Sport

  • SPORT NEWS: የሜሲ 3 ጎሎች አርጀንቲናን ወደ ዓለም ዋንጫ አስገብተዋል

                                                            

    እንደ አውሮፓውያኑ አቆጣጠር በ2018 በሩሲያ አስተናጋጅነት ለሚካሄደው የዓለም ዋንጫ የማጣሪያ ውድድሮች ትናንት ምሽት ቀጥለው ተካሂደዋል።

    በደቡብ አሜሪካ ሀገራት መካከል በተደረገው ውድድርም እንደ አውሮፓውያኑ አቆጣጠር ከ1970 ወዲህ ለመጀመሪያ ጊዜ የመውደቅ ስጋት ተደቅኖባት የነበቸው አርጀንቲና በሜሲ አማካኝነት የዓለም ዋንጫው ላይ ለመሳተፍ የሚያስችላትን ትኬት ቆርጣለች።

    ትናንት ምሽት ኢኳዶር እና አርጀንቲና ያደረጉት ጨዋታም 1ለ3 በሆነ ውጤት ነው የተጠናቀቀው።

    በጨዋታው ላይ ባለሜዳዎቹ ኢኳዶሮች ጨዋታው በተጀመረ በ38ኛው ሰከንድ ላይ ባስቆጠሩት ጎል 1ለ0 መምራት የቻሉ ሲሆን፥ ይህች ጎልም የአርጀንቲናን የማለፍ ተስፋ የምታጨልም ነበረች።

    ሆኖም ግን የአርጀንቲናው ሊዮኔል ሜሲ በ12ኛው ደቂቃ ላይ ያስቆጠራት ጎል የአርጀንቲናውያንን ተስፋ ያለመለመች ሲሆን፥ ሜሲ በ20ኛው ደቂቃ እና በ62ኛው ደቂቃ ያስቆጠራቸው ጎሎች ደግሞ አርጀንቲና የዓለም ዋንጫ ላይ እንድትሳተፍ አድርጓታል።

    ባስቆጠራቸው ሶስት ጎሎች ሀገሩን ለዓለም ዋንጫ ያሳለፈው ሊዮኔል ሜሲ በቀጣዩ የፈረንጆቹ 2018 የዓለም ዋንጫ ላይ ሀገሩን በመወከል ሲሳተፍም ለ4ኛ ጊዜው ይሆናል።
    ትናንት ምሽት በደቡብ አሜሪካ ሀገራት መካከል በተደረጉ ሌሎች ጨዋታዎች ብራዚል ቺሊን 3ለ0 አሸንፋታላች።

    ይህንን ተከትሎም ለተከታታይ ሁለት ጊዜ የኮፓ አሜሪካ ሻምፒዮኗ ቺሊ ከ2018 የዓለም ዋንጫ ውጭ መሆን ችላለች።

    በሌሎች ጨዋታዎች ፓራጉዋይ ቬንዙዌላን 1ለ0፣ ኡራጉዋይ ቦሊቪያን 4ለ2 ሲያሸንፉ፤ ፔሩ እና ኮሎምቢያ 1ለ1 በሆነ አቻ ውጤት ተለያይተዋል።

    የትናንት ምሽቱን የጨዋታ ውጤቶች ተከትሎም ብራዚል፣ ኡራጉዋይ፣ አርጀንቲና እና ኮሎምቢያ ከደቡብ አሜሪካ ሀገራት የዓለም ዋንጫ ላይ እንደሚሳተፉ አረጋግጠዋል።

    ምንጭ:- ኤፍ ቢ ሲ(FBC)

    Read more
  • SPORT NEWS: የኢትዮጵያ ብሔራዊ ቡድን በሞሮኮ አቻው ተረታ

                                                               

    የኢትዮጵያ ብሔራዊ ቡድን ትናንት ምሽት ራባት ላይ ከሞሮኮ የቻን ብሔራዊ ቡድን ጋር ባደረገው የወዳጅነት ጨዋታ 4ለ0 በሆነ ውጤት ተሸንፏል፡፡

    የሞሮኮ እግርኳስ ፌዴሬሽን ባቀረበው የወዳጅነት ጨዋታ ግብዣ መሰረት ማክሰኞ ይደረጋል የተባለው ጨዋታ ባልታወቀ ምክንያት ትናንት ተካሂዷል፡፡ 

    ወደ ጋቦሮኒ አቅንቶ በቦትስዋና የተሸነፈው የኢትዮጵያ ብሔራዊ ቡድን ከሰኔ ወር ጀምሮ በሁሉም ውድድሮች በአሰልጣኝ አሸናፊ በቀለ እየተመራ ካደረጋቸው 8 ጨዋታዎች ማሸነፍ የቻለው 1 ጨዋታ ሲሆን፥ ይህም ጅቡቲን ብቻ ነው፡፡

    ሞሮኮ እና ዋልያዎቹ ባደረጉት ጨዋታ የመጀመሪያውን አጋማሽ ሞሮኮ 3ለ0 እየመራች ለእረፍት ወጥተዋል።

    ከእረፍት መልስ ዋልያዎቹ ተጨማሪ አንድ ግብ በማስተናገድ 4ለ0 ተሸንፈዋል።

    የፊት መስመር ተሰላፊው ጌታነህ ከበደ በሁለት ቢጫ ከሜዳ በተሰናበተበት በዚህ ጨዋታ ላይ አሰልጣኝ አሸናፊ ተጫዋቾቹን ከተፈጥሯዊ ቦታቸው በመቀየር ለማጫወት ሞክረዋል፡፡ 

    ለዚህ ማሳያው የመስመር አጥቂ የሆነው አዲስ ግደይ ባዬ ገዛኸኝን ቀይሮ ወደ ሜዳ ከገባ በኃላ በቀኝ መስመር ተከላካይ ቦታ ላይ ተጫውቷል፡፡ 

    በተጨማሪም ቡድኑ ወደ ራባት ያቀናው 15 ተጫዋቾችን ብቻ ይዞ ሲሆን፥ ከእነዚህ ውስጥ ሶስቱ ግብ ጠባቂዎች ነበሩ፡፡

    የኢትዮጵያ ብሔራዊ ቡድን በተደጋጋሚ በሚያደርጋቸው ጨዋታዎች ሽንፈት ማስተናገዱን ቀጥሏል፡፡ 

    ቡድኑ በሐምሌ ወር ጅቡቲን በቻን ማጣሪያ 5ለ1 ያሸነፈበት ውጤት ብቻ ድል ሆኖ ሲመዘገብ፥ በቀሪዎቹ 7 ጨዋታዎች 4 ሲሸነፍ 3 አቻ ተለያይቷል፡፡

    የብሔራዊ ቡድኑ ከሰኔ ወር ጀምሮ ያስመዘገባቸው ውጤቶች እነዚህን ይመስላሉ

    ኢትዮጵያ 0-0 ዩጋንዳ (የወዳጅነት)

    ጋና 5-0 ኢትዮጵያ (የአፍሪካ ዋንጫ ማጣሪያ)

    ጅቡቲ 1-5 ኢትዮጵያ (የቻን ማጣሪያ)

    ዛምቢያ 0-0 ኢትዮጵያ (የወዳጅነት)

    ኢትዮጵያ 1-1 ሱዳን (የቻን ማጣሪያ)

    ሱዳን 1-0 ኢትዮጵያ (የቻን ማጣሪያ)

    ቦትስዋና 2-0 ኢትዮጵያ (ወዳጅነት)

    ሞሮኮ 4-0 ኢትዮጵያ (የወዳጅነት)

     

    ምንጭ:- ኤፍ ቢ ሲ(FBC)

     

    Read more
  • SPORT NEWS: ውድድር/ የአዲስ አበባ ሲቲ ካፕ ዋንጫ ከመስከረም 27 እስከ ጥቅምት 11 ይካሄዳል

                                                                           

    በአዲስ አበባ እግር ኳስ ፌዴሬሽን አማካኝነት በየአመቱ የሚደረገው የ12ኛው የአዲስ አበባ ሲቲ ካፕ ውድድር በ2010 በአዲስ አበባ ስቴዲየም የሚደረግ ሲሆን ፌዴሬሽኑም የውድድሩን ጅማሮ ቀን መስከረም 27 እንዲሁም የውድድሩነ የፍጻሜ ቀን ደግሞ ጥቅምት 11 ማድረጉ ተነግሯል፡፡

    እስካሁን በይፋ የሚሳተፉት ክለቦች ሙሉ በሙሉ ባልታወቁበት በዚህ ውድድር ኢትዮጵያ ቡና ፣ ደደቢት ኢትዮ ኤሌክትሪክ  በሲቲ ካፑ እንደሚሳተፉ ማረጋገጫ ሲሰጡ ቅዱስ ጊዮርጊስ እስካሁን በዚህ ውድድር ላይ እሳተፋለው በማለት ለእግር ኳስ ፌዴሬሽኑ አላሳወቀም፡፡

    ከዚህ ቀደም ከመስከረም 20 እስከ ጥር 4 ሊደርግ ታስቦ የነበረው ውድድር ከሰሞኑ በአዲስ አበባ እያጣለ ባለው ሀይለኛ ዝናብ ምክንያት አንድ ለእናቱ የሆነው አዲስ አበባ ስቴዲየም በዝናቡ ሜዳው እየጨቀየ የሚገኝ በመሆኑ እና ዝናቡም በዚህ የሚቀጥል ከሆነ ለመጫወት አመቺ ባለመሆኑ ምክንያት ውድድሩን ለ ተጨማሪ አንድ ሳምንት ማስተላለፍ የግድ ብሏል፡፡

    ባሳለፍነው አመት በተደረገው በዚህ ውድድር ላይ ኢትዮ ኤሌክትሪክ ቅዱስ ጊዮርጊስን በኢብራሂም ፎፋና ብቸኛ ግብ 1-0 በመርታት የውድድሩን ዋንጫ አሸናፊ መሆኑ የሚታወስ ነው፡፡

    ምንጭ:- ኢትዮአዲስ ስፖርት

    Read more
  • SPORT: የኢትዮጵያ ብሄራዊ ቡድን ወደ ሱዳን ካርቱም አቀና

                                                 

    በ2018 ኬንያ በምታሰናዳው የቻን አፍሪካ ዋንጫ ላይ የመሳተፍ እድሉ አጣብቂኝ የገባው የኢትዮጵያ ብሄራዊ ቡድን የመልሱን ጨዋታ ለማድረግ ዛሬ 10 ሰአት ወደ ሱዳን ካርቱም አቅንቷል፡፡ 18 ተጫዋቾች እና የአሰልጣኞች ስታፍ አባላትን ይዞ ወደ ካርቱም ያቀናው ዋልያው አመሻሽ ወደ ስፍራው እንደሚደርስ የተሰማ ሲሆን በዋልያ ቢራ ስፖንሰር የተደረጉ ጥቂት የማይባሉ ደጋፊዎችም ወደ ስፍራው ከቡድኑ ጋር ማቅናታቸው ተሰምቷል፡፡

    ባሳለፍነው በአዋሳ ኢንተርናሽናል ስቴዲየም በተደረገው  የመጀመሪያ የሁለቱ ሀገራት ጨዋታ ላይ  ከፓስፖርት ችግር ጋር በተያያዘ ከ18 ተጫዋቾች ውጪ የነበረው  ፍሬው ሰለሞን  ፓስፖቱ ታድሶለት ከብሄራዊ ቡድኑ ጋር  ወደ ካርቱም ያቀና ሲሆን ከሁለት ሳምንታት በፊት ብሄራዊ ቡድኑን ተቀላቅሉ በጉዳት እሁድ  ከሰአቱ ጨዋታ ያመለጠው የቅዱስ ጊዮርጊሱ የመስመር አማካይ ታደለ መንገሻ ከጉዳቱ አለማገገሙን ተከትሎ  ከብሄራዊ ቡድኑ ጋር ወደ ስፍራው ሳይጓዝ ቀርቷል፡፡

    ኢትዮጵያ እና ሱዳን የፊታችን አርብ ምሽት 2 ሰዓት ላይ በአቢያድ የሚያደርጉትን ጨዋታ ኬንያዊው ዳኛ አንድሪው አቲኖ በመሀል ዳኝነት የሚመሩት ሲሆን ዋልያው ወደ ቻን 2018 የአፍሪካ ዋንጫ ለማለፍ የሱዳን አቻውን አቢያድ ላይ የመርታት አሊያም ከ2-2 እኩል እና ከዚያ በላይ በሆነ አቻ ውጤት ማጠናቀቅ ይጠበቅበታል፡፡ ብሄራዊ ቡድኑ በደርሶ መልስ ውጤት ይህንን ጨዋታ አሸንፎ ወደ ቻን አፍሪካ ዋንጫም ካለፈም በተከታታይ 3 የውድድሩ መድረክ ላይ መሳተፉን ያረጋግጣል፡፡

    ምንጭ:- ኢትዮአዲስ ስፖርት

    Read more
  • SPORT NEWS: በሲጉርሰን ዝውውር ዙሪያ ኤቨርተን ከስዋንሲ ጋር ከስምምነት ላይ ደረሰ

                                         

    ስዋንሲ ባሳለፍነው የውድድር ዘመን በ 22 የፕሪምየር ሊግ ጎሎች ላይ የተሳተፈውን የ 27 አመት አጥቂ በተመለከተ ከ 50 ሚሊዮን ፓውንድ በታች ዋጋ እንደማይቀበል በመግለፅ ከኤቨርተን የቀረበለትን ተደጋጋሚ ጥያቄ ውድቅ ሲያደርግ ቆይቶ በመጨረሻ ላይ ዝውውሩን ተቀብሏል።

    ሲጉርሰን ባሳለፍነው ቅዳሜ በፕሪምየር ሊጉ መክፈቻ ጨዋታ የዌልሱ ክለብ ከቅዱሶቹ ሳውዝአምፕተኖች ጋር 0-0 በተለያየበት ጨዋታ ከስዋንሲ ስብስብ ውጪ የነበረ ሲሆን ከሐምሌ መጀመሪያ የባርኔት የቅድመ ውድድር ጨዋታ በኋላ የቡድኑን ቅድመ ውድድር ዝግጅት ጥሎ መውጣቱ ከክለቡ ለመልቀቅ ጫፍ መድረሱን ማረጋገጫ ነበር። 

    ስዋንሲ ከአጥቂው ያገኘውን ትልቅ ገንዘብም በቀጣይ ሁለት ያህል ተጫዋቾችን ለማስፈረሚያነት በመመደብ ቡድኑን ለማጠናከር እንደሚንቀሳቀስ የሚጠበቅ ሲሆን የማንችስተር ሲቲው ዊልፍሬድ ቦኒም ወደ ዌልሱ ክለብ እንደሚመጣ የሚገመት ቀዳሚው ተጫዋች ነው። 

    አይቮሪኮስታዊው አጥቂ ወደ ኢትሀዱ ክለብ ከማምራቱ በፊት ትልቅ ስኬት ወዳስመዘገበበት የሊበሪቲ ስታዲየም የመመለሱ ነገር ላይ በመርህ ደረጃ ከስምምነት ላይ መደረሱ የተገለፀ ሲሆን በቀጣዮቹ ቀናትም ዝውውሩ እንደሚጠናቀቅ ይጠበቃል። 

    የቀድሞው የቶትነሀም አጥቂ ናስር ቻዲል አንድ አመት ለማይሞላ ጊዜ ብቻ ከቆየበት ዌስትብሮሚች ለመልቀቅ መፈለጉን ተከትሎ ቀዳሚው የሲጉርሰን ተተኪ ተብሎ ተይዞ የነበረ ቢሆንም በ 2016 ከሊቨርፑል ስቶክን ተቀላቅሎ ከነብሮቹ ጋር የሚገኘው ጆ አለንም ሌላኛው ስዋንሲ ፍላጎት ያሳደረበት ግን ክለቡ ማቆየት የሚፈልገው ተጫዋች ነው።

    በሌላ በኩል ደግሞ የሲጉርሰን የመርሲሳይዱን ክለብ መቀላቀል በመክፈቻው ጨዋታ በቁርጭምጭሚት ጉዳት ያልነበረው ጋሬዝ ባሪ ከኤቨርተን ወደ ዌስትብሮሚች የሚያደርገው ዝውውር እርግጥ መሆኑን አመላክቷል። 

    ምንጭ:- ኢትዮአዲስ ስፖርት

     

     
    Read more
  • SPORT NEWS: በደቡብ ክልል ሀዋሳ ከተማ አስተናጋጅነት እየተካሄደ የሚገኘው 5ኛው ሀገር አቀፍ የታዳጊ ወጣቶች ስልጠና ፕሮጀክት የምዘና ውድድር ቀጥሎ እየተካሄደ እየተካሄደ ይገኛል፡፡

                                           

    በወንዶች እና በሴቶች የብስክሌት ውድድር የፍጻሜ ውድድሮች የተካሄዱ ሲሆን በወንዶች 10 ኪሎ ሜትር የግል ክሮኖ ሜትር የትግራይ ክልል  የወርቅ እና የነሐስ ሜዳሊያ ሲያገኝ ድሬዳዋ ክልል ደግሞ የብር ሜዳሊያ ማግኘት ችሏል:: በሴቶች በተደረገ የ5 ኪሎ ሜትር የግል ክሮኖ ሜትር የአማራ ክልል የወርቅ ፣ የትግራይ ክልል የብር እንዲሁም የኦሮሚያ ክልል የነሐስ ሜዳልያ አግኝተዋል።

    ትላንት  በተካሄደ የወንዶች የእግር ኳስ የምድብ ጨዋታ ኦሮሚያ ጋምቤላን 5 ለ 0 ፥ ሀረሪ ኢትዮ ሱማሌን 2 ለ 0 ፥ ትግራይ ድሬዳዋን 4 ለ 2 ሲያሸንፉ አፋር ከቤንሻጉል 1 ለ 1 በመሆን ጨዋታቸውን አጠናቀዋል ።

    በወንዶች በቮሊ ቦል የምድብ ጨዋታ ኦሮሚያ አዲስ አበባን 3 ለ 0 ፥ ደቡብ ጋምቤላን በተመሳሳይ ውጤት 3 ለ 0 በሆነ ውጤት አሸንፈዋል ። በሴቶች እጅ ኳስ ሴቶች ኦሮሚያ ከሀረሪ 10 ለ 8 ፥ ደቡብ ከትግራይ 31 ለ 13 ሲያሸንፉ ፡ በወንዶች ኦሮሚያ ከሀረሪ 25 ለ 13 ፥ አዲስ አበባ ከትግራይ 25 ለ 23 በሆነ ውጤት ተጠናቋል ።

    በወንዶች ቅርጫት ኳስ ኦሮሚያ ከ አማራ 45 ለ 43 እንዲሁም በሴቶች ኦሮሚያ ከትግራይ 22 ለ 18 አሸንፈዋል። ውድድሩ ለቀጣይ ቀናቶችም ቀጥሎ የሚካሄድ ሲሆን ብቁ የሆኑ ተወዳዳሪችም ምዘናውን አልፈው ወደ አካዳሚዎች የሚገቡ ይሆናል፡፡

    ምንጭ:- ኢትዮአዲስ ስፖርት

    Read more
  • SPORT: የካፍ ፕሬዚዳንት በኢትዮጵያ ጉብኝት አደረጉ

                                          

    የአፍሪካ እግር ኳስ ፌደሬሽን (ካፍ) ፕሬዚዳንት አህመድ አህመድ በኢትዮጵያ ይፋዊ የስራ ጉብኝት አደረጉ።

    ትናንት ምሽት አዲስ አበባ የገቡት ፕሬዚዳንቱ የኢትዮጵያ ወጣቶች ስፖርት አካዳሚ፣ የአደይ አበባ ስታዲየም ግንባታን እና የካፍ ማዕከልን ጎብኝተዋል፡፡

    በጉብኝቱ ወቅትም የወጣቶች እና ስፖርት ሚኒስትሩ አቶ ርስቱ ይርዳው እና የኢትዮጵያ እግር ኳስ ፌዴሬሽን ፕሬዚዳንት ጁነዲን ባሻ እና የጅቡቲ እግር ኳር ፌዴሬሽን ፕሬዚዳንት እና የካፍ ስራ አስፈፃሚ ኮሚቴ አባል ሱሌይማን ሃሰን ዋቤሪ ተገኝተዋል፡፡

    በበጉብኝቱ ወቅት በማዕከሉ ሜዳ በስልጠና ላይ የተገኙት የአሴጋ አካዳሚ ታዳጊዎች ከፕሬዚዳንቱ ጋር የመተዋወቅ እድልን አግንኝተዋል፡፡ 

    አሴጋ አካዳሚ ከወራት በፊት በድንገት ከዚህ አለም በሞት በተለየው የቀድሞው የብሄራዊ ቡድን አጥቂ አሰግድ ተስፋዬ ስር ይተዳደር የነበረ አካዳሚ ነው፡፡

    የ57 ዓመቱ ማዳጋስካራዊ በአዲስ አበባ እየተገነባ በሚገኘው የአደይ አበባ ስታዲየም በመገኘት የግንባታውን ሂደት የተመለከቱ ሲሆን ግንባታውን በሚያከናውነው የቻይና ኩባንያም ገለፃ ተደርጎላቸዋል፡፡ 

    አህመድ አህመድ በቀኑ የመጨረሻ መርሃ ግብርም አያት አካባቢ ያለፉትን 14 አመታት ተገንብቶ መጠናቀቅ ያልቻለውን የካፍ ማዕከል ጎብኝተዋል፡፡

    ምንጭ:- ኤፍ ቢ ሲ(FBC)

    Read more
  • SPORT: 16ኛው የዓለም አትሌቲክስ ሻምፒዮና ውድድር

                                                                 

    ለንደን የምታስተናግደው 16ኛው የዓለም አትሌቲክስ ሻምፒዮና ውድድር ዛሬ በይፋ ይጀመራል።

    ለንደን የምታስተናግደው 16ኛው የዓለም አትሌቲክስ ሻምፒዮና ውድድር ዛሬ፤ዓርብ በይፋ ይጀመራል።

    የውድድሮቹ መርሃግብሮች የወጡ ሲሆን በዛሬው ዕለት - የወንዶቹ 100 ሜትር፣

    የሴቶች 1,500 ሜትር 1ኛ ዙር ማጣሪያና

    የወንዶች 10,000 ሜትር ፍፃሜ ውድድሮች ይካሄዳሉ።

    በወንዶቹ 10,000 ሜትር ፍፃሜ ሦስት የኢትዮጵያ አትሌቶች ይሳተፋሉ።

    ምንጭ:- ቪ ኦ ኤ(VOA)

     

    Read more
  • SPORT: ቅዱስ ጊዮርጊስ ታደለ መንገሻን በሁለት አመት ኮንትራት አስፈረመ::

                                              

    ቅዱስ ጊዮርጊስ የቀድሞ ተጫዋቹ ታደለ መንገሻን በድጋሚ አስፈርሞታል።

    የቀድሞ የፈረሰኞቹ የአማካይ ስፍራ ተጫዋች ከክለቡ ጋር እስከ 2011 ዓ.ም ለሁለት አመት የሚያቆየውን ፊርማ አኑሯል።

    ፈረሰኞቹ ከታደለ ዝውውር ባለፈ የክለቡ የአማካይ ስፍራ ተጫዋች የሆነው የናትናኤል ዘለቀን ውልም አራዝመዋል።

    ናትናኤል ሰኔ 30 የተጠናቀቀውን ውሉን ለቀጣዮቹ ሁለት አመታት ነው ያራዘመው።

    የፕሪሚየር ሊጉ አሸናፊ ክለብ ቅዱስ ጊዮርጊስ ከዚህ ቀደም የደጉ ደበበ፣ በሃይሉ አሰፋንና ምንተስኖት አዳነን ኮንትራት ማራዘሙ የሚታወስ ነው።

    በሌሎች የሃገር ውስጥ የዝውውር ዜናዎች ደግሞ ዘንድሮ ወደ ፕሪሚየር ሊጉ ያደጉት ወልዋሎ አዲግራት ዩኒቨርሲቲና መቐለ ከተማ ክለባቸውን እያጠናከሩ ነው።

    ወልዋሎ ስድስት አዳዲስ ተጫዋቾችን ሲያስፈርም፥ የኢትዮ ኤሌክትሪኩን አማካይ ዋለልኝ ገብሬን፣ ቢንያም አየለን ከአዳማ ከተማ እና ተስፋዬ ዲባባን ከድሬዳዋ ከተማ አስፈርሟል።

    የባህር ዳር ከተማውን ግብ ጠባቂ ዘውዱ መስፍን እንዲሁም እዮብ ወልደማርያምን ደግሞ ከአማራ ውሀ ስራ ማስፈረም ችሏል።

    ከዚህ ባለፈም በውድድር አመቱ አጋማሽ ከድሬዳዋ ከተማ በውሰት ያመጡትን አሳሪ አልመሀዲን በቋሚነት አስፈርመዋል፡፡ 

    ወልዋሎ ከቀናት በፊት የግራ መስመር ተከላካዩ ሮቤል ግርማን በሁለት አመት ኮንትራት ሲያስፈርም፥ የበረከት አማረ፣ ሳምሶን ተካ እና ኤፍሬም ጌታቸውን ውልም አድሷል።

    ሌላኛው የፕሪሚየር ሊግ ተሳታፊ ክለብ የሆነው መቐለ ከተማ ጫላ ድሪባ እና ታደለ ባይሳን የግሉ አድርጓል፡፡

    ጫላ ድሪባን ከወልዲያ እንዲሁም የመሃል ተከላካዩ ታደለ ባይሳን ከፋሲል ከነማ የግሉ ማድረግ ችሏል።

     

    ምንጭ:- ኤፍ ቢ ሲ(FBC)

     

     

    Read more
  • SPORT: ኔይማር / የአለም ውዱ ተጫዋች የዝውውር ሂደት ዝርዝር ጉዳይና ባርሴሎና በማን ሊተካው ይችላል?

                                                     

    ኔይማር ትናንትና ጠዋት በባርሴሎና የልምምድ ማዕከል ተገኝቶ መደበኛ ልምምዱን እንደሚቀጥል ሲጠበቅ ወኪሉ ሆነው በሚያገለግሉትና ውለታ በማያውቁት አባቱ ቀንደኛ ገፋፊነት መሰረት የካታላኑን ክለብ ልቀቁኝ ብሎ ጠይቋል።

    የስፔኑ ታላቅ ክለብም ልቡ የሸፈተውን ተጫዋች በግድ ማቆየት ከጥቅሙ ይልቅ ጉዳቱ ስለሚያመዝን ብራዚላዊው የ 25 ተጫዋች ክለቡን ለቆ እንዲሄድ ፍቃድ መስጠቱን በመግለፅ በይፋ ማረጋገጫ ለመስጠት ተገዷል።

    በብራዚላዊው ተጫዋች ሰሞነኛ ተግባር ብዙዎቹ የባርሴሎና ቡድን አጋሮቹ ቢበሳጩም ወደ ባርሴሎና የመመለሱን ነገር ሰምተው በልምምድ ላይ ስለመጪው ጊዜው እንዲነግራቸው ሰብሰብ ብለው በጉጉት ሲጠይቁትም ምንም ሳይሸማቀቅ ስንብቱን አርድታቸዋል። 

    ከካታላኑ ክለብ ያፈተለከው ይፋዊ መግለጫ “ኔይማር ጁኒየር ከአባቱና ከወኪሉ ጋር በመሆን ጠዋት ላይ በክለባችን ፅህፈት ቤት ተገኝቶ ባደረግነው ስብሰባ ላይ የመልቀቅ ውሳኔውን አሳውቆናል።

    “ከዚህ የተጫዋቹ አቋም ጋር በተያያዘም ክለባችን ለተጫዋቹ ውል ማፍረሻ አሁን ባለው ውሉ ላይ የተቀመጠውን 221 ሚሊዮን ዩሮ (196 ሚሊዮን ፓውንድ) ገቢ የሚያረግ ከተገኘ ፍቃደኞ መሆናችንን አሳወቅናቸዋል።” ሲል ተነቧል።

    ከባርሴሎና መግለጫ በኋላም የዚህን የያዝነውን የክረምት በትልቁ አጨናንቆ የሰነበተው የዝውውር ጭምጭምታም በዚህ ሳምንት መጨረሻ በ 196 ሚሊዮን ፓውንድ የአለም ሪከርድ ዋጋ መቋጫ እንደሚያገኝ በብዙዎች ተስፋ ተጥሎበት ተጫዋቹ ለህክምና ምርመራ ማምራቱ ተነግሯል። 

    ከሰሞኑ የኔይማርን ቀጣይ እጣ ፈንታ ለማወቅ የኒው ካምፕ ስብስብ አባላት ጆሯቸውን አቁመው የሰነበቱ ሲሆን የመሀል ሜዳው የቡድኑ ሞተር አንድሬስ ኢኔስታ ከዚህ ቀደም በሰጠው አስተያየት ክለቡ ተጫዋቹን ሸጦ ከሚያገኘው 200 ሚሊዮን ፓውንድ ይልቅ የቀደሞው የሳንቶስ አጥቂ በክለቡ ቢቆይ ያለውን ጥቅም ማስረዳቱ ይታወሳል። 

    በሌላ በኩል ጄራርድ ፒኬ “እሱ ይቆያል” ከሚል ማጀቢያ ፅሁፍ ጋር ከኔይማር ጋር የተነሳውን ምስል በትዊተር ገፁ ለቆ የነበረ ቢሆንም በኋላ ላይ ግን ሁነቱ እውነታው የሚገልፅ ሳይሆን የራሱ ፍላጎት እንደሆነ ለማብራራት ተገዷል።

    ለዚህ ፅሁፍ አቅራቢ ውሀ የማያነሳ ምክንያት ቢሆንም ብዙዎች ብራዚላዊው ኮከብ ከሜሲ ጥላ ስር ለመውጣት በሚል የካታላኑን ክለብ እንደሚለቅ ምለው ሲከራከሩ የሰነበቱ ሲሆን በዚህም ተባለ በዚያ ግን ኔይማር በአምስት አመታት ቆይታው በ 54 ሚሊዮን ፓውንድ አመታዊ ክፍያ የ 270 ሚሊዮን ፓውንድ ውል በፖሪሱ ክለብ ቀርቦለታል። 

    ይህ በነዳጅ ዘይት ገንዘብ በከበረው የኳታር ስፖርት ኢንቨስትመንት በተሰኘው ተቋም የሚሾፈረው ፒኤስጂ የዝውውሩን ሙሉ ወጪ የሚችል ሲሆን ኔይማር በፈረንሳዩ ክለብ የሁሉ ነገር መነሻ ዋና ምልክት (central figure) እንደሚሆን ሀሳብ የሰነቀ ሲሆን አንድ ጊዜ ብቻ ከፈረንሳይ ሊግ የባለንዶር ሽልማት ከተነሳበት የአውሮፓ አምስተኛውና ደካማው ሊግ ላይ ተቀምጦ የአለም ኮከብነት ምርጫን እንደሚያገኝ እያለመ ይገኛል።

    በዚህ ብዙዎችን ጥርስ ባናከሰው ዝውውር የላሊጋው አስተዳዳሪ አካል ጭምር የፈረንሳዩ ክለብ ተጫዋቹን ትልቅ ገንዘብ አውጥቶ የመውሰድ ምንም አይነት ህጋዊ ምክንያት እንደሌለው በመግለፅ ከስልጣኑ ውጪ ተጫዋቹን በስፔን ለማቆየት ሲውተረተር ታይቷል። 

    ወጣም ወረደም በቀጣይነት በባርሴሎና ቤት ህይወት ከኔይማር ውጪ ሽክርክሪቷን ትቀጥላለች። ለብራዚላዊው ተጫዋች ምትክነትም አንቶኒ ግሪዝማን፣ ፊሊፔ ኩቲንሆ እና ሙሳ ዴምቤሌ አይነት ኮከቦች በተለያዩ መገናኛ ብዙሀን ስማቸው እየተጣለ እየተነሳ ይገኛል። 

    እዚህ ላይ የግሪዝማንን በተተኪነት መካተት በተጫዋቹና በአትሌቲኮ ማድሪድ ቤት ካሉ ወቅታዊ ምክንያቶች አንፃር እንደማያስኬድ አስበን ወደ ሌሎቹ ስናነጣጥር ከዚህ ቀደም በቀላሉ የቀረበለትን የዝውውር ሂሳብ የሚቀበለው ሊቨርፑል በኩቲንሆን ዙሪያ ጥያቄን እንደማያስተናግድ በሩን መዝጋቱ የተጫዋቹን የኔይማር ተተኪነት እድል ማጥበቡን ያስመለከተናል። 

    በክሎፕ በጥብቅ የሚፈለገውንና ከባርሴሎና ይልቅ ፒኤስጂን መርጦ  እንዲቀላቀል በሀገሩ ልጅና በልብ ጓደኛው ኔይማር በዋትሳፕ መልዕክት ሳይቀር የተነገረው ኩቲንሆን ለማግኘት በዚህ ክረምት ለባርሴሎና ትልቅ ፈተና እንደሚሆነው ይታሰባል።

    በቀጣይ ከኔይማር ያልተጠበቀ ዝውውር በፊት ጀምሮ የባርሴሎና የዝውውር ኢላማ የሆነውን የቦርሲያ ዶርትሙንዱን የ 20 አመት ታዳጊ ኦስማን ዴምቤሌን እንደ ሶስተኛ አማራጭነት ቀርቦ ስሙ በተደጋጋሚ ሲገልፅ የሚሰማ ከሆነ ዋል አደር ብሏል። 

    ነገርግን ደምቤሌ ካለው የእግር ኳስ ብስለት ደረጃና እድሜ አንፃር በኔይማር መልቀቅ የሚፈጠረውን ክፍተት ለባርሴሎና በበቂ ሁኔታ እንደማይሸፍንለት ግልፅ ሲሆን የቡንደስሊጋው ክለብም ተጫዋቹን በቀላሉ የሚለቅ አይነት አይደለም። 

    እዚህ ላይ ኔይማርን በሚገባ መተካት የሚችል፣ በሚገባ የተፈተነ እና ትልቅ ደረጃ ላይ የደረሰውን የጁቬንቱሱን የፊት መስመር ኮከብ ፓውሎ ዳይባላ ላይ ትኩረት ማድረግ ለካታላኑ ክለብ በኔይማር መልቀቅ የሚፈጠርበትን ወቅታዊና የማያዳግም ክፍተት ለመቅረፍ ተገቢ ምላሽ ይመስላል። 

    በእርግጥ አርጀንቲናዊው አጥቂ ሜሲን በዋነኛ ፊት አውራሪነት በሚጠቀመውና ኳስን ቶሎ ቶሎ ወደካታላኑ ክለብ 10 ቁጥር ወደሚያደርሰው የባርሴሎና ስብስብ መቀላቀልን ላይፈልግ ቢችልም የዝውውር ጥያቄ ከቀረበለት ከአለም ምርጡ የሀገሩ ተጫዋች ጋር በአንድ ቡድን ለመጫወት የሚመርጥ ይመስላል። 

    በሌላ በኩል ተጫዋቹ በአዲስ ሊግ ለመፈተንና የእግር ኳስ ደረጃውን ከፍ ለማድረግ ከሚኖረው ፍላጎት አንፃር እንዲሁም ደግሞ ዳይባላ ለካታላኑ ክለብ አይነት ኳስ ይዞና በትልቁ መስርቶ ለሚጫወት ቡድን ትክክለኛው የማጥቃት ሀይል የመሆኑ ነገር ባርሴሎና ከኔይማር ዝውውር የሚያገኘውን ገንዘብ ግማሽ ያህሉን ለአሮጊቶቹ አጥቂ ቢመድብ ተገቢ መሆኑን እንድንቀበል ያደርገናል።

    በእርግጥ ጁቬንቱሶች ግሽበት በመታው እንዲሁም ደግሞ የከዚህ ቀደም የአለም ሪከርድን ሶስት እጥፍ የሚሆን ገንዘብ ለኔይማር መከፈሉን ሲያውቁ በዳይባላ ላይ የለጠፉትን የከዚህ ቀደም ዋጋ እንደሚያንሩት የሚጠበቅ ቢሆንም የካታላኑ ክለብ ስኬታማ ድርድር ማድረግ ከቻለ 150 ሚሊዮን ፓውንድ ባልፈጀ ዋጋ ተጫዋቹን በእጁ ማስገባት ይችላል። 

                    የአለም ውድ የዝውውር ዋጋዎች 

    1,000 ፓውንድ አልፍ ኮመን (1905) / እንግሊዛዊው አጥቂ ከዛሬ 112 አመት በፊት ከሚድልስብራ ሰንደርላንድን በጊዜው ሪከርድ አራት አሀዞች ዋጋ ተቀላቀለ። 

    10,890 ፓውንድ ዴቪድ ጃክ (1928) / ቦልተኑ ለእንግሊዛዊው የፊት መስመር ኮከብ ዝውውር 13,000 ፓውንድ ቢጠይቅም የጊዜው ውድ አጥቂ ከወንድረድስ ፍላጎት ባነሰ ዋጋ አርሰናልን ተቀላቀለ። 

    23,000 ፓውንድ : ቤርናቤ ፌሬራ (1932) / አርጀንቲናዊው ተጫዋች ቲግሬን በመልቀቅ ሪቨርፕሌትን የተቀላቀለና የመጀመሪያው እንግሊዛዊ ዜግነት የሌለው የአለም የዝውውር ሪከርድን የሰበረ ተጫዋች ሆነ።

    152,000 ፓውንድ : ሊውስ ሱሀሬዝ ሚራሞንተስ (1961) / ስፔናዊው አማካኝ በጊዜው ትልቅ ግርምትን በፈጠረ ዋጋ ከኢንተር ሚላን ባርሴሎናን ተቀላቀለ።

    1.2 ሚሊዮን ፓውንድ : ጁሴፔ ሳቮልዲ (1975) / በወቅቱ ለሀገሩ ጣሊያን ገና አራት ጨዋታ ብቻ ያደረገውና ናፖሊን በመልቀቅ ቦሎኛን የተቀላቀለው ሳቮልዲ የመጀመሪያው በሚሊዮኖች ዋጋ የተዘዋወረ ተጫዋች ሆነ።

    3 ሚሊዮን ፓውንድ : ዲያጎ ማራዶና (1982) / ማራዶና ከቦካ ወደ ጁቬንቱስ ሲያመራ የሰበረውን የአለም የዝውውር ሪከርድ ዋጋ በ 1984 ወደ ናፖሊ ሲያመራ በድጋሚ በአምስት ሚሊዮን ፓውንድ ዋጋ እንደሰበረው አይረሳም።

    15 ሚሊዮን ፓውንድ : አለን ሺረር (1996) / የእንግሊዝ ፕሪምየር ሊግ የ 1996 አውሮፓ ዋንጫ ኮከብ የነበረውን አጥቂ በሪከርድ ዋጋ ከኒውካስትል ወደ ብላክበርን በማዘዋወር የገንዘብ ጡንቻው እየፈረጠመ እንደሚሄድ ለአለም አሳየ።

    21.5 ሚሊዮን ፓውንድ : ዴኒልሰን (1998) / ብራዚላዊው ከሳኦ ፖሎ ወደ ሪያል ቤትስ ያደረገው ዝውውር አይን ገላጭ የነበረ ቢሆንም ዴኒልሰን የነበረውን የወጣትነት እምቅ ችሎት በስፔኑ ክለብ በሚገባ ማሳደግ ሳይችል ቀርቷል።

    37 ሚሊዮን ፓውንድ : ሊውስ ፊጎ (2000) / የፖርቹጋላዊው ጨዋታ አቀጣጣይ ከባርሴሎና ወደ ማድሪድ ያደረገው ሪከርድ ሰባሪ ዝውውር የሁሉ ነገር መነሻ የጋላክቲኮስ ዘመን መባቻ ሆኖ ተመዝግቧል።

    89 ሚሊዮን ፓውንድ : ፖል ፖግባ (2016) / ፈረንሳዊው ተጫዋች ጁቬንቱስን ለቆ የቀድሞ ክለቡን ማንችስተር ዩናይትድን ተቀላቀለ።

    198 ሚሊዮን ፓውንድ : ኔይማር (2017) / ብራዚላዊው ኮከብ የአለምን የከዚህ ቀደም የዝውውር ሂሳቦች የሚያኮስስ እጅግ ትልቅ ከመጠን በላይ ገንዘብ ሊወጣበት ከባርሴሎና መውጫ በር ላይ ቆሟል። 

    ምንጭ:- ኢትዮአዲስ ስፖርት

    Read more
  • SPORT: ማንችስር ሲቲ ቤንጃሚን ሜንዲን ከሞናኮ ማስፈረሙ ተረጋገጠ::

                                        

    ማንችስተር ሲቲ ፈረንሳያዊውን ቤንጃሚን ሜንዲን በአምስት ዓመታት የኮንትራት ስምምነት ማስፈረሙንና 22 ቁጥር መለያ ለብሶ እንደሚጫወት በድረገፁ በይፋ ገልፅዋል።

    የ23 ዓመቱ የግራ መስመር ተከላካይ ሜንዲ በአሜሪካ የቅድመ ልምምድ የውድድር ዝግጅት ጉዞ ላይ የሚገኘውን የፔፕ ጋርዲዮላውን ቡድን እንደሚቀላቀልም ክለቡ ገልፅዋል።

    ሲቲ ለተከላካዩ 52 ሚ.ፓ የዝውውር ክፍያ እንደከፈለ ከእንግሊዝ የወጡ ዘገባዎች ያመለከቱ ሲሆን፣ በዚህም መሰረት ሲቲ ለክረምቱ ዝውውር 200 ሚ.ፓ ወጪ በማድረግ በአንድ የዝውውር መስኮት ከፍተኛ ወጪ በማውጣት የዓለም ክብረወሰንን መስበር ችለዋል።

    ባለፈው ክረምት የሊዮናርዶ ጃርዲሙን ክለብ ሞናኮን በአምስት ዓመት ስምምነት ተቀላቀሎ የነበረው ሜንዲ በፈረንሳዩ ክለብ ለአንድ ዓመት ቆይታ ካደረገ በኋላ “ማንችስተር ሲቲን በመቀላቀሌ ተደስቻለሁ።” ሲል ዜጎቹን በመቀላቀሉ የተሰማውን ስሜት ገልፃ “እነሱ ከአውሮፓ መሪ ክለቦች መካከል የሚመደቡ ናቸው። እንደፔፕ ጋርዲዮላ ያለ በማጥቃት ላይ ላመዘነ አጨዋወት ከፍተኛ መስዋዕትነት የሚከፍል አሰልጥኝ አላቸው።

    “እርግጠኛ ነኝ በቀጣዮቹ ጥቂት ዓመታት ውስጥ ስኬታማ እንሆናልን።” ሲል ገልፅዋል።

    ሜንዲ ሞናኮዎች በሁሉም ውድድሮች ላይ 159 ግቦችን ከመረብ ላይ በማስረፍ የሊግ 1 ክብርን ሲቀዳጁና በሻምፒዮንስ ሊጉ እንዲሁም በፈረንሳይ ዋንጫ እስከ ግማሽ ፍፃሜ ድረስ እንዲበቁ ያስቻላቸውን በማጥቃት ላይ የተመሰረተ አጨዋወት እንዲኖራቸው በግራ ክንፍ በኩል ቁልፍ ሚና ነበረው።

    ምንጭ:- ኢትዮአዲስ ስፖርት

    Read more
  • SPORT: ጁቬንቱስ የበርናንዲችን ዝውውር ማጠናቀቁ ተረጋገጠ::

                                     

    ጁቬንቱስ በአምስት አመታት የውል ስምምነት ፌደሪኮ በርናንዲችን ከፊዮረንቲና በ 35.7 ሚሊዮን ፓውንድ ማስፈረሙን ማረጋገጫ ሰጥቷል።

    በፖላንድ በተደረገው ከ 21 አመት በታች የአለም ሻምፒዮና ሀገሩ ጣሊያንን ወክሎ መጫወት የቻለው በርናንዲች የቱሪኑ ክለብ ፒኤስጂን በወዳጅነት ጨዋታ ከማስተናገዱ በፊት በዛሬው ዕለት ማክሰኞ ወደ አሜሪካ ቦስተን ከተማ በማምራት አዲሱ ቡድኑን ይቀላቀላል። 

    ጁቬንቱስ የተስፈኛውን ታዳጊ ዝውውር አስመልክቶ በድረገፁ በለቀቀው መግለጫ በተከታዮቹ ሶስት አመታት ለተጫዋቹ ዝውውር 40 ሚሊዮን ዩሮ ለመክፈል መስማማቱንና በቀጣይ ተጫዋቹ በቱሪኑ ክለብ የሚሸጥ ከሆነም ለፊዮረንቲና የሚከፈለው ክፍያ በ 10 በመቶ እንዲያድግ ከስምምነት ላይ መደረሱን አያይዞ ገልጿል። 

    በቱስካኒ የተወለደው በርናንዲሽ በዘጠኝ አመቱ የፊዮረንቲና ታዳጊ ቡድንን የተቀላቀለ ሲሆን በተፈጥሮ ባለው የማጥቃት ክህሎትም በላ ቪዮላ አካዳሚ በስኬት አልፎ እዚህ ደረጃ ላይ ደርሷል። 

    ጁቬንቱስ በርናንዲሽን ለማስፈረም የቻለው የቼኩን ተጫዋች ፓትሪክ ሺቺክን ለማዘዋወር የነበረውን ስምምነት ካፈረሰ በኋላ መሆኑ ይታወቃል።  

    ምንጭ:- ኢትዮአዲስ ስፖርት

    Read more
  • SPORT: የአፍሪካ ዋንጫ ተሳታፊ ሀገራት ቁጥር ከ16 ወደ 24 እንዲያድግ ተወሰነ::

                                                 

    በዳዊት በጋሻው

     እንደ አውሮፓውያን አቆጣጠር በ2019 በካሜሩን ከሚካሄደው የአፍሪካ ዋንጫ ጀምሮ በውድድሩ የሚሳተፉ አገራት ቁጥር እንዲጨምር ተወሰነ።

    የአፍርካ እግር ኳስ ኮንፌዴሬሽን (ካፍ) በሞሮኮ ባደረገው ስብሰባም የአፍሪካ ዋንጫ ከቀጣዩ ውድድር ጀምሮ በ24 ቡድኖች መካከል እንዲደረግ ወስኗል።

    በመሆኑም ካሜሩን ከምታዘጋጀው የ2019 የአፍሪካ ዋንጫ ጀምሮ 24 የአፍሪካ አገራት ቡድኖች በአንድ የውድድር መድረክ ተሳታፊ ይሆናሉ።

    ይሁንና ለአዘጋጇ ካሜሩን ተጨማሪ የቤት ስራ ይሆንባታል እየተባለ ነው። ምክንያቱም ዝግጅት የምታደርገገው ቀድሞ ለታሰበው 16 ቡድኖች በመሆኑ።

    የዓለም አቀፉ እግር ኳስ ፌዴሬሽኖች ማህበር ፕሬዚዳንት ጂያን ኢንፋንቲኖ፥ በዓለም ዋንጫና በአህጉራዊ ውድድሮች የተሳታፊ ሀገራት ቁጥር ይጨምራል የሚል ቃል ገብተው ነበር።

    በዚህም መሰረት የዓለም ዋንጫ ተሳታፊ ሀገራት ቁጥር ከ32 ወደ 48 እንዲያድግ ባለፈው ጥር ወር መወሰኑም የሚታወስ ነው።

    ካፍ የተሳታፊ አገራትን ቁጥር እንዲጨምር ከመወሰኑም በላይ ውድድሩ የሚካሄድበትን ወቅትም እንዲቀየር ወስኗል።

    በዚህም መሰረት ጥርና የካቲት ላይ ሲካሄድ የነበረው የአፍሪካ ዋንጫ ከ2019 የአፍሪካ ዋንጫ ጀምሮ ሰኔና ሃምሌ ላይ ይካሄዳል።

    ውድድሩ በክረምት ወራት መካሄዱ በተለይም ክለቦች ተጫዋቾቻው ለብሔራዊ ቡድኖቻቸው ጨዋታ ሲጠሩ ለመልቀቅ ለሚቸገሩ የአውሮፓ ክለቦች አስደሳች መሆኑ እየተነገረ ነው።

    አስተያየታቸውን የሰጡ የአፍሪካ ተጫዋቾች ወኪሎች ውድድሩ በክረምት እንዲካሄድ መወሰኑ ትክክል መሆኑን አንስተዋል።

    የአፍሪካ እግር ኳስ ኮንፌዴሬሽን የካሜሩንን ዝግጅት በተመለከተ በቀጣዩ መስከረም ገምጋሚ ቡድን ይልካል ተብሏል።

    የሀገሪቱ ስፖርት ሚኒስትር ካሜሩን ከደህንነትና ከጸጥታ እንዲሁም ከሌሎች ጉዳዮች ጋር በተያያዘ ከፍትኛ ትኩረት ሰጥታ እየሰራች መሆኑን ገልፀዋል።

    ምንጭ፦ ምንጭ:- ኤፍ ቢ ሲ(FBC)

    Read more
  • የቀድሞው የፊፋ ስራ አስፈጻሚ አባል ብሌዘር ከዚህ አለም በሞት ተለዩ

    በዓለም አቀፉ የእግር ኳስ ፌዴሬሽኖች ማህበር (ፊፋ) ስራ አስፈጻሚነትን ጨምሮ በሌሎች የሃላፊነት ቦታ ላይ የሰሩት ቼክ ብሌዘር በ72 ዓመታቸው ከዚህ ዓለም በሞት ተለዩ።

    ከካንሰር ህመማቸው ጋር ሲታገሉ የቆዩት ብሌዘር፥ በተወለዱ በ72 ዓመታቸው ከዘህ ዓለም መለየታቸውን ጠበቃቸው አስታውቋል።

    ከ1997 እስከ 2013 ድረስ የፊፋ ስራ አስፈጻሚ ኮሚቴ አባል በመሆን ያገለገሉት ብሌዘር፥ ከ1990 እስከ 2011 የሰሜንና መካከለኛው አሜሪካ እግር ኳስ ፌዴሬሽን ዋና ጸሀፊ እንዲሁም የአሜሪካ እግር ካስ ፌዴሬሽን ምክትል ስራ አስፈጻሚ በመሆን አገልግለዋል።

    ብሌዘር ከፊፋ በተጨማሪም የሰሜንና መካከለኛው አሜሪካ እግር ኳስን በበላይነት መምራታቸው ይታወሳል።

    ግለሰቡ ከሙስና ጋር በተያያዘ እንደ አውሮፓውያኑ አቆጣጠር በ2015 ጀምሮ ከማንኛውም እግር ኳሳዊ እንቅስቃሴ መታገዳቸው ይታወሳል።

    በህገ ወጥ የገንዘብ ዝውውር፣ ሙስና እና ከግብር ስወራ ጋር በተያያዘ ተሳትፎ አድርገዋል በሚል ነበር እድሜ ልክ ከእግር ኳሳዊ እንቅስቃሴ የታገዱት።

    ብሌዘር የቀድሞው የፊፋ ፕሬዚዳንት ዮሴፍ ሴብ ብላተር ከሃላፊነታቸው እንዲነሱም አስተዋጽኦ እንደነበራቸው ይነገራል።

    በግለሰቡ ዙሪያ አስተያየት የሚሰጡ ደግሞ በእግር ኳስ የተወዛገበ ታሪክ እንዳላቸው ይናገራሉ።

    ምንጭ፦ FBC

     

    Read more
  • በ10ኛው የአለም ከ18 አመት በታች አትሌቲክስ ሻምፒዮና ኢትዮጵያ የወርቅ እና ነሃስ ሜዳልያ አግኝታለች

    10ኛው የአለም ከ18 አመት በታች አትሌቲክስ ሻምፒዮና ትናንት በኬንያ ናይሮቢ ሲጀመር ኢትዮጵያ የመጀመሪያውን የወርቅ ሜዳልያ አግኝታለች።

     ኢትዮጵያ በ3 ሺህ ሜትር ሴቶች ነው የወርቅ እና የነሃስ ሜዳልያ ያገኘችው።

     ውድድሩን አበራሽ ምንስዎ በ9 ደቂቃ ከ24.62 ሰከንድ በቀዳሚነት አጠናቃለች።

     ይታይሽ መኮነን ደግሞ በ9 ደቂቃ ከ28.46 ሰከንድ ሶስተኛ ሆና ጨርሳለች።

     ኬንያዊቷ ኢማኩሌቴ ቼፕክሩይ በ9 ደቂቃ ከ24.69 ሰከንድ አበራሽን ተከትላ ገብታለች።

     ሻምፒዮናው ዛሬም ሲቀጥል በሴቶች 400 ሜትር ግማሽ ፍፃሜ አትሌት ሀና አምሳሉ 6 ሰአት ከ15 ላይ ኢትዮጵያን ወክላ ትወዳደራለች።

     በወንዶች 400 ሜትር ደግሞ በማጣሪያው ከምድቡ 1ኛ ሆኖ ያለፈው መልካሙ አሰፋ 6 ስአት ከ45 ሰዓት ላይ በሚካሄደው የግማሽ ፍጻሜ ውድርር ላይ ይሳተፋል።

     ከሰሃራ በታች ለመጀመሪያ ጊዜ በተዘጋጀው በዚህ ሻምፒዮና ኢትዮጵያ በአንድ የወርቅ እና አንድ የነሃስ ሜዳልያ ሁለተኛ ደረጃን ይዛለች።

     ደቡብ አፍሪካ ደግሞ በአንድ የወርቅ እና አንድ የብር ሜዳልያ የደረጃ ሰንጠረዡን እየመራች ነው::

     

    Read more
  • SPORT: አስደንጋጭ ዜና-- አይቮሪኮስት ተጫዋቿን በልብ ህመም ሜዳ ላይ በሞት ተነጠቀች

    በቻይና ሲጫወት የነበረው የቀድሞ የኒውካስትሉ አማካይ ቼክ ቲዮቴ በልብ ህመም ሜዳ ላይ ወድቆ ህይወቱ ካለፈ በኋላ በአንድ ወር ጊዜ ውስጥ አይቮሪኮስት በተመሳሳይ የልብ ህመም ሜዳ ላይ ሌላኛውን ተጫዋቿን በሞት ተነጠቀች።

     የቀድሞ የአሴክ ሚሞሳክ ተጫዋች የነበረው ኢውግን ኮፊ ኩዋሜ ኩማሲ ስታድየም ላይ በነበረ ጨዋታ ላይ ተዝለፍልፎ በመውደቅ ህይወቱ ሊያልፍ ችሏል።

     በምስራቅ አፍሪካ ላይ ይበልጥ ትኩረቱን አድርጎ የሚሰራው ሶካ ኢስት ባወጣው መረጃ መሰረት ተጫዋቹ ከጓደኞቹ ጋር በመጫወት ላይ እያለ ተዝለፍሎ ሜዳ ላይ ወድቋል።በፍጥነት ወደ ሆስፒታል ቢወሰድም ህይወቱን ለማትረፍ የተደረገው ሙከራ ውጤታማ ሳይሆን ቀርቷል።

     ክለቡ የቱርኩ እጊሪዲስፓር ኢውግን ኮፊ ኩዋሜ በልብ ህመም በመጠቃቱ ሜዳ ላይ ወድቆ ህይወቱ ማለፉ በማሳወቅ ለቤተሰቦቹ መጽናናትን በመመኘት የተሰማቸውን ሀዘን ገልጸዋል።

     አይቮሪኮስት በቻይና ቤጂንግ ኢንተርፕራይዝ ይጫወት የነበረው ቼክ ቲዮቴን በልምምድ ላይ ሜዳ ላይ ወድቆ ህይወቱ ካለፈች ከወር በኋላ ኢውግን ኮፊ ኩዋሜ ሌላኛው አይቮሪኮስታዊ ሜዳ ላይ ህይወቱ ያለፈች ተጫዋች መሆን ችሏል።

     አፍሪካ በተመሳሳይ የልብ ህመም ተጫዋቾቿ እየተቀጠፉ መሄዳቸው የቀጠሉ ሲሆን ይህንን ለመቆጣጠር ፊፋ አዲስ መመሪያ ለማውጣት እየተዘጋጀ እንደሚገኝ ተሰምቷል።

    ምንጭ: ዕዮብ ዳዲ

    ethioaddissport.com

     

     

     

    Read more
  • SPORT:የ28 ዓመቱ የአርሰናል አጥቂ ቲዎ ዋልኮት ወደ ዌስት ሃም ሊያመራ ይችላል።በርካታ የዝውውር ዜናዎቸም ተካተዋል

    የቀድሞ አጥቂያቸው ዋይኔ ማርክ ሩኒን ከቀያይ ሰይጣኖቹ መልሰው የተረከቡት ኤቨርተኖች ፊታቸውን ወደ ስዋንሲው አማካይ ጊልፊ ሲጉርሰንን አዙረዋል።

    ኤቨርተን የ27 ዓመቱን አማካይ ሲጉርሰንን ለማስፈረም 32 ሚሊየን ፓወንድ አቅርቧል።

    ይህም ክለቡ በክረምቱ ተጫዋቾችን ለማዘዋወር የሚያወጣውን ገንዘብ ወደ 100 ሚሊየን ፓውንድ ያደርሰዋል ተብሏል። /ዴይሊ ሜል/

    የቤልጂየሙን አጥቂ ሮሜሉ ሉካኩን ለማዘዋወር ከክለቡ ጋር የተስማማውና አጥቂው ዋይኒ ሮኒን ወደ ቀድሞ ክለቡ የሸኘው ማንቸስተር ዩናይትድ ከፈረንሳይ ሊግ 1 ሌላ ተጫዋች ለማስፈርም እንቅስቃሴ መጀመሩ ተሰምቷል።

    በዚህም መሰረት የሞናኮውን አማካይ ቲሙኣ ባካዮኮን ወደ ኤልድትራፎርድ ለማዘዋወር 35 ሚሊየን ፓወንድ መድቧል።

    አማካዩ ወደ ቼልሲ ሊዛወር ነው ተብሎ ቢጠበቅም ማንቸስተር ዩናይትድ ግን የቼልሲን የዝውውር ኢላማ ለማክሸፍ ከሞናኮ ጋር መደራደር ጀምሯል ተብሏል። /ዴይሊ ስታር/

    አርሰናል ደግሞ ሌላኛውን የሞናኮ ተጫዋች ቶማስ ሌማርን ለማስፈረም ከ45 ሚሊየን ፓውንድ በላይ ገንዘብ መመደቡ ተነግሯል።

    መድፈኞቹ ለክንፍ ተጫዋቹ ከ30 እስከ 40 ሚሊየን ፓውንድ የመደቡ ሲሆን ሞናኮ ግን ከዚህ በላይ ገንዘብ እንደሚፈልግ መረጃዎች ያሳያሉ። /ዴይሊ ሚረር/

    የ28 ዓመቱ የአርሰናል አጥቂ ቲዎ ዋልኮት ወደ ዌስት ሃም ሊያመራ ይችላል የሚሉ መረጃዎች እየወጡ ነው።

    ተጫዋቹ በክለቡ ለቦታው ትልቅ ፍልሚያ ያደርጋል ተብሎ ቢጠበቅም በ20 ሚሊየን ፓወንድ ክለቡን ለቆ ወደ ዌስትሃም ሊዛወር እንደሚችል ተነግሯል። / ዴይሊ ስታር/

    የ27 ዓመቱ የአርሰናል ግብ ጠባቂ ዎቼክ ሼዝኒ ወደ ጣሊያን ሊያመራ እንደሚችልም ነው የተነገረው።

    ግብ ጠባቂው ከአርሰናል ጋር ለቅድመ ውድድር ጊዜ ወደ አውስትራሊያ አለማቅናቱ ወደ ጣልያኑ ቻምፒዮን ጁቬንቱስ ሊዘዋወር ነው የሚለውን ዜና እውን ያደርገዋል ይላሉ መረጃዎች። (ሰን)

    የቶተንሃሙ አሰልጣኝ ማውሪሲዮ ፖቼቲኖ በአርጀንቲናው ኢስቱዲያንቴስ ክለብ በተከላካይ መስመር የሚጫወተውን ዩዋን ፎይዝ ለማዘዋወር እየተንቀሳቀሱ ነው ተብሏል።

    ቶተንሃም የ19 አመቱን ተከላካይ በ10 ሚሊየን ፓውንድ ወደ ኋይት ሀርት ሌን ለማምጣት ከቀድሞው የማንቸስተር ዩናይትድ አማካይ እና የተጫዋቹ ወኪል ዩዋን ቬሮን ጋር እየተደራደረ መሆኑ ተሰምቷል። (ዴይሊ ሚረር)

    ኒውካስትል የኖርዊቹን አማካይ ጃኮብ መርፊ በ8 ነጥብ 5 ሚሊየን ፓውንድ ለማዘዋወር ጥረት እያደረገ መሆኑ ተጠቅሷል።

    ሳውዝአምፕተን እና ክሪስታል ፓላስም ተጫዋቹን የግላቸው ለማድረግ እየተንቀሳቀሱ ነው ተብሏል። (ዴይሊ ሚረር)

    ምንጭ፦ ቢቢሲ

     

    Read more
  • SPORT: ሊዮኔል መሲ ከሰርጉ የተረፉ ምግቦችና መጠጦችን በእርዳታ ለገሰ

    የባርሴሎናው ኮከብ ሊዮኔል መሲ ከሰርጉ በኋላ በሰርጉ ላይ ጥቅም ላይ ያልዋሉ ምግብና መጠጦችን ለእርዳታ ድርጅቶች በመለገስ ምንም ዓይነት ምግብ እና መጠጥ እንዳይወገድ ማድረገ መቻሉን የመሲ የትውልድ ከተማ የሆነችው ሮዛሪዮ የምግብ ማከማቻ ዋና ኃላፊ የሆኑት ፓብሎ አልጋሪያን ገልፀዋል።

    የእግርኳሱ ዝናኛ ሰው መሲ ባለፈው ሳምንት ከረጅም ጊዜ ፍቅረኛው አንቶኔላ ሮኩዞ ጋር በትውልድ ሃገሩ በትዳር ተሳስሯል።

    የባርሴሎና ክለብ አጋሮቹ ኔይማር፣ ልዊስ ስዋሬዝ እና ጄራርድ ፒኬ እንዲሁም ዳኒ አልቬስ፣ ሰርጂዮ አግዌሮ፣ ሴስክ ፋብሪጋዝ፣ ኤንጅል ዲ ማሪያ፣ ዣቪ እና ካርሎስ ፑዮል ባለፈው ሳምንት አርብ በተከናወነውና በሃገሪቱ መገናኛ ብዙሃን “የክፍለ ዘመኑ ምርጥ ሰርግ” የተሰኘውን የጋብቻ ስነስርዓት ለማድመቅ በስፍራው ከተገኙ በርካታ ከዋክብት መካከል ይጠቀሳሉ።

    ከዚህ ድል ካለ ሰርግም ጥቅም ላይ ያልዋሉ በርካታ ምግብና መጠጦች የተተርፈረፉ ሲሆን፣ ምስጋና በአምስት ጊዜያት የባሎን ዶር አሸናፊው እና በባለቤቱ ይሁንና እነዚህ የተረፉ ምግቦች ወደቆሻሻ ማከማቻ ሳይወገዱ ቀርተዋል።

    “ወደምግብ ማከማቻችን ደርሰው ወስደናቸዋል።” ሲሉ ኃላፊው አልግሪያን ለኤልፍ ሚዲያ ተናገረው “ምን ያህል መጠን እንዳላቸው እስካሁን አላወቅንም።

    “ለሰርጉ አዘጋጆች ለስላሳ መጠጦችንና ብስኩትና ጥብሳጥብሶችን ብቻ እንደምንቀበል ነግረናቸዋል። ነገር ግን የአልኮል መጠጦችን ግን ልንቀበል ስለማንችል ወደገንዘብ እንቀይራቸዋለን።” ሲሉ ተናግረዋል።

    የ30 ዓመቱ መሲ ከአዲሷ ሙሽራው እና ሁለት ልጆቹ ጋር በመሆን የጫጉላ ጊዜውን እያሳለፈ የሚገኝ ሲሆን፣ ከጫጉለው ሲመለስ ደግሞ በባርሴሎና እስከ2021 ድረስ የሚያቆየውን አዲስ የኮንትራት ስምምነት የሚፈርምም ይሆናል።

     

     

     

     

     

     

     

     

     

     

    Read more
  • SPORT: አሌክሳንደር ላካዜቲ በይፋ አርሰናልን ተቀላቀለ::

                             

    አሁን ጥያቄው ከ 2004 አንስቶ የፕሪምየር ሊግ ዋንጫ በናፈቀው አርሰናል ውስጥ ፈረንሳዊው አጥቂ ልዩነት መፍጠር ይችላል ወይ? ወይም ደግሞ በሌላ ቋንቋ ልዩነት ለመፍጠር የሚችል ጥራት ያለው አጥቂ ነው ወይ? የሚለው ሆኗል። 

    አርሰናል ሮቨን ቫምፐርሲን ለዩናይትድ አሳልፎ ከሰጠ ወዲህ ለትንሽ ጊዜያት የፊት አጥቂ ሲያፈላልግ ቆይቶ የሞንቴፕሌዩን ኦሊቬ ዢሩን አስፈርሟል። በእርግጥ ባሳለፍነው የውድድር ዘመን በ9 ቁጥር ሚና ላይ አሌክሲስ ሳንቼዝ የተጫወተባቸው ጊዜያት አሉ። በመጨረሻ ግን ቬንገር ወደ ኮሪደር ወጥቶ እንዲጫወት ስለሚፈልጉ ወደቦታው መልሰውታል። የቡድኑ የፊት መስመር መሪ በአብዛኛው ጀዢሩ ነበረ።

    ጂሩድ ለደጋፊዎች ተስፋ መቁረጥ መስበሪያና በአንዳንድ ወቅቶች ላይ አስደናቂ ብቃቶችን ማሳየት የሚችል አጥቂ ነው። ለዚህ ደግሞ በክሪስታል ፓላስ ላይ በጊንጥ (ስኮርፒዮን) ቅንጡ የአመታት ስልት ያስቆጠራት ግብ እንዲሁም ደግሞ ሚያዚያ 2014 ባማረ ንክኪ ዌስትሀም መረብ ላይ ያሳረፋትን ግብ መመልከት በቂ ነው። 

    ነገርግን ጂሩድ አርሰናልን የእንግሊዝ ምርጡ ቡድን ለማድረግ የሚችል የአለም ኮከብ አጥቂ ደረጃ ላይ ያለ ተጫዋች አይደለም። ላከዜቲስ ይህን ችግር የሚቀርፍ ጥራት ያለው አጥቂ ነውን? ቬንገር በዢሩ እንደማይተማመኑ ከዚህ ቀደም ፈረንሳዊው በኢምሬትስ አንደኛ አመቱን ባከበረበት ወቅት ሊውስ ስዋሬዝን ለማስፈረም በመሞከር አሳይተዋል። ሳንቼዝን ቦታ በመቀየር በፊት አጥቂነት የሞከሩበት ተግባርም አንዱ ማሳያ ነው። አሁን ደግሞ የሊዮኑን አጥቂ አምጥተው በዢሩ እንደማይተማመኑ በተግባር አሳይተውታል።

    አስደናቂው ነገር ዢሩድ የአንቶኒ ግሪዝማን ረዳት በሆነበት በዲዲየር ዴሻይ የፈረንሳይ ብሔራዊ ቡድን ስብስብ ውስጥ ላካዜቲ በቋሚ አሰላለፍ ውስጥ ለመግባት ቀርቦ አያውቅም። ሰኔ ሶስት ቀን ከፖራጓይ ጋር በነበረው ጨዋታ ላይ ሀትሪክ በሰራው ዢሩድ ተቀይሮ ወደሜዳ ሲገባም ከጥቅምት 2015 በኋላ የፈረንሳይን ማሊያ ያጠለቀበት የመጀመሪያ ጊዜ ነበር። 

    ዴሻምይ ለቀድሞው የሊዮን አጥቂ 2013 ላይ ከፖራጓይ ጋር በነበረው ጨዋታ የመሰለፍ እድል ቢሰጠውም በቋሚነት ሊያሰልፈው የቻለው ግን በ 11 ጨዋታዎች ላይ ብቻ ሲሆን ዢሩድ የቡድኑ ቁልፍ ሰው በነበረባቸው የ 2014 አለም ዋንጫና የ 2016 አውሮፓ ዋንጫ ላካዜቲ በቡድኑ አልነበረም። 

    ዴሻምፕ ግን ዢሩድን መምረጡ ላካዜቲን ያልፈለገ የሚመስል ስሜት መፍጠር እንደሌለበት ይናገራል። ሁለቱ ተጫዋቾች የተለያየ ባህሪ ያላቸው የ9 ቁጥር ተሰላፊዎች ናቸው። ጂሩድ የተለመደው አይነት የፊት መስመር ተጫዋች ሲሆን ላካዜቲ በበኩሉ ተንቀሳቃሽ ተጫዋች ነው። ለቡድኑ ሚዛን መጠበቅ ሲልም ዴሻምፕ ዢሩድን ይመርጣል።

    ከዚህ በተጨማሪም ዴሻምፕ ብዙ አማራጭ የፊት መስመር ተጫዋቾች አሉት። በዛ ላይ ደግሞ የፈረንሳይ ብሔራዊ ቡድኑ አለቃ ላካዜቲ ቋሚ ከሚሆን ይልቅ በተቀያሪነት ቢገባ የተሻለ ተፅዕኖ ያሳድራል የሚል አስተሳሰብ ሊኖረው እንደሚችል ይጠበቃል። 

    ላካዜቲ ባለፉት ሶስት አመታት በፈረንሳይ ሊግ አንድ ድንቅ ብቃት አሳይቷል። በሊዮን ቤት የሚገኙ አንዳንዶች ግን የእሱ ትልቁ ብቃት የታየው በ 2014-15 ከናቢል ፊኪር ጋር ባሳየው ጥምረት እንደሆነ ይናገራሉ። በዛ ወቅት ላካዜቲ የእግር ኳስ ችሎታውን ባሳደገበትና የሰዎችን ቀልብ በገዛበት የውድድር ዘመን በ 31 የሊግ ጨዋታዎች 27 ጎሎችን አስቆጥሮ ነበር። 

    ከዛም ቁጥሮቹ እድገታቸውን ቀጥለው በ 30 ጨዋታዎች ላይ 28 ጎሎችን በሁሉም ውድድሮች ላይ ባደረገው 45 ጨዋታ ላይ ደግሞ 37 ግቦችን አስቆጠረ። ከዚህ ቀደም በትልልቅ ጨዋታዎች ላይ የሚጠበቅበትን አላሳየም ተብሎ ሲተች የነበረው አጥቂ እራሱን ለትልቅ ተጫዋችነት አበቃ። 

    ቬንገርም በተጨዋቹ ብቃት አምነው ነበር። በአመቱ መጨረሻ ፈረንሳይ ከፓራጓይ፣ ስዊድንና እንግሊዝ ጋር በነበራት ጨዋታ ላይም ላካዜቲ እራሱን በትልቅ ደረጃ የሚያሳይበት እንደሚሆን ተጠበቀ።  ነገርግን ዴሻምፕ ትልልቅ ስም ያላቸውን ተጫዋቾች ማሰለፍ በመፈለጉ ላካዜቲን በቋሚነት ሳያሰልፍ ዘለለው። ይህ ሁኔታም የተጫዋቹን የዝውውር ሁኔታ ረበሸው።

    በመጨረሻ ግን ከክንፍ ተጫዋችነት ሚና ቀይሮ በፊት አጥቂነት ትልቅ ተፅዕኖ ማሳደር የቻለው በኳስ አገፋፍ፣ በስኬት መጠኑ፣ በጠንካራ ሰራተኛነቱ፣ በፍጥነቱና በቴክኒካል ብቃቱ እንዲሁም በጎል አነፍናፊነቱ የተለየውን አጥቂ አርሰናል በእጁ ማስገባት ችሏል። ላካዜቲ በአያን ራይት የተለመደውን በአንድ ሁለት ቅብብል የጎል ሳጥን ውስጥ መግባትን ይወዳል። ከዢሩድ የበለጠ ተንቀሳቃሽ በመሆኑ ባሳለፍነው ሚያዚያ በቬንገር ለተተገበረው የ 3-4-2-1 ሆነ የ 4-2-3-1 እና 4-3-3 አሰላለፍ መሆን የሚችል ተጫዋች ነው። 

    በሌላ በኩል ግን የላካዜቲ ተቺዎች ፈረንሳዊው አጥቂ የአለም ኮከብ አጥቂ የመሆን ብቃት ቢኖረው ኖሮ ሊዮንን የሚለቀው ከሁለት እና ሶስት አመታት በፊት እንደሆነ በመግለፅ ያስቆጠራቸው ግቦች ብዙ ፍፁም ቅጣት ምቶች ይበዙዋቸዋል ሲሉ ይከራከራሉ

    ምንጭ-ኢትዮአዲስስፖርት

    Read more
  • Meet the Dibabas: The Fastest Family on the Planet

     

     by CHLOE MALLE

    Ethiopia is a running-mad country—but it’s never seen anything like the Dibabas. Chloe Malle heads to Addis Ababa to meet the fastest family on the planet.

    The only sound at the top of the Entoto Mountains is the thwack of a cowherd’s staff against the tree trunks as he leads his small herd of oxen home. I am doing my best to keep pace with Tirunesh Dibaba, 30, and her younger sister, Genzebe, 25, two wisplike Ethiopians with wide smiles and a fiercely close bond who may be the most formidable female track stars in the world. In the late-afternoon light high above central Addis Ababa, we zigzag between the majestic eucalyptus trees, paying heed to the uneven ground below and staying alert for the not-uncommon hyena sighting—no problem, the sisters assure me, as long as you clap loudly and throw a rock in the animal’s direction.

    The Dibabas’ dominance in the field of distance running has captivated the track-and-field community. “There are a few running families, but not like the Dibabas,” says the Ethiopian track legend Haile Gebrselassie. These are the only siblings in recorded history to hold concurrent world records, and they are as charmingly unassuming in person as they are fearsome on the track. The sisters were raised three hours south of here, in a tukul, or round mud hut, without electricity—their parents subsistence farmers growing teff, barley, and wheat. Their mother, Gutu, credits her daughters’ success to a loving environment as well as a steady supply of milk from the family cows.

    In fact there are seven Dibaba siblings, and all of them run. “What the Dibabas have is what Serena and Venus have, except there are more of them,” says Ato Boldon, NBC’s track analyst. “It’s not a stretch to say they are the world’s fastest family.” Tirunesh is the most decorated, with three Olympic gold medals; Genzebe is tipped to win her first in Rio. Their older sister, Ejegayehu, 34, is an Olympian, too, with a silver from Athens, and their cousin Derartu Tulu was the first black African woman to win an Olympic gold, in the 1992 games. “World records, Olympic medals, world championships—the Dibabas’ accomplishments are unprecedented in this sport,” says Boldon.

    With Rio on the horizon, the focus is squarely on Tirunesh and Genzebe. This is Tirunesh’s comeback season after taking a year off to raise her now one-year-old son, Nathan; meanwhile, Genzebe had a record-breaking summer, decimating the competition in August’s world championships and winning IAAF’s Athlete of the Year award, a crowning glory in the sport. “Last year Genzebe was head and shoulders the best athlete in the world,” says race coordinator Matt Turnbull, who has worked with the Dibabas for almost a decade. “And with Tiru being out for so long now, people are excited to see what will happen. They’re a fiercely competitive family, and they really dictate the landscape.”

    Dibaba family distance runners
     

    Framed pictures fill the Dibaba family home in Addis Ababa.

    Photographed by Ron Haviv, Vogue, April 2016

    As modest (and petite) as the Dibabas are face to face, they are outsize celebrities on the chaotic, construction-clogged streets of Addis Ababa, where they travel by car to avoid being mobbed. Their arrival at their favorite restaurant, Yod Abyssinia, is greeted with hushed whispers (“Dee-ba-ba, Dee-ba-ba”) and reverential stares. The sisters duck under the restaurant’s theatrical thatched straw canopies and take a table against the wall, smiling patiently as a young man approaches and asks for a photo. Afterward Tirunesh takes out her iPhone 6 Plus—one of the few in the country, bought in Europe—her cerise-lacquered nails clacking against the screen as she swipes past the photo of chubby Nathan. For a night out, she’s neatly coordinated in skinny red jeans, a black blazer with white piping, and similarly duo-toned wedge sandals. She admits that she loves to shop when she is competing abroad, particularly on Newbury Street in Boston and at any Michael Kors store. Genzebe, who prefers Zara, compensates for her timidity with a sweet attentiveness. Her feet look tiny in black ballerina slippers with grosgrain bows over the toe box. She has replaced her Garmin GPS training watch with a gold one whose pavé diamond–ringed face takes up the entire width of her narrow wrist. Both women have braids in their thick hair and giggle while confirming that they share a hairdresser. Their respect and affection are obvious: Genzebe lives with Tirunesh, sharing a bedroom with her baby nephew, and when she becomes flustered following a question about her love life, Tirunesh protectively steers the conversation elsewhere. (For the record, Genzebe has a boyfriend, but he is not a runner, and she doesn’t want to talk about him.)

    World records, Olympic medals, world championships—the Dibabas’ accomplishments are unprecedented in this sportNBC’S ATO BOLDON

    When Tirunesh’s husband, fellow track-and-field Olympic medalist Sileshi Sihine, appears, cool and handsome in tailored jeans and a shawl collar cardigan, another frisson of excitement ripples through the room. His and Tirunesh’s 2008 wedding ceremony was a nationally televised event, drawing half a million people to the city’s main square, where Olympic races are broadcast to huge crowds. The bride wore a lace-embroidered bustier top and a millefeuille tulle ball skirt; the groom, an iridescent gray pin-striped morning suit—all purchased on a trip to Milan. They don’t remember the name of the clothier, “but one of the best,” Sihine says authoritatively. “We know people.” Restaurant patrons lock their eyes on us as Sihine slips onto the low wooden stool next to his wife, squeezing her knee in greeting.

    As the string notes of the krar fill the room and dancers take the stage to perform an Ethiopian eskista dance—a shoulder-snapping feat of timing and rhythm—I ask Tirunesh what music she likes to listen to. “Michael Jackson,” she answers with a sly smile. “He is my favorite,” the last word pronounced in three crisp syllables. At this Genzebe, breaking her shell of shyness, speaks up: “For me, Beyoncé.”

    Their status—and status symbols—marks a stark contrast between the Dibabas and most others in this still highly impoverished country. Yet Ethiopia has the fastest-growing economy in sub-Saharan Africa, and Addis, with its ubiquitous eucalyptus-pole scaffolding and ragged blue construction tarps, is a riot of development. Like many of the nation’s successful track stars, the Dibabas and their in-laws have invested their fortunes back into their city; they are burgeoning real estate tycoons, owning multiple buildings in the capital—including the five-star Tirunesh Hotel, slated to open this fall on Bole Road, the Fifth Avenue of Addis.

    Genzebe Dibaba, Tirunesh Dibaba, Sileshi Sihine distance runners
     

    Photographed by Ron Haviv, Vogue, April 2016

    Along with Kenya, Ethiopia is a powerhouse for turning out elite runners. According to David Epstein, author of The Sports Gene: Inside the Science of Extraordinary Athletic Performance, much of the two countries lies in an altitude “sweet spot”—around 6,000 to 9,000 feet. “High enough to cause physiological changes but not so high that the air is too thin for hard training,” Epstein says. As NBC’s Boldon explains, “When the Dibabas come down to sea level—I’m not going to say it’s like Superman coming from Krypton, but it is a version of that.” There’s also the Ethiopian diet, with its reliance on the iron- and calcium-rich grain teff, and the typical Ethiopian body type, petite and narrow, which is ideal for the sport: Tirunesh is five feet three and 110 pounds; Genzebe is five feet five and 115 pounds. “They have a lot of fight in a very small lightweight frame,” says Boldon.

    “If you compared them to a car, they would be a Ford Focus with a Ferrari engine.”

    Genzebe’s Ferrari engine is in top gear at Addis’s only track stadium for an 8:00 a.m. workout. The sun is already high overhead, and she is warming up with her nineteen-year-old sister Anna. They move at a focused, steady clip, their legs in sync, so that from across the track they look like one person, Anna’s smaller frame blending into Genzebe’s. As they speed up, moving seamlessly into sprints on the straightaways, Genzebe’s strides are precise, a strict economy of energy and movement. The two finish the warm-up and plop down on the tartan track to shimmy out of their Nike leggings, casual in their cotton underwear as they pull on micro shorts, the pink swoosh on Genzebe’s matching her fuchsia Dri-Fit T-shirt.

    The ensuing workout is a series of 20 400-meter sprints, timed by a national team coach, who jots down intervals in red ballpoint on his palm. Genzebe shaves off seconds with each rep, her muscles taut as bowstrings as she catapults herself across the finish line. Afterward it’s back to Tirunesh and Sihine’s impressive home, a two-story stuccoed mansion in one of Addis’s gated communities. Inside, framed photos of family members on victory podiums take pride of place, and a flat-screen TV plays yesterday’s Africa Cup soccer match, but Tirunesh explains that she doesn’t particularly like watching sports. She and her sisters prefer Amharic films. What American films does she like? “Anything with Angelina Jolie.” A large breakfast—traditional Ethiopian firfir and eggs—is followed by a nap, lunch, and then it’s off to the gym. They are on two workouts a day until Rio.

    The air in Entoto, unlike the exhaust-choked streets of Addis, is crisp and clean—and also thin at 10,000 feet above sea level. When we gather for our late-afternoon run, the Dibabas’ cousin Tulu arrives on the mountaintop, now retired and looking more soccer mom than Olympian. The sisters cite her as their inspiration, and her lilting voice boomerangs through the trees as they jog together into a cattle clearing. Tulu, who won the New York City marathon in 2009 at the age of 37, is a gregarious and outgoing foil to the soft-spoken Dibabas. When asked whom she will cheer for if Tirunesh and Genzebe compete against each other in Rio in the 5,000 or 10,000, Tulu does not hesitate and squeezes Tirunesh’s shoulder. “She! She is my favorite!” then looks lovingly across at Genzebe: “I am sorry!” Genzebe remains diplomatic, saying only, “The strongest will win,” while Tirunesh explains that they likely won’t be in the same heat and then looks into the sun, which is dipping behind the crest of the mountain. “But we come to win, so. . . . ” She shrugs; the end of the sentence is unnecessary.

    There’s an intimacy up here as we jog among the dappled eucalyptus, the Ethiopians slowing their pace to a relative shuffle while I wheeze from the effort and altitude. “We are always together,” says Tirunesh. “Maybe one day a week we aren’t together.” For all of their bashfulness, the sisters share a mischievous humor that they sometimes let loose on interlopers like myself. At the end of our run in Entoto, Tirunesh, jogging behind me, yells, “Hyena!” with authoritative urgency. I shriek, whipping my head around. When I look back at the girls, they are doubled over laughing, the only animal in sight a weary pack mule trudging slowly across the horizon.

    Read more