድንናደድ ሊያደርገን ይችላል፡፡ ስሜታችን መፍትሄ የሚያስፈልገው ነገር እንደሆነና የጭቅጭቁ መንስኤ ከሆነው ጉዳይ የተለየ እንዲሆን መቀበሉ ወደ መፍትሄው የሚያቀርበን እርምጃ ነው፡፡

    2. በቀዳሚነት ስሜታችንን ማስተናገድ
    ንዴት፣ መቆጣጠር በተመለከተ ማንኛችንም ብንሆን የምንረጋጋበት የየራሳችን መንገድ አለን፡፡ ከፍቅረኛችን ጋር ለመጣላት ከደረሰን፣ ሁኔታው በውስጣችን የፈጠረውን ውጥረት ለማስተናግድ ፋታ ልናገኝ ይገባል፤ ሌላኛውም ወገን እንዲሁ በተመሳሳይ ሂደት በኩል ማለፍ ይኖርባቸዋል፡፡ አብዛኛውን ጊዜ ውጥረት ለብቻ ማስተናገዱ የተሻለ ነው፤ ይሁንና፤ በአንዳንድ ስሜትን የሚነኩ ሁኔታዎች ባለንበት ቦታ ሆነን ለረዥም ጊዜ መተንፈሱ እገዛ ሊኖረው ይችላል፡፡ ለማንኛውም በውስጣችን የተፈጠረውን ውጥረቱን የሚያቃልሉ ነገሮችን እናድርግ፤ የእግር ጉዞ ማድረግ፤ ሞቅ ያለ ሙዚቃ ማዳመጥ፣ አሊያም ንዴታችንን በወረቀት ላይ አስፍረን ቀድደን መጣል እንችላለን፡፡
    ይህ አካሄድ የተሻለ ውጤት የሚያስገኘው ፍቅረኛችን ቀደም ብለው ውጥረትን በምን አይነት መንገድ እንደምናስተናግድ ካወቁ ነው፡፡ መቆናጠር፣ እንዲሁም ማጉረምረም የሌላኛውን ሰውን ስሜት በቀላሉ የሚጎዱ ናቸው፡፡ ራሳችንን በጭቅጭቅ መሃል ውስጥ ከማግኘታችን በፊት ፍቅረኛችን ንዴትን በምን መልኩ እንደሚያስተናግዱ ማወቅና ምን እንደምንፈልግ እንደሚያውቁ ማረጋገጥ ይኖርብናል፡፡ እንዲያውም፣ ‹‹የፈለግሽውን…›› ከማለት ይልቅ፣ ‹‹የእግር ጉዞ ማድረግ አለብኝ፡፡ ከጥቂት ደቂቃዎች በኋላ እናወራለን›› ማለቱ ይበልጥ ጠቃሚ ነው፡፡

    ከሁሉም የበለጠ አንዴ ከተረጋጋን ወደነበርንበት ቦታ መመለሳችን ነው፡፡ ቀደም ሲል እንደተጠቀሰው፣ ጭቅጭቅ ሲፈጠር ሁለት የተለያዩ ችግሮችን እያስተናገድን ነው፡፡ መረጋጋቱ አንዱን ችግር ሲፈታ ሁሉም ነገር ከበፊቱ የተሻለ ነው የሚለው ስሜትም በቀላሉ ይከተላል፡፡ አንዳንድ ጊዜ ነገሮች ቀለል ቢሉልንም፣ ከፍቅረኛችን ጋር ያለን ችግር ችክ ያለ ከሆነ ስለተረጋጋን ብቻ ይጠፋል ማለት አይደለም፡፡

    3. ከሄድንበት ስንመለስ ሁኔታውን ማስተናገድ
    አንዴ ከተረጋጋን ችግራችንን ምክንያታዊ በሆነ መንገድ መመልከት ልንጀምር እንችላለን፡፡ በመጀመሪያ ረገድ ሁኔታውን የምናስተናግድበት ጥሩና የተሻለ ስሜት ላይ እንገኛለን፡፡ ፍቅረኛሽ አድካሚ ቀን ካሳለፈ በኋላ ለመጀመሪያ ጊዜ የበላበትን ሳህን ባለማጠቡ መጨቃጨቁ ጥቅም የለውም፡፡ በሌላ በኩል፣ ምሽቱን አብራችሁ ሳታሳልፉ አስራ ሁለት ቀናት ካለፉ መነጋገሩ አይከፋም፡፡

    ከፍቅረኛሽ ጋር ለመነጋገር ከሄድሽበት ቦታ ስትመለሺ ሁኔታዎችን በትብብር መንፈስ ተመልከቻቸው፡፡ በመካከላችሁ የተፈጠረውን ችግር አንዳችሁ ከሌላኛው አንፃር ከተመለከታችሁት፣ ደስተኛ የፍቅር ግንኙነት መመስረቱን ይበልጥ አስቸጋሪ ያደርገዋል፡፡

    አንዳንድ ጊዜ ችግሩ ከስሜታችን ጋር የተያያዘ ብቻ ይሆናል፡፡ ‹‹እራት ስንበላ ሞባይል ስልክህን መነካካትህ ችላ የተባልኩ ሆኖ እንዲሰማኝ ያደርገኛል›› ማለቱ በቤት ውስጥ ስራ ሳቢያ የሚፈጠሩ ጭቅጭቆችን ያህል ምክንያታዊ ችግር ነው፡፡ ዋናው ነገር ጉዳዩን ሁለታችሁም ልትፈቱት የምትችሉት ነገር እንደሆነ አድርጎ መግለፁ ነው፡፡
    በችግሩ ዙሪያ የሚደረገው ውይይት እንዳበቃ እርምጃ መውሰዳችሁን ማረጋገጥ ይኖርባችኋል፡፡ የመግባባት ችሎታችሁ ጠቃሚ ከመሆኑም ሌላ፣ ከፍቅረኛችን ጋር የበለጠ መተሳሰርን ለመፍጠር ያግዛል፡፡ ሁኔታዎች እንደ በፊቱ ሆነው ካልተለወጡ ግን ሳምንት ባልሞላ ጊዜ ውስጥ ያንኑ ንግግር መድገም ሊኖርባችሁ ነው፡፡ ሁለታችሁም መለወጥ ያለበት ነገር ምን እንደሆነ ከስምምነት ላይ ከደረሳችሁ፣ ጥሩ ልምዶችን ለማዳበር የምትጠቀሙባቸውን ስልቶች ተግባራዊ አድርጉ፡፡ ፍቅረኛሽ እንዲደመጥ የሚፈልገውን በተመለከተ ራስሽን ከማስታወስ አትቦዝኚ፡፡ በማስታወስ ችሎታሽ ላይ ብቻ አትተማመኚ፡፡

    4. መታረቅ
    ተናድደን ነበር፡፡ በቀጣይነት ከተረጋጋን በኋላ በችግሩ ዙሪያ ከተወያየን በኋላ መለወጥ ስላለበት ነገር እቅድ እናወጣለን፡፡ ይህን ጊዜ ነገሮች ጥሩ መስለው ይታዩናል፡፡ ይሁን እንጂ፣ ጥሩም ላይሆኑ ይችላሉ፡፡ ሂደቱን እዚህ ላይ አቁመን እጆቻችንን አጣጥፈን ብንቀመጥ እርስ በርስ መጯጯኹ ምን እንዲፈየድልን በቅጡ ለመረዳት እንቸገር ይሆናል፡፡ ስለዚህም፣ ሂደቱ የዘወትር ልማድ መሆኑን ለማረጋገጥ ራሳችንን እንሸልም፡፡
    መተቃቀፍ፣ ፊልም ማየት፣ አሊያም ወሲብ መፈፀም ጭቅጭቁን በጥሩ መንፈስ ከፍፃሜ እንዲደርስ የሚያግዙ አዎንታዊ ዘዴዎች ናቸው፤ ይሁንና፤ ችግሩ መፍትሄ ሳያገኝ ወሲብ መፈፀም የፍቅር ግንኙነቱን አደጋ ላይ ሊጥለው ይችላል፡፡ ብዙውን ጊዜ የፍቅረኛችን ከአጠገባችን መኖር ያስደስተናል፡፡ ሁለቱም ወገኖች በጉዳዩ ዙሪያ ጤናማ ውይይት ካካሄዱ፣ አብረው የተወሰነ ጊዜ ማሳለፍ ይኖርባቸዋል፡፡

    ምንጭ:- ዘ ሳኮሎጂስት

    Read more
  • የፍቅር ግንኙነትዎ ምን ያህል ጤናማ ነው? እርግጠኛ መሆን የሚችሉት በቀጣይ ያሉትን ነጥቦች ሲመለከቱ ነው

    የፍቅር ግንኙነትዎ ምን ያህል ጤናማ ነው? በእርግጥ ይህ ጥያቄ እንደ ሰው ግንዛቤ እና ልምድ መልሱም ይለያያል ሆኖም ግን የሳይክ ሴንትራሉ ናታን ፌይለስ ጤናማ ያልሆነ የፍቅር ግንኙነት እንዳለን የሚያሳዩ ነጥቦች ብሎ እነዚህን አሳይቶናል፡፡
    1. መማታት፡- በግንኙነት ውስጥ አለመግባባት የተለመደ ነገር ነው፤ በጾታዊ የፍቅር ግንኙነቶችም ላይ ተመሳሳይ የሆኑ የሃሳብ አለመግባባቶች ይከሰታሉ ሆኖም ግን እነዚህን አለመግባባቶች የምንፈታበት መንገድ እጃችንን በፍቅር አጋራችን በማንሳት ከሆነ ግንኙነቱ ጤናማ አይደለም፡፡
    2. ድጋፍ፡- የህይወት ፍላጎታችን እና ግቦችን ከዳር ለማድረስ በሚደረገው እንቅስቃሴ ውስጥ የአጋራችን አብሮነት እና ድጋፍ ከጎናችን ካልሆነ እና በተደጋጋሚ አሉታዊ የሆኑ መልሶች የምናገኝ ከሆነ ቅሬታ በግንኙነታችን ውስጥ እየዳበረ ይመጣል በዚህም ግንኙነታችን አደጋ ውስጥ ይወድቃል፡፡

    3. ቁጥጥር፡- አጋራችን እያንዳንዱን እንቅስቃሴያችንን ከልክ ባለፈ ጥርጣሬ የሚከታተል እና የሚቆጣጠር ከሆነ፤ አኛም በዚህ ድርጊት ምክንያት ምቾት ካልተሰማን ግንኙነታችን ጤናማ አይደለም፡፡

    4. ስድብ፡- ስድብ ሰው ህሊና ላይ የማይሽር ጠባሳ ይዞ የሚቀር ጥቃት ነው፡፡ በአለመግባባት መካከል መሰዳደብ የሚኖር ከሆነ ወዳጆቼ ግንኙነታችሁ አደጋ ውስጥ ነው፡፡

    5. ቅሬታ፡- በዕለት ተዕለት ግንኙነታችን ላይ አለመግባባቶች ቅሬታን ይፈጥራሉ ቢሆንም ግን እነዚህን አለመግባባቶች እና ቅሬታዎች ከስር ከስሩ መፍታት ካልቻልን ይከማቻሉ፤ ስለዚህ በግንኙነታችን ውስጥ የማይፈቱ ቅሬታዎች ሲበዙ ግንኙነቱ ጤናማ አይደለም፡፡

    6. ማስጠንቀቂያ እና ዛቻ፡- ግንኙነታችን ውስጥ የሚደጋገሙ ይሄን ካላደረጋችሁ እንዲህ አደርጋለሁ፤ እንደዚያ እደርጋለሁ የሚሉ ዛቻ እና ማሰፈራሪያዎች ካሉ ግንኙኘቱ ጤናማ አይደለም፡፡

    7. ተግባቦትን መቆጣጠር፡- በንግግር ጊዜ አንዱ አንዱን በመቆጣጠር እንዲያወራ ዕድል የማይሰጥ ከሆነ ግንኙነቱ ጤናማ አይደለም፡፡

    8. መወስለት፡- ይሄ እንኳን ለብዙዎቻችን የሚያስማማ ነገር ነው፤ የፍቅር አጋራችን የሚወሰልት/ የምትወሰልት ከሆነ በእርግጠኘነት ግንኙነቱ አደጋ ውስጥ ነው፡፡ እነዚህን ምልክቶች በጾታዊ የፍቅር ግንኙነታችን ውስጥ ስናስተውል በቀጥታ ወደ ውሳኔ በመሄድ ግንኙነቱን ከማቋረጣችን በፊት ችግሩን ለመፍታት ጠለቅ ያለ ውይይት ማድረግ ያስፈልጋል፡፡

     

    Read more
  • ጤነኛ ያልሆኑ ፆታዊ የፍቅር ግኑኝነት ምልክቶች

    የፍቅር ግንኙነትዎ ምን ያህል ጤናማ ነው? በእርግጥ ይህ ጥያቄ እንደ ሰው ግንዛቤ እና ልምድ መልሱም ይለያያል ሆኖም ግን የሳይክ ሴንትራሉ ናታን ፌይለስ ጤናማ ያልሆነ የፍቅር ግንኙነት እንዳለን የሚያሳዩ ነጥቦች ብሎ እነዚህን አሳይቶናል፡፡
    1. መማታት፡- በግንኙነት ውስጥ አለመግባባት የተለመደ ነገር ነው፤ በጾታዊ የፍቅር ግንኙነቶችም ላይ ተመሳሳይ የሆኑ የሃሳብ አለመግባባቶች ይከሰታሉ ሆኖም ግን እነዚህን አለመግባባቶች የምንፈታበት መንገድ እጃችንን በፍቅር አጋራችን በማንሳት ከሆነ ግንኙነቱ ጤናማ አይደለም፡፡
    2. ድጋፍ፡- የህይወት ፍላጎታችን እና ግቦችን ከዳር ለማድረስ በሚደረገው እንቅስቃሴ ውስጥ የአጋራችን አብሮነት እና ድጋፍ ከጎናችን ካልሆነ እና በተደጋጋሚ አሉታዊ የሆኑ መልሶች የምናገኝ ከሆነ ቅሬታ በግንኙነታችን ውስጥ እየዳበረ ይመጣል በዚህም ግንኙነታችን አደጋ ውስጥ ይወድቃል፡፡

    3. ቁጥጥር፡- አጋራችን እያንዳንዱን እንቅስቃሴያችንን ከልክ ባለፈ ጥርጣሬ የሚከታተል እና የሚቆጣጠር ከሆነ፤ አኛም በዚህ ድርጊት ምክንያት ምቾት ካልተሰማን ግንኙነታችን ጤናማ አይደለም፡፡

    4. ስድብ፡- ስድብ ሰው ህሊና ላይ የማይሽር ጠባሳ ይዞ የሚቀር ጥቃት ነው፡፡ በአለመግባባት መካከል መሰዳደብ የሚኖር ከሆነ ወዳጆቼ ግንኙነታችሁ አደጋ ውስጥ ነው፡፡

    5. ቅሬታ፡- በዕለት ተዕለት ግንኙነታችን ላይ አለመግባባቶች ቅሬታን ይፈጥራሉ ቢሆንም ግን እነዚህን አለመግባባቶች እና ቅሬታዎች ከስር ከስሩ መፍታት ካልቻልን ይከማቻሉ፤ ስለዚህ በግንኙነታችን ውስጥ የማይፈቱ ቅሬታዎች ሲበዙ ግንኙነቱ ጤናማ አይደለም፡፡

    6. ማስጠንቀቂያ እና ዛቻ፡- ግንኙነታችን ውስጥ የሚደጋገሙ ይሄን ካላደረጋችሁ እንዲህ አደርጋለሁ፤ እንደዚያ እደርጋለሁ የሚሉ ዛቻ እና ማሰፈራሪያዎች ካሉ ግንኙኘቱ ጤናማ አይደለም፡፡

    7. ተግባቦትን መቆጣጠር፡- በንግግር ጊዜ አንዱ አንዱን በመቆጣጠር እንዲያወራ ዕድል የማይሰጥ ከሆነ ግንኙነቱ ጤናማ አይደለም፡፡

    8. መወስለት፡- ይሄ እንኳን ለብዙዎቻችን የሚያስማማ ነገር ነው፤ የፍቅር አጋራችን የሚወሰልት/ የምትወሰልት ከሆነ በእርግጠኘነት ግንኙነቱ አደጋ ውስጥ ነው፡፡ እነዚህን ምልክቶች በጾታዊ የፍቅር ግንኙነታችን ውስጥ ስናስተውል በቀጥታ ወደ ውሳኔ በመሄድ ግንኙነቱን ከማቋረጣችን በፊት ችግሩን ለመፍታት ጠለቅ ያለ ውይይት ማድረግ ያስፈልጋል፡፡

     

    Read more
  • የፍቅር ግንኙነትዎን በዚህ መልኩ ቢያጠነክሩስ?

                                       

    አዲስ አበባ ፣ ሰኔ 28 ፣ 2009 (ኤፍ ቢ ሲ) መተማመን፣ ግልጽነት፣ መነጋገር እና መተሳሰብ በፍቅር ህይዎት ውስጥ ወሳኝ እና ቁልፍ ጉዳዮች ናቸው።

    እነዚህ ነገሮች ጥንዶች በፍቅር ህይዎታቸው ረዘም ያለ ጊዜን በአብሮነት እንዲያሳልፉ ያግዟቸዋል።

    ከዚህ ባለፈ ግን ፍቅርን ለማጠንከርና በጠንካራ ፅኑ መሰረት ላይ እንዲቆም ለማድረግ ከምስጋና ጀምሮ ጥንዶች የሚሄዱባቸው መንገዶች ወሳኝነት አላቸው።

    ፍቅርን ለማጠንከርና ቆይታን ለማዝለቅ ደግሞ ጥንዶች እነዚህን መንገዶች ቢጠቀሙ መልካም መሆኑን የስነ ልቦና ባለሙያዎች ይመክራሉ፤

    ማመስገን፦ ዘወትር የፍቅር አጋርዎ ላደረገው ነገር ማመስገንና በሰራው ስራ እርሰዎ ደስተኛ እንደሆኑ መንገር መልካም መሆኑን ይመክራሉ።
    ያንን ማድረጉ የእነርሱ ሃላፊነትና ግዴታ ነው ብለው ቢያስቡም እንኳን ለሰሩት ስራና ላደረጉት ነገር ማመስገኑ ጠንካራ የፍቅር ግንኙነትን ለመመስረትና ቆይታን ለማጠንከር ይረዳል።

    ይህን ማድረጉ የፍቅር አጋርዎ ጥሩና መልካም ስሜት እንዲሰማው በማድረግ ቆይታችሁን ያራዝማል።

    በአትኩሮት ማዳመጥ፦ ዘወትር የፍቅር አጋርዎ ስለሚያነሳው ነገር መስማትና ማዳመጥ ለፍቅራችሁ ዘለቄታ ወሳኝነት ያለው ጉዳይ ነው።

    ምናልባት ንግግሩን ባይረዱትም እንኳን ለማዳመጥ መሞከሩ ተቀባይነት እንዳለው ማሳያ ነውና ለግንኙነት መልካም ነገር ነው።

    ማዳመጥ ከአጋርዎ ጋር ያለዎትን ቁርኝትና ጥብቅ ግንኙነት ለማጠንከር ወሳኙ ነገር እንደሆነም ያስቡ።

    ቤት ከስራ ውለው እንደገቡ የአጋርዎን ውሎና የስራ ሁኔታ እንዴት እንዳለፈ መጠየቅና በውሎው ስለተሰማው ስሜትና መሰል ጉዳዮች እየጠየቁ ማዋራትም ይልመዱ።

    ከዚህ በኋላ ምናልባት እነርሱ መልስ ሳይሰጡዎት ወደ ስራ ከመግባትና ወደ ሌላ ጉዳይ ከመሄድዎ በፊት ሃሳባቸውን ማስጨረስና ማዳመጥም አይዘንጉ።

    ዘወትር ከእነርሱ ጋር ሲነጋገሩም ለእነርሱ በሚጠቅምና በሚበጅ ጉዳይ ላይ ቢወያየዩ የተሻለ ውጤት ይኖረዋል።

    ስሜትን መጋራት፦ ምንም ቢሆን የእነርሱን ስሜት መጋራት እና ያነሱትን ሃሳብ በቁም ነገር ወስዶ መወያየትም መልካም ነው።

    ምናልባት እየተወያያችሁ መሃል ላይ ንግግሩን መረዳት ካቃተዎት በድጋሚ መስማት እንደሚፈልጉ በመንገር ጉዳዩን ከልብ በሆነ ሁኔታ በመስማት መወያየት ይኖርብዎታል።

    ያንን ሲያደርጉ ለአጋርዎ ያለዎትን ስሜትና ምን ያክል እንደሚፈልጉትም ማሳያ ይሆናልና ይተግብሩት።

    ስሜትን መግታትና መቆጣጠር፦ አንዳንድ ነገሮችና ውይይቶች ወዳልተፈለገ አቅጣጫ ምናልባትም ወደግጭት ሊመሩ ይችላሉ።

    ይሁን እንጅ መሰል አጋጣሚዎችን ተንተርሰው አላስፈላጊ ስሜት ውስጥ ከመግባት ስሜትዎን ገዝተውና ተቆጣጥረው ነገሮችን ማብረድ ይጠበቅብዎታል።

    ነገሮችን በሰከነ መንፈስ ማዳመጥና ከስሜት በመውጣት ለመነጋገር መሞከር እና መወያየቱም መልካም ነውና ይጠቀሙበት።

    ጊዜ አብሮ ማሳለፍ፦ ይህን ማድረጉ ደግሞ ጠንካራ እና ጥብቅ ቁርኝትን ለመፍጠርና ጠንካራ የሆነ መግባባት ይኖር ዘንድም ያስችላል።

    በዚህ መልኩ ጊዜ አብሮ ማሳለፍ ሲደጋገም ደግሞ ለጽኑ እና ጠንካራ ወዳጅነትም ሆነ ለዘላቂ የአብሮነት ቆይታ ከፍ ያለ አስተዋጽኦ አለው።

    ከዚህ ባለፈ ግን ከአጋርዎ ጋር ዘና የሚያደርጉ የቃላት ጨዋታዎችን መጫወትና የቀልድ ስሜት ያላቸውን ጨዋታዎች መጫዎትም ይመከራል።

    በቁም ነገር ብቻ የምታሳልፉትን ጊዜ በዚህ መልኩ አልፎ አልፎ ማሳለፍዎ ከአጋርዎ ጋር በተለየ መንገድ ለመግባባትና ለመተዋወቅም ይረዳል።

    እናም የቻሉትን ያክል ከፍቅር አልያም ከትዳር አጋርዎ ጋር መሰል ልማዶችን በመደጋገም መልካምና ጣፋጭ የፍቅርና የትዳር ጊዜ እንዲኖርዎት ማድረግ ይችላሉ።

    ምንጭ፦ psychologytoday.com

    Read more
  • የፍቅር ግንኙነትን የሚጎዱ ልማዶች - Habits Which Could Harm Your Relationship

                                    

    መግባባት ያለበት ጽኑ ፍቅርና መተማመን ላይ የተመሰረተ ግንኙነትን መገንባት ረዘም ላለ የአብሮነት ቆይታ እና ለትዳር አጋዥ መሆኑን የስነ ልቦና ባለሙያዎች ይናገራሉ።
    ከዚህ በተቃራኒው ደግሞ ማስመሰል፣ መዋሸት እና ማታለል ለፍቅር ጊዜ ማጠር ምክንያት እንደሚሆንም ነው የሚናገሩት።
    ባለሙያዎቹ ለፍቅር እድሜ ማጠር ምክንያት ያሏቸውን ሶስት መጥፎ ልማዶችም ይጠቅሳሉ።
    ሃላፊነትን በተደጋጋሚ ለማስታወስ መሞከር፦ አንደኛው አጋር ቅድሚያ የሚሰጣቸውን ጉዳዮች ሲዘረዝርና ለችግሮቹ መፍትሄ ማበጀትን ሲያውጠነጥን ከዚህ በተቃራኒው መጓዝ እንደማይገባ ባለሙያዎች ይገልጻሉ።
    ከዚህ ጋር ተያይዞ ቅድሚያ ሊሰጣቸው የሚገቡ ሌሎች ነገሮች እያሉ፥ ጥቃቅን የሆኑ ሃላፊነቶችን ተወጣህ/ ተወጣሽ በማለት አስታዋሽ መምሰሉ አላስፈላጊ እንደሆነም ያስረዳሉ።


    የመመገቢያ ሳህኖችን እንዳጠበ እና እንዳጠበች፣ መከፈል የሚገባቸው ነገሮች ካሉም ያንኑ አድርገሃል ወይ ብሎ መጠየቅና ሃላፊነት መስለው የሚታዩንን ነገሮች እንደተወጣ አሁንም አሁንም መደጋገም አላስፈላጊ ይሆናል ነው የሚሉት።
    ምክንያቱም መሰል ጣልቃ ገብነቶች ያንን ግለሰብ ስራውን እንዳልተወጣና እንዳልከወነ ማሳያዎች ይሆናሉና በጊዜ ብዛት መለያየትን ያስከትላሉ።
    ከዚያ ይልቅ ግን የፍቅር ወይም የትዳር አጋርዎ የራሱን ድርሻ መወጣት የሚችልበትን መንገድ ቤት ውስጥ ማመቻቸትና ያንኑ ለባለጉዳዩ መተውን ልመዱ ሲሉም ይመክራሉ።
    በተንቀሳቃሽ ስልክ የጽሁፍ መልዕክት መለዋወጥ፦ ስልክ አይደወል ባይባልም ከፍቅረኛዎ ወይም ከትዳር አጋርዎ ጋር አብረው በሆኑ ጊዜ በዕሁፍ መልዕክት መላላክ አግባብ አይደለም።


    አጋርዎ አብሮዎት እያለ ስልክ ሲደወል በተቻለ መጠን ምላሽዎን በንግግር ማድረግን ይልመዱ።
    ይህ ሳይሆን ቀርቶ ግን ምላሽዎት በጽሁፍ መልዕክት ከሆነ አብሮዎት ላለው ሰው ክብር አለማሳየት መሆኑን ነው ባለሙያዎቹ የሚገልጹት።
    መልዕክቱም አጋርዎን አታስፈልገኝም እንደማለት ነውና ከዚህ ድርጊት ይቆጠቡ።
    ከዚያ ይልቅ አብሮዎት ላለው ሰው ፍቅርና መውደድዎን በማሳየት የጽሁፍ መልዕክቱንም ሆነ ስልክ ላይ ጊዜ ማጥፋቱን ለሌላ ጊዜ ይተውት።
    ሙሉ ትኩረትዎን እርሱ ላይ በማድረግ ግንኙነትዎን ማሳደግና ማጠናከርም ይችላሉ።
    አንዳንድ ነገሮችን አብሮ መከወን መጨዋወትና ሃሳብ መለዋወጥም መልካም ነውና ያንኑ ማዳበር።
    የጋራ ጊዜ አለመኖር፦ በህይዎትዎ ምንም ያክል ሃላፊነት ቢኖርብዎትም የተወሰነ ጊዜ ለፍቅር አጋርዎ መስጠትና ከቤት ወጣ ብሎ በመዝናናት ስሜት መጨዋወት የፍቅር ቅመም እንደሆነ ይነገራል።


    ታዲያ ከዚህ በተቃራኒው ሆነው ምንም ባያጎድሉም የራስ የሆነ ጊዜ ሳይኖር አብሮ ማሳለፉ ተቃራኒ ውጤት አለው።
    አብረው እየተዝናኑ በመጨዋወት ማሳለፍ እና መሳሳቅ ለሁለቱም መልካም የፍቅር ጊዜ ትዝታን ያጭራል።
    ከዚህ አንጻርም ይህን ማድረጉ ለፍቅር ባላ ይሆናልና እንደዛ ማድረጉን ማዳበር መልካም መሆኑን ባለሙያዎች ይገልጻሉ።
    በተቃራኒው ምንም ባይጎድል እንኳን ቤት ውስጥ በመቀመጥ ብቻ ማሳለፉ መሰለቻቸትን ያመጣልና ጊዜን አብሮ ማሳለፍ ምርጫችሁ አድርጉ።
    ወጣ ብሎ የእግር ሽርሽር ማድረግ፣ ሲኒማ ገብቶ ፊልም መመልከት፣ ሻይ ቡና ማለት፣ ሙዚቃ እያደመጡ በመጨዋወትና በመሳሰሉት የአብሮነት ጊዜን ማሳለፍ ይቻላል።
    አለማዳመጥ፣ ከመነጋገር ይልቅ በይሆናል መመራትና መወሰን፣ የራስን ሃሳብ በእነርሱ ላይ ለመጫን መሞከር እና ነገሮችን ከማስረዳት ይልቅ መተቸትም ለፍቅር ግንኙነት መቋረጥ የሚዳርጉ ልማዶች ናቸውና ያስወግዷቸው።

    ምንጭ፦ psychologytoday.com

    Read more
  • ጤናማ ትዳር - Healthy Marriage

                                                              

    በመአዛ መንበር (የማስተርስ ዲግሪ በካወንስሊን ሳይኮሎጂ ከአዲስ አበባ ዩኒቨርሲቲ)

    የሰዉ ልጆች ከመወለድ እስከ ሞት በተለያዩ ግንኙነቶች ታጅበን እንኖራለን ፡፡ ከእነኚህ ግንኙነቶች አንዱ ትዳር ሲሆን ዋና ከሚባሉ ግንኙነቶች ውስጥም ይመደባል፡፡

    ጤናማና ጠንካራ ትዳር መሰረቱ ያመረ ቤትን ይመስላል፡፡ በወጀብ የማይናወጽ ፤ በጎርፍ የማይነቃነቅ ፤ ከችግኝነት እስከ ፍሬ ማፍራት በትዕግስትና በፈተና የሚጓዝ ነው፡፡ ትዳር ትልቁ ማኅበራዊ ተቋም ሲሆን ትዳሩ እስካልፈረሰ ድረስ የማንመረቅበት ትልቅ ትምህርት ቤት ነው፡፡

    አንድ ገበሬ በብዙ ድካምና ልፍት የወዙን ምርት እንደሚያገኘው የትዳርም ውጤት በትዳራችን ላይ ምን ያህል እንደለፋን አቅጣጫን ያሳያል፡፡ ሰዎች ልምዳቸውንና ዕውቀታቸውን እንደሚመስሉ ሁሉ ዕለት ተዕለት የሚኖረን የትዳር ተሞክሮዎችና ውጥኖች ትዳራችንን እንደ አንድ ሰላማዊ ደሴት ወይም እስር ቤት እንድንቆጥረው ያደርገናል፡፡

    ታዲያ የተለያዩ ሰዎች የተለያየ የትዳር ሁኔታ አላቸዉ የሰመረ/ደስተኛ እና ችግር ዉስጥ፡፡ ትዳርን የሰመረ/ደስተኛ ለማድረግ ሁለቱም ጥንዶች በጋራ መስራት አለባቸዉ ምንያቱም ትዳር በሰራነዉ ልክ ነዉ የሚወሰነዉ፡፡ መቻቻልን ሳይሆን ፍቅርንና መረዳዳትን (Understanding) መሠረት ያደረገ ትዳር ከእራስ አልፎ በሌሎች ዘንድ በተምሳሌትነቱ ይጠቀሳል፡፡ የሚያስቀና ትዳር አላቸው ተብሎ ውዳሴንና ክብርንም ያስገኛል፡፡ ይህ ታዲያ መሆን የሚችለው ትዳርን የፍቅር ትምህርት ቤት ፤ የሰላም ተቋም ፤ የባልና የሚስት የስራ ክፍፍል ተብሎ በማኅበረሰቡ ዘንድ የተቀመጠውን ድንበር አፍርሶ ቤተሰቡ ሊታነጽበትና ሊመራበት የሚችል መከባበር ፤የጋራ አመለካከትና አረዳድ ሲኖርው ብቻ ነው፡፡ ያ ሳይሆን ሲቀር ለመተጋገዝ የተመሰረተው ትዳር የጸብ ምንጭና የክርክር መድረክ ሆኖ ያበቃል፡፡ እንዲሁም ለፍቺ (divorce) አልያም ለቤት ውስጥ ጥቃት (domestic violence) በርን በመክፈት ይጓዛል፡፡ ደስተኛ/የሰመረ ትዳር መመስረት ለግለሰባዊ፣ ለቤተሰባዊ፣ ለማኅበረሰባዊ እና ለሀገራ ዕድገት ያለዉ አስተዋፅኦ ቀላል የሚባል አይደለም፡፡ እንደ ጋላገር እና ዌይት ትዳር ለአዕምሮ ጤንነት ጥሩ የሚባል ድጋፍ ያደርጋል፡፡ በተለይም ደስተኛ ትዳር የመሰረቱ ሰዎች ደስተኝነትን፣ ተስፈኝነትን፣ ጠንካራ መሆንና እና ጥሩ የመኖር ፍላጎትን ይጨምል፡፡ በተጨማሪም ለራሳችን ያለን ግምት እንዲያድግ ይረዳል፡፡

    ሌላዉ የደስተኛ ትዳር ጥቅም ማኅበረሰባዊ ቀዉሶችን ይቀንሳል፡፡ ጎዳና የሚወጡ ልጆች፣ ከትምህርት የሚቀሩ፣ ሱሰኝነት እና ሌሎችም ማህበራዊ ቀዉሶች በደስተኛ እና ጤናማ ትዳር መቀነስ ይቻላል፡፡ ያገባችሁ ትዳራችሁን ተንከባከቡት በተንከባከባችሁት ልክ መልሶ የከፍላችኋል ፤ ያላገባችሁ ደግሞ ከጤናማ ትዳር ትምህርት ቅሰሙ፡፡

    ምንጭ:-ጤናችን

    Read more
  • የፍቅር ግንኙነት ለመጀመር - Starting a Relationship

    ከሰዎች ጋር መተዋወቅና ጓደኝነት መመስረት አስደሳች ስሜትን መፍጠሩ አይቀርም፤ ጉዳዩ ከተቃራኒ ጾታ ጋር ሲሆን ደግሞ ትንሸ ለየት ይላል።

    ያንን ጓደኝነት እና ትውውቅ ከፍ ወዳለ ደረጃ ማድረሱ ደግሞ ለበርካቶች አስደሳች እና የተለየ ስሜትን የሚፈጥር ጉዳይ ነው።
    የስነ ልቦና ባለሙያዎች ትውውቁን ወደ ፍቅር ጓደኝነት ለማምራት እነዚህን መንገዶች ይከተሉ ይላሉ።
    ፍላጎትን መለየትና ማሳወቅ፦ በየትኛውም የህይዎት ምህዋር ውስጥ የመጀመሪያው እና ቀዳሚው ነገር ፍላጎትን መለየትና መረዳት ነው፤ በፍቅርም እንደዛው።
    ከዚህ አንጻርም ከበርካታ ሴቶች/ወንዶች ጋር ትውውቅ እና ግንኙነት ቢኖርም፥ ለእኔ የቱ ይበጀኛል የሚለውን መለየትና መወሰን አስፈላጊ መሆኑን ባለሙያዎች ይናገራሉ።
    ከተዋወቁት ጋር በፍቅር መውደቅ እና አብሮ መሆን ምኞትን ለጊዜው ጋብ አድርጎ የሚሆነውን መለየት፤ ያን ጊዜ ፍቅር መጀመሩም ሆነ አብሮ መዝለቁ ቀላል ነው ይላሉ።
    በፍቅር ግንኙነት ዙሪያ የስነ ልቦና ባለሙያ የሆኑት ዶክተር ሄለን ፊሸር፥ አዕምሮ ጉጉት እና ፍላጎት ያለበት፣ አስደሳች ግን ዘላቂነት የሌለው ፍቅር እንዲሁም ዘላቂ የሆነ የፍቅር ግንኙነትን በተመሳሳይ ጊዜ ማስተናገድ እንደሚችል ይናገራሉ።
    ከዚህ አንጻርም ማንም ሰው በዚህ መልኩ ከሶስት የተለያዩ ሰዎች ጋር በእንዲህ መልኩ ፍቅር እና ፍቅር መሳይ ግንኙነቶችን መጀመር እንደሚችልም ይገልጻሉ።
    ወሳኙ ጉዳይ ግን ሶስት የተለያዩ ፍላጎቶችን በድብቅ ማስኬዱ ሳይሆን ትክክለኛው የእኔ ምርጫ የትኛው ነው የሚለውን መለየት ይሆናል።
    ከቀረቧቸው ሰዎች መካከልም እርስዎ የሚፈልጉት እና የፍቅር አጋርዎ ቢኖረው/ቢኖራት ምርጫየ ነው የሚሉትን ከአካላዊ ቁመና ጀምሮ፥ ስብዕና እና ባህሪን መሰረት ባደረገ መልኩ ፍላጎትን ማወቅ እና መወሰን አስፈላጊው እንደሆነም ያስረዳሉ።
    ፍላጎትን ለአጋርዎ ማጋራት፦ ፍቅር ለመጀመር አስበው ለተዋወቁት ሰው ሃሳብን እና ፍላጎትን ማጋራት የእርስዎን ፍላጎትና ምኞት ለመግለጽ ይረዳዎታል።
    ይህም የግንኙነታችሁን ዘለቄታዊነት የተመለከተ ውይይት ለማድረግ ይረዳል፤ አብሮነታችሁ እርስዎ ሃገር ለቀው ከወጡ በኋላ ስለ መቀጠል አለመቀጠሉ እና በማንኛውም ሁኔታ ዘለቄታዊ ስለመሆኑ ለመነጋገርም እንዲሁ።


    ግን ደግሞ ሃሳብን ማጋራት ማለት ያ ሰው ከእኔ ጋር ይዘልቃል/ ትዘልቃለች ማለት ሳይሆን፥ የሚሄዱበትን መንገድ ማሳያ ብቻ መሆኑን መረዳትም ተገቢ ይሆናል።
    ከዚህ አንጻር መዳረሻችሁ የሚወሰነው በመሰል ጅማሮዎች ነውና ይህን መሰሉን አካሄድ ያጎልብቱ።
    ራስን መሆን፦ ራስን መሆን ሲባል ከፀባይ ጀምሮ አለማስመሰል፣ የሌለን ነገር አለኝ ማለትን ጨምሮ እቅድን፣ የወደፊትን ሃሳብዎን፣ እምነት ላይም ሆነ ነገሮች ላይ ያለን አመለካከትን በተመለከተ የሚያምኑበትንና የሆነውን ከመናገር ይጀምራል።
    ከዚህ በተቃራኒው ሆነው ጊዜያዊ ለሆነ ነገር ሰው ማግኘትን ባይለምዱት ይላሉ ባለሙያዎቹ።
    ዘወትር በየትኛውም ቦታ ራስዎን ሆነው መቅረብን ልማድዎ ያድርጉ። 
    የእኔነት ስሜት ወይም መረዳት፦ አጋርህን መረዳትና በስሜት እንደተግባባችሁ ማሳየትም ያሰባችሁትን የፍቅር ግንኙነት ለመጀመር እና ለማዝለቅ መልካም ነው።
    “አምስቱ የፍቅር ቋንቋዎች” የሚል መጽሃፍ የጻፉት ዶክተር ጋሪ ቻፕማን፥ ከአጋራችሁ ጋር እነርሱ በሚረዱት መንገድ ስሜታችሁን ለመጋራት ሞክሩ ይላሉ።
    እንደ እርሳቸው፥ አካላዊ ንክኪ፣ እርግጠኛነት (እሺታም ሊሆን ይችላል)፣ እሺታ የታከለበት የአገልጋይነት መንፈስ፣ ጥሩ ጊዜን አብሮ ማሳለፍ እና ስጦታዎች አምስቱ የፍቅር ቋንቋዎች ናቸው።


    እናም እርስዎ አጋርዎ ሊረዳዎት በሚችለው አንደኛው መንገድ ስሜትዎን መግለጽን ይልመዱ ሲሉም ያስረዳሉ።
    ምናልባት አጋርዎን እወድሻለሁ ወይም በጣም ቆንጆ ሴት ነሽ ብለዋት ምላሽ ባያገኙ እንዳይከፉ።
    ከዚያ ይልቅ የእርሷ የፍቅር ቋንቋ አካላዊ ንከኪ አልያም ሌላኛው ሊሆን ይችላልና ስሜትዎን ሲገልጹ አጋርዎ የሚቀበልበትን መንገድ ማጤንን ይመክራሉ።
    ቴሌቪዥን እየተመለከቱ በድንገት ማቀፍ፣ መሳም እና መሰል ድርጊቶችም ይበልጥ ስሜትን ለመግለጽ እና ለመግባባት አማራጮች እንደሆኑም ነው የሚናገሩት።
    ምንም ቢሆን ግን የእርስዎን የፍቅር ቋንቋ ለአጋርዎ ማሳወቅን አይዘንጉም ይላሉ ዶክተር ቻፕማን።
    በፍቅር ትልቁ ስኬት ለፍቅር አጋር የእኔነት ስሜት ማሳየቱና መረዳት ነውና ያንኑ ይተግብሩ ሲሉም ያክላሉ።
    በጫካ የሚበቅሉ አበባዎች እንደምትወድ እያወቁ ሮዝ አበባ ከመስጠት ይቆጠቡ፤ ለእግር ጉዞ ሽርሽር አብሮ መውጣት፣ በእራት ሰዓት ቴሌቪዥን ማጥፋትና እየተመገቡ መጨዋወትንም ያጎልብቱ።
    በፍቅር አለም ውስጥ አልተወደድኩም የሚል እና ያለመፈለግ ስሜት አደገኛ ስለመሆነም ስሜቱ እንዳይፈጠር ያስቡበት።
    ከዚህ ባለፈ ግን ባለዎት ልክ ሰው መቅረብ እና በዚያው ልክ መግባባትንም በፍቅር ህይዎት ጅማሮ ላይ ያክሉበት።

    ምንጭ፦ howstuffworks.com

    Read more
  • ለጤናማ ትዳር 14 ጠቃሚ ምክሮች

                                          

    ትዳር ከተባረከ በአለም ካሉ የከበሩ ስጦታዎች ሁሉ ትልቁ ስጦታ ነው፡፡ ጥንዶች አስበውትም ሆነ ሳያስቡት የሚያደርጓቸው ጥቃቅን ስህቶች ግን ትዳርን ገነትም ሆነ ሲዖል ሊያደርጉት ይችላሉ ስለዚህ እነዚህን ነጥቦች ልንጠቁማችው ወደድን

    1) ትዳርን እንደ ከባድ ስራ አትቁጠሩት፡- ነገሮች ሁሉ ጭንቅላት ውስጥ ነው የሚጠናቀቁት ትዳርህን /ሽን እንደ ስራ ወይም እንደ ግዴታ ሳይሆን ስንወጣ በናፍቆት እንደሚጠብቀን የምንወዳት/ደው አጋር ያለበት ምርጥ ቦታ እንደሆነ አስብ/ቢ፡፡
    2) አጋርህን/ሽን በሰዎች ፊት በምንም ሁኔታ ክብሯ/ን የሚነካ/የሚያሳንስ ነገር አታድርግ፡፡
    3) ስለ ባልሽ/ሚስትህ ደካማ ጎን ለቤተሰብህም ሆነ ለጓደኞችህ/ሽ አትንገር/ሪ፡፡
    4) አጋርህን/ሽን በምንም አይነት መልኩ ከማንም ጋር አታነጻጽሪ/ር፡፡
    5) በቤት ውስጥ ስራዎች ውስጥ ለመተጋገዝ ሞክሩ መተጋገዙና አብሮ ማብሰሉ የበለጠ እንድትቀራረቡና እንድትተሳሰቡ ያደርጋቸዋል፡፡
    6) በመሀከላችው አለመግባባት ሲፈጠር እርስ በእርስ ከመወነጃጀል አንዳችው በዝምታ ለማሳለፍ ይሞክሩ፡፡
    7) ‹‹ትዳር ይቅርታንና እሺታን ፤ ዝምታንና ችሎ ማለፍን የምንለማመድበት ጥሩ ትምህርተ ቤት ነው›› ፡፡
    8) ፍቅራችሁን በቁሳዊ ነገሮች አትለኩት ከቤት ፤ከንብረት ከሀብት ሁሉ በላይ አብራችው መሆናችውን አስቡ፡፡
    9) ወደፊት ስለሚኖራችውና እንዲኖራችው ለምትፈልጉት ነገር በማውራትና በመነጋገር አንድ የጋራ ህልምና ፍላጎት እንዲኖራችው አድርጉ ፡፡
    10 ) በህይወታችው ለሚከሰቱ ነገሮች ሁሉ በጋራና በመተሳሰብ ለመወሰን ይሞክሩ፡፡
    11) ኩርፊያና መሰዳደብን ያስወግዱ፡፡
    12) ጓደኞችዋ/ቹ ጋ ያለሽን/ህን ቀረቤታ በልክ አድርጊ/ግ፡፡
    13) ከመጋባታችው በፊት እንደሚያደርጉት ስጦታቸውንና ልዩ የፍቅር ቃላትን ይለዋወጡ፡፡
    14) በተቻለ መጠን በልጆቻችው ወይም በቤት ውስጥ አብረው በሚኖሩ ሰዎች ፊት ስለትዳር አጋርዎ መጥፎነት አያውሩ ፡፡ 

    ምንጭ:- አዲስ አድማስ

    Read more
  • እውነተኛ ፍቅርን የሚያጠናክሩ 5 ጠቃሚ ምክሮች

                        

    1. በቂ የአብሮነት ጊዜን ማሳለፍ

    በፍቅር የተቆራኘን ጥንድነት በመፍጠር ከጥብቅ ትዳር የተሳሰረን ጎጆ መቀየስ የአብዛኛዎቹ ጥንዶች የቀን ተሌት ህልምና ምኞት ነው፡፡ የጥንዶች ህልም እውን የሚሆነውና ምኞታቸው የሚሰምረው የጥንድነት መተሳሰሪያውን በበቂ ጊዜ በማጥበቅ ከሁለቱም ጫፍ መደገፍ ሲቻላቸው ነው፡፡ በዚህ የሁለትዮሽ አብይ ምሳሌ ከተጣመሩ ዘንድ የአብሮነትን ስሜት ለመዝራትና ጣፋጭ ፍሬውንም ለመቋደስ በቂ የአብሮነት ጊዜን መሰዋት ቀዳሚ ተግባራቸው መሆን እንዳለበት ይመክራል፡፡ በቂ ጊዜን መቸር መቻላቸው ለጥንድነታቸው ማዝገሚያ እርፍን፣ ለአብሮነት የአዝመራቸው ማሳን ስንክሳሩን መለያ (መውቂያ) አውድማውን እንዲሁም ለፍቅራቸው በቂ ስንቅንና ለትዳራቸው አስተማማኝ ጥረትን እንዲቋጥሩ ያግዛቸዋል፡፡
    ስለዚህ ወረት ያላየውንና ጊዜ የማይሽረውን እውነተኛ ፍቅር ከሁለት በአንዱ ግንኙነት እጅ ለማስገባት ከሚሹ ሁሉ ወረት ያላየውንና ጊዜ የማይሽረውን በቂ ጊዜ ከምንም አስቀድመው (አስበልጠው) ከማንም ሰስተው (መስዋዕትነትን ከፍለው) ለጥንድነቱ መስጠት ይጠበቅባቸዋል፡፡
    ከግንኙነቱ የወረት ሳንካዎች መሀል የአብሮነትን ምስጢርና የጋራ ድርሻን በመዘንጋት በተናጥል ለመወጣት መሞከር አንዱ እንደሆነ ይታወቃል፡፡ ይህ ደግሞ የግል ፍላጎትን ከመሙላትና የራስን ፍትወተ ስጋ ብቻ ከማድመጥና ከመከተል ላይ ያነጣጠረ በመሆኑ ለራስ ወዳድነት (Selfishness) ያጋልጣል፡፡ ከዚህም በላይ በጥምረት ለሚገፉን የጥንድነት አቀበትን ለብቻ ለመግፋትና ሸክሞቹንም ከአንድ ወገን ጫንቃ በመከመር እስከ የስነ ልቦና ችግሮች ድረስ ያደርሳል፡፡
    በመሆኑም ከዚህ የፍቅር ጥምረት ጉዞ ላይ እያሉ ከመነሻው እስከ መድረሻው በመመካከርና ሀሳብ ለሀሳብ በመያያዝ (ልብ ለልብ በመተሳሰር) የልዩነት አቅጣጫዎችን ከመያዝ መውጣትና የተጣጣመና ቀላል ጉዞን በአብሮነት ጊዜ ውስጥ ማበጃጀት ይችላሉ፡፡

    2. መራራውንም ጣፋጩንም ፅዋ በጥንድነት መጎንጨት

    ጥንድነት በሁለትዮሽ የተገመደ የፍቅር አሀድ እንደመሆን አንድነቱ ጠቅልሎ የሚያስራቸውን ትሩፉቶች ብቻ ሳይሆን በአንድነቱ ተበትነው የሚፈቱ የእርካታ ችግሮችንም ማስተናገዱ አይቀሬ ነው፡፡ በተለይ ከዚህ የጥንድነት ጉዞ ጣልቃ የሚገቡና ፈታኝ መሰናክሎችን የሚጋርጡ ችግሮችን ጥንዶች ለየብቻቸው መጋፈጣቸው የአንድነቱ መፈተሻ ሆኖ በማገልገል ከአንደኛው ወገን የተለየ እክልን ይፈጥራሉ፡፡ እንግዲህ ይህን ጊዜ ነው የብዙ የስነ ልቦና ሐኪሞችን ቀልብ በገዛው የአብርሃም ማስሎ መርሆ የመመራትና አለመመራት ጉዳይ ትውስ የሚለን፡፡ የዚሁ እውቅ የስነ ልቦና ሐኪም መርህና አገላለፅ መሰረት በእንግሊዝኛው “Self-actual- evasion” በማለት ያስቀመጠውንና በአማርኛው ትርጉም ሲጠጋጋ ‹‹ከራስ በላይ ንፋስ፣ ከእኔ ወዲያ ለእኔ›› የመሳሰሉት የአኗኗር መፈክር ለጥንድነት የመለያያ መነሻ መንገድ ይሆናል፡፡ ይህን በእኔነት ተጀምሮ የእኔነት ማብቂያ የሌለውን የኑሮ ዘይቤ ወደ እኛነት ያልቀለበሱ ጥንዶች የጥንድነት ዕድሜ በባለሙያዎቹ ምክር ከአንዲት ጀምበር መድረሱ እንኳ አጠራጣሪ ነው፡፡ በጋራ የተነሳን ፅዋ እንደየአመጣጡና እንደየጣዕሙ በጋራ ለመጎንጨት እኔ የሚለውን ወደ እኛ የኑሮ ዘይቤና ማንነት ማምጣት ያዋጣል፡፡

    3. በፍቅር አይን መተያየት

    በተለይ የባለትዳሮችን የህይወት ጓዳ ድረስ የመዝለቅ፣ የትዳርን ሳንካዎች በመካፈል የመቆልመምን ዕድል ለበርካታ ዓመታት ለታደሉት አማካሪዎች የትዳር ህይወት የተለየ ትንታኔ አለው፡፡ የትዳር ህይወት በገሀዱ ዓለም የጓዳ መድረክ የሚከወን የመንትዮች ተውኔት ሌላ ምዕራፍ ሲሆን ከእነዚህ መንትዮች (ባልና ሚስት) የታዳሚነት ድርሻን ብቻ ጠቅልሎ መያዝ ብቻ ሳይሆን የሚጠበቀው የተዋናይም የታዳሚንም ድርሻ መያዝ ይጠበቅባቸዋል፡፡
    ይህ በባለሙያዎቹ አይን ሲታይ የራስንም የተጓዳኝንም የክወና ብቃት በትዳር ህይወት ውስጥ ለመፈተሽና ስለ አንደኛው አጋር ያለ አመለካከት ሁለቱንም ወገን ያስተያየና ያገናዘበ እንዲሆን ይረዳል፡፡
    የተጓዳኝ የእርስ በርስ አመለካከት ሳንካን ሲያስከትል የሚያስተውለው በአብዛኛው ወደ ትዳር ከተገባ በኋላ ነው፡፡ በተለይ ‹‹ከመጋባታችን በፊት የነበረው ያ ሁሉ እንክብካቤ ያ ሁሉ ጉርሻ፤ ያ ሁሉ በሞቴ… ያ ሁሉ ቁልምጫ… ኧረ እጅና ጓንት ነበር የሚሉን… የዛሬን አያደርገውና ክንዶቹ ከቦታቸው ቢታጡ ቢታጡ ቀሪ አድራሻቸው ከወገቤ ነበር…›› የሚል የባለትዳር ሴቶች ስሞታ ከትዳር አማካሪዎቹ ጆሮ በተደጋጋሚ ለመድረስ አለመቦዘኑ እውነታውንና ችግሩን አጉልቶ ያሳያል፡፡
    ከዚህ በተጨማሪም ልክ ከሁለቱም ወገን እንዳልታየ የዳኝነት ውጤት ‹‹ያብዬን ወደ እምዬ›› ላለመለጠፍ መጠንቀቅና የተጓዳኝ ድክመቶች (ግድፈቶች) አነጣጥሮ በማየት አቃቂር ከመፈለግ ‹‹በአንተ ትብስ…›› በጥላቻ አይን መተያየቱ ትዳርን ከማናጋት አይመለስም፡፡ በፍቅር አይን መተያየት በራስና በተጓዳኝ ውስጥ ያሉትን የፍቅር ችሮታዎች ትክክለኛ ገፅታ በቅጡና በትኩረት በመመልከት ለግድፈቶች የሚሰጥን ትኩረት በማቅለል እውነተኛ ፍቅርን በእውነተኛ ገፅታው ማቆም ይቻላል፡፡ ስለዚህ በፍቅር አይን በመተያየትና የሚያፈቃቅሩ ሁኔታዎችን በማመቻቸት ጥንዶች እውነተኛን ፍቅር በአይናቸው ለማየት እንደሚችሉ ሊያውቁ ይገባል፡፡

    4. የአመለካከት ልዩነቶችን ከአንድ ውስጥ ማውጣት

    በተጓዳኞች ግንኙነት ውስጥ (በተለይ በባለትዳሮች) ሊከሰቱ የሚችሉ በርካታ የአንድነት ልዩነቶች በአመለካከት መለያየት አስታከው ከተፍ ማለታቸው አይቀርም፡፡ ከባለትዳሮች የትዳር ጎጆ እግር የጣለውንና ይህን መሰል ፅዋ እየተጎነጨ የደረሰ ወይም የደረሰበት ሁሉ የልዩነቶቹን ጣዕም በቅጡ ያውቃቸዋል፡፡
    አንደኛው ወገን የሌላኛውን አመለካከት ለመቀየርና ለማሳመን የራሱን አመለካከት አክርሮ በመያዝ ‹‹እኔ ያልኩት ብቻ›› የሚልን አቋም ሲያራምድ ይስተዋላል፡፡ በተለይ ወረት ያላየውና እውነተኛን ፍቅር ጋልበው ከትዳሩ ዓለም መግባት ለሚሹት ጎጆን ከመቀለሳቸው አስቀድመው በመካከላቸው አንድነታቸውን የሚወስኑና ሁለትነታቸውን ብቻ የሚያመለክቱ በርካታ የህይወት ፍልስፍናዎች (እውነታዎች) በየግላቸው እንዲያዙ የሚያደርጉ አሉ፡፡
    ከዚህ በኋላ ነው እንግዲህ የአመለካከት ልዩነቶች ከቀለሱት ጎጆ በር ሲያንኳኩ እንዳመጣጣቸው ለማስተናገድና ለመሸኘት የማይዳግታቸው፡፡ በተጨማሪም ፍቅርና ትዳር የመማማርና በመተራረም ሂደት የሚያሳድጉት እንደሆነ ቀስ በቀስ የሚረዱትና በሙሉ እርግጠኝነትና ተስፋ የዘላቂ የፍቅር ደጀን የሚሆናቸው፡፡

    5. ለእውነተኛ ፍቅር አሸናፊነት መጣር

    በመፈቃቀር የጥንድነትን ጉልበት መግለጥና የፍቅርን ፍቱን ኃይል መጋበዝ የሚቻለው ከሁለቱም ወገን በተውጣጣ የፍቅር ኃይል ነው፡፡ ጥንዶች ከየግላቸው የሚያዋጡት የፍቅር መስዋዕት (መፈቃቀር) ከአንድ መዋሉ ደግሞ ታላቅ የፍቅር ኃይልን በመፍጠር ለእውነተኛ ፍቅር ዘላለማዊ ጉልበትን ይቸራል፡፡
    ‹‹ከመቀበል ይልቅ መስጠትን ማስቀደም›› የፍቅር ቀዳሚ መርሆ እንደመሆኑ መጠን ፍቅርን ለመቀበል ፍቅር መስጠትን በማስቀደም ‹‹ከእኔነት›› በቀደመ ይልቁንም በ‹‹እኛነት›› የሚፀናውን እውነተኛ ፍቅር ከእጅ ማስገባቱ አይዳግትም፡፡
    በትዳር ዓለም እያሉ ለዚህ ትዳር ዘለቄታ ይነስም ይብዛ ደፋ ቀና ማለት አይቀርም፤ በዚህን ወቅት ፍቅርን መስጠት ማስቀደሙ በፍቅር ህይወት የሚከሰቱ አለመግባባቶችን በፍቅር ኃይል በመግዛት ለመፍታት ፍቱን ጉልበትን ይሰጣል፡፡
    የትዳር ህይወትን በአሸናፊነት ለመወጣት አንደኛ ወገን ሌላውን ለማሸነፍ (ለመግዛት) ከመሽቀዳደም ይልቅ በእውነተኛ ፍቅር (የመፈቃቀር) ጉልበት ለትዳሩ ለመገዛትና ለፍቅር አሸናፊነት ቅድሚያን መስጠቱ ይመረጣል፡፡ በእነዚህና መሰል የፍቅር ሀሳቦች ውስጥ መስዋዕት የሆኑለት ራሱ ፍቅር ነገ እነሱን መልሶ በፍቅር ይጠግናቸውና ፍቅር በፍቅር ያደርጋቸዋል፡፡ የፍቅር ሰዎችም ሆነን እንደ ምሳሌ የምንነሳ ያደርገናል፡፡ ለተጋቢዎችም ለአዲስ ተፈቃቃሪዎችም መልካም ፍቅር ይሁንላችሁ፡፡

    ምንጭ :- ጤናዳም

    Read more
  • ‹‹ለጋብቻ ሕይወትዎ ስምረት›› የባህሪ አለመጣጣምና የጋብቻ ግጭቶች

                            

    በክሪስቶፈር ዌልስ
    (የስነ ልቦና ባለሙያ)

    በአንድ ወቅት አንድ ‹‹ሚስቴ እጣ ክፍሌ አይደለችም›› ብሎ የሚያስብ ሰው እንዲህ ሲል ሰምቼው ነበር፡፡

    ‹‹ጋብቻዎች ሁሌም ቢሆን በደስታ የተሞሉ ናቸው፡፡ ችግሩ የሚመጣው አብሮ መኖር ሲጀመር ነው››
    ይህ አባባል ትክክል ነው? አይደለም? የሚለውን ነገር ለአንባቢ ልተወውና ሁሉም የጋብቻ ውድቀቶች ወይም አለመስማማቶች የሚከሰቱት ግን በስሜት ባለመጣጣምና በባህሪ ባለመግባባት መሆኑን ግን ላስምርበት፡፡ በሁሉም የትዳር ህይወት ከባልና ከሚስት አንደኛው በባህሪ ባለመጣጣም ሳቢያ ለሚፈጠር ግጭት ምክንያት ይሆናል፡፡ የምናገባው ሰው በፆታ ተቃራኒያችን የሆነውንም፣ ከማናውቀው ቤተሰብ የተወለደና በማናውቀው አስተዳደግ ያደገውን ሰው ነው፡፡ ምንም ያህል በተጋቢዎች መካከል መመሳሰልና መጣጣም ቢኖርም የሆነ የኋላ ታሪክ ላይ ወይም አስተዳደግ ላይ ጥቂትም ቢሆን ልዩነት መኖሩ አይቀርም፡፡ በገቢ፣ በትምህርት፣ በስራና በህይወት ልምድ ልዩነት መኖሩ ግድ ነው፡፡ ተጋቢዎች በሁሉም ነገር ተመሳሳይ ናቸው ማለት ይከብዳል፡፡ ከዚህ በታች የማስነብባችሁ የሁለት ትዳሮችን ታሪኮች ሲሆን በጋብቻ ውስጥ የገጠማቸውን ችግር የሚዳስስ ነው… በዚሁ ያለመጣጣምና አንድ ያለመሆን ችግር ሳቢያ፡፡

    አንድ ዕለት የቢሮዬን በር ያንኳኳ ደንበኛዬ ቁጭ ካለ በኋላ የሚከተለውን ነገረኝ፡፡ ይህ ሰው ሚስቴና እኔ ፍፁም ልንጣጣም አልቻልንም ነው የሚለው፡፡ ‹‹ከባለቤቴ ጋር ከተጋባን 12 ዓመታችን ነው፡፡ አንዲት ሴትና አንድ ወንድ ልጆችም አሉን፡፡ ከማውቃቸው ባለትዳሮች ሁሉ በተሻለ ሁኔታ የምንፋቀር ነበርን፡፡ በገንዘብም ረገድ ደህና የሚባል ገቢ ያለንና ጥሪት የቋጠርን ነን፡፡ የጋብቻ ግንኙነታችን ችግር የለበትም፡፡ ከጥቂት ጊዜ በኋላ ግን በትዳራችን ላይ እንግዳ የሆነ ጉዳይ ብቅ ማለት ጀመረ፡፡ ሁለትና ሶስት ቀን ሳንጣላና ሳንኳረፍ የምናሳለፍው ጊዜ እየጠበበ መጣ፡፡ በተለይ በሳምንቱ የመጨረሻ ቀናትና በበዓላት ጊዜ እኔ ቤት ውስጥ ስውል ደስ የማይል መንፈስ ተፈጥሮ ነው የሚጠብቀኝ፡፡ በዚያን ጊዜ ወደ ስራዬ ለመሄድ አስብና ነገሮች የበለጠ እንዳይወሳሰቡ በማሰብ እየደበረኝም ቢሆን ቤቴ ተቀምጬ እውላለሁ፡፡ ቤታችን ውስጥ እንግዳ ካለ ወይም ለሆነ ጉዳይ ወጣ ስንል ግን ሰላም እንሆናለን፡፡ ይህ ጉዳይ ከተጋባን ጊዜ ጀምሮ የተፈጠረ ነው፡፡ ነገር ግን ድግግሞሹ ቀስ በቀስ እየጨመረ መጥቷል፡፡ አሁን እንደማስበው እኔ በዚህ ጉዳይ ላይ ምርር ብሎኛል፡፡ ጤናዬንና የስራ ተነሳሽነቴን እየጎዳው ነው፡፡ የባሰ ነገር እንዳይመጣብኝ እየሰጋሁ ነው፡፡ እኔ በበኩሌ እሷን የሚያስከፋትን ነገር ላለማድረግ እጠነቃቀለሁ፡፡ የሚያስቆጣት ነገር አላደርግም፡፡ ነገር ግን ይህ ጥረቴ በኔ እንጂ በርሷ በኩል እውቅና አላገኘም፡፡

    በርግጥ ቶሎ የሚከፋኝ ሰው መሆኔን አውቃለሁ፡፡ ትዕግስቴም ሙሉ አይደለም፡፡ ይህ ግን ብዙ አይቆይብኝም ምልስ ነኝ፡፡ ድርቅ አልልም፡፡ በቶሎ ፀባዬን አስተካክላለሁ፡፡ ራስ ወዳድም አይደለሁም፡፡ የባለቤቴን ባህሪ መናገር ልክ መስሎ ባይሰማኝም ለእርስዋ ግን መንገር አለብኝ፡፡ እጅግ እጅግ ቶሎ የሚከፋትና የምትበሳጭ ሴት ናት፡፡ ትዕግስት የሚባል ነገር የላትም፡፡ ቁጡ ናት፡፡ ራሷ የፈለገችውን ነገር ብቻ የምትጠብቅ ሴት ናት፡፡ ለማንኛውም አስተያየት ስፍራ የላትም፡፡ ልክም ይሁን ስህተት አትቀበለውም፡፡ በሌላ በኩል ደግሞ ሩህሩህ ልብ ያላት እና አፍቃሪ ሴት ናት፡፡ ጋብቻችን በዚህ ያለመጣጣም የተነሳ አሰልቺ እየሆነ ነው፡፡ ምን ላድርግ?›› ብሎ ጠየቀኝ፡፡
    በተመሳሳይም አንዲት ሴት ደንበኛዬ ይህንኑ አይነት ርዕስ ይዛ ለምክር ወደ ቢሮዬ መጥታ ነበር፡፡

    ‹‹ዶክተር የ20 ዓመት ወጣት ነኝ፡፡ ካገባሁ አንድ ዓመት አልፎኛል፡፡ ባለቤቴ በጣም በስራ የተወጠረ ሰው ነው፡፡ ገንዘብና ስልጣን ሁሉንም ነገር ያሟላል ብሎ ያስባል፡፡ በባህሪያችንም ጭራሽ አንመሳሰልም፡፡ አንድ ቀን ጥሩ የሆነ ህይወት አሳልፈን አናውቅም፡፡ በርግጥ ያገባሁ የሚመስለኝ ከርሱ ጋር አንድ አልጋ ላይ ስንተኛ ብቻ ነው፡፡ ሁሌም ብቸኝነት የሚሰማኝና ራሴን ለማጥፋት የምመኝ ሰው ነኝ፡፡ የመጀመሪያ ልጄን በቅርቡ እወልዳለሁ፡፡ ከባሌ ጋር ለመታረቅ ብቸኛ መንገዴ ይህ ልጅ ብቻ ይሆናል፡፡ አንዳችም ቢሆን የግል ፍላጎታችንና ስሜታችን የማይጣጣም በመሆኑ ጋብቻ ሲኦል ሆኖብኛል፡፡ እባክዎ እርዱኝ›› አለችኝ፡፡

    እንግዲህ የነዚህ ሁለት ሰዎች ጥያቄ ተመሳሳይ የሆነው ሁለቱም በጋብቻቸው ደስተኛ ያልሆኑት በመካከላቸው የባህሪ አለመጣጣምና አለመተዋወቅ በመኖሩ ነው፡፡ ጋብቻ የሁለት የተለያዩ ሰዎች አንድነት ነው፡፡ ጋብቻ የሚሰምረው አንዱ የሌላውን ልዩነትና የግል ባህሪ አውቆ ራሱን ከዚያ ጋር ለማጣጣም ጥረት ያደረገ እንደሆነ ብቻ ነው፡፡ ከዚህ በተጨማሪ የጋብቻ የመጀመሪያዎቹ ጊዜያት ውስጥ ያለመፋቀርና መዋደድ እንዲሁም መስማማት እየቆየ ከሚፈጠረው ባህሪ ጋር አይጣጣምም፡፡ ይለያያል፡፡ ወጣት ተጋቢዎች በዚህ ወቅት ‹‹የኔ ሰው አይደለም… የኔ እጣ ክፍል አይደለችም የሚል ድምዳሜ ላይ ይደርሳሉ፡፡››

    ለሁለተኛዋ ደንበኛዬ ለችግሯ መፍትሄ የሚሆነው እሱን ከስራ ማስወጣት ወይም ከስልጣን ማውረድ አይደለም፡፡ በቤት ውስጥ ተቀምጣ ከምታስብ ጊዜዋን ሊይዘው የሚችል ሌላ ነገር በመስራት ጊዜዋን ማጣበብ ይገባታል፡፡ ምናልባት እሷን ለማራቅ ሳይሆን ኑሯቸውን የበለጠ ለማሻሻል ይሆናል ጊዜ እስኪያጥረው የሚሰራው፡፡ ስለዚህ በነገሮች ላይ ከርሱ ጋር መወያየት እና ከርሱ ህይወት ውስጥ የትኛውን በደስታ ተካፍላ መኖር እንደምትችል ለራሷ ጥናት ማድረግ አለባት፡፡

    የመጀመሪያው ወጣት ደንበኛዬ ያለበት ችግር በቀላሉ ለመፍታት ይከብዳል፡፡ አንዳንዴ በየዕለቱ የሚፈጠር ግጭት ሰውን ወደ ጤና ችግር ይወስደዋል፡፡ ይህ ደግሞ ለእያንዳንዱ ነገር ትርጉም መስጠትና ለመስማማት መንገድ የማጥበብ ነገርን ይፈጥራል፡፡ በርግጥ ይህ ንጭንጭ ‹‹አፍቅረኝ… አስብልኝ›› ብሎ የመጠየቅ አንዱ መንገድ ነው፡፡ አንዳንዴ ችግራቸውን ለመፍታት የማይፈልጉ፣ መጎዳትና መጉዳትን የሚሹ ሰዎች አሉ፡፡ እነዚህ ሰዎች በሳይንሱ አጠራር ሳዶ- ማሶሺስቲክ ይባላሉ፡፡ የሚመሩት ጋብቻም በኃይልና በቁጣ የተሞላ፣ ፀብ የማይጠፋው እንዲሆን ይፈልጋሉ፡፡

    አንድ የማውቃት ሴት ባሏን ቤት ውስጥ የምታስተናግድበት መንገድ በጣም ፊት የመንሳትና የቁጣ ነገር የተቀላቀለበት በመሆኑ ጋብቻዋ ፈርሷል፡፡ በተለይ በቤት ውስጥ ስራ እንዲያግዛት የምትጠይቅበት መንገድ ጠባቂነት የተሞላበት ትዕዛዝ ስለሆነ ጋብቻዋን ንዶታል፡፡ በርግጥ በቤት ውስጥ የሚደረግ ስራና መተጋገዝ ለጋብቻና ለፍቅር ጥሩ ነገር ይፈጥራል፡፡ ትዕዛዝ ሲበዛ ግን የሚያመጣው ችግር ጥላቻን፣ ጭንቀትንና ከዚህ ጋብቻ የምወጣበት መንገድ… ብሎ መፈለግን ይፈጥራል፡፡ በየጊዜው የሚደረግ ትዕዛዝና ቁጥጥር ባልን ወይም ሚስትን አርቴፊሻል ባህሪ እንዲፈጥሩና ከጋብቻው ራሳቸውን በስሜት እንዲያርቁ ያደርጋቸዋል፡፡ አንድን ሰው በጣም ለመቆጣጠር መሞከር ትርፉ ያ ሰው የሚያመልጥበት ቀዳዳ እንዲፈለግ ማድረግ ነው፡፡

    ምንጭ :- ጤናዳም

    ሌላው ጋብቻን የሚያውከው ባልና ሚስት በተለያየ ሁኔታ የሚያድጉበትና የሚለወጡበት የተለያየ ደረጃና አቅጣጫ ነው፡፡ የአንድ ሰው ዕድገት ጤናማ ከሆነ ሁለቱም ተጋቢዎች ተፈላጊ የሆነውን መልዕክት በዕድገታቸው ውስጥ ይቀበላሉ፡፡ በስኬቶቻቸውም ይደሰታሉ፡፡ በለውጣቸው ይኮራሉ፡፡ በዕድገትና በስኬት ውስጥ አለመጣጣም መፍጠር ከባልና ከሚስት አንዳቸው ጋብቻቸውን ወደ ማይረባ ግዑዝ ነገር የሚለውጥ መንገድ ይከፍታሉ፡፡

    Read more
  • ላፈቀርካት ሴት ያለህን የፍቅር ስሜት እንዴት መግለፅ ትችላለህ?

                      

    ከቅድስት አባተ
    ፍቅርም ሆነ መፈቃቀር ለሰው ልጆች በሙሉ ያለመድልዎ የተሰጠ ፀጋ ነው፡፡ ፍቅር የሁላችንም አካል ነው፡፡ በፍቅር የተሞላና የተሻለ የፍቅር ኑሮ እንዲኖረንም የብዙዎቻችን ምኞት ነው፡፡ ታዲያ የእኛው ሆኖ ሳለ ብዙዎቻችን ፍቅርን አንቀበለውም ወይም እናባርረዋለን፡፡ ፍቅርንመ ሰጥተን እንዳንቀበል ብዙዎቻችን ማዕቀብ የተደረገብን ይመስለናል፡፡ ፈላጊና ተፈላጊ ሳይገጣጠሙ ሲቀሩ ደግሞ ፍቅር እንደተራብን ልንቆይ ግድ ይለናል፡፡ አብዛኛውን ጊዜ የፍቅር ጥያቄ እንዲያቀርቡ የሚገደዱት ወንዶች በመሆናቸው ይህን የፍቅር ስሜት ለመግለፅ በህይወታቸው ውስጥ ትልቁ የቤት ስራ ይሆንባቸዋል፡፡ ነገር ግን የፍቅር ስሜታችንን ለመግለፅ የሚኖረን አካሄድ ከልጅነት አስተዳደጋችን ጋር ተያይዞ የሚመጣና ውስጣችን ተቀርፆ ባለው መልኩ ለፍቅር በደረስንበት ዕድሜ ላይም እንደ ችግር ወይም በተቃራኒው እንደ ጥሩ ነገር ልናንፀባርቀው እንችላለን፡፡
    ለዚህም ነው አስቀድመን ፍቅር የሚለውን ቃል ራሱ ስናስብ በአዕምሯችን ሀሳባዊ የሆነ ነገር እንስላለን፡፡ እዘህ ላይ ልናይ የሚገባን ነገር ልጆች እያለን ምንም የምንስለው ሀሳባዊ ነገር በፍቅር ዙሪያ ስላልተነገረን ተፈጥሯዊ በሆነ መልኩ ብቻ ከዕድገት ለውጣችን ጋር በሚፈጠረው ፍቅር ልባችንን ክፍት አድርገን እንቀበላለን፤ ለማጣጣምም እንሞክራለን፡፡ በሀሳባዊ ስዕል ውስጥ በቅፅበት የሳልነውን ፍቅር ለማግኘት ደግሞ ስለሚከብደን እየተፈቀርን እንኳን ፍቅርን እንራባለን ወይም እያፈቀርን እንኳን የተፈቃሪን ልብ ማግኘት ያስቸግረንና ፍቅርን እንራባለን፤ ያለመገጣጠም ማለት ይህ ነው፡፡ እንደ ልጅነታችን ቢሆን ኖሮ እኮ ሰዎች ትኩረት ስለሰጡን ወይንም ልናገኘውና የእኛ ልናደርገው የምንፈልገውን ነገር አንድ ሰው ሲያደርግልን የፍቅር ስሜቱ በቀላሉ ይገባና ተፈቀርን ብለን እናስብና የፍቅር ረሃባችንን እናስወግድ ነበር፡፡ ያ ማለት ትኩረት የሰጠን ወይንም የምንፈልገውን ነገር የሰጠን ሁሉ አፍቃሪያችን እንደሆነ እናስብ ነበር ማለት ነው፡፡ ታዲያ አድገን የእኛ እንዲሆን የምንፈልገው ፍቅር እንደ ልጅነታችን ከብዙዎች መምጣቱን ሳይሆን እኛው ካፈቀርነው ሰው ብቻ ምላሹን መጠበቃችን ሁለቱን የተለያዩ ያደርጋቸዋል፡፡ ለዚህም ነው ለማፍቀር በደረስንበት ዕድሜ ወቅት አፍቅሮ እንዲፈቀሩ መፈለግ ወይም ለፍቅር መጠያየቅ ተፈጥሯዊ እንደሆነ ማወቅ የግድ የሚሆነው፡፡ እንደ ተፈጥሮነቱ ፍቅርን ስንፈልግ ደግሞ የህይወት አጋርን የመፈለግ ጉዞ ውስጥ እንገባለን፡፡ በዚህ የመፈላለግ ጉዞ ውስጥ ታዲያ የሁለቱም ተፈላላጊዎች መገጣጠም ይኖርና ነገሩ ቀላል ሊሆንላቸው ይችላል፡፡ ለአንዳንዶቹ ደግሞ ፈላጊው ራሱ አፍቃሪ ይሆንና ተፈቃሪዋ ብዙም መፈቀሯን ሳታውቅ በፍለጋ ብቻ ረዥም ጊዜ ሊቆይ ይችላል፡፡ ይህ በተለይ ወንዶች ላይ በብዛት የሚንፀባረቅ ነው፡፡ ለዚህ ትልቁ ምክንያት ደግሞ በብዙ ልማዶችና እምነቶች የፍቅር ጥያቄን ማቅረብ ያለበት ወንድ ነው የሚል እሳቤ ሰርጾ ስለነበር ነው፡፡ ይህ አመለካከት በተወሰነ መልኩ የተቀየረ ቢሆንም በብዛት ግን አሁንም ሴቷ እያፈቀረችውም ቢሆን የፍቅር ጥያቄው ከወንዱ እንዲመጣ የመፈለግ ዝንባሌ አለ፡፡ ይህን ሁኔታ ወንዶች አቅልለውት በመመልከት ፍቅራቸው የሚበልጥባቸው ከሆነ ፍርሃታቸውን አስወግደው የፍቅር ጥያቄያቸውን አስወግደው የፍቅር ጥያቄያቸውን ቢያቀርቡ ምንም ማለት አይደለም፡፡ ከተሳካላቸው እኮ ከሴቷ የበለጠ የአሸናፊነት ስሜት የሚሰማቸው ወንዶቹ ይሆናሉ፡፡ ምክንያቱም ረዥሙን ሂደት የተጓዙትና ድል ያደረጉት እነሱ ናቸውና፡፡ ታዲያ ወንዱ ከራሱ የፍቅር ስሜት በመነሳትና ውስጡን በማዳመጥ ይጀመርና ማንነቷን ከለየ በኋላ እንዴት ፍቅሩን ሊገልፅላት እንደሚችል ማወቅ አለበት፡፡
    ገና ስታያት ልብህ የደነገጠላትን ሴት እንደምንም ብለህ ማናገር አለብህ፡፡ በደንብ ለመግባባት እንድትችሉ ደግሞ በተቻለህ አቅም መንገድ ላይ እየሄዳችሁ ከሆነ የተገናኛችሁት መንገድህን ቀይረህ ከእሷ ጋር በመሄድ ጨዋታችሁን አራዝም፣ በታክሲም ውስጥ ከሆነም እንዲሁ መንገድህን አሳልፈህ በመሄድ በተቻለህ አቅም በደንብ ለመግባባት የሚያስችላችሁን ረዘም ያለ ወሬ በማውራት ተጨዋወቱ፡፡ ስትለያዩም ሌላ ጊዜ እንድትገናኙ ስልክ ቁጥሯን ተቀበላት፡፡ አንድ ሶስት ቀን በስልክ ከተገናኛችሁ በኋላ አንድ የእረፍት ቀን ተገናኝታችሁ ሻይ ቡና እንድትሉ ጠይቃት፡፡ በመቀጠልም የምትገናኙበትን እያንዳንዷን ቀን ከፋፍላቸውና ማንነቷን በደንብ የምታውቅበት አንተም ማንነቷን የምትገልፅበት የፍቅርንም ስሜት የምትረዳበት አድርጋቸው፡፡ እነዚህን በግንኙነታችሁ ተከታታይ ቀናት ምን እንደሚመስሉ እናያቸዋለን፡፡
    1. የመጀመሪያ ቀን ግንኙነት
    የመጀመሪያ ቀን ስትገናኙ ስለ ስራዋ፣ በስራ ቦታና ስላጋጠማት ነገር፣ ስለ ቤተሰቦቿ እናም ከፍቅር ውጭ ስለሆኑ ሌሎች ጉዳዮች አንስታችሁ ተወያዩ፡፡ በመጀመሪያ ግንኙነታችሁ ከፍቅር ውጭ በተለመዱ ጉዳዮች ላይ መነጋገራችሁ ሳትጨናነቁ ዘና ብላችሁ እንድታወሩ ይረዳችኋል፡፡ ስታወሩ ታዲያ በደረቁ ሳይሆን የተለያዩ ቀልዶችን እያነሳህላት አስቃት፡፡ በጨዋታ የታበ ቆይታችሁ ደስ የሚል ጊዜን እንድታሳልፉ ከማድረጉም በላይ አንተ የማታጨናንቅ ቀለል ያልክ ሰው እንደሆንክ ስለምትረዳ እሷም ነፃነቷን ያገኘች ያህል እንዲሰማትና እንድትጫወት ታደርጋታለህ፡፡ እዘህ ጋር መጠንቀቅ ያለብህ ነገር ከእሷ የበለጠ ብዙ አታውራ፣ ለእሷ ሰፊውን ጊዜ ስጣትና አንተ ብዙውን ጊዜ አድማጭ ሆነህ ተገኝ፡፡ የሚያዳምጣትን ሰው በማግኘቷ በጣም ደስ ይላታል፤ ለአንተም ቦታና ክብር ትሰጥሃለች፡፡ ይህን ማድረጋችሁ ደግሞ አንተ ብቻ ሳትሆን እሷም ካንተ ጋር በድጋሚ ተገናኝታ የምታወጉበትን ቀጣይ ቀን እንድትናፍቅር ያደርጋታል፡፡ ስለ ቀጣይ የመገናኛ ቀናችሁም ትንሽ ተባባሉ፡፡ ነገር ግን የግድ በዚህ ቀን ካልሆነ ብላችሁ አትወስኑ፡፡ መደዋወል እንደምትችሉ ተማምናችሁ ተለያዩ፡፡ ስትለያዩ ቢቻል እስከተወሰነ መንገድ ዎክ እያደረጋችሁ ብትሄዱ ወይም ቤቷ ልትደርስ ግማሽ መንገድ እስኪቀራት ድረስ አብራችሁ በታክሲም ብትሄዱ፤ ያለበለዚያ በትራንስፖርት አሳፍረሃት ብትመለስ የመሳሰሉትን እንደ አማራጭና እንደ ሁኔታዎች እያየክ መፈፀም ከቻልክ አንድ ትልቅ ማህተም መተህ እንደላካት ልትቆጥር ይገባሃል፡፡
    2. የሁለተኛ ጊዜ ግንኙነት
    በስልክ ጥሩ የሆኑ አስደሳች ንግግሮችን ካደረጋችሁ በኋላ ብዙም ሳትርቁ ለሁለተኛ ጊዜ የምትገናኙበትን ቀን ተነጋግራችሁ ተቀጣጠሩ፡፡ ታዲያ ለሁለተኛ ጊዜ ለመገናኘት ስትቀጥራት እንደመጀመሪያ ጊዜያችሁ አነስ ያለ ቦታ ወይም ካፌም ሳይሆን ሬስቶራንት ቢሆን የምትጋብዛትም ሻይ ቡና ሳይሆን ምሳ ወይም እራት መሆን አለበት፡፡ ስትገናኙ አለባበሷንና ስብዕናዋን ሁሉ አድንቅላት፡፡ ታዲያ አንተም የራስህን ስብዕና የሚጠብቁ አለባበስና አቀራረብ ይዘህ ተገኝ፡፡ ጋባዡ አነተ ብትሆንም የምትፈልገውን ነገር እንድታዝ ነፃነቷን ስጣት፣ ካላወቀችውም አሪፉን ነገር አስረዳትና የተሻለውን እንድትመርጥ አድርጋት፡፡ በዚህ ቀን የሚኖራችሁን ሰፊ ሰዓት ስለግል ሕይወታችሁ በስፋት በማውራት እየተጨዋወታችሁ አሳልፉ፡፡ በግንኙነታችሁ መቀራረብ ውስጥ ውስጧንም እያጠናህ መሄድህን እንዳትረሳ፡፡ የበላችሁት የጠጣችሁት ነገር እንደተመቻት ጠይቃት ሌላ ተጨማሪ ነገር የምትፈልግ ከሆነም እንድታዝ አድርግ፡፡ የሁለተኛ ቀን ውሎዎቹ በጥሩ ሁኔታ ከተጠናቀቁ በድጋሚ ሌላ ቀን ለመገናኘት እንደምትቀጣጠሩ አሳውቃት፡፡ የምትቀጣጠሩ ቀን ግን ከተለያያችሁበት ጊዜ በጣም የረዘም መሆነ የለበትም፡፡ ያሳለፋችሁት ጣፋጭ የሆኑ ጊዜያቶች ከአዕምሯችሁ ብዙም ሳይጠፋ ሳትርቁ ለመገናኘት ሞክሩ፡፡ ታዲያ ቀጠሯችሁ ከተሳካ አሁንም በሬስቶራንት ውስጥ መሆኑን ተነጋገሩ፡፡ ወጪ ለመቀነስ ብለህ ወደኋላ ተመልሰህ ካፌ ውስጥ ወይም የወረደ ቦታ ለመቀጣጠር አትሞክር፡፡ ከእንግዲህ ወደ ፊት እንጂ ወደ ኋላ የሚያስብልህ ምንም ነገር የለም፡፡ የዚህን ቀን ውሏችሁን አጠናቃችሁ ከመለያየታችሁ በፊት ወንድ እንደመሆንህ ነገሮች ከአንተ አፍ ቅድሚያ ይጠበቃሉና በቆይታችሁ ጥሩ ጊዜ ማሳለፍህን ንገራት፡፡ እሷን በማግኘትህና አንተን አክብራ ከአንተ ጋር ጥሩ ጊዜ ለማሳለፍ ፈቃደኛ ሆና በመገኘቷ በጣም ደስ እንዳለህም አሳውቃት፡፡ እሷን ሁሌ ብታገኛት እንኳን እንደምትደሰት ንገራትና ቶሎ ቶሎ እንደምትደውልላት በመግለፅ ለወደፊቱ ስሜትህን በቀላሉ ለመግለፅ እንዲያመችህ ዳር ዳር ማለት ትጀምራለህ፡፡ እንደተለመደው ከሸኘሃት በኋላ በንጋታው ደውልላት ትናንተ በጣምጥሩ ጊዜ እንዳሳለፋችሁ ንገራት የእሷንም ስሜት ጠይቃትና ቀጣዩ ስራህን ፍቅር ፍቅር እያሰኘህ ለማስኬድ ልታስብበት ተዘጋጅ፡፡
    3. የሶስተኛ ቀን ግንኙነት
    በዚህ ጊዜ ዕድለኛ ከሆንክ ራሷ ደውላ ባለፈው ጥሩ ጊዜ እንዳሳለፈች ገልፃልህ በድጋ እንድትገናኙ ትጠይቅሃለች፡፡ ይህን ካደረገች ጥልቅ የሆነ ስሜት በውስጧ እንደተፈጠረባት ያሳያል፡፡ ለአንተም የምትመችህ አይነት ሴት መሆኗን ካረጋገጥክ የፍቅር ጥያቄውን ማቅረብ ቀላል ሊሆንልህ ይችላል፡፡ በዚህ ወቅት ምንም ነገር አላለችም ማለት ግን ምንም ስሜት የላትም ማለት አይደለም፡፡ አሁንም ስሜቷን ለመግለፅ ተቆጥባ ሊሆን ይችላል፡፡ ስለዚህ ስልክ ደውለህ ካነጋገርካት በኋላ ስሜቷን ስላልገለፀች መክፋትህን ሳታስነቃ ሌላ ቀን እንደምትደውልልለት ነግረህ ተሰነባበታት፡፡ በተቻለ አቅም ለሶስተኛ ጊዜ እንድትገናኙ እንደምትፈልግ ራሷ እስክምትገልፅልህ ድስ ስልክ እየደወልክ ብቻ ጠብቅ፡፡ ነገር ግን ስሜቷን እንድትገልፅ ፈፅሞ መገፋፋት የለብህም፡፡ ምክንያቱም ከተነቃብህ ውስጧ ቶሎሊረበሽ ይችላልና እንዳማረህ ይቀራል እንጂ ትንፍሽ አትልልህም፡፡ ከዚህም አልፎ ይህ የችኩልነት ባህሪ ሊያስጠላት ይችላል፡፡ ሶስተኛው ቀን በጣም ወሳኝ እንደሆነ አስብና በስልክ ደስ የሚሉ ወደ ፍቅር የሚያመሩ ወሬዎችን በቀልድ መልክ አውራት፡፡ በሞባይልም ከሆነ ደስ የሚሉ ፍቅርን ሊጠቁሙ የሚችሉ ነገር ግን በጣም ፍቅርን በግልፅ የሚያሳዩ ሆነው ያላፈጠጡ መልዕክቶችን (SMS) ላክለት፡፡
    የእሷ መልስ ላይ ብዙ ትኩረት አታድርግ ወይም አትጠባበቅ፡፡ የሶስተኛው ቀን ግንኙነታችሁ በስልክ ረዥም ሰዓትን የወሰደ ከሆነ ከላይ በተገለፀው መልኩ ነገሮችን ግለፅላት፡፡ ለሶስተኛ ጊዜ ጠብቀህ ካልሳካልህ በቀጣይ ቀናት ራስህ እንድትገናኙ ትቀጥራትና በሌላ ጊዜ ደግሞ እሷ እንድትቀጥርህ እድል ስጣት፡፡ በዚህ ቀን ስትገናኙ ግን ሆን ብለህ ወሬያችሁ ሁሉ በፍቅር ዙሪያ ብቻ እንዲሆን በማድረግ ያላትን ስሜት ለማወቅ ሞክር፡፡ ላንተ የፍቅር ስሜት እንዳላት ከሁኔታዋ ለማወቅ ከቻልክ አንተም ያለህን ስሜት ዳር ዳር እያልክ ግለፅላትት፡ ለምሳሌ ከሰውነቷ ክፍል ፀጉርሽ ወይም ጥርስሽ ያምራል እያልክ፣ የፊትሽ ቆዳ ደግሞ እንዴት ይለሰልሳል እያልክ እየነካካሃት ግለፅላት፡፡ ስሜቷ ግልፅ ካልሆነልህ ግን በቀጥታ በጣም የፍቅር ሰው እንደሆነችና አንተም እንደወደድካት በመግለፅ ያላትን ስሜት እንድትነግርህ ጠይቅ፡፡ ምላሹ እሷም እንደምታፈቅርህ ከገለፀች ፍለጋህ ተሳክቷል ማለት ነው፡፡ ከዚህ በኋላ በቀጥታ ደስ የሚል የፍቅር ሽሚያ ውስጥ የሚያስገባችሁን መንገድ ልትከተሉ ትችላላችሁ፡፡ ለምላሿ ጊዜ የምትፈልግ ከሆነም ጊዜ ስጣት ምላሿ ግን ከአንተ ጋር በፍቅር መቆየት እንደማትፈልግ ወይም ሌላ በፍቅር የምትወደው ጓደኛ ካላትና ለእሱ የምትሰጠውን ፍቅር ለአንተ መስጠት የማትችል ከሆነ በዚሁ የፍቅር ፍለጋህን ልታቆም ይገባል፡፡ ከዚህ በላይ እርግጠና ያልሆንከውን ነገር ይዘህ በመጓዝ ጊዜህን ማባከንም ሆነ ከማትሆንህ ሴት ጋር በመኳተን ጭንቀት ውስጥ በመግባት ህይወትህን ከምታበላሽ በጊዜው መፍትሄ ስጠው፡፡ አንተንም የምትብቅ ለአንተ የታሰበችና የተቀመተች ሌላ ሴት ልትኖር ትችላለችና ይህቺ ሴት እየጠበቀችህ ነውና እሷን ብዙ ማስቆም የለብህም፡፡ የሕይወትህን አቅጣጫ ቀይረውና ሌላ ሙከራ ውስጥ ግባ!

    ምንጭ :- ጤናዳም

    Read more
  • ትዳር ለመመስረት ፍቅር ምን ያህል አስፈላጊ ነው? - How Much Love Enough For Marriage

                                                                    

    ስኬታማ ትዳር ከአንድ ሰው ጋር ደግሞ ደጋግሞ በፍቅር መውደቅን ይጠይቃል:: በልጅነታችን ሁላችንም ፍቅር ካለ ሁሉ ነገር አልጋ በአልጋ ይሆናል የሚል ህልም ነበረን፤ እውነታው ግን ትዳር ቀላል የማይባል መመቻመች የሚጠይቅ ነገር መሆኑ ላይ ነው፡፡
    <<ፍቅር እና ትዳር ልክ እንደ ፈረሱና ጋሪው ኋላና ፊት ሆነው ነው የሚጓዙት>> የሚለው እምነት አሁንም ድረስ ሰፊ ቢሆንም ይህንን ሃሳብ የሚሞግቱ ሃሳቦች በአንፃሩ እየተጠናከሩ መጥተዋል፡፡ ይህንን ጥያቄ አብራርቶ ለመመለስ ጥልቅ ፍቅር እንዴት ያለ ነው? የሚለውን መረዳት ያስፈልጋል፡፡

    የቅርብ ጊዜ የፍቅር እና ትዳር ትስስር
    <<ትዳር ለመመስረት የጦፈ ፍቅር አስፈላጊ ነው>> የሚል ድምፅ ጎልቶ መደመጥ የጀመረው ከቅርብ ጊዜ ወዲህ ነው፡፡ ስቴፋኒ ኮንተዝ(2005) ‹‹ይህ እሳቤ ከሁለት ክፍለ ዘመን ወዲህ የመጣ ነው፡፡ ሰዎች ሁልጊዜ በፍቅር ይወድቁ ነበር፤ እርስ በእርሳቸው ከልብ ይፋቀሩ ነበር፤ ይሁን እንጂ ፍቅር ለመጋባት እንደ ቅድመ ሁኔታ ይቀመጥ የነበረው ከስንት አንዴ ነው›› ይላል፡፡ ኮንትዝ ቀጠል ያደርግናም እንዲህ ይላል ‹‹ፍቅር የትዳር የጎንዮሽ ተፈላጊ ውጤት እንጂ ወደ ትዳር መግቢያ ቅድመ ሁኔታ ተደርጎ በብዙ ባህሎች አይታሰብም ነበር››
    በተመሳሳይ ሁኔታ ፓስካል ብሩክነር(2013) የሚከተለውን ይላል፡፡ ‹‹ትዳር በብዙ ባህሎች ውስጥ የተቀደሰ ትስስር መሆኑ ይታመናል፡፡ ከዚህ ውጭ ፍቅር ኋላ ላይ የሚመጣ ከሆነ እንደ አንድ ተጨማሪ ቦነስ ብቻ ይወስዳል፡፡ አሁን አሁን ግን ትዳር ለመመስረት ፍቅር ቅድመ ሁኔታ ሆኖ በመቀመጡ ከትዳር ይልቅ ፍቅር ቅዱስ ሆኗል፡፡ በምትኩ ትዳር ሁለተኛ ደረጃን እየያዘ ነው›› በዚህ ምክንያት በተለይ በምዕራቡ ዓለም የተጋቢዎች ቁጥር እየቀነሰ የመጣ ሲሆን የፍቺ እና ያለ አባት ወይም ያለ እናት የሚመሩ ጎጆዎች ቁጥርም በአንፃሩ እያሻቀበ ነው፡፡ ብሩክነር ከዚህ በተጨማሪ ፍቅር ከትዳር ይልቅ ቅድሚያ ቦታ እየተሰጠው ቢሆንም እውስጥ ሆኖ ግን አጥፍቶ እየጠፋ ያለ ይመስላል ይላል፡፡
    ትዳር ለመመስረት የጦፈ ፈቅር ቅድመ ሁኔታ ሆኖ በመቀመጡ የትዳር ዋጋ ከፍ ብሏል፡፡ ይህም ትዳር የብዙዎች ቀዳሚ አጀንዳ እንዲሆን አድርጎታል፡፡ ይህ በእንዲህ እንዳለ ግን ይኸው አይነት ፍቅር መልሶ ትዳር መቅኖ ቢስ እንዲሆን አድርጎታል፡፡ የጦፈ ፍቅር የለም በሚል ምክንያት ባለትዳሮች እና ጥንዶች መለያትን እንደ ሁነኛ አማራጭ ተያይዘውታል፡፡

    ትስስሩን መቃወም 
    ፍቅርን እንደ ትዳር መሰረት ስናስብ ሁለት አይነት ተቃዋሚ ሃሳቦች ነፍስ ዘርተው ይነሳሉ፡፡
    1. ትዳር ከፍቅር በተጨማሪ ሌሎች በርካታ ነገሮችን ግምት ውስጥ እያስገባን የምንኖርበት ማዕቀፍ ነው፡፡
    2. የጦፈ ፍቅር አጭር ጊዜ ብቻ የሚቆይ በመሆኑ በረጅም የጊዜ ሂደት የሚመጡ የፍቅር ሌሎች ገፅታዎች ይበልጥ ግንዛቤ ውስጥ ሊገቡ ይገባል፡፡
    የመጀመሪያው ሙግት ትዳር በአንድ አይነት ማህበረ ኢኮኖሚያዊ እና ባህላዊ ስርዓት ውስጥ የሚኖር ቁርኝት እንደመሆኑ መጠን የጥንዶቹ አጠቃላይ የደህንነት ይህንን ማህበራዊ፣ ኢኮኖሚያዊ እና ባህላዊ ማዕቀፍ ግምት ውስጥ ያስገባ መሆን መቻል አለበት የሚል ነው፡፡ ሁለተኛው የመከራከሪያ ሀሳብ በሌላ በኩል የጦፈ የሚባለው ፍቅር አይነት ያልተረጋጋ፣ እና ለውስን ጊዜ ብቻ ደስታ የሚሰጥ መሆኑ ላይ ነው፡፡ ይህ ደግሞ ለረጅም ጊዜ የተረጋጋ ህይወት ምንጭ ሊሆን ከሚችለው ትዳር ጋር ይጋጫል፡፡ እነዚህ ሁለት መከራከሪያ ሃሳቦች ሲጨመቁ ትዳር በሚመሰረትበት ወቅት ለፍቅር ብቻ ቅድሚያ የሚሰጥ ከሆነ መጨረሻው ‹‹ሲያልቅ አያምር›› ይሆናል የሚል ነው፡፡
    ትዳር ከፍቅር ውጪ የሚያስገኛቸው ሌሎች በርካታ ጠቀሜታዎች እንዳሉት ግልፅ ነው፡፡ በመሆኑም ትዳር ሲመሰረትም ሆኖ የመፍረስ አደጋ ሲያንዣብብበት እነዚህን ከጦፈ ፍቅር ውጪ የሚገኙ ተጨማሪ ሁኔታዎችንም ያገናዘበ መሆን አለበት፡፡ ለምሳሌ፣ ትዳር ሲመሰረት ጥንዶቹ በጋራም ሆነ በተናጠል ቤት ውስጥ የሚያስፈልጉ ነገሮችን ማሟላት እና ጥሩ ወላጅ መሆን መቻላቸው በቀዳሚነት ሊነሳ የሚችል ጉዳይ ነው፡፡ እውነትም በታሪክም ቢሆን ትዳር የጥንዶችን ጤናና ሀብት የሚያሻሽል ቢያንስ ቢያንስ እንኳን የማይጎዳ አብሮነት እንደሆነ ነው የሚታመነው፡፡ ለፍቅር ብቻ ሲሉ ትዳር መመስረት ግን ጥንዶቹ እነዚህን ተጨማሪ ገፅታዎች እንዳይመለከቱ ሊያደርጋቸው ይችላል፡፡ እንደውም እንዲህ የሚነበብ አባባል አለ፡፡ ‹‹ለጦፈ ፍቅር ብቻ ሲሉ የሚጋቡ ጥሩ ምሽቶችን እና መጥፎ ቀኖችን ያሳልፋሉ››

    ትስስር መፍጠር
    በፍቅር እና ትዳር መካከል ትስስር ለመፍጠር በጊዜያዊ የጦፈ ፍቅር ስሜት እና ዘለቄታ ባለው ጥልቅ ፍቅር መካከል ያለውን ልዩነት መገንዘብ ያሻል፡፡
    ጥልቅ ፍቅር እንደ ጊዜያዊ የጦፈ የፍቅር ስሜት ለተወሰነ ጊዜ ያህል ብቻ የሚጎበኘንን ጠንካራ የመፈለግ ስሜት ብቻ ሳይሆን አመለካከታችንን እና ጠባያችንን ዘለቄታ ባለው መንገድ ይቃኛል፡፡ ጠንካራ የሆነ ስሜታዊ ወሲባዊ ፍላጎት ብልጭታ ለተወሰነ ጊዜ ውስጣችን ይቆይ ይሆናል፡፡ በአንፃሩ ጥልቅ ፍቅር ግን ያለማቋረጥ እያበራ ስሜታችንን ያሞቃል፣ ጠባያችንን ያንጻል እንዲሁም ከጊዜ እና ቦታ ጋር የሚኖረንን ቁርኝት መልክ መልክ ያስይዛል፡፡ የጦፈ የፍቅር ስሜት የሚያሳየው አጭር ጊጊ የሚቆይ የስሜት ኃያልነትን ብቻ ነው፡፡ በሌላ በኩል ጥልቅ ፍቅር ግን በረጅም የጊዜ ሂደት ውስጥ የሚፈጠርን፣ በሁሉም መልኩ የሚያበራን፣ የሁለቱንም ጥንዶች ህይወት እንዲያብብ እና እንዲያፈራ የሚያደርግ ፍቅር ነው፡፡ ጥልቅ የሆነ የፍቅር ህይወት ጥብቅ ከሆነ ጊዜያዊ ስሜት የተለየ ነው፡፡ የአፍታ ወሲባዊ ፍላጎት ከዘመናት የፍቅር ህይወት በላይ ጥብቅ ሊሆን ይችላል፡፡ ይሁን እንጂ ጥልቀቱ እዘህ ግባ የሚባል አይደለም፡፡
    ለጦፈ ፍቅር ብቻ ሲባል ትዳር መመስረት በ3 ምክንያት ብልህ ውሳኔ አይደለም፡፡
    1. ፍቅር የሚለዋወጥ ስሜት ነው፡፡
    2. ፍቅር ብቻውን ጠንካራ መሰረት ሊሆን አይችልም፡፡
    3. ከፍቅር በተጨማሪ ሌሎች በርካታ ነገሮች ያስፈልጉናል፡፡
    የአንድን ሰው እንበልና አዕምሮአዊ ብቃቱን ወይም ደግነቱን ግምት ውስጥ ሳያስገቡ ትዳር መመስረት ለጊዜው አፍቃሪ ውሳኔ ሊመስል ይችላል፡፡ ነገር ግን በረጅም ጊዜ አብሮነት ውስጥ ዋጋ ባላቸው ማገናዘቢያዎች ሲፈተሽ ግን አስፈሪ ውሳኔ መሆኑ ግልፅ ይሆናል፡፡
    ትዳር ለመመስረት በምንነሳበት ወቅት ፍቅር ቦታ ሊኖው ይገባል፡፡ ይሁን እንጂ የዛሬም ሆነ የወደፊት ህይወት ደስታ እና ትርጉም ጊዜዊ የጦፈ የፍቅር ስሜት ላይ ብቻ ሊመሰረት አይገባም፡፡ ይልቁንም መተሳሰብን፣ መመሳሰልን፣ መጋራትን፣ እና በመጠኑም ቢሆን ስሜታዊ መፈላለግን መሰረት ያደረገ ጥልቀት ያለው ፈቅር ላይ ሊደገፍ ይገባል፡፡ ስኬታማ ትዳር ከአንድ ሰው ጋር ደግሞ ደጋግሞ በፍቅር መውደቅን ይጠይቃል፡፡
    ቸር እንሰንብት፡፡

    ምንጭ :-ጤናዳም

    Read more
  • ሴቶች ከወንዶች ማግኘት የሚፈልጓቸው 6 ነገሮች

                                                                        

    ከሊሊ ሞገስ

    ሴቶች በየዕለቱ በህይወታቸው ውስጥ ከወንዶች ጋር ያላቸው ግንኙነት በተለያየ መልኩ ይገለፃል፡፡ ከዚህም አልፎ ከወንዶች ጋር ያላቸው ግንኙነት መልካም እንዲሆን የእነሱንም ፍላጎት የሚመችና የሚያረካቸው እንዲሆንላቸው ይፈልጋሉ፡፡ እስከ ትዳር የሚዘልቁም ሆነ ከትዳር በፊት ከትዳርም ውጪ ቢሆን የራሳቸውን ሰብዕና ጥሩ በሆነ መልኩ እየገነቡ የሚያሳዩዋቸው ባህሪያትንና ፍላጎቶቻቸውን ወንዶች እንዲረዱላቸው ይፈልጋሉ፡፡ በተለይም ሴቶች የውስጣቸውን ፍላጎት የሚረዳላቸው ብቻ ሳይሆን ተቀራርቦ አብሯቸው ካለና ፍላጎታቸውን ከተረዳላቸው ወንድ ጋር ረዥም ጊዜ መቆየትንና ደስ የሚል ህይወትን መምራት ይፈልጋሉ፡፡

    ከዚህም በላይ የእነሱን ፍላጎት በጠበቀ መልኩ የሚንከባከባቸውንና የሚጠነቀቅላቸውን ወንድ አጥብቀው ይፈልጋሉ፡፡ ደስ ብሏቸው ከጥሩ ወንድ ጋር መልካም ህይወት ከጀመሩ በኋላ ፈፅሞ መራቅን አይመርጡም፡፡ አብሯቸው ጥሩ ግንኙነት ጀምሮ ወንዱ ሲርቃቸው ውስጣቸው በጣም ይጎዳል፡፡ ጥሩ ነው ብለው የሚያስቡትን መልካም ግንኙነት እየጠሉትም ከወንዶች ጋር እንደገና ጥሩ ግንኙነት ለመመስረት ይቸገራሉ ጥርጣሬ ውስጥም እንዲገቡ ያደርጋቸዋል፡፡የጥናቱ አካል ከሆኑት መካከል ታዋቂዋ የጎልፍ ተጨዋች ሀና ራውሰን ስትናገር ‹‹በጣም የሚስብና ቆንጆ ነው ብዬ ካሰብኩት ወንድ ጋር ጥሩ የፍቅር ግንኙነት ጀምሬ ነበር፡፡ የሚያሳዝነው ከእኔ ጋር እየቆየ ሲመጣ እኔን የሚንከባከበኝ በመጥፎ ሁኔታ እየሆነ በመምጣቱ ልንለያይ ችለናል›› ብላለች፡፡ ንግግሯን ስትቀጥልም ‹‹በመለያየታችን ውስጤ ቢጎዳም ለሚቀጥለው ህይወቴ ብዙ ነገር እንድማርበትና ፍላጎቴን የሚጠብቅልኝን የተሻለ ወንድ ለማግኘት ይረዳኛል›› ስትል ነበር አስተያየቷን የገለፀችው፡፡

    ራውሰን ቀጥላ ስትናገር ‹‹ወንዶች በጣም እንደማምርና ውብ እንደሆንኩኝ ይነግሩኛል፡፡ ለምን የምጫወተው የጎልፍ ጨዋታዬን እያዩም አያበረታቱኝም ትላለች፡፡ ውበቴን ቢያደንቁ የበለጠ ለውበቴ እንድጨነቅና እንዳምር ያደርገኛል እንጂ የጎልፍ ጨዋታ ውጤቴ ላይ የተሻለ ለውጥ እንዳመጣ አያደርገኝም፡፡ እኔ ሁሉን ፍላጎቴን እያደነቀና እያበረታታ ውስጤን የሚጠብቅልንን ወንድ ነው የምፈልገው፡፡ እነዚህን ፍላጎቶቼን አውቆ የበለጠ የሚጠብቅልን ሳገኝ ውጫዊው ሆነ ውስጣዊ ውበቴ እንዲጎላና የአካላዊም ሆነ የጭንቅላት ዝግጁነቴ ሙሉ ሆኖ ኮንፊደንስ ወይም በራስ መተማመን እንዲኖረኝ የማድረግ ኃይል ይኖረዋል›› ብላለች፡፡ አንፃራዊ በሆነ መልኩ ስለሌሎቹ ስትጠቅስም፡፡

    በዚህ ጊዜና ሁኔታ ውስጥ ሁላችንም ሴቶች የበለጠ የምንስብ ውብ መሆንም እንችላለን፡፡ ወንዶች ይህን ከተረዱልንም የውስጣችንም ስሜትና ፍላጎት በቀላሉ ፈንድቶ እንዲወጣና እነሱንም የበለጠ በሚፈልጉት መልኩ ማርካት እንችላለን ትላለች የጎልፍ ተጨዋቿና ሞዴሊስቷ ራውሰን፡፡ ከዚህ በመነሳት የራሷን ልምድ በማካፈሏ በብዙ ሴቶች ላይ ያለውን ነገር ለማንፀባረቅ ችላለች፡፡ ራውሰን ስታክል ‹‹ወንዶች ልክ የምጫወትበትን የጎልፍ መምቻና እንቅስቃሴውን ይመስሉኛል፡፡ የጎልፍ መምቺያ ሁልጊዜ በሴቶችና በወንዶች መካክል መነሻ የሚሆነውን ፍላጎት የሚወክል ሲሆን ከመታውኝና ጥሩ ነጥብ ማስቆጠር የምችልበትን እንቅስቃሴ ሳደርግ ወንዶች የእኔን ፍላጎት ተረድተው አብረን እየተጓዙ ደስ የሚል ህይወት ውስጥ የምገባበት ሁኔታን ወክዬ አየዋለሁ›› ስትል ገልፃለች፡፡ በአጠቃላይ የሴቶችን ፍላጎት በመረዳትና ይህፍላጎታቸው የበለጠ ፈንድቶ እንዲወጣ የማድረግ ስራ የወንዶች ይሆናል እንደ ጥናቱ ገለፃ፡፡ ጥናቱ ወደ መጨረሻ የመደምደሚያ ሃሳብ ላይ ሲመጣም የሴቶችን ፍላጎት በመረዳት ወንዶች እንዴት ለበለጠ ጥሩ ግንኙነት እነሱን ማነሳሳት እንደሚችሉና የራሳቸው ሊያደርጓቸው እንደሚችሉ ጠቁመዋል፡፡
    እነዚህ የሴቶች ፍላጎት የበለጠ እንዲፈነዳና የራሳቸው እንዲሆኑ ከወንዶች የሚጠበቁና ሴቶቹን ወደ ራሳቸው ለማምጣትና ለመምራት የሚያስችሉ ጥለቅ የሆኑ ተግባሮች የሚከተሉት ናቸው፡፡

    1. ፍላጎቷን እስክታገኘው ደጋግመህ ጠይቅ

    ብዙውን ጊዜ ሴቶችንም ሆነ ወንዶችን ከአንድ ጊዜ በላይ ወደሆነ የፍቅር ግንኙነት ውስጥ እንዲገቡ የሚያደርጋቸው ቶሎ የውስጣቸውን ፍላጎት ለማግኘት ስለሚቸገሩ ነው፡፡ በተለይም የሴቶች የውስጥ ፍላጎት ፈንድቶ እንዲወጣ ለማድረግ አስቸጋሪ ስሆነ ይህንን ለማድረግ ወንዶች በተለያየ አቅጣጫ ሴቶችን ደጋግመው መጠየቅ ይገባቸዋል፡፡ በጥያቄዎችህ ውስጥ መላመድህን እሷ እየወደደችው ስትመጣ ፍላጎቷን አውጥታ ትገልፅልሃለች፡፡ ሴቶች በብዙ ነገር ግንኙነት ውስጥ ስለሚፈሩና ስለሚጠነቀቁ ይህንን ተረዳው፡፡ ነካክቶ መተው ለአንተም ለእሷም ጥሩ አይደለም፡፡ ስለዚህም ጥንቃቄ ባለው መልኩ ሳታሰለቻት ደጋግመህ ለመጠየቅ ሞክር፡፡

    2. ሴቶችን ወደተሻለ ደረጃ ለማምጣት ሞክር

    ብዙ ሴቶች መልካምና ቀና የሚያስብላቸውን ወንድ ይፈልጋሉ፡፡ ነገር ግን እጅግ ሲበዛ ጀንትል ሆኖ የሚረጋጋ ወንድ አይመቻቸውም፡፡ ከዚህ ይልቅ ሴቶች የውስጣቸውን እየተረዳቸው በጣም የሚያነቃቃቸውን እንዲሁም የሚፈልጉትን ቶሎ ተረድቶ እርካታን የሚሰጣቸውን ወንድ ይፈልጋሉ፡፡ ለዚህም ወንዱ የተሻለ ደረጃ ላይ ሆኖ እነሱን የበለጠ የሚቆሰቁሳቸውና ትልቅ የንቃት ኃይል ወደ ውስጣቸው የሚጨምርላቸው እንዲሆን ይፈልጋል፡፡ ለዚህም የተሻለ ሆኖ ተገኘና የእነሱንም ፍላጎት አፈንድተህ ለማውጣትና የተሻለ ቦታ ላይ ለማምጣት ሞክር፡፡

    3. ግንኙነትህን አጠንክረው

    ወደ ፍቅር የሚሄደው ግንኙነትህ ያማረ እንዲሆን አስቀድመህ የእሷን ፍላጎት አፈንድተህ ለማውጣት ደጋግመህ መገናኘትን እንደ ጥሩ ዘዴ ተጠቀምበት፡፡ በዚህ ሂደት ውስጥ እሷ ለአንተ በጣም እንደምታስፈልግህ እየነገርካት እንደሆነ እሷም ፍላጎቷን እንድታወጣውና እየገፋፋሃትና እያሳወቃት እንደሆነ ትረዳለች፡፡

    4. ከሴቶች ጋር ማንኛውም ነገር ለማድረግ ባቀድከው መንገድ ተጓዝ፡፡

    ለሴቶች ልታደርግላቸው አንድ ነገር ስታስብ ፕሮግራምህን አትሰርዝባቸው፡፡ ሴቶች በተለይም ወደ ጥሩ ግንኙነት እየመጡ ከሄዱ በኋላ የቀጠሮ ሰዓትም ሆነ ሌሎች ነገሮችን ካሳወቃቸው በኋላ የምትሰርዝ ከሆነ ፍፁም ምቾት አይሰጣቸውም፡፡ ሊበሳጩም ይችላሉ፡፡ አንተም ፍላጎቷን ለማግኘት የነበረክ ሂደት ላይ ውሃ እንደመከለስ ስለሚቆጠር ጥንቃቄ አድርግ፡፡ ፍላጎቷን እየመራህ ለመሄድ ፕሮግራሞችህ ወጥና የማይለወጡ ይሁኑ፡፡

    5. በእሷ ላይ ጥሩ አቋም ወይም አስተያየት ይኑርህ

    አንተ እንደ ወንድነትህ ሌላ እሷ የምትጠረጥረውን ነገር ባታደርገውም እንኳን ንገራት፡፡ ታማኝ መሆንህ ለእሷ ፍላጎት ጎልቶ መታየት ከፍተኛ አስተዋፅኦ ያደርግልሃል፡፡ ነገር ግን ጥሩነትህን ጥንቃቄ በተሞላበት መልኩ እየገለፅክ በእሷ ላይ ጥሩ የሆነ አቋም እንዳለህ ንገራት፡፡

    6. ጥንቃቄ በተሞላበት መልኩ አስፈላጊ ንክኪዎችን ተጠቀም

    ልክ እንደምታወሩትና እንደምትተያዩት ሁሉ ጥሩ የሆኑ የእጅ መነካካትና መጨባበጥ ብሎም በእጅህ ትከሻዋን እቅፍ እያደረክ ጥሩ ጊዜ ማሳለፍን እንደ ትልቅ የፍላጎቷ ማውጫ መንገድ ተጠቀምበት፡፡ ከዚህም በላይ ጥንቃቄ የተሞላባቸው አስፈላጊ ንክኪዎች ሴቶችን በፍቅር የማሞቅ ከፍተኛ ኃይል አለው፡፡
    በአጠቃላይ እነዚህን መሰረታዊ የጥናቱ የጨመረሻ ሃሳቦችን በመጠቀም ወንዶች የሴቶችን ፍላጎት በቀላሉ በመረዳትና ፈንድቶ እንዲወጣ በማድረግ ወደራሳቸው በማምጣት የሚፈልጓትንም በቀላሉ የራሳቸው በማድረግ ጥሩ ግንኙነት እንዲመሰረቱ ያደርጋቸዋል፡፡ አንተም ወንዱ ፍላጎቷን ጠብቅ ከዛም የበለጠ ራሷ አፈንድታው ትነግርሃለች፡፡ ያኔም የአንተ ትሆናለች፡፡ አንተም የእሷ ማለት ነው፡፡

    ምንጭ:- ጤናዳም



     

     

    Read more
  • ለውጤታማ የፍቅር ግንኙነት ወሳኝ ነጥቦች!

                                  

    በተቃራኒ ፆታ መካከል ውጤታማ የፍቅር ግንኙነት ለመመስረት የሚረዱ በርካታ ነጥቦች እንዳሉ በፍቅር ዙሪያ በርካታ ጥናትን ያከናወኑ ባለሙያዎች ይናገራሉ።

    ናትናኤል ብራንደን እና ሮበርት ስተርንበርግ የተባሉ በመስኩ ጥናት ያደረጉ የስነ- አዕምሮ ጠበብቶች የፍቅር ግንኙነትን ለመመስረትም ሆነ በፍቅር ግንኙነት ወቅት ሊያጋጥሙ የሚችሉ መሰናክሎች በተመለከ የተለያዩ ፅሁፎችን ካቀረቡት መካከል የሚጠቀሱ ናቸው።

    በጥናታቸው መሰረትም ጥንዶች ውጤታማ እና ዘላቂነት ያለው የፍቅር ግንኙነት እንዲኖራቸው የሚከተሉትን ወሳኘ ነጥቦች ተግባራዊ ቢያደርጉ ሲሉ ይመክራሉ።

    1.የፍቅር አጋርዎን እንደሚያፈቅሩ በየጊዜው ይግለፁ፣

    በተለምዶ ድርጊት ከቃላት ይልቅ ጮክ ብሎ ይናገራል ‘actions speak louder than words’ ቢባልም ቀላል በማይባሉ አጋጣሚዎች ቃላት ከድርጊት በተሻለ ሲናገሩ ማስተዋል እንግዳ አይደለም።

    ለፍቅር አጋራችን ሁሌም ከጎኑ እንደሆንን ለማሳየት ከቃላት የተሻለ ነገር መጠቀም አዳጋች ነው።

    በመሆኑም “እወድሃለሁ” ፣ “እወድሻለሁ” የሚሉት ቃላት ምን ያህል ግዙፍ እና አፍቃሪነትን እና አለኝታነትን አመላካች ቃላት መሆናቸውን መገንዘብ ያሻል።

    2.የፍቅር ስሜታችንን እና ፍቅርን እናጋራ፣

    ቀላል የሆኑ እና ብዙ ጊዜ የማናጤናቸውን ነገሮች ሁሉ አጠቃሎ የያዘ ጉዳይ ነው። አብረን የእግር ጉዞ ስናደርግ፣ ሲኒማ ቤት ፊልም ስንመለከት ፣ ሶፋ ላይ ቁጭ ብለን እያለ እና በመሰል አጋጣሚዎች ሁሉ የፍቅር አጋራችንን እጅ መያዝ ፣ እጃችንን ትከሻው ላይ ጣል ማድረግ ፣ ወገብ ማቀፍ እና የመሳሰሉትን ማድረግ ይመከራሉ። ለፍቅር አጋራችን ያለንን ስሜትም በግልፅ ማጋራትም ወሳኝ ነው።

    3. የአድናቆት ቃላትን ያዘውትሩ፣

    በቋሚነት የፍቅር ጓደኛችንን ጥንካሬ አጉልተን ልንገልፅ ይገባል፣ የትኛውን ጥንካሬውን ይበልጥ እንደምናደንቅ እና እንደምንኮራበት ጭምር መግለፃችንም በፍቅር አጋራችን እና በእኛ መካከል የበለጠ መተማመን እንዲጎለብት የማድረግ አቅሙ ከፍተኛ ነው። ደካማ ጎኖች ስናስተውልም እንዴት በቀላሉ ሊያሻሽላቸው እና ሊቀርፋቸው እንደሚችል ቀለል ባለ ሁኔታ መንገር እንጂ፣ እንዲሸማቀቅበት እና አብሮት የተፈጠረ አድርጎ እንዲያስብ እድል መስጠት አይገባም።

    4.በፍፁም ሀሳብዎን ከማጋራት አይቆጠቡ፣

    ምን እንደምንወድ እና እንደምንጠላ፣ ህልማችን እና ውጥናችን ምን እንደሆነ ለፍቅረኛችን ማጋራትን ፣ ምን ማድረግ በቀላሉ እንደሚሳካልን እና የትኛውስ ደግሞ እንደሚፈትነን፣ ስህተታችንን ሳይቀር ለሌላ ጓደኛ ወይም ወዳጃችን ከመንገር ይልቅ ለፍቅር አጋራችን መንገር ግንኙነታችን በተሻለ መተማመን ላይ እንድንገነባው የሚያስችለን ቁልፍ መሳሪያ ነው።

    5.በችግር ጊዜ ደራሽነታችንን ማረጋገጥ፣

    ፍቅረኛችን በሚገጥመው ከባባድ ፈተናዎችም ሆነ የህይወት ውጣውረዶች ወቅት ከጎኑ መቆም እንደሚገባን የታወቀ ነው። ይሁንና ብዙዎቻችን ብዙም ቁብ በማንሰጣቸው የህይወት መሰናክሎች ጊዜ አፍቃሪያችን ጎን መቆማችን እጅግ ጠቃሚ ነው። ለምሳሌ የስራ ጫና፣ የራስ ምታት ችግር በሚከሰትበት ወቅት፣ በተለይ ሴቶች የወር አበባ በሚያዩበት ጊዜ፣ ከስራ ሃላፊ ጋር በሃሳብ በሚጋጩበት ሰዓት እና የመሳሰሉት ችግሮች በሚኖሩበት ጊዜ ሁሉ ፍቅረኛችንን ልንቀርበው እና ከችግር እንዲወጣ መፍትሄ ልናቀብለው ይገባል።

    6.ስጦታ መስጠት፣

    ስጦታ በመሰረቱ ለጥፋት ይቅርታ መጠየቂያ ስልት ሳይሆን ፍቅረኛችን ምን ያህል በልባችን ቦታ እንዳለው ለማሳየት ከልብ የምናደርገው መተሳሰብ ነው። የስጦታ ትንሽ የለውም ስለሆነም ስለምንገዛው ስጦታ ውድነት እና ብርቅዬነት በመጨነቅ ጊዜ ከማጥፋት ይልቅ ፍቅረኛችን ምን ይወዳል? የሚለውን ከግምት ማስገባት እና ሳያስበው ይሄንን ማድረግ (ሰርፕራይዝ ) ማድረግ ይመረጣል።

    7.ለፍቅር አጋርዎ ጊዜ ይስጡ፣

    የስራ ባህሪያች የቱንም ያህል በስራ እንድንወጠር ቢያደርግም እንኳን ከፍቅረኛችን ጋር የምናጣጥመው ጊዜን ልንመድብን ይገባል። ቢያንስ ቢያንስ በሳምንት አንዴ አልያም ሁለት ጊዜ ከስራ በኋላ ለመገናኘት መቀጣጣር ተመራጭ ነው። በዚህ ጊዜ የልብ የልባችንን የምናወጋበት፣ ያጋጠሙንን ችግሮች እና ድሎች የምንለዋወጥበት እና በመፍትሄዎቹ ዙሪያም ሃሳብ የምንለዋወጥበት እንዲሁም ስለቀጣይ የፍቅር ህይወታችን የምንመካከርበት ውድ ጊዜ በመሆኑ ፣ከተጣማሪያች ውጪ ማንም መኖር የለበትም።

    8.መልካምን ነገር የምናደርገው አፀፋውን በመጠበቅ መንፈስ መሆን የለበትም፣

    ማድረግ ያለብንን ጥሩ ነገር ሁሉ ያደረግነው ከፍቅር የተነሳ እንጂ ከፍቅረኛችን የተሻለ አፀፋዊ ምላሽን በመጠበቅ መንፈስ ወይም “motive” ፈፅሞ መሆን የለበትም። በዚህ አረዳድ የምናደርገውን ሁሉ ማድረጋችን በፍቅረኛችን ዘንድ ይበልጥ ተወዳጅ፣ ተቀባይ፣ ተደማጭ እንድንሆን ከማገዙም ባለፈ የፍቅር ህይወታችን ውብ እና የጣፈጠ እንዲሆን ያግዛል።

    9.ለፍቅረኛችን ክብር ይኑረን፣

    እኛ ሲደረግብን የማንወደው ነገር በተመሳሳይ የፍቅር አጋራችንን ውስጥ ይበልጥ ሊጎዳ እና ሊያሳምም እንደሚችል አስቀድመን እንገምት። በፍፁም ፍቅረኛችንን በበታችነት አይን ወይም ስሜት አንመልከት ይልቁን ለእኛ ያልታየን እና ያልገባን ነገር ለፍቅረኛችን ቀላል ሆኖ ተገኝቶለት ሊሆን ስለሚችል በጥሞና እናድምጠው።

    10 ጥሩ ተናጋሪ ከመሆን፣ ጥሩ አዳማጭ እንሁን፣

    በመሰረቱ ማዳመጥ የመናገርን ያህል እኩል ሚና እንዳለው ሊሰመርበት ይገባል። በተጣማሪዎች መካካል ሲሆን ደግሞ የማዳማጥ ጥቅም ከምንገምተው በላይ ከፍ ያለ ነው። በቀላሉ በመነጋገር የምንፈታውን ችግር እንኳን መፍታተ የምንችለው ቢያንስ አንዳቸን ለማዳመጥ ያለን ረሃብ ከፍተኛ መሆን ሲችል ነው፣ በመሆኑም ከመናገር ይልቅ ለማድመጥ የበለጠ ቦታ እንስጥ። ፈጣሪስ አንድ ምላስ ሁለት ጆሮ የሰጠን ጥቂት እንድናወራ እና ብዙ እንድናደምጥ አይመስላችሁም?

    ምንጭ:- FBC(ኤፍ.ቢ.ሲ)

    Read more
  • የፍቅር ግንኙነትዎን ሊገድሉ የሚችሉ ጉዳዮች

                                                           

    (በሰብለወንጌል አይናለም)

    የፍቅር ህይወት በተሞክሮ ውስጥ የምናልፍበትና በሂደት የምናዳብረው ክህሎት ነው፡፡ እንደ ሰው  በፍቅር ግንኙነት ውስጥ መፈጸም የማይገባንና የፍቅር አጋራችንን ስሜት ሊጎዱ የሚችሉ ስህተቶችን ልንፈጽም እንችላለን፡፡ ለምሳሌ፡ የጓደኛችንን የልደት ቀን መርሳት፡ በቀጠሮ ሰዓት መዘግየት፡ የፍቅር ጓደኛችንን የስጦታ ምርጫ አለማወቅና የመሳሰሉት ለጊዜው ቅሬታ ቢፈጥሩም፤ ተወቃቅሰንና ተነጋግረን በይቅርታ ልናልፋቸው የሚገቡ ጉዳዮች ናቸው፡፡ ይሁን እንጂ የፍቅር ግኑኝነታችን ጤናማ ሆኖ እንዳይቀጥል የሚያደርጉና ቀጣይነቱን እንድንጠይቅ የሚያስገድዱን ስህተቶችም ይኖራሉ፡፡ የሚከተሉት አምስት ስህተቶች በፍቅር ግንኙነት ላይ አዳጋ ሊያስከትሉ ከሚችሉ ጉዳዮች ውስጥ ይካተታሉ፡፡

    1. ምልዑነትን መጠበቅ (Expecting Perfection):- ብዙዎቻችን ወደ ፍቅር ግንኙነት የምንገባው ፍቅረኛችን ውብ እንደሆነ/ች እና በሁሉም ነገር ደግሞ ብቁ እንደሆኑ አድርገን አስበን ነው፡፡ በጊዜ ሂደት ውስጥ የፍቅር አጋራችን ጉደለቶች መታየት ሲጀምሩ ያንን ሰው አስበነው ወደ ነበረው ምልዑነት ለመቀየር ግርግር መፍጠር እንጀምራለን፡፡ ሰዎች ደግሞ በባህሪያቸው በማንነታቸው እንዳሉ ተቀባይነት እንዲያገኙ እንጂ “የመቀየር አለብህ/አለብሽ ” ግፊት ብዙም ምቾት አይሰጣቸውም፡፡ ለዚህ መፍትሄው የፍቅር አጋርዎን አሁን ባለበት ሁኔታ ሳያቅማሙ መቀበል፤ ሁሉም ሰው (እራስዎን ጨምሮ) ጉድለቶች እንዳሉበት መረዳትና የፍቅረኛችንን ክፍተቶች እኛ መሙላት የምንችልበት መንገድ ካለ መሞከር የተሻለ ነው፡፡
    1. መወስለት (Cheating)፡- ፍቅር በመርህ ደረጃ የሁለት ተቀራኒ ፆታዎች የአካልና የመንፈስ ውህደትን ይጠይቃል፡፡ ከፍቅረኛችን አሻግረን ሌላ ይምናይ ከሆነ፤ ይባስ ብሎም ከሌላ ተቃራኒ ፆታ ጋር የስሜት ትስስር መፍጠር ወይም ወሲብ መፈጸም የፍቅር ግንኙነትን በፍጥነት ከሚገድሉ ጉዳዮች አንዱና ዋነኛው ነው፡፡ እንደዚህ ዓይነት ስህተት ውስጥ የገቡ ከሆነ ማድረግ የሚገባዎት የፈጸሙትን ስህተት ለፍቅረኛዎ ነግሮ፤ በቀጣይ መደረግ ስለሚገባው ጉዳይ መወያየት ነው፡፡ ውስልትናን ከፍቅር ጓደኛ ደብቆ ማቆየት ቢቻልም በግንኙነታችን ላይ ተጽዕኖውን በተለያየ መንገድ ስለሚያሳርፍ ፍቅራችንን ይገድለዋል፡፡
    1. ማኩረፍ (Silent treatment):- በፍቅር ግንኙነት ውስጥ አለመግባባቶችና ጸቦች ይከሰታሉ፡፡ ይሁን እንጂ ችግሮችን ለመፍታት የምንመርጠው መንገድ ማኩረፍ፤ ስልክ መዝጋትና መሸሽ ከሆነ የፍቅር ግንኙነታችን እየገደልነው ነው፡፡ ፍቅርን ጠብቀው ከሚያቆዩ ምሰሶዎች አንዱ ግልጽ ውይይት ነው፡፡ ንዴታችን እስኪበርድልን ጠብቀን በአልተግባባንበት ጉዳይ ላይ መነጋገር ወደተሻለ መንገድ ይመራናል፡፡ በተቃራኒው ያልተወያየንባቸው አለመግባባቶች  በውስጣችን በተጠራቀሙ ቁጥር፤ ግንኙነታችን በየጊዜው ይረበሻል፡፡
    1. ውሸት (Lying):-የፍቅር ግንኙነትን ጤናማነት ጠብቀው ከሚያቆዩ ነገሮች አንዱ ሀቀኝነት ነው፡፡ ማንኛውንም ጉዳይ ለፍቅረኛችን/ የትዳር አጋራችን በግልጽ የመናገር ልምድ ሲኖረን ግንኙነታችን ይጠነክራል፡፡ ነገር ግን ጓደኛችን በሆነ ጉዳይ ላይ ስንዋሽ ከያዘን/ከያዘችን በቀጣይ  ለመታመን ዋስትና የለንም፡፡ ለምሳሌ፡- ስራ ቦታ አምሽቼ ወደ ቤት እየገባሁ ነው ያሉት አፍቃሪዎ ከሌሎች ጓደኞችዎ ጋር ካፌ ውስጥ ሲዝናኑ እንደነበር ቢያውቅ በሌላ ቀን ስራ ቦታ ቢያመሹ እንኳን የፍቅረኛዎን እምነት ማግኘት ይከብዳል፡፡ ስለዚህ በተቻለ መጠን እውነቱን ብቻ የመነጋገር ልምድን ማካበት ይኖርብናል፡፡ ከዚህም በተጨማሪ በተለያዩ ጉዳዮች ላይ በዝርዝር የመወያየት ባህል ቢኖረን ግንኙነታችን ይጠነክራል፡፡ ከፍቅር አጋራችን ደብቀን የምንይዛቸው ጉዳዮች ካሉ በጊዜ ሂደት ግንኙነታችንን ሊያሻክሩ ይችላሉ፡፡
    1. ቂም መቋጠር (Holding a grudge):- ማንም ሰው ከስህተት የጸዳ አይደለም፡፡ ከዚህ በፊት የተሰሩ ስህተቶችንና ይቅርታ የተጠየቀባቸውን ጉዳዮች ሁልጊዜ እንደ አዲስ እያነሱ ፍቅረኛን መውቀስ፤ አንቺኮ ከዚህ በፊትም እንዲህ አድርገሽኛል፤ አንተኮ ባለፈውም እንዲህ በድለኸኛል እየተባባልን የምንነታረክ ከሆነ ፍቅራችንን ውሃ እያስበላነው ነው፡፡ ከቂምና በቀል ያልጸዳ ግንኙነት መሰረቱ ጽኑ አይሆንም፡፡ ስለዚህ በተቻለ መጠን ያለፉ ስህተቶቸን በይቅርታ መርሳት፤ ወደፊት ደግመው እንዳይከሰቱ ደግሞ መፍትሄ መቀየስ ያሻል፡፡

     

    ምንጭ :- ዘሳይኮሎጂስት

    Read more
  • ባለትዳር መሆን የተሻለ ጤንነት እንዲኖረን ያደርጋል?

                                                       

    ባህላዊ ዕውቀትም ይሁን ዘመናዊ ሳይንስ ያገቡ ሰዎች ከወንደላጤዎች የተሻለ ረጅም ዕድሜ እና ጤንነት እንዳላቸው ይገልፃሉ፡፡

    “ከላጤዎች ጋር ሲነፃፀር ባለትዳሮች ጤናማዎችና እና ለረጅም ዘመን ለመኖር የታደሉ ናቸው” ይላሉ በካሊፎርነያ ዩኒቨርስቲ ሳይኮሎጂስት የሆኑት ዶክተር ቴዎዶር ሮቤልስ፡፡ “ጥናቶች እንደሚያሳዩት ባለትዳሮች በተለይ ወንዶች ረዘም ላለ ዕድሜ ይኖራሉ፡፡ በልብ በሽታዎች የተነሳ የመሞት ዕድላቸው ከላጤዎች ሲተያይ ያነሰ ነው፡፡ ጤናማ ሰዎች ትዳር የመመስረት ፍላጎት አላቸው” በማለት ትዳር ጤናማ የማድረግ አቅም እንዳለው ይገልጻሉ፡፡
    “የሚረዳዱና የሚተጋገዙ ጥንዶች ጤናማነታቸው ከግንኙነታቸው ጋር ተያያዥነት አለው” ይላሉ የኦሃዮ ስቴት ዩኒቨርሲቲ ባልደረባዋ ዶክተር ጃኒስ ኪኮልት ግላሰር፡፡
    ትዳር ለጤና በምክንያት
    የጥሩ ባህርይ ባለቤት ያደርጋል

    ጥንዶች በትዳር ሲጣመሩ በአደንዛዥ ዕፅ፣ በሲጋራ፣ እና በሌሎች ለጤና ጎጂ በሆኑ ነገሮች የሚደርሰባቸው ጉዳት እየቀነሰ ይሄዳል፡፡
    “አብረው ለመኖር ሲስማው በፈቃደኝነትም ይሁን በትዳር አጣማሪያቸው ጉትጎታ ከነዚህ ሱሶች ስለሚታቀቡ ወይንም አወሳሰዳቸውን ስለሚቀንሱ የሚከሰት ነው” ይላሉ በኦሃዮ ስቴት ዩኒቨርሲቲ ሳይኮሎጂስት እና ተመራማሪ የሆኑት ዶክተር ክርስቶፈር ፍገንደስ፡፡

    ማህበራዊ ግንኙነት

    “ባለትዳር ከሆንክ/ሽ እስከ አሁን ከፈጠርካቸው/ ሻቸው ግንኙነቶች በጣም መቀራረብ የሠፈነበት እንደሆነ ትረዳለህ/ሽ፡፡ ይህ ማለት በማንኛውም ወቅት የምትፈልገውን/ጊውን እገዛ እና ድጋፍ ሊያደርግልህ/ ሽ የሚችል ሰው አለህ/ሽ ማለት ነው፡፡” ይላሉ ዶ/ር ጃኒስ፡፡
    “በሌላ በኩል ደስተኛ ያልሆኑ ሰዎች ከማህበራዊ ኑሮ የተገለሉ ይሆናሉ፡፡ ይህም ወደ ድብርት ይመራቸዋል፡፡ የጤንነታቸውን ሁኔታም አይከታተሉም” ሲሉ በኒው ዮርክ ዩኒቨርሲቲ ሳይኪያትሪስት የሆኑት ዶክትር ሱዴፕታ ቫርማ ይናገራሉ፡፡

    ጤናማ ልምዶችን ያዳብራሉ
    ባለቤትዎ ጤናማ ልምዶችን እንዲያዳብሩ ሊረዱዎ ይችላሉ፡፡ “ባለቤትዎ በእርስዎ ባህርይ ላይ ከፍተኛ ተፅዕኖ ያሳድራሉ፡፡ ይህን መመገብ የለብህም/ሽም፤ አልኮል ቀንስ/ሺ ወዘተ የሚሉት ከዚህ በጎ ተፅዕኖ የሚመነጩ ናቸው” ይላሉ ዶክተር ቴዎዶር ሮቤልስ፡፡

    ከዚህ በተጨማሪም በትዳራቸው ደስተኛ የሆኑ ሰዎች የዶክተሮቻቸውን ትዕዛዝ እንደሚያከብሩ አንድ ጥናት ይገልፃል፡፡
    ከሚወዱት ሰው ጋር ለረጅም ጊዜ መኖርዎ ሌሎች የጤና ጠቀሜታዎችም አሉት፡፡ “አብዛኞቻችን ከፍቅረኞቻችን ጋር ለመዝናናት መኖራችን በጎ ጎን አለው፡፡ በትዳር ተጣምሮ መኖር ከሚያስገኘው ጋር ሲወዳደር ግን አነስተኛ ነው” ዶክተር ክርስቶፍር “ከትዳር የምናገኘው ፍቅርና መተጋገዝ ለራሳችን የምንሰጠውን እንክብካቤ እንዲጨምር ያደርጋል፡፡ ይህ የሚሆነው የትዳር ተጣማሪያችን በኛ ደስተኝነት ላይ የማይተካ ሚና ስላለው ነው” በማለት ዶክተር ቫርማ የትዳር ጥቅም ከፍተኛ እንደሆነ ይገልፃሉ፡፡
    ቀለበት ማጥለቅ ብቻውን በቂ አይደለም፡፡ የተሻለ ትዳር ማለት የተሻለ ጤና ማለት ነው፡፡ የልብ ቀዶ ጥገና ከተደረገላቸው በሽተኞች ውስጥ በጥሩ ትዳር ውስጥ ያሉት የመዳን ዕድላቸው ከሌሎቹ የተሻለ እንደሆነ ከ15 ዓመታት በላይ የተካሄደ አንድ ጥናት ያስረዳል፡፡ ፍቅርና ደስታ በራቀው ትዳር ውስጥ የሚኖሩ በሽተኞች የመዳን እና በቶሎ የማገገም ዕድላቸው ዝቅተኛ እንደሆነም ጥናቱ ሳይጠቅስ አላለፈም፡፡

    ለዚህ የተሰጠው ዋነኛ ምክንያት መጥፎ ትዳር ለከፍተኛ ጭንቀት የሚዳርግ በመሆኑ ነው፡፡ ይህ ደግሞ የበሽታ መከላከል አቅምን ክፉኛ ያዳክማል፡፡ በተለየ ሴቶች ለዚህ ዓይነቱ ጭንቀት ተጋላጭ ናቸው፡፡ በትዳር ላይ በሚጋጥም ጥላቻ (ያለ መወደድ ስሜት) ሴቶቹ ስሜተ ስስ መሆናቸው ለችግር አጋልጧቸዋል
    ይላሉ ዶክተር ጃኒስ፡፡

    ዶክተር ጃኒስ እና የጥናት ቡድናቸው በምርመራክፍሎች ውስጥ ጥንዶች ባስቀመጡት ስውር ካሜራ ሲጨቃጨቁ ሁኔታውን በመቅረፅ ለማጥናት ሞክረዋል፡፡ “በክርክርና ባለመስማማት ወቅት ጥላቻን የሚያሳዩ ጥንዶች ጭንቀትን የሚያባብሱ ሆርሞኖች መጨመር ታይቶባቸዋል፡፡ የቃላት መቋሰሉ ከፈጠረው ህመም ለመዳንም ብዙ ጊዜ ይወስድባቸዋል” ብለዋል፡፡
    ጠቅለል ተደርጐ ሲቀመጥ ከባድ የትዳር ችግር ያለባቸው ሰዎች የበሽታ መከላከል አቅም ሊዳከም ይችላል፡፡ የትዳር የጤናማነት ሁኔታ ወንዶችንም የጤና ችግር ሊያስከትልባቸው ይችላል፡፡

    “በጥናታችን እንደደረስንበት ከሆነ ድብርት፣ አለቅጥ ክብደት መጨመር እና ከፍተኛ የደም ግፊት ደስተኛ ባልሆነ ትዳር ውስጥ በሚኖሩ ሴቶች ላይ ይታያሉ፡፡ ነገር ግን ወንዶች ትዳራቸው በሚፈጥርባቸው ብስጭት የአደንዛዥ ዕጾች ሱሰኛ ከሆኑ ተመሳሳይ የጤና ጉድለት ሊያገጥማቸው ይችላል” ሲሉ ዶክተር ቫርማ የችግሩን ስፋት ያስረዳሉ፡፡ እንደሳቸው እምነት ሁለቱም ፆታዎች ደስታ የራቀው ትዳር በሚያስከትላቸው አለመመቸቶች ይጠቃሉ፡፡ ይሁንና የሚያሳዩት የጉዳት መጠን ግን የተለያየ ነው፡፡
    ብቸኞች

    አንድ ሰው ብቸኛ (single) ነው ሲባል ከሌሎች ጋር የቅርብ ወዳጅነት መመስረት አይችልም ማለት አይደለም፡፡ ሌሎች ደግሞ ለፍቅር የሚሆናቸውን ሰው ባለማግኘታቸው ብቸኛ ሊሆኑ ይችላሉ፡፡ ለዚህ ዋነኛው መፍትሔ ጥሩ ጓደኞችን ማፍራት ነው፡፡ እነዚህ ሰዎች ሊያስቡልዎና ሊጠነቀቁልዎ እርስዎም ተመሳሳዩን ሊያደርጉላቸው ይችላሉ፡፡ ይህ ዓይነቱ ራስን በጥሩ ሰዎች መሃከል ማኖር ትዳራቸውን በፍቺ ለበተኑ ሰዎችም ይሠራል፡፡

    ፍቺ ካለዕድሜ ከመሞት ጋር ተያያዥነት እንዳለውና በተለይ በወንዶች ላይ በስፋት እንደሚታይ የአሪዞና ዩኒቨርሲቲ ባልደረባ የሆኑት ዶክተር ዴቪድ ስባራ ይናገራሉ፡፡ “በዕድሜ በሰል ካሉ ሰዎች ውስጥ ከፍቺ በኋላ በደስታ የተሞላ ህይወት ሲመሩ የሚታዩ ይኖራሉ፡፡ ደስታ በራቀው ትዳር ውስጥ ካሉና ትዳርዎ እንዲሠራ የሚችሉትን ያህል ከለፉ በኋላ ተስፋ እንደሌለው ካወቁ ፍቺ ምክንያታዊና አምነን መቀበል ያለብን አማራጭ ይሆናል፡፡ ተፋትተው ደስተኛ ሆነው መኖር ከቻሉ ፍቺ የሚያመጣቸው ጐጂ ጐኖች ሊያሳስብዎ አይገቡም” ይላሉ ዶክተር ዴቪድ፡፡

    ከፍቺ በኋላ ሴቶች ከወንዶች በተሻለ መልኩ ጥሩ ስሜት ሊሰማቸው ይችላል፡፡ “ላጤዎችን እና የጤናቸውን ሁኔታ ስናይ ሴቶቹ ከወንዶቹ በተሻለ ጤንነት ላይ ይገኛሉ፡፡” የሚሉት ዶክተር ክርስቶፈር ባለትዳሮች ወይንም አብረው የሚኖሩ ፍቅረኞች ለመስማማት በማይችሉበት ወቅት በአክብሮት ያለ ዘለፋ እንዲነጋገሩ ይመከራል፡፡ ጥላቻ በከፍተኛ ሁኔታ የሚንፀባረቅበት ክርክርና ጭቅጭቅ ለጤና ጉዳት ያጋልጣል፡፡ በተገቢው ሁኔታ መነጋገር ሲባል ማዳመጥ፣ መስጠት፣ ቅድሚያ መስጠት እና የተናጋሪውን ስሜት መረዳትን ያጠቃልላል፡፡ በሰው ልጆች ውስጥ ያለው ትልቁ ፍላጐት ለመወደድ መንሰፍሰፍ ሲሆን እውቅና ማግኘት ደግሞ ሌላው ነው፡፡ ይህን ካደረጉ “እያዳመጥኩህ/ሽ ነው” የሚል መልዕክት ያስተላልፋሉ፡፡ ይህ አይነቱ መተሳሰብ የትዳር ችግሮቻችሁን በቀላሉ ለመፍታት እና ለመስማማት ያስችላችኋል፡፡

    ምንጭ :- አዲስ ጉዳይ መፅሔት

    Read more
  • ርቀት ፍቅርን አያቀጭጨውም

                                                            

    በአንቶኒዮ ሙላቱ

    ብዙዎች ተራርቆ ፍቅር ወይም ትዳር አይሰራም ብለው ይደመድማሉ፡፡ እንዲሁም በርቀት የፍቅር ወይም የትዳር ግንኙነት ውስጥ ያሉ ሰዎችን ተስፋ የሚሰጥና የሚያበረታታ ምክር ከመለገስ ይልቅ ተስፋ አስቆራጭና ከመጎዳት በፊት አስቀድሞ አብሮ መኖር የሚቻልበትን መንገድ እንዲዘይዱ አልያም ላለመጠቃቀም መጎዳዳት ስለሌለባቸው አማራጭ የሚሉቱን እንዲወስኑ ይገፋፋሉ፡፡ ፈተናው ቢበዛም ርቀት ፍቅርን አያቀጭጨውም እመኑኝ ቢከብድም ይቻላል፡፡ እንዴት ካላችሁ ከዚህ የሚከተሉት ጥቂት ምክሮች በርቀት ውስጥም ቢሆን የፍቅር ግንኙነታችሁ ላይ ህይወት መዝራት እንድትችሉ ይረዳችኋል፡፡

    የተንዛዛ ተግባቦትን መቀነስ፡- ጥንዶች በተቻለ መጠን ዘውትር በተገኘው የቴክኖሎጂ ግባት ተጠቅመው ማውራት አለባቸው፡፡ ነገር ግን እየዋለ እያደረ መሰላቸትን እንዳያመጣ በአንዴ ለረጅም ሰዓት ከማውራት ይልቅ በትንሽ ትንሹ በናፍቆት መገናኘት አለባቸው፡፡

    ርቀትን እንደ ጥሩ ዕድል መመልከት፡- “አብሮ መኖር ከፈለጋችሁ መጀመሪያ ተራርቆ መኖርን ተለማመዱ” እንደሚባለው በርቀት ውስጥ ያሉ መልካም ዕድሎችን መመልከት ፤ ርቀት ፍቅራችሁንና ግንኙነታችሁን የሚያቀጭጭ ሳይሆን የሚያጠነክር እንደሚሆን መገንዘብ፡፡

    ያልተጠበቁ ነገሮች እንዳይከሰቱ መርሆችን ማስቀመጥ፡- ሁለቱ ጥንዶች ተራርቆ በሚኖሩበት ወቅት ሊያጋጥማቸው የሚችሉ ፈተናዎችን በግልጽ መነጋገር፡፡ አንዱ ለአንዱ ምን ያህል ተማኝና ቃሉን እንደሚጠብቅ መረዳዳት፡፡ ኋላ ያልጠበቁት ነገር እንዳይከሰት፡፡

    ዘውትር የፍቅር ቃላትን መለዋወጥ፡- በርቀት ግንኙነት ውስጥ ትልቁ ተግዳሮት ናፍቆትን መወጣል አለመቻል ነው፡፡ ስለዚህ ይህን ችግር ለመቀነስ ዘውትር ስላሳለፋችሁትና ወደፊት ስለምታሳልፉት የፍቅር ጊዜ ማውራት እንዲሁም እወድሻለሁ/ሃለው መባባል፡፡

    አሳቻ ሁኔታዎችን ማስወገድ፡- ጥንዶች በሚኖራቸው ማኅበራዊ ህይወት ወደሌላ የፍቅር ግንኙነት ሊገፋፏቸው የሚችሉ ሁኔታዎችን ሁሉ በተቻለ መጠን መስወገድ አለባቸው፡፡ ግብዣና የተለያዩ ድግሶች ሲኖሩ ስላለቸው መርሃ-ግብር ለአጋራቸው አስቀድሞ ማሳወቅ፡፡ በግብዣና በመዝናኛ ቦታዎች መጠጥ መውሰድ ግድ ከሆነ በመጠኑ ተጠቅሞ በጊዜ ወደ ቤት መሄድ፡፡

    ተመሳሳይ ድርጊቶችን ማከናወን፡- የአብሮነት ስሜትን ለመጨመር ይረዳ ዘንድ ተመሳሳይ ድርጊቶችን ማከናወን፡፡ ለምሳሌ ተመሳሳይ ፊልም ማየትና ሙዚቃ ማዳመጥ እንዲሁም መጽሐፍትን ማንበብ፡፡ የቪዲዮ መልዕክቶችን መለዋወጥና እየተያዩ ማውራት ወይም ስካይፕ መጠቀም፡፡

    እርስ በእርስ መጎበኛኘት፡- አቅም በፈቀደና በተቻለ መጠን መገናኘት፡፡ ከአገር ውጭ ቢሆንም ቢያንስ ከሁለት አንዱ የፍቅር ጓደኛ ጋር በመምጣት ጥቂት ጊዜዎችን አብሮ ማሳለፍ፡፡

    ግብ ማስቀመጥ፡- ለምን ያህል ጊዜ ተራርቃችሁ እንደምትኖሩና መቼ የአንድነት ኑሮ እንደምትጀምሩ በአእምሮ ዕቅድና ግብ ማስቀመጥ፡፡ የማይታወቅና ጭፍን ያለ ነገር ከሆነ መጠባበቅ አዳጋች ሊሆን ይችላል ወይም ከሁለት አንዳችሁ በአንድ ጊዜ ሁለት የፍቅር ግንኙነት እንድትመሰርቱ ሁኔታዎች ሊገፋፏችሁ ይችላሉ፡፡

    ግልጸኝነትን መላበስ፡- በግንኙታችሁ መካከል ሊከሰት ይችላል ብላችሁ የምታስቡት፤ የሚያስፈራችሁ ነገር ወይም የሚያጠራጥራችሁ ሁኔታ ሲያጋጥማችሁ ሁሉንም ነገር በግልጽ መነጋገር፡፡ ይህና ያ ጉዳይ ያሳስበኛል ፤ እንዲህ ብታደርግ/ጊ ምን ይመስልሃል/ሻል? መባባል፡፡

     ስለቤተሰባችሁ ሁኔታ መረጃ መለዋወጥ፡- የቤተሰብነትን ስሜት ለመፍጠርና ቅርርቦሽን ለማጽናት የቤተሰቦቻችሁን ሁኔታና ጤና መረጃ መለዋወጥ፡፡

     አወንታዊ አመለካከት መያዝ፡- ሊሰርቅ ይችላል/ትችላለች ብሎ በሃሳብ ከመናወዝ አወንታዊ ነገሮችን ማሰብ፡፡ መታመን ለራስ ስለሆነ ለራስ ታማኝ ሆኖ መገኘት፡፡ ገና ለገና ጓደኛዬ እንዲህ ሊያደርግ/ልታደርግ ትችላለች ብሎ አለመጨነቅ፡፡

    መልዕክቶችን መለዋወጥ፡- የፍቅር ደብዳቤዎችን የስጦታ ኮርዶችንና የመሳሰሉትን በየጊዜው ፍቅርን ለመግለጽ መለዋወጥ፡፡

    ምንጭ :- ዘሳይኮሎጂስት

    Read more