Most Popular Articles

  • በኦፕሬሽን መውለድ ጥቅሙና ጉዳቱ - Birth (C-Section and Normal Delivery)

                                                       

    (በሰብለወንጌል አይናለም)
    ህጻናት ይህችን ዓለም በሁለት መንገድ ይቀላቀላሉ፡­ በምጥ ወይም ደግሞ በኦፕሬሽን (surgical delivery by Caesarean section)፡፡ በአሁን ወቅት የህክምና አማራጭ ያላቸው እናቶች አምጦ ከመውለድ ይልቅ በኦፕሬሽን መውለድን እንደተሻለ አማራጭ ሲወስዱት ይታያል፡፡ አንዳንድ የህክምና ባለሙያዎችም በሁለቱም መንገድ መውለድ ያለውን ጠቀሜታና የጎንዮሽ ጉዳት አስረድተው ውሳኔውን ለእናቶች ከመተው ይልቅ በኦፕሬሽን እንዲወልዱ እናቶችን ሲገፋፉ ይታያል፡፡ ለመሆኑ በኦፕሬሽን መውለድ መቼ መፈቀድ አለበት? ያለው ጥቅምና ጉዳቱስ ምንድን ነው?
    በኦፕሬሽን መውለድ መቼ መወሰን አለበት?
    1. አምጦ መውለዱ ለእናትየው ወይም ደግሞ ለህፃኑ ህይወት አደጋ ሊያመጣ ይችላል ተብሎ ሲታመንበት
    2. ጽንሱ በጣም የፋፋ/የወፈረ/ ከሆነ እና የእናትየው ማህጸን ጠባብ ከሆነ 
    3. የጽንሱ አቀማመጥ በትክክል ካልሆነ ማለትም በእርግዝና የመጨረሻዎች ቀናት ጭንቅላቱ ወደታች ካልመጣ 
    4. በምጥ ወቅት ጽንሱ በቂ ኦክስጅን ካላገኘና የመተንፈስ ችግር ካጋጠመው 
    5. መንታና ከዚያ በላይ ጽንስ ሲኖር 
    6. የተራዘመ ምጥ ሲኖር እና 
    7. እናትየው ከፍተኛ የደም ግፊት ካለባት፤ የስኳር በሽተኛ ከሆነች፡ የHIV ቫይረስ ካለባት

    ጥቅሙ፡­

    በአስቸጋሪ ሁኔታ ውስጥ ያሉ እናቶችን እና የጽንስን ህይወት ይታደጋል፡፡ እናቶች በምጥ ወቅት ሊሰማቸው የሚችለውን የተራዘመ ስቃይ ያስቀራል

    ጉዳቱ፡­

    1. ጽንሱን ለማውጣት የሚቀደደው የሰውነት ከፍል ለመዳን ጊዜ ይወስዳል፤ በሰውነት ላይ ጥሎት የሚያልፈው ጠባሳም በቀላሉ የሚድን አይደለም
    2. የእናቶችን የሆስፒታል ቆይታ ያራዝማል፡፡ በኦፕሬሽን የሚወልዱ እናቶች በፍጥነት አገግመው ልጆቻቸውን ለማጥባትም ሆነ ለመንከባከብ ይቸገራሉ
    3. የመጀመሪያ ልጃቸውን በኦፕሬሽን የወለዱ እናቶች ቀጣይ ልጆችን በተመሳሳይ ሂደት እንዲወልዱ ሊገደዱ ይችላሉ፡፡ ይህም በማህጸን ግድግዳ ላይ ተደጋጋሚ ጠባሳዎች ያስከትላል፤ ቁስሉ በቶሎ ካልዳነ ደግሞ የማህጸን ግድግዳ ከሌላ የሰውነት ከፍል ጋር ሊጣበቅ ይችላል 
    4. በምጥ ከሚወልዱ እናቶች ይልቅ በኦፕሬሽን የሚወልዱ እናቶች ለከፍተኛ ደም መፍሰስና እንፌክሽን ይጋለጣሉ፡፡ በኦፕሬሽን የሚወልዱ እናቶች በምጥ ከሚወልዱ እናቶች የመሞት ዕድላቸው ሶስት አጥፍ የሰፋ ነው
    5. በኦፕሬሽን ሂደት ውስጥ የሽንትና የሰገራ ማስተላለፊያ ቱቦዎች ሊጎዱ ይችላሉ
    ስለዚህ አስገዳጅ ሁኔታ ካልተፈጠረ በቀር እናቶች አምጠው መውለድን ቢመርጡ ይመከራል፡፡ አምጠው የሚወልዱ እናቶችም የተሻለ የመንፈስ እርካታ እንዳለቸው ይናገራሉ፡፡

    ምንጭ፡- ጤና

    Read more
  • “የተመኘሀትን ሴት ማንም ትሁን የራስህ ልታረጋት ትችላለህ” (ምርጥ የሆነ ሳይኮሎጂ)

    ከታደለች ስዩም

    ሴቶች የሚወዱት ወንድ ሚሊዮን ብር ወይም ብዙ ታላቅና ውብ
    ነገር ያላቸው ያህል እንዲሰማቸው አድርጎ ለሚመለከታቸው
    በውስጣቸው ቦታ የመስጠት ዝንባሌያቸው ከፍተኛ ነው፡፡ ነገር
    ግን በየሁኔታዎቹ አጋጣሚ ለጥቂት ሰከንድም ቢሆን የእሷን
    ደስታ ሊጨምርላት የሚችሉ የተለያዩ ሌሎችም በርካታ ነገሮችን
    ልታውቅላት የሚያስፈልግና ለአንተም ጥሩ ግንኙነት ለመፍጠር
    ወሳኝ ጉዳይ ይሆናል፡፡
    ሌላው ደግሞ ሴቶች ብዙውን ጊዜ ራሳቸውን ንግስት አድርገው
    የማሰብ ዝንባሌው ያላቸው ስለሆነ ከእሷ ሳይመጣ ይህን ራሷን
    የመካብ ስራ ከአንተ ይውጣና በውስጧ ይህ ስሜት እንዲሰማት
    አድርጋት፡፡ እነዚህን ነገሮች እንደመቀስቀሻና ራሷን ማንቂያ
    አድርጋ እንድታስብ አድርገህ ከያዝካት ምንጊዜም ካንተ
    ለመለየት ሙከራው ቀርቶ ይህን ነገር ማሰብ እንደ መጥፎ
    ህልም ያባንናታል፡፡
    ለአንተ ንግስትህ እንደሆነች በድርጊትም ሆነ በንግግርህ
    ከገለጽክላት ሁሌም ጥሩ ስሜት ስለሚሰማት እንደማግኔት
    ልብህ ላይ ትጣበቃለች፡፡ ሴቶች ከወንዶች ይልቅ ስሜታቸውን
    ተከትለው ይፈሳሉ፡፡ በጥልቁ ስሜታቸው ከመጣህባቸው
    አይመለሱም፡፡ ለዚህም ስሜቷ ሲነካ የሚገርሙ ምላሾች
    አሏት፡፡ ይህንን ሁሉ ስሜታቸውን የማይረዱላቸው ወንዶች
    ወይም መጀመሪያውኑ ሴቷን እየፈለጋት ከንግግሩ ጀምሮ እስከ
    አቀራረቡ ድረስ ገገማ ዓይነት የሚሆንባቸው ወንድ
    ያናድዳቸዋል፡፡ ሴትን ልጅ ቀርቦ ማናገርና ጥሩ ግንኙነት
    መፍጠር የብዙ ወንዶች ችግር ነው፡፡ ከተዋወቁና ጥሩ የሆነ
    መቀራረብ ውስጥም እያሉ ወንዶች አሁንም ትልቅ የሆነ
    የግንኙነት እንቅፋት ይፈጠርባቸዋል ወይም በራሳቸው ጊዜ
    ይህንን ሁኔታ ይፈጥራሉ፡፡ ታዲያ በጣም ወሳኝ የሆኑና
    የትኛውም ወንድ ሊያውቃቸው የሚገቡ መሰረታዊ ነገሮች አሉ፡፡
    እነዚህ የመልካም ግንኙነት ቅመሞች ወንድ ልጅ ከመጀመሪያ
    ጀምሮ ውስጡ የደነገጠላትና ለፍቅር የሚመኛትን ሴት ቀርቦ
    ከማናገር ጀምሮ እንዴት በጥሩ ግንኙነት ወደ አስደሳች የፍቅር
    ሽሚያ ውስጥ መግባት አለበት የሚለውን ያጠቃለለ ነው፡፡
    ታዲያ በፍቅር ሽሚያ ውስጥም ሆነው ወንዶች ቀጣይ የሆነ
    አስደሳች ግንኙነት እንዲኖራቸው ማድረግ እንዳለባቸው ሊያውቁ
    ይገባል፡፡
    አስቀድሜ የመጀመሪያ የፍቅር ግንኙነት ችግር የሚለውን ሀሳብ
    ላብራራ፡፡ ይህም ጎልማሳ የሆኑ ወንዶች ከአንዲት ሴት ጋር
    ለሶስት ወይም ለአራት ወር አብረው ይቆያሉ፡፡ በዚህ ጊዜ ከእሷ
    ጋር በስልክ በሳምንት ሁለቴ ብቻ ሲገናኙ በአካል ደግሞ አንድ
    ጊዜ ብቻ ይገናኛሉ እንበል፡፡ ታዲያ በዚህ የረጅም ጊዜ ግንኙነት
    ጥሩ የሆነ መግባባትን ለመፍጠር አልቻሉም፡፡ ይህ አይነት
    ችግር ያለባቸው ብዙ ወንዶች ከመሆናቸው አንፃር የሚከተሉትን
    አጠቃላይ መደምደሚያ ማንሳት ይቻላል፡፡ እነዚህ የሚነሱ
    ሀሳቦች መሰረታዊና በወንዶች ላይ በብዛት የሚታዩ ችግሮች
    ናቸው፡፡ ችግሩን አውቀውት ወደ ተሻለ የፍቅር መፍትሄ
    የሚመልሳቸውም ጭምር ነው፡፡ ከእነዚህም መካከል፡-
    1.
    ከተቃራኒ ጾታ ጋር ቀርቦ ለመነጋገር በራስ የመተማመን ችሎታ
    ማነስ፡-
    ብዙ ጊዜ እነኚህ ሰዎች በአንድ ቤተሰብ ብቻ (single
    parent) ያደጉ ወይም እህት ኖሯቸው የማያውቁ ናቸው፡፡
    በዚህም ስለሴቶች ያላቸው እውቀትና ለሴት ልጅ ያላቸው
    አመለካከት የተዛባና ፍራቻ የነገሰበት ይሆናል፡፡ ከሴቶች ጋር
    አብሮ ማደግ በቅርብ የሴቶች ባህሪ ምን እንደሚመስል
    ለማወቅ ስለሚያስችል በዚያም ወንድ ልጅም ሲያድግ ስለ
    ሴቶች ባህሪ ጥሩ እውቀት እንዲኖረው ያደርጋል፡፡ ስለሴቶች
    ባህሪ ማወቅ ደግሞ ሴትን ልጅ በምን መልኩ ለፍቅር ማቅረብ
    እንዳለብህ ያሳውቅህ፡፡


    2. የትላልቅ ቦታዎች ፍራቻ፡-
    ትልቅ ቦታ ለመግባት ማለትም ከሀብታም ሰዎች የመዝናኛ ቦታ
    ወይም ትላልቅ ሆቴሎች ገብቶ ለመዝናናት አንዱና ትልቁ
    ችግራቸው ነው፡፡ እነኚህ ወንዶች እንዴት ለብሰው መሄድና
    እንዴት መመገብ እንዳለባቸው አናውቅም ብለው በውስጣቸው
    ስለሚያስቡና ራሳቸውን ስለሚያሳንሱ በእንደዚህ አይነቱ ቦታ
    አይገኙም፡፡ ስለዚህ እነዚህ ሰዎች ከሰው ጋር ያላቸው ግንኙነት
    የተወሰነ ስለሚሆን ብዙ እውቀት (Information) ስለሌላቸው
    ብዙ አዝናኝ የሆነ ነገር ለሴቶች ለማቅረብ ያዳግታቸዋል፡፡
    ሴቶች ደግሞ ሁል ጊዜ ተመሳሳይ ቦታና ሁኔታን ስለሚጠሉ
    ከለመዱት ወጣ ባለ መልኩ ራሳቸውን የሚያሳድጉበትን ታላላቅ
    ነገሮችና መዝናኛዎችን ይመርጣሉ፡፡

    3. ሴቶችን በምን ዘዴ መቅረብ እንደሚቻል አለማወቅ፡-
    ብዙ ጊዜ ሴቶችን ለማጥመድ በሆነ ርዕስ ላይ አብረሃት
    እውቀትህን ለማሳየት ከመጽሐፍት ያነበብከውን ታካፍላታለህ፡፡
    ነገር ግን ከአንዲት ሴት ጋር የሆነ ትውስታን ሊጭር የሚችል
    ግንኙነት ካልፈጠርክ ከሰከንድ በኋላ ትረሳሃለች፡፡ ታዲያ ሴትን
    ልጅ በተለያዩ ዘዴዎች ልትቀርባትና ከቀረብካትም በኋላ ነገሯን
    አንበብህላት ታላቁን የጨዋታ ሚናህን ልትወጣ ይገባሃል፡፡
    ታዲያ በምትፈጥረው ድንቅ አጋጣሚዎች ሁሉ አንተነትህን ወደ
    ፍቅር ሰው የምትለውጥ አድርገህ አቅርበው፡፡ ጨዋታህ የፍቅር
    ምልክት ቢኖረውም ጠርሷ ላይና ጆሮዋ ላይ ብቻ የሚቀር
    ሳይሆን ጨዋታህ ሁሉ ፍቅርህን ልቧ ላይ የሚተክል መሆን
    እንዳለበት ራስህን አዘጋጅተህ ቀጥል፡፡ ለፍቅርህ እንቅፋት
    ከሚሆኑ ሰዎችም ራሳችሁን አርቁ፡፡ የማይመቹ ነገሮችን
    ትታችሁ ወደሚመቻችሁ ነገር ራሳችሁን አምጡት፡፡
    4. በመጀመሪያ ሴቶች ስትቀርብ ተለሳልሰህና በጥሩ ባህሪ
    ይሁን፡-
    የሚያስደስት ባህሪ ያለህ መስለህ መቅረብ ወይም በጣም ጥሩ
    የሚባል ወንድ ሆነህ ራስህን ማቅረብ ትልቅ ሚና
    ይጫወትልሀል፡፡ ይህንን ለቅርበት ብለህ በራስህ ላይ
    ያመጣኸውን ባህሪህን ትተህ ወደ እውነተኛ ባህሪህ እንዴት
    መመለስ እንደምትችል ወይም ጥሩ ባህርይ ተፈጥሯዊና
    ቀጣይነት ያለው ግን ፍቅርን የሚናገር መሆኑን ካላወቅህ
    ከሴቶች ጋር ሁሉ ጥሩ ሰው የሚባል ሰው ሆነህ ብቻ ከቀረብክ
    ያቺ ሴት እቤቷ ሄዳ ስለ አንተ ጥሩነት ብቻ ታወራለች፡፡ ነገር ግን
    እንደ አንድ ጥሩ ወንድምና ጓደኛዋ ብቻ ስለምትቆጥርህ ከሌላ
    ወንድጋር ሌላ የፍቅር ግንኙነት ትመሰርታለች፡፡ ስለዚህ ጥሩ
    ሰው ብቻ ሳትሆን ጥሩ የፈቅር ሰው ወይም የፍቅር አጋር
    መሆንም እንደምትችል ማሳየት አለብህ፡፡
    5. ሁል ጊዜ የሚያስደስታትን ነገር እወቅላት፡-ከምንም በላይ
    ሴቶች የውስጣቸውን ምቾት የሚጠብቅላቸውን ወንድ
    ያመቻቸዋል፡፡ ታዲያ ምን እንደሚያስደስታት ማወቅ የአንተ
    የወንዱ የቤት ስራ ይሆናል ማለት ነው፡፡ አስደስታት ምቾቷንም
    በሚገባ ጠብቅላት፡፡ ይህን እያደረክ ስትመጣ የበለጠ
    ግንኙነትህን አስደሳች ታደርገዋለህ፡፡ ምክንያቱም ስሜቷን
    ስትጠብቅላት ሁሌ አንተን ብቻ ትላለች፡፡ ያን ጊዜ ፈላጊና
    ተፈላጊ ተገጣጠሙ ማለት ነው፡፡


    6. የፍቅር ሰው መሆንህን አሳውቃት፡-
    በማንኛውም የግንኙነት አጋጣሚ ወንድሟን ወይም እህቷን
    ወይም እናቷን መስለህ ሳይሆን ፍቅረኛዋ እንደሆንክ መስለህ
    ወይም ሆነህ ቅረባት፡፡ ይህም ማለት እንክብካቤና የእናትነት
    አይነት ስሜት ከመጠን በላይ አታብዛባት፡፡ እንክብካቤህ
    በጥቂቱና በጥበብ ሆኖ ጨዋታዎችህ ግን ፍቅር ፍቅር
    የሚያሸትቱህ ሊሆን ይገባል፡፡ የብዙ ወንዶች ችግር ውስጣቸው
    ለፍቅር ከሚፈልጋት ሴት ጋር በጓደኝነት ቀርበው በኋላ ላይ ወደ
    ማንነታቸው መለወጥ ነው፡፡ ነገር ግን በየትኛውም አይነት
    አቀራረብ ቅረባት፡፡ ብዙ ጊዜ ሳትወስድ ግን አቀራረብህን ወደ
    ፍቅር ለውጠው፡፡ ጥሩ የፍቅር ሁኔታን ከሰጠኻትና ያንተ መሆን
    ከፈለገች እሷም ብዙ
    ብዙ ጊዜ ሳትወስድ ግን አቀራረብህን ወደ
    ፍቅር ለውጠው፡፡ ጥሩ የፍቅር ሁኔታን ከሰጠኻትና ያንተ መሆን
    ከፈለገች እሷም ብዙ ጊዜ አታባክንብህም፡፡ ያኔ ቅርርባችሁን
    ወደ ጣፋጭ የፍቅር ግንኙነት በቀላሉ መቀየር ትችላለህ፡፡


    7. አማላይነትህን ተጠቀምበት
    የራስህን ማንነት ከመጠበቅ ጀምሮ ጥሩ የሚባል ስብዕና ያለው
    ወንድ ሆነህ ቅረባት፡፡ ባገኘኸው አጋጣሚ አማላይ ሆነህ
    ቅረባት፡፡ በአንተ መልካምና አማላይ የሆነ አቀራረብ ውስጥ
    ለእሷም ጥሩ ነገር የምትፈጥርና የበለጠ አምራና ጎልታ
    እንድትወጣ ታደርጋታለህ፡፡ ምክንያቱም በእነዚህ ሁኔታዎች
    ውስጥ ከአንተ ጋር ተነፃፃሪ በሆነ መልኩ ራሷን አማላይና
    ማራኪ በሆነ መልኩ ለማቅረብ ስለምትጨናነቅ ነው፡፡ እነዚህንና
    መሰል ነገሮችን በሚኖራችሁ ቅርርብ ውስጥ የምትተገብራቸው
    ከሆነ ግንኙነታችሁ ጣፋጭና ድንቅ የፍቅር ጊዜ ይሆንላቸዋል፡፡
    ሰዓቶችና ቀናት ሁሉ ያጥራቸዋል፡፡ ያኔ የፍቅር መቀሶችህን
    ለይተህ በማወቅህ በፍቅር ቅመሞች የመለወጥና
    የግንኙነታችሁም ታላቅ የፍቅር ንጉስ የመሆን ዕድሉ ይኖርሀል፡፡
    አማላዬ የሚለውን ዜማም ጀባ በላት፡፡ እሷም አንተ የእኔ… የእኔ
    የነብሴ ክፋይ ትልሀለች፡፡

    ምንጭ: //www.mahderetena.com

     

    Read more
  • የሴትን ልጅ ልብ ለመማረክ እና ቀጣይነት ያለው ግንኙነት ለመመስረት የሚረዱ 6 ነጥቦች (በወንዶች መነበብ የሚገባው የፍቅር ግንኙነትን በተመለክተ የሴቶችን ባሕሪ የሚገልጽ መካሪ ርዕሰ ትምህርት)

     

    ሴቶች በፍቅር ውስጥ አጥብቀው የሚፈልጉት ምንድነው?

    በጥንዶች መካከል ለሚኖር የተሳካ የፍቅር ግንኙነት የፍላጎት መጣጣም እጅግ አስፈላጊ መሆኑ አጠያያቂ አይደለም፡፡ በዚህ ረገድ የሰው ልጆች በአጠቃላይ፣ ተመሳሳይ የሚመስል መሰረታዊ ፍላጎቶች ቢኖራቸውም ወንዶችና ሴቶች በየግል ከፍተኛ ቦታ የሚሰጧቸው የተለያዩ የስሜት ፍላጎቶች ይኖሯቸዋል፡፡
    በግንኙነት መስክ ውስጥ ከምንጠቀምባቸው ክህሎቶች ሁሉ የመጀመሪያውና ጠቃሚ ነገር፣ የተጓዳኛችንን ጥልቅ ፍላጎት እና ተግባራት አስቀድሞ መረዳት ሲሆን፣ ይህ ማስተዋል አብሮን ያለውን ሰው ጠንቅቀን እንድንረዳ ስለሚያግዘን ችግሮች ከመሰከታቸው በፊት እንድንታደጋቸው ብሎም ከተፈጠሩ በኋላ በንቃት እና በጥበብ መለስ እንድንል ይረዳናል፡፡ አንዳንድ ጊዜ የሰዎችን መሻት ሳይነግሩን የማወቅ ክህሎትን መማርና መለማመድ፣ አታካችና አድካሚ ቢመስልም ውጤቱ ግን እጅግ አመርቂ እንደሚሆን አያጠያይቅም፡፡ አብዛኛውን ጊዜ በጥንዶች መካከል ተቀራርቦ ፍላጎቶችን ማውራት፣ ስሜትን መጋራትና ምክንያትን መግለጽ፣ የተሻለ ቅርርቦሽን በመፍጠር በትዳር ላይ መተማመንን ስለሚጨምር መልካም የሚባል ውጤትን ሊያስገኝልን ይችላል፡፡

    ብዙውን ጊዜ ሰዎች ጥምረት የሚገቡት በዘርፉ በቂ የሚባል ዝግጅት ሳይኖራቸው እንደሆነ በተደጋጋሚ በዚህ አምድ ላይ የተነሳ ጉዳይ ነው፡፡ ይህም ትዳርን ውስብስብ እና አታካች እያደረገ መጥቷል፡፡ ከስልጣኔ ጋር ተያይዞ የመጣውም የሰው ልጅ ፍላጎት መጨመርና በትንሽ ነገር ያለመርካት አባዜ፣ በትዳር ውስጥ ተስፋ መቁረጥ የራሱን የሆነ ሚና ይጫወታል፡፡
    በአንድ ወቅት ኖራ ሃይደን የተባለች የማህበራዊ ህይወት ተመራማሪ በመጽሐፏ እንዳለችው፣ አብዛኛው ወንዶች ስለ ሴቶች ያላቸው አተያይ እጅግ አስደንጋጭ ነበር፡፡ በወንዶች ዓይን ሴቶች ማለት፣ በዚህች ምድር ላይ ካሉ ነገሮች ሁሉ በላቀ ደረጃ እጅግ ውስብስብና፣ ፍላጎታቸው የማይታወቅ በቀላሉ የማይረኩ ፍጡሮች እንደሆኑ ይገልፃሉ፡፡
    በዚሁ ጥናት ላይ የሴትን ልጅ ፍላጎት ከመረዳትና፣ ሴትን ልጅ ደስተኛ ከማድረግ ይልቅ (ኑዩክለር ፊዚክስ ማጥናት እንደሚቀል ገልጧል)
    ይህ በእውነቱ ከእውነታው ጋር እጅግ የሚጣረስና ለሴቶች እጅግ አስደንጋጭ ጉዳይ ነው፡፡ ይህ እሳቤ የሚመነጨው ሁላችንም በራሳችን ግለኛ ዓለም ውስጥ ተከልለን የራሳችንን ተፈጥሮና ፍላጎት ብቻ ስለምናዳምጥና የሌሎችን ማንነት ለማወቅና ተጣጥሞ ለመኖር ምንም አይነት ጥረት ስለማናደርግ ይመስለኛል፡፡
    በተለያየ ጊዜ በዘርፉ የተሰማሩ ባለሙያዎች፣ ስለወንዶችና ሴቶች ረቂቅ ባህሪያትና ፍላጎት ለማወቅ በርካታ ጥናቶችን አካሂደዋል፡፡ ከእነዚህ ጥናቶች የተውጣጣውን መደምደሚያ መሰረት በማድረግ ከ90 በመቶ በላይ የሚሆኑት ሴቶች የሚስማሙበትንና፣ ሴቶች ከትዳር አጋራቸው ወይም ፍቅረኛቸው አጥብቀው የሚሹትን 6 ነጥቦችን ከሀገራችን ነባራዊ ሁኔታ ጋር በማጣጣም ላካፍላችሁ ወደድኩ፡፡

    የሴትን ልጅ ልብ ለመማረክ እና ቀጣይነት ያለው ግንኙነት ለመመስረት የሚረዱ 6 ነጥቦች
    1.(Caring) እንክብካቤ
    በጥናቱ ውስጥ ከተካተቱ አብዛኛዎቹ ሴቶች በፍቅር ለሚንከባከብ ወንድ በቀላሉ እንደሚሸነፉ ገልፀዋል፡፡ ይህም የሚሆነው ሴቶች በተፈጥሮ ካላቸው የእንስትነት ባህሪ የተነሳ ከወንዶች ስሜት እና ፍቅርን ብቻ ሳይሀን፣ ከለላን፣ አለኝታነትን እና እክብካቤን አጥብቀው እንደሚሹ ተናግረዋል፡፡ ይሄም ምኞት እና ደህንነት እንዲሰማው ስለሚያደርግ ህይወትን ለቀቅ አድርገው በመመልከት የበለጠ ደስተኛ ያደርጋቸዋል፡፡

    2. ትኩረት
    ይሄንን ፍላጎት በሁለት ከፍለን ልናየው እንችላለን፡፡
    2.1 መደመጥ
    Joeu Barton የተባለ የስርዓተ ፆታ ተመራማሪ በጥናቱ ላይ እንዳሰፈረው፣ ሴቶች በቀን ውስጥ በአማካኝ 20,000 ቃላቶችን ሲጠቀሙ፣ በተቃራኒው ወንዶች ደግሞ 7,000 ቃላትን በመጠቀም ሀሳባቸውን ያስረዳሉ፡፡ ይህም በግልፅ እንደሚያስረዳን አንደኛ ሴቶች ለቋንቋ እና ለንግግር ፈጣን የሆነ አዕምሮ እንዳላቸው ሲሆን፣ ሌላው እና ትኩረት ሊሰጠው የሚገባው ጉዳይ፣ ሴቶች በንግግር ራሳቸውን በመግለፅ የበለጠ ነፃነት እንደሚሰማቸው ሲሆን ችግር በገጠማቸውና በጨነቃቸውም ጊዜ በማውራት ብቻ ያለ ምንም ተጨማሪ ምክርና መፍትሄ የተሻለ እፎይታና እረፍት እንደሚሰማቸው ሲሆን፣ በዚህም ጊዜ ንግግራቸውን በትኩረት ለሚያዳምጣቸው ወንድ የተለየ ፍቅርና አክብሮት ይኖራቸዋል፡፡
    2.2 አንዲሰት ሴት አብሯት ካለ ወንድ ከፍቅርና እንክብካቤ ባሻገር አትኩሮ ትሻለች
    በርካታ የህይወት ተሞክሮዎች እንደሚያመለክቱት፣ ሰዎች በተሰበሰቡበት ግብዣ ላይ አንድ ወንድ ፍቅረኛውን ወይም የትዳር አጋሩን ከሰዎች ጋር በሚኖረው ጨዋታ እጇን በማሻሸት ወይም በመሳም፣ አብሮነቱን ቢያረጋግጥላት በቀላሉ ልቧን በፍቅር በማቅለጥ የጥሩ ስሜት ባለቤት እንድትሆን እንደሚረዳ ይታመናል፡፡ አብዛኛውን ጊዜ ወንዶች በግንኙነት ውስጥ የሚመለከቱት፣ ትልቁን ምስል ብቻ በመሆኑ አብሮነት በራሱ በቂ ነው ብለው ሊያስቡ ይችላሉ፡፡ ሴቶች ደግሞ ባላቸው የተለያየ አፈጣጠር ዝርዝር ነገሮች ላይ ትኩረት ስለሚያደርጉ እያንዳንዱን እንቅስቃሴና ፍሰት ይከታተላሉ፡፡ በመሆኑም ወንዶች ፍቅረኛቸው ወይም የትዳር አጋራቸውን ከመነፈጠሯም ረስተው ለረጅም ሰዓት ከሶስተኛ ወገን ጋር ጨዋታ ውስጥ ሊገቡ ይችላሉ፡፡ ይህ በሴቶች አዕምሮ ውስጥ የመተውና አትኩሮት የማጣት ስሜትን ሊያጭር ስለሚችል ወንዶች ትኩረት ሊያደርጉበት ይገባል፡፡ ይሄንን በጣም ቀላል ግን ከፍተኛ ተፅዕኖ ሊፈጥር የሚችል እውነታ በመረዳት፣ በሄዳችሁበት ሁሉ ለሴቶቻችሁ አብሮነት ትኩረትና ዕውቅናን በመስጠት፣ ስሜታቸውን ከመጉዳት ብትታደጉ በምላሹ ፍቅር እና አድናቆትን ትቀበላላችሁ፡፡
    እዚህ ጋ ልብ ልንለው የሚገባው እውነታ፣ ይህ ዓለም መስጠትንና መቀበልን መሰረት ያደረገ ነው፡፡ የሰውን ስሜት ጎድቶ መልካም የስሜት ምላሽ መጠበቅ የዋህነት ስለሆነ፣ የምንፈልገውን ለማግኘት የሚፈለገውን መስጠት ግድ ይለናል፡፡

    3. (Security) ጥበቃ
    ከጥንት ጀምሮ ሲወርድ ሲዋረድ የመጣው፣ የወንድ ልጅ ከለላ እና መጋ መሆን፣ አሁንም ድረስ በብዙዎች ዘንድ ተቀባይነት ያለው እውነታ ነው፡፡ በዚህ በሰለጠነው እና የሴቶች እኩልነት በተረጋገጠበት 21ኛው ክፍለ ዘመን እንኳን፣ ሴት ልጅ በግሏ ገቢ በማስገኘት ሀብት ማካበት ብትጀምርም፣ የወንድ ልጅ ግብአት አቅራቢ እና ጠባቂ መሆን የሴትን ልጅ ስሜት ለማረጋጋት በጣም አስፈላጊ ነው፡፡ ከዚህም በዘለለ ወንድ ልጅ ለሴት ከተለያየ አደጋ ጠባቂ ሆኖ መገኘቱ፣ እምነቷን የበለጠ ስለሚያጠነክረው ፍቅሯ እየጎለበተ ይሄዳል፡፡

    4. Blind Loyalty (ፍፁም የሆነ ተአማኒነት)
    በአብዛኛው አንዲት ሴት የፍቅር ግንኙነት ውስጥ ስትሆን ወይም በወንድ ስትፈቀር ራሷን የተለየች ፍጡር አድርጋ እንድታይ ትሆናለች፡፡ ይህም ምን አልባት ከሴቶች ተፈጥሮ በተጨማሪ ወንዶች በፍቅር መብረቅ በተመቱ ጊዜ ያፈቀሯትን ሴት የግላቸው ለማድረግ የሚጠቀሙበት ገደብ የለሽ ሙገሳና ማሞካሸት፣ ሴቶች ለራሳቸው ያላቸውን አመለካከት በማዛባት፣ ውጫዊ መስህብን እንደ ብቸኛ የማንነታቸው መለኪያ አድርገው እንዲወስዱት ሳያስገድዳቸው አልቀረም፡፡
    በመሆኑም በግንኙነት ውስጥ አንዲት ሴት የራሷን የመስህብ ደረጃ ጠንቅቃ ብታውቅም ባፈቀራት ወንድ እይታ ስትፈረጅ ‹‹ሁሉን ያስናቀች ቆንጆና ፀባየ ሰናይ መሆኗን እንዲነገራት ትፈልጋለች›› በማንኛውም አጋጣሚ የእሷ ወንድ የሌላዋን ቆንጆ አለባበስ ወይም አቋም ቢያደንቅ እሷን የወሰደባት ያህል ስለሚሰማት መጠንቀቅ ያስፈልጋል፡፡ በመሆኑም የሰውን ቆንጆ በመቃረም፣ የትዳር አጋራችንን ስሜት ከምንጎዳ፣ ያገባናትን ሴት በትዳር አብረን እንድንኖር ውሳኔ ላይ ያደረሰንን መልካም ሰብዕና፣ ውበት፣ ወይም ተግባር በማስታወስ ከልብ የመነጨ አድናቆታችንን እና ሙገሳችንን መቸርን ብንለማመድ፣ ለትዳራችን ዕድሜ ማራዘሚያነት እንደሚጠቅም ጥናቶች እና ተሞክሮዎች ያመለክታሉ፡፡

    5. Understanding (መረዳት)
    በርካታ ሴቶች ከተጓዳኛቸው አጥብቀው የሚፈልጉት ተጨማሪው ነገር፣ የትዳር አጋራቸው የእነሱን ሚና እና በቤት ውስጥ ያላቸውን አስተዋፅ እንዲረዳ እና ዕውቅና እንዲሰጥ ነው፡፡ አንዳንድ ወንዶች ሴት ልጅ በቤት ውስጥ የምታከናውናቸውን ረቂቅና እጅግ ወሳኝ ተግባራት ባለማወቅ ዕውቅናን ሲነፍጉ ይስተዋላሉ፡፡ የሴት ልጅ ተፈጥሮ ማለትም በሴትነት የምታልፋቸውን ከባባድ ደረጃዎች፣ እርግዝና፣ ወሊድ፣ ማጥባት እና ልጅን መንከባከብ በምድራችን ካለ ነገር ሁሉ እጅግ ውድ፣ ፈታኝ እና ዋጋ ሊተመንለት የማይችል መሆኑን በመረዳት፣ ሴት ሆነው ያንን መክፈል እንኳን ባይችሉ፣ ክብደቱን በመረዳት እና ርህራሄ በማሳየት ሊያዝኑላቸው፣ ሊንከባከቧቸው እና ሊደግፏቸው ይገባል፡፡ ይሄም በሴት ልጅ ልቦና ውስጥ እስከ መጨረሻው ለመቀመጥ ጥርጊያ መንገድ ይሆናል፡፡

    6. Sex (ወሲብ)
    በተጣማሪዎች መካከል ፍቅር ሰምሮ ኑሮ እንዲደረጅ፣ በሐሳብ እና ፍላጎት መጣጣም ተቀዳሚው መሆኑ የማያጠያይቅ ሀቅ ነው፡፡ መከባበሩ፣ መፈቃቀሩና የሐሳብ መጣጣሙ እንደተጠበቀ ሆኖ በወሲብ አለመጣጣም ባለትዳሮች ከትዳራቸው ውጪ ሌላ ሰው መጎብኘታቸው የተለመደ ተግባር እየሆነ መጥቷል፡፡
    ብዙውን ጊዜ ተጣማሪዎች፣ የሐሳብ አለመጣጣምን አቻችለውና ተቻችለው ኑሮን ሲገፉ ይስተዋላል፡፡ በአሁኑ ዘመን እየተስተዋለ የመጣው እውነታ እንደሚያመለክተን ግን በወሲብ አለመጣጣምን ማስታመም ስለሚያቅታቸው ወይም ከሌላ ጋ ሲማግጡ ወይም ከነጭራሹ ትዳርን ሲያፈርሱ ይታያሉ፡፡
    በአብዛኛው በርካታ ወሲብ ነክ ፅሑፎችና ጥናቶች አንድን ወንድ እንዴት ለወሲብ ማነሳሳት እንዳለብን እና እንዴት እርካታ ላይ እንዲደርስ መርዳት እንዳለብን የሚገልፁ ናቸው፡፡ ይህም የሚያሳየው የሴት ልጅ ስሜት ይሄ ነው የሚባል አትኩሮት ከማህበረሰቡ ጭምር እንዳልተቸገረው ነው፡፡
    Nora Hayden (How to satisfy a women every time) በተሰኘው መጽሐፏ ላይ እንደገለፀችው 80% የሚሆኑት ሴቶች፣ እውነተኛ እርካታ ላይ እንደሚደርሱ ሆኖም የትዳር አጋራቸውን ለማስደሰት ሲሉ ብቻ እርካታ ላይ እንደደረሱ እንደሚያስመስሉ ይናገራሉ፡፡ ይህም የሚሆነው ወንዶች በወሲብ ጊዜ የሴትን ልጅ ፍላጎት እና የስሜት ምስጢር መረዳት ስለሚያቅታቸው እነሱ በሚረኩበት መንገድ ይረካሉ ብለው በማሰብ ዘልማዳዊ የሆነውን ግንኙነት ያደርጋሉ፡፡ ሆኖም ፈጣሪ ወሲብን በትዳር መካከል እንድትደሰትበትና ትውልድን እንድናስቀጥልበት የሰጠን ታላቅ ፀጋ በመሆኑ፣ የሴትም ልጅ ስሜት መጠበቅ እና በባሏ መደሰት እንዳለባት በመረዳት በግልፅ በመወያየትም ሆነ በዘርፉ የተፃፉ ጽሑፎችን በማንበብ፣ ደስታውን የጋራ የማድረግ የወንዶች ተቀዳሚ ኃላፊነት ነው፡፡
    በመጨረሻ ማንሳት የምፈልገው ነጥብ፣ ብዙዎች በትዳር ላይ በግንኙነት ዙሪያ በመርህ ደረጃ የሚነሱ ጠቃሚ ምክሮችን ማንበብ ፋይዳ ቢ መሆኑን ሲናገሩ ይታያል፡፡ ለዚህም እንደ ምክንያትነት የሚያነሱት መከራከሪያ የፀሐፊዎቹ ወይም አነበብን የሚሉ ሰዎችን ግለ ህይወት በናሙናነት በማንሳት፣ በትዳር ህይወታቸው ስኬታማ አለመሆናቸውን ነው፡፡ እዚህ ጋ መረዳት ያለብን ቁም ነገር፣ ችግሩ ያለው ከዕውቀቱ ወይም ከንባቡ ሳይሆን ያወቅነውን እና የሰማነውን በልቦናችን አኑረን መተግበር ስለሚሳነን መሆኑን ነው፡፡ በመሆኑም ተፈጥሮ የለገሰችን ሰብዕና፣ በህይወት ተሞክሮ እና ዕውቀት በማዳበር፣ ያካበትነውን ዕውቀት በመተግበር እና ለውጥ በማምጣት ትዳራችን በግምት ሳይሆን፣ በጥበብ የምንመራትን ልቦና ይስጠን፡፡

    ሴት ልጅ ምን መስማት አትሻም?
    ሴቶች ስለ ሌላ ሴት ወይም ስለ ቀድሞ ጓደኛህ ስታደንቅ መስማት አትፈልግም፡፡ ከሌላ ሴት ጋር እንድታወዳድራትም እንዲሁ፡፡ ስለ ሰውነት ቅርጽና ውበቷ አድናቆት እንጂ ነቀፌታ ቅር ያሰኛታል፡፡ በድንገት ተሳስተህ የሌላ ሴት ስም ማንሳትም አይኖርብህም፡፡ በሌላ መንገድ ያስጠረጥርሃልና፡፡ ከአሁን ቀደም በነበረህ የሴት ልጅ ትውውቅ ውስጥ አላግባ ያደረካቸውን ነገሮች ማውራትህ ከባድ ግምት ውስጥ ይጥልሃልና በተቻለ መጠን ከኋላ ፈቅር ታሪክህ ውስጥ ጥሩ ጥሩውን እንጂ የሚያስተችህን ለመርሳት ወይም ላለማንሳት ጥረት አድርግ፡፡ በሌላዋ ላይ ይህን ያደረገ በእኔም ላይ ማድረጉ አይቀርም የሚል እምነት ይኖራታልና፡፡ ሴቶች ስለ አንተ ማወቅ የሚፈልጉትን ሲጠይቁህ እውነቱን መናገሩን ብቻ ነው የሚያዋጣው፡፡ ብዙ ጊዜ ሴቶች ለማወቅ በሚመስል መልኩ ይጠይቃሉ እንጂ የሚጠይቁትን ነገር ቀድሞውኑ ያውቁታልና አትዋሽ!
    በተቻለ መጠን ከአሁን ቀደም ከነበረህ የፍቅር ትስስር እንዴት እንደተለያየህ ምክንያትህን አሳማኝነት ያለውና ከአንተ በኩል ከፍተኛ ጥረት ማድረግህ ላይ ያነጣጠረ ይሁን እንጂ ኃላፊነትህን ስላለመወጣትህ የሚያንፀባርቁ ምክንያቶችን ወይም ደግሞ ቀድሞውኑ ለመለያየት የማያበቁ ምክንያቶችህን ሴቶች መስማት አይፈልጉም!! ቢሰሙም ትዝብት ውስጥ ይጥሉሃልና ጠንቀቅ በል!!

    ምንጭ: //www.mahderetena.com

    Read more
  • በቤት ውስጥ የሚዘጋጁ የቆዳ ሸንተረር ማጥፊያ መላዎች

       

    በቆዳዎት ላይ ያለ ሸንተረር ምቾት ነስቶት ይሆናል። ሸንተረሩን የሚያስወጡ ሁለት ዋነኛ ምክንያቶች ከእርግዝና እና ከውፍረት በኋላ ያለው የሰውነት መቀነስ ነው፡፡ እነዚህ ምልክቶች በእግር፣ ክርን፣ ወገብ፣ ጡት እና ጀርባ ላይ ሊወጡ ይችላሉ፡፡ ይሄን ለማጥፋት ግከገበያ ተገዝተው ከሚመጡ ይልቅ በቤት ውስጥ የተሰሩ መድሀኒቶች ሁነኛ መፍትሄዎች ናቸው::

    የእንቁላል (ነጭ) ፈሳሹ ክፍል፦ ይህ የእንቁላል ፈሳሽ በፕሮቲን የበለጸገ ነው። በዚህ ምክንያትም በቆዳችን የሚገኝን ሸንተረር ለማጥፋት በጣም ይረዳል፡፡ እንቀላሉን ከመቀባታችን በፊት ሸንተረር ያለበትን በማጠብ ቆዳችንን ንጹህ ማድረግ ይኖርብናል። ከዚያም ሁለት እንቁላል ወስደን አስኳሉን ከፈሳሹ በመለየት የእንቁላሉን ፈሳሽ ክፍል በሹካ በደንብ አማስለን ካበቃን በኋላ መቀባት፡፡ የእንቁላሉ ፈሳሽ እንዲደርቅ ቢያንስ ለ20 ደቂቃ እንተወው። ከዚያም በኋላ መታጠብ እና ብንችል የወይራ ዘይት ቆዳችንን መቀባት። ይህን ማድረግ ቆዳችን እንዳይደርቅ ያግዛል። ይህን ዘዴ ቢያንስ ለሁለት ሳምንታት በየቀኑ መጠቀም ውጤቱን አስተማማኝ ያደርገዋል።

    ይሞክሩት፤

    በእርግጠኝነት ጥሩ ውጤት ያገኛሉ፡፡

     

    ምንጭ: http://www.mahderetena.com/

     

    Read more
  • ሊያገቡት የሚፈልጉትን ሁነኛ ሰው ማግኘትዎን የሚያሳዩ 10 ምልክቶች!

      

     

     

    በሳሙኤል ዳኛቸው

    ከፍቅረኛዎ ጋር የፍቅር ግንኙነት ከጀመሩ ዋል አደር ብለዋል እንበል፤ በተደጋጋሚ የሚነሳብዎት ጥያቄም መቼ ነው እናንተ የምትጋቡት? የሚለው ሊሆን ይችላል።

    ይሁንና መሰል ጥያቄዎች ሲደጋገሙ ምቾትን ሊነሱ እና ስጋትንም ሊደቅኑብዎት የሚችሉበት ዕድልም ሰፊ ነው።

    ታዲያ ጋብቻ ትልቅ ውሳኔን የሚጠይቅ እንደመሆኑ ሊያገቡት የሚፈልጉትን ሰው ማግኘትዎን የሚያረጋግጡልዎን ነጥቦች እንካችሁ የሚለው ደግሞ ሰልፍ ዶት ኮም የተሰኘው ድረ ገፅ ነው።

    1.ስለምንም ነገር ሲያወሩ ምቾት ይሰማዎታል፦

    ከፍቅር ጓደኛዎ ጋር የትኛውንም አይነት ርዕስ አንስተው ከመወያየት ወደኋላ አይሉም ፣ ሲወያዩ ምቾት ይሰማዎታል።

    ስጋትዎን፣ ግምትዎን ውጥንዎንም ሆና ሌላውን ከመግለፅ አያመነቱም፤ ይህን በማለቴ ትዝብት ላይ እወድቅ ይሆን የሚለው ፍራቻም ከአጠገብዎ ዝር አይልም።

    2. ስለምንም ጉዳይ በቅድሚያ ለማዋየት ይደፍራሉ፦

    ከመስሪያ ቤትዎ ያገኙትን የስራ ዕድገትንም ሆነ ስለፍላጎትዎ፣ ስለገጠመዎ ችግርም ሆነ መልካመ አጋጣሚ ለማውጋት በመጀመሪያ የሚመርጡት ለፍቅረኛዎ ይሆናል።

    3.ብዙ ጊዜዎን ከፍቅረኛዎ ጋር ማሳለፍን ይመርጣሉ፦

    ከፍቅረኛዎ ጋር ሰፊውን ጊዜዎን እንደማሳለፍ የሚያረካዎት ነገርን ያጣሉ።

    አብሮነታችሁንም ሁሌም ቢሆን ይመኙታል።

    ቲያትርም ሆነ ሲኒማ ቤት መሄድ ፣ በቤትዎ ቴሌቭዥን መመልከትም ሆነ የእግር ጉዞ ማድረግ ፣ ጨረቃ ማየትም ሆነ ሌላ ሌላ ነገር ለማድረግ ምርጫዎ አሁንም ፍቅረኛዎ ይሆናል።

    4.ይከባበራሉ ፣ ይደጋገፋሉ፦

    ድካምዎን ለሌላ ሰው አይነግሩም ፍቅረኛዎም ቢሆን ይህንኑ በእርስዎ ላይ ለማድረግ አቅሙ አይኖራቸውም።

    ዝንባሌያቸውን፣ ምን እንደሚያስደስታቸው ምን እንደሚያስከፋቸው ያውቃሉ፤ በመሆኑም አንዳያዝኑብዎ ይጠነቀቁላቸዋል።

    ያከብሯቸዋል፣ ይታመኑላቸዋል፣ ከአጠገብዎ በስራም ሆና በሌላ ምክንያት ሲርቁም ናፍቆትዎን መቋቋም ሲሳንዎ ራስዎን ያገኙታል።

    5.ወደፊት አብረው እንዴት እንደሚዘልቁ ያነሳሉ፦

    ወደፊት ግንኙነትዎ በእንዴት ባለ ሁኔታ መቀጠል እንደሚኖርበት ያለ ፍርሃት ይገልፃሉ።

    ምናልባትም ለመጋባት እንደሚያስቡ እና ይህም በምን ያህል ጊዜ ቢከናወን ምርጫዎ እንደሆነም ከመናገር ወደኋላ አይሉም ነው የተባለው።

    6.የፍቅር ጓደኛዎ ከእነጉድለትዎ ሊቀበሉዎ ዝግጁ ናቸው፦

    የፍቅር አጋረዎ በጥንካሬዎ ብቻ ሳይሆን ደካማ ጎንዎን አውቀው ያን በሂደት እንደሚቀርፉት በማመን ጭምር ነው ግንኙነታቸውን ከእርስዎ ጋር የሚወጥኑት።

    ፍቅረኛዎ እርስዎን ባለዎት ሃብት እና ንብረት ሳይሆን የሚመዝኑዎት በአመለካከትዎ እና ለሴቶች በሚሰጡት ከበሬታ ይሆናል።

    7.ፍቅረኛዎ ከቀድሞ የፍቅር ህይወታቸው መላቀቃቸው ያስታውቃል፦

    ፍቅረኛዎ የቀድሞ የፍቅር ህይወታቸውን የረሱ እና ለአዲስ ፍቅር የተዘጋጁ መሆናቸውን የሚያረጋግጡ አካላዊ፣ ስነ ልቦናዊ ዝግጁነቶችን ያነቡባቸዋል።

    8.ለፍቅር ግንኙነት መፈላለጋችሁ ያሳብቅባችኋል፦

    ምንም እንኳን ለፍቅረኛዎ ካለዎ ከበሬታ የተነሳ የተቃራኒ ፆታ ግንኙነትን ከጋበቻ በፊት መፈፀሙ ባይዋጥልዎም ለፍቅር ግንኙነት የሚፈልጉት (ጓት) አይነት ሰው መሆናቸውን አይን ለአይን ስትጋጩ አልያም የመደንገጥ ስሜት ድንገት ሲሰማዎት ራስዎን ያገኙታል።

    9.ግጭቶችን ጤናማ በሆነ መንገድ ለመፍታት ያለ ዝግጁነት፦

    የትኛውም አይነት የሃሳብ ግጭት ሲፈጠር በሰከነ እና በሰለጠነ መንገድ በመወያያት ለመፍታት እርጋታ እና ፍላጎት ይኖርዎታል።

    ኩርፊያንም ሆነ ግጭትን በአጭሩ ለመቅጨት ወኔውንም ሆነ ትዕግስተ እንዳለዎት በተለያየ መንገድ ያረጋግጣሉ።

    10. ፍቅረኛዎ ይሰሙዎታል፦

    ፍቅረኛዎ እርስዎ ሲናገሩ በፍላጎት እና በትዕግስት ማድመጥ ምርጫቸው ነው።

    ለፍቅረኛዎ ሊሰጡት የሚችሉት ትልቁ ቦታም ማድመጥ መሆኑን እርስዎም በሚገባ ይገነዘባሉ።

    በዚህም ምክንያት ለመስማት ብዙ ጊዜዎን ለመናገር ደግሞ ጥቂቱን ይጠቀማሉ።

    ምንጭ: ማህደረ ጤና ዶት ኮም

     

    Read more
  • ለከፍተኛ ራስ ምታት (ለማይግሪን) የሚያጋልጡ ምግቦች

     

     የምንመገባቸው ምግቦችና መጠጦች ለከፍተኛ ራስ ምታት (ማይግሪን) መንስኤ ሊሆኑ ይችላሉ። በራስ ምታት የመያዝ አጋጣሚዎች በተለያዩ ምክንያቶች (በአየር ፀባይ መለዋወጥ፣ በጠንካራ ሽታዎች፣ በከፍተኛ ብርሃን፣ በሌሎች በሽታዎች ሳቢያ፣ በካፌይን ሱሰኝነት ወዘተ) የሚያጋጥመን ቢሆንም የምንመገባቸው ምግቦችና ወደ አንጀታችን የምንልካቸው የተለያዩ መጠጦችም ለከፍተኛው ራስ ምታት (ማይግሪን) ሊያጋልጡን እንደሚችሉ የአሜሪካ ተመራማሪዎች አስታውቀዋል፡፡ ኔቸር በተሰኘው የምርምር ጆርናል ላይ ተመራማሪዎቹ ይፋ እንዳደረጉት፤የምንመገባቸው ምግቦች ከጭንቅላት ጋር ቀጥተኛ ግንኙነት ያላቸው ታይራሚንስና ናይትሪ የተባሉ ኬሚካሎችን በስፋት ይይዛሉ፡፡ እነዚህ ኬሚካሎች ደግሞ የደም ዝውውር ሂደትን በማወክ፣ የራስ ምታትንና የዓይን አካባቢ ህመምን ያስከትላሉ፡፡

    ሣይንቲስቶቹ በምርምር አረጋግጠናል ካሏቸውና ከፍተኛ የራስ ምታትን ያስከትላሉ በማለት ከዘርዘሯቸው የምግብና የመጠጥ ዓይነቶች መካከል የሚከተሉት ይገኙበታል፡፡
    ቀይ የወይን ጠጅ
    ቀይ ወይን ለራስ ምታት ህመም የሚያጋልጡ ኮንጀነርስና ታይራሚን የተባሉ ንጥረነገሮችን በብዛት ይይዛል፡፡ ስለዚህም ከሌሎች አልኮል መጠጦች ሁሉ የራስ ምታት ህመምን በማነሳሳት በእጅጉ ይታወቃል። የችግሩ ከፍተኛነት በወሰድነው የቀይ ወይን መጠንና በሽታን በመከላከል አቅማችን የሚወሰን ቢሆንም ቀይ ወይን መጠጣት ለከባድ የራስ ምታት ህመም የሚያጋልጥ መሆኑን አረጋግጠናል ሲሉ ተመራማሪዎቹ ገልፀዋል፡፡ ቀይ ወይን ለራስ ምታት ህመም እንድንጋለጥ የሚያደርገን በአልኮልነቱ ሳይሆን በነጭ ወይን ውስጥ የሌለና በቀይ ወይን ውስጥ ብቻ በሚገኘው ተፈጥሮአዊ ውህድ መነሻነት እንደሆነም እነዚሁ ተመራማሪዎች ጠቁመዋል፡፡
    ቸኮሌት
    ቸኮሌትን አብዝቶ መመገብ ለከፍተኛ ራስ ምታት ያጋልጣል፡፡ በተለይም ጠቆር ያለውና ቡናማ ቀለም ያለው የቸኮሌት አይነት ህመሙን በማባባስ ለከፍተኛ ስቃይ የሚዳርግ መሆኑን የጠቆሙት ተመራማሪዎቹ፤ ከካካዋ ቅቤ የሚሰራው ነጭ ቸኮሌት ከራስ ምታት ህመም ጋር የሚያገናኘው ምንም ነገር አለመኖሩን በጥናታቸው ማረጋገጣቸውን ገልፀዋል፡፡
    አይስክሬምና ሌሎች ቀዝቃዛ ምግቦች
    እንደ አይስክሬም ያሉ በጣም የቀዘቀዙ ምግቦችን በምንመገብበት ወቅት በአፋችን ውስጥ የሚፈጠረው ከፍተኛ ቅዝቃዜ ለከባድ ራስ ምታት ያጋልጠናል፡፡ ለዚህም ምክንያቱ በአፋችን ውስጥ የተፈጠረው ቅዝቃዜ እስከ ጭንቅላታችን ድረስ ስለሚሰማን እንደሆነም አሜሪካዊያን ተመራማሪዎቹ ጠቁመዋል፡፡
    ካፌን
    ቡና እና ኮካ መሰል መጠጦች ውስጥ የሚገኘው ካፌን ሱስ የማስያዝ ባህርይ አለው። ይህንን መጠጣት በምናቆምበት ወይንም ሳንጠጣ በምንቆይበት ጊዜ ከባድ የራስ ምታት ህመም ያጋጥመናል፡፡ ካፌይን መውሰድ ያቆሙ ሱሰኞች ለድብርት ስሜት፣ ለመጫጫንና ለከባድ ራስ ምታት ህመም የተጋለጡ ናቸው፡፡ ካፌይኑ የአንጐላችንን ኤሌክትሪካል ሲስተም በማዛባት ሰውነታችን ተጨማሪ የቤታ ንዝረቶችንና አነስተኛ የቴታ ንዝረቶችን እንዲለቅ ያደርገዋል፡፡ ይህ ደግሞ በአንጐላችን ውስጥ የሚካሄደውን ኤሌክትሪካል እንቅስቃሴ በማዛባት ለከፍተኛ የራስ ምታት ህመም እንድንጋለጥ ያደርገናል፡፡
    ካፌይን ነክ የሆነ መጠጦችን በጠዋት የመጠጣት ልምድ ያላቸው ሰዎች ካፌይኑ በሕብለ ሰረሰራቸው ውስጥ የሚገኙትን የደምቅዳ ቧንቧዎች በማጥበብ ደም በበቂ መጠን ወደ አንጐል እንዳይገባ ያደርጋል። በዚህ ሣቢያም ከባድ የራስ ምታት ህመም ያጋጥመናል ሲል ተመራማሪዎቹን ዋቢ አድርጐ ኔቸር ዘግቧል፡፡

    ምንጭ – አዲስ አድማስ & www.mahderetena.com/

    Read more
  • የፀጉር መሳሳትን ለመከላከል እና ፀጉራችን ተጨማሪ እድገት እንዲኖረው በቤት ውስጥ የሚዘጋጁ መድሃኒቶች

                                                         

    1. የቀይ ሽንኩርት ጭማቂ፦ ሽንኩርት ከምግብነት ባለፈ ፀጉራችን እንዲበዛ እና እንዲያድግ የማደርግ ጠቀሜታ አለው።

    ይህም በውስጡ ባለው ሰልፈር አካማኝነት ፀጉር እንዲያድግ ስለሚያደርግ ነው።

    አዘገጃጀት፦

    ብዛታቸው ከሁለት እስከ አራት የሚሆን ቀይ ሸንኩርት ከላጥን በኋላ ሽንኩርቱን በመጭመቅ ጭማቂውን ማውጣት።

    ያዘጋጀነውን የሽንኩርት ጭማቂ የጸጉራችን ስር ላይ በመቀባት ማሻሸት።

    የሽንኩርቱን ጨማቂ ተቀብተን ከ15 ደቂቃ እስከ አንድ ሰዓት ማቆየት።

    ከዚያም ፀጉራችንን በንጹህ ውሃ እና በጸፀር ሻምፖ ወይንም ሳሙና መታጠብ።

    ለጸጉራችን እድገት ቀይ ሽንኩርትን ለመጠቀም የሚያስችሉን ተጨማሪ አዘገጃጀት፦

    አራት ወይንም አምስት ራስ ሽንኩት ልጠን መክተፍ።

    አንድ ሊትር ውሃ ማፍላት።

    የተከተፈውን ሸንኩርት በፈላው ውሃ ውስጥ በመጨመር አንድ ላይ ከአምስት እስክ አስር ደቂቃ ድረስ እንዲፈላ ማድረግ።

    ያፈላነውን ሽንኩርት ለብ እንዲል ማድረግ።

    ፀጉራችንን በሻምፖ ከታጠብን በኋላ ባፈላነው የሽንኩርት ውሃ መታጠብ።

    ሽንኩርቱ የሚፈጥረውን ሽታ መቋቋም ከቻልን ለአንድ ቀን በጸጉራችን ላይ የጨመርነውን የፈላ የሽንኩርት ውሃ ሳንታጠብ ብንውል ይመከራል ይህን ማድረግ የማንችል ግን ቢያንስ ለ15 ደቂቃ ያህል እንዲቆይ በማድረግ መታጠብ።

    ሽንኩርት ጸጉራችን እንዲያምር ብቻ ሳይሆን የተነቃቀሉ ፀጉሮችም እንደገና እንዲበቅሉ እና እንዲያድጉ ያደርጋል።

    2. የድንች ጭማቂ፦ የድንች ጭማቂ ሌላኛው በቀላሉ በቤት ውስጥ በማዘጋጀት ፀጉራችን እንዲያድግ የሚረዳን መድሃኒት ነው።
    ድንች ውስጡ ቪታሚን “ኤ”፣ “ቢ” እና “ሲ” ስላለው ለፀጉራችን እድገት ተመራጨ ያደርገዋል።

    አዘገጃጀት፦

    ሶስት ወይንም አራት ራሰስ ድንች ከላጥን በኋላ በመጭመቅ ጭማቂውን ለብቻ ማውጣት።

    የድንቹን ጭማቂ የፀጉራችን ስር በመቀባተ ማሸት ከዚያ በኋላ ሳናጥበው ቢያንሰ ለ15 ደቂቃ ካቆየን በኋላ በንጹህ ውሃ መታጠብ።

    በተጨማሪም የድንች ጭማቂውን ለማዘጋጀት የሚያግዙን ዘዴዎች፦

    የሚያስፈልጉ ቁሳቁሶች፦ ሶስት ራስ ድንች፣ የአንድ እንቁላል አስኳል እና አንድ የሻይ ማንኪያ ማር።
    አዘገጃጀት

    ድንቹን በመጭመቅ ጭማቂውን ማዘጋጀት፣ የእንቁላል አስኳሉን እና ማሩን በድንች ጭማቂው ውስጥ በመጨመር በድንብ ማዋሃድ።

    ውህዱን በፀጉራችን ስር ላይ በመቀባት ለግማሽ ሰዓት ያህል ማቆየት።

    ንጹህ ውሃ እና ሻምፖ በመጠቀም የድንች ጭማቂውን መታጠብ

    ማር እና እንቁላልን በድንች ጭማቂ ላይ ደባልቆ መጠቀም ጸጉራችን እንዲያድግ ከማድረግ በተጨማሪ የጸጉር ድርቀትንም ይከላከላል።

    ምንጭ:- FBC(ኤፍ.ቢ.ሲ)

    Read more
  • የብብት ጠረንን መልካም ለማድረግ የሚጠቅሙ ምክሮች

     ኤፍ.ቢ.ሲ) የሰው ልጅ የራሱ የሆነ የተለየ የሰውነት ጠረን አለው።

    ይህ የሰውነት ጠረን ጤናማ ቢሆንም በአንዳንድ ሰዎች ዘንድ ግን ከመጠን ያለፈ ይሆንና ከራስ አልፎ ሌሎችንም ሊረብሽ ይችላል። ሰውነታችን ኤክሶክራይን (exocrine) እና አፖክራይን (apocrine) የተሰኙ ሁለት አይነት ላብ አመንጪ እጢዎች አሉት። ኤክሶክራይን የተባሉት እጢዎች በሁሉም የሰውነታችን ክፍል የሚገኙ ሲሆን፥ የአፖክራይን እጢዎች ደግሞ ጉርምስናን በሚያመላክቱና ፀጉር በሚወጣባቸው አካባቢዎች የሚገኙ ናቸው። የአፖክራይን እጢዎች ፕሮቲንና ስባማ ንጥረ ነገሮችን ያመነጫሉ፤ ይህም ነው ለሰውነት ጠረን መፈጠር ምክንያት የሚሆነው። ከመጠን ያለፈ ላብ እና የብብት ጠረንን ሁላችንም ልንከላከለው የምንፈልገው ጉዳይ ነው። ቅመም የበዛባቸው ምግቦችን እንደ ነጭ ሽንኩርት፣ ዝንጅብል እና ማጣፈጫዎችን አዘውትሮ መመገብ እንዲሁም ከላብ ጋር ተያይዞ የሚፈጠሩ ባክቴሪያዎች ለሰውነት ጠረን መለወጥ በምክንያትነት ይጠቀሳሉ።

    ንፅህናን መጠበቅ፣ የአየር ማቀዝቀዣዎችን መጠቀም፣ እንደ አየር ሁኔታው ሳሳ ያሉ ልብሶችን መልበስ፣ ልብሶቻችን በአጭር ጊዜ ልዩነት መቀየር፣ ቅመም የበዛባቸውን ምግቦችን ከመመገብ መቆጠብ፣ ፀረ ባክቴሪያ የሆኑ ሳሙናዎችን መጠቀም እና ዲዮድራንት ወይም የላብ ማጥፊያ ከመጠቀማችን በፊት ብብታችን ደረቅ መሆኑን ማረጋገጥ ለችግሩ በመፍትሄነት ይነሳሉ።

    የሰውነት ጠረንን በተለይም የብብት መጥፎ ጠረንን ለማስወገድ ከፍተኛ ጥረትን የሚጠይቅ ነው። ኬሚካሎችን ለመጠቀም ካልፈለጉና እየተጠቀሙት ያለው ዲዮድራንት የሚያረካ ውጤት ካላስገኘልዎ ከዚህ በታች የተጠቀሱትን ቢሞክሯቸው መልካም ውጤት ያስገኛሉ ይላል የሄልዚ ላይፍ ላንድ ድረ ገጽ ዘገባ።

    1. ቤኪንግ ሶዳ ቤኪንግ ሶዳ

    የፍሪጅ እና ላውንደሪዎችን መጥፎ ጠረን ለማስወገድ እንደሚረዳው ሁሉ የብብት ጠረንን ለማስተካከል እንደሚያግም ይነገራል። ጥቂት ቤኪንግ ሶዳ ከበቆሎ ዱቄት ጋር በመቀላቀል ከብብት ውስጥ መክተት ቆዳችን ደረቅ እና ንጹህ እንዲሆን ያደርጋል።

    2. የብብት ጸጉርን አለመላጨት 

    ሁሉም ነገር ሲፈጠር በምክንያት ነው፤ በሰውነታችን የሚወጡ ጸጉሮችም ለባክቴሪያ መፈጠር እና ለብብት ጠረን መቀየር ምክንያት የሚሆን እርጥበትን መሳብ አቅም አላቸው። እናም የብብት ጸጉርን መላጨት (ሼቭ ማድረግ) ለባክቴሪያዎች መራባት እድል ይፈጥራል ማለት ነው። የብብት ጸጉራችንን ከላጨን በኋላ የምንጠቀመው ቅባት ወይም ክሬምም የቆዳ መቆጣትን ሊያስከትል ስለሚችል የብብት ጸጉርዎን ከመላጨት ይቆጠቡ ይላል መረጃው።

    3. የሻይ ዛፍ ዘይት 

    የተለያዩ ቆዳ ነክ ችግሮችን እና መጥፎ የሰውነት ጠረንን ከሻይ ዛፍ በሚገኘው ዘይት ማከም ይቻላል። የዚህ ዛፍ ዘይት በጸረ ባክቴሪያ እና ጸረ ፈንገስ ይዞታው ነው የሚታወቀው። መጠነኛ የሻይ ዛፍ ዘይት ከሮዝ አበባ ውሃ ጋር ቀላቅሎ ብብትን መቀባት መጥፎ ጠረንን ለማስወገድ ይረዳል።

    4. ተፈጥሯዊ ሳሙና

    መላ ሰውነታችንን በተፈጥሯዊ ሳሙና መታጠብ መጥፎ የሰውነት ጠረንን ለማስወገድ ይጠቅማል። ከወይራ ዘይት እና ሶዳ እንዲሁም ከፍየል ወተት የሚዘጋጁ ተፈጥሯዊ ሳሙናዎችን መጠቀም የቆዳ ውበትን ከመጠበቅ ባለፈ ማራኪ ጠረንን ያላብሳል ተብሏል።

    5. አልኮል

    እንደ ቮድካ ያሉ ሽታ አልባ የአልኮል መጠጦችን በስፕሬይ ብብትን መርጨት መጥፎ ጠረንን እና ባክቴሪያዎችን ለማስወገድ ይረዳል። ይሁን እንጂ አልኮል ልንጠቀም የሚገባው ልብስ ከመልበሳችን በፊት ነው።

    6. ሎሚ

    ሎሚ የቆዳችንን ፒ.ኤች ደረጃ ለማስተካከል ያግዛል። የሎሚ ቁራጭን ከብብታችን ስር በማድረግ ለ15 ደቂቃ መቆየት ቀኑን ሙሉ መልካም መዓዛ እንዲኖረን ይረዳል።

    7. የአፕል ጭማቂ

    የአፕል ጭማቂ፣ ውሃ እና የሎሚ ጭማቂ በደንብ በማዋሃድ በመርጫ (ስፕሬይ) ውስጥ ማስገባት፤ ከዚያም ውህዱን በጠዋት ልብስ ከመልበሳችን በፊት ብብታችንን መርጨት ለመጥፎ ጠረን መከሰት ምክንያት የሆኑ ባክቴሪያዎችን ለማጥፋት ከፍተኛ ድርሻ አለው።

    8. ሀይድሮጅን ፐርኦክሳይድ

    ሀይድሮጅን ፐርኦክሳይድን ከውሃ ጋር በመቀላቀል ብብትን መርጨትም እንዲሁ የብብት ጠረንን ለማስተካከል እንደሚጠቅም ነው የሚነገረው። በአጠቃላይ የሰውነት ጠረንን ለመጠበቅ በዋነኝነት ንጽህናችንን ለመጠበቅ ትኩረት ልንሰጥ ይገባል።

    ምንጭ፡- mahderetena.com

    - See more at: http://www.mahderetena.com/amharic/?p=4452#sthash.bbuCihtv.dpuf

    Read more
  • ማድያት (Melasma)

    ማድያት ብዙ ጊዜ ከሚከሰቱ የቆዳ ላይ ችግሮች ዉስጥ አንዱ ነዉ፡፡ ይህ ችግር በፊት ላይ በቡናማና በግሬይ መካከል ያለ የፊት ላይ ቆዳ ቀለም ለዉጥ የሚያመጣ ሲሆን ብዙ ሰዎች በጉንጫቸዉ፣ በአፍንጫቸዉ፣ በግንባራቸዉ፣ አገጫቸዉና በላይኛዉ ከንፈራቸዉ ከፍ ብሎ ባለ ቦታ ይወጣል፡፡ በተጨማሪም ማድያት ብዙ ጊዜ የፀሃይ ብርሃን በብዛት የሚያገኙ እንደ አንገትና ክንድ ያሉ የሰዉነት ክፍሎችንም ያጠቃል፡፡

    የማድያት ህመም ምልክቶች
    ማድያት በፊት ላይ ግራጫና ቡናማ መካከል ያለ በጣም የተለመደ የቆዳ ቀለም ለዉጥ የሚያመጣ ሲሆን ብዙዉን ጊዜ የሚታየዉ/የሚከሰተዉ በሚከተሉት ቦታዎች ላይ ነዉ፡-
    • በጉንጭ ላይ
    • በአፍንጫ
    • ከላይኛዉ ከንፈር ከፍ ብሎና
    • አገጭ ላይ ናቸዉ፡፡

    በተወሰኑ ሰዎች ላይ በአንገታቸዉና በክንዳቸዉ ላይ ሊታይባቸዉ ይችላል፡፡ ይህ ግን ብዙ ጊዜ አይታይም፡፡ ማድያት የሚያስከትለዉ ምንም አይነት የህመም ምልክት ባይኖረዉም ሰዎች ማድያት ቆዳቸዉ ላይ የሚያመጣዉን ለዉጥ አይፈልጉትም፡፡

    ማድያት የሚከሰተዉ/የሚበዛዉ እነማን ላይ ነዉ?
    ማድያት ከወንዶች ይልቅ በሴቶች ላይ በብዛት የሚታይ ሲሆን ማድያት ከሚከሰትባቸዉ ሰዎች ዉስጥ የወንዶች ተጋላጭነት/ድርሻ 10 በመቶ ብቻ ነዉ፡፡ ማድያት ጠቆር ያለ የቆዳ ቀለም ባላቸዉ እንዲሁም በቤተሰባቸዉ ዉስጥ የማድያት ችግር ባለባቸዉ ሰዎች ላይ በብዛት ሊከሰት ይችላል፡፡

    የማድያት መንስኤዎች
    ለማድያት መከሰት መንስኤ የሆነዉ ነገር በትክክል ባይታወቅም በቆዳችን ዉስጥ ያሉና የቆዳ ቀለም እንዲፈጠር የሚያደርጉ ሜላኖሳይት የሚባሉ ሴሎች ከመጠን ያለፈ ቀለም በማምረት ምክንያት የሚከሰት ነዉ፡፡ ነጭ የቆዳ ቀለም ካላቸዉ ይልቅ ጠቆር ያለ የቆዳ ቀለም ያላቸዉ ሰዎች ለማድያት የሚጋለጡ ሲሆን ይህ የሆነበት ምክንያት ጠቆር ያለ የቆዳ ቀለም ያላቸዉ ሰዎች ነጭ ቆዳ ካላቸዉ ሰዎች ይልቅ ብዙ ሜላኖሳይቶች በቆዳቸዉ ውስጥ ስላላቸዉ ነዉ፡፡

    ማድያትን ሊያስነሱ የሚችሉ ነገሮች
    • ለፀሃይ ብርሃን መጋለጥ፡- ለፀሃይ ብርሃን መጋለጥ ሜላኖሳይትን እንዲነቃቁ ያደርጋቸዋል፡፡ማድያት ከጠፋ በኃላ ድጋሚ ለመቀስቀስ ለትንሽ የፀሃይ ብርሃን መጋለጥ ብቻ ይበቃል፡፡ ይህ ክስተት በብዙ ሰዎች ለማድያት ተደጋግሞ መምጣት አይነተኛ ምክንያት ሊሆን ይችላል፡፡
    • የሆርሞን መለዋወጥ፡- ነፍሰጡር እናቶች ማድያት ብዙዉን ጊዜ ከሚከሰትባቸዉ ዉስጥ የሚጠቀሱ ሲሆን የእርግዝና መከላከያ እንክብል ና የሆርሞን ህክምና ለማድያት መከሰት ምክንያት ሊሆኑ ይችላሉ፡፡
    • ኮስሞቲክስ፡- ቆዳን ሊቆጠቁጡ የሚችሉ ለቆዳ እንክብካቤ የሚጠቀሙባቸዉ ነገሮች ማድያትን ሊያባብሱ ይችላሉ፡፡

    የማድያት ምርመራ
    ማድያትን የቆዳ ህክምና ባለሙያዎች በማየትና በመመርመር የሚለዩ ሲሆን ማድያቱ ምን ያህል ወደቆዳዎ ዘልቆ እንደገባ ለመለየት/ለማወቅ ቆዳዎትን ዉድስ ላይት በሚባል መመርመሪያ መሳሪያ ሊያዎት/ሊመረምሩ ይችላሉ፡፡
    አንዳንዴ ማድያት ከሌላ የቆዳ ችግር ጋር ሊመሳሰል ይችላል፡፡ ስለሆነም ሌሎቹን የቆዳ ችግሮች ከማድያት ለመለየት ከቆዳዎ ላይ ትንሽ ናሙና(ባዮፕሲ) በመዉሰድ ለምርመራ ሊልኩት ይችላሉ፡፡

    ማድያት እንዴት ሊታከም ይችላል?
    ማድያት በራሱ ጊዜ እየጠፋ ሊመጣ ይችላል፡፡ ይህ ብዙዉን ጊዜ የሚከሰተዉ ማድያትን ሊያስነሱ የሚችሉ ነገሮች ሲቀንሱ/ሲጠፉ ሲሆን ለምሳሌ ነፍሰጡር እናት ከወለደች በኃላ፣ የእርግዝና መከላከያ እንክብል የሚወስዱ መዉሰዱን በሚያቆሙበት ወቅት ቀስ እያለ ሊጠፋ ይችላል፡፡
    አንዳንድ ሰዎች ላይ ማድያት ለረጅም ጊዜ/ አንዳንድ ጊዜ ደግሞ ለእድሜ ልክ ሊቆይ ይችላል፡፡ ማድያትዎ እየጠፋ ካልመጣ ወይም የወሊድ መከላከያ እንክብልዎን መቀጠል ከፈለጉ ማድያት ህክምና ስለለዉ የህክምና ባለሙያዎን ያማክሩ፡፡ ለማድያት የሚረዱ ህክምናዎች የሚከተሉትን ያጠቃልላል፡፡ እነርሱም
    • ሃይድሮኪዪኒን፡- ይህ ብዙዉን ጊዜ ለመጀመሪያ ጊዜ ለማድያት ህክምና የሚያገለግል ሲሆን ማድያት የወጣበት ቦታ በሚቀባበት ወቅት ቦታዉ ቀስ እያለ ወደ ቀድሞዉ መልኩ እንዲቀየር ያደርጋል፡፡ መድሃኒቱ በክሬም፣በሎሽን፣በጄልና ፈሳሽ መልክ የሚገኝ ሲሆን የተወሰኑትን ያለህክምና ባለሙያዎ ማዘዣ ሊያገኙ ይችላሉ፡፡
    • ትሪቲኖን እና ኮርቲኮስቴሮይድ፡- ይህ ለማድያት ህክምና የሚያገለግልና በሁለተኛ ደረጃ ያለ ሲሆን በሚጠቀሙበት ወቅት ማድያቱ ቀስ እያለ እንዲለቅ ያደርጋል፡፡
    • ሌሎች በቆዳ ላይ የሚቀቡ መድሃኒቶች፡- የቆዳ ህክምና ባለሙያዎ እንደ አዞሊክ አሲድ፣ ኮጂክ አሲድ ያሉ መድሃኒቶችን ሊያዝልዎ ይችላል፡፡
    • ፕሮሲጀርስ፡- ቆዳዎ ላይ የሚቀቡት መድሃኒቶች ለዉጥ የማያመጡ ከሆነ የህክምና ባለሙያዎ ኬሚካል ፒል፣ ማይክሮደርማአብሬሽን እና ደርማአብሬሽን የሚባሉ የህክምና ፕሮሲጀሮችን ሊያከናዉኑልዎ ይችላሉ፡፡

    የህክምናዉ ዉጤት
    የቆዳ ህክምና ክትትል ከተደረገ/ካደረጉ ብዙ ጊዜ በህክምናዉ ጥሩ ዉጤት የሚያዩ ቢሆንም ጥቂቶች ላይ ህክምናዉ ዉጤት ላይኖረዉ ይችላል፡፡ የህክምና ባለሙያዎን ምክር ከተከተሉ/ከተገበሩ ህክምናዉን በጀመሩ በጥቂት ወራት ዉስጥ ለዉጥ ሊያዩ ይችላሉ፡፡
    ማድያትዎ በህክምናዉ ከጠፋልዎ በኃላ የቆዳ ህክምናዎን መቀጠል አስፈላጊ ነዉ፡፡ ይህ ማድያትዎ ተመልሶ እንዳይመጣ ያግዝዎታል፡፡ በተጨማሪም የፀሃይ መከላከያ ዘዴዎችን እንደ ሰንስክሪንና ኮፍያ/ጃንጥላ ያሉ ነገሮችን መጠቀም ያስፈልጋል፡፡

    ማድያት ካለዎ የቆዳ ህክምና ባለሙያዎች የሚከተሉትን ምክሮች እንዲተገብሩ ያዛሉ
    1. የፀሃይ መከላከያ ሁሌ/በየቀኑ መጠቀም፡- ብዙዉን ጊዜ ለማድት ህክምና ከሚያገለግሉ ነገሮች ዉስጥ አንዱ የፀሃይ መከላከያን መጠቀም ነዉ፡፡ እንደሚታወቀዉ ለፀሃይ ብርሃን መጋለጥ ማድያትን የሚያመጣ ሲሆን የመከላከል ብቃታቸዉ ከ30ና ከዚያ በላይ የሆኑ( Sun Protection Factor (SPF) of 30 or more) ያሉ እንደ ዚንክ ኦክሳይድ ወይም ቲታንየም ዳይ ኦክሳይድ ያሉ ሰን ስክሪኖችን ለፀሃይ ከመጋለጥዎ ከ15 ደቂቃዎች ቀደም ብለዉ መቀባትና በየ2 ሰዓቱ መልሶ መቀባት
    2. ከቤትዎ ዉጭ ፀሃይ ላይ በሚሄዱበት ወቅት ኮፍያ መጠቀም፡- በቅርቡ በተደረገ ጥናት መሰረት የፀሃይ መከላከያ ቅባት ብቻ መጠቀም ሙሉ በሙሉ ከችግሩ ላይከላከልልዎ ይችላል፡፡ ከተቻለ ከሚቀቡት የፀሃይ መከላከያ ቅባት(ሰንስክሪን) በተጨማሪ ኮፍያ መጠቀም ይመከራል፡፡
    3. ለቆዳ እንክብካቤ የሚጠቀሙባቸዉን ነገሮች በጥንቃቄ መምረጥ፡- ለቆዳ እንክብካቤ የሚጠቀሙባቸዉ ነገሮች ቆዳዎትን የማይቆጠቅጡ ወይም የማያቃጥሉ ነገሮች መሆን አለባቸዉ፡፡ ምክንያቱም እነዚህ ነገሮች ማድያቱን ሊያባብሱ ይችላሉ፡፡
    4. ዋክሲንግ ያለማድረግ(ፀጉርን ያለመንቀል)፡- ዋክሲንግ ማድረግ የቆዳን መቆጣት ስለሚያመጣና ማድያትን ስለሚያባብስ ማድያት ባለበት ቦታዎች ዋክሲንግ ከማድረግ ቢቆጠቡ፡፡

     

    ምንጭ: http://www.mahderetena.com/

    Read more
  • ቅናት ለፍቅር ምኑ ነው? (በተለይ በፍቅር ውስጥ ሆነው በአፈቀሩት ላይ የሚቀኑ እንዲያነቡት ይመከራል)

    ከሊሊ ሞገስ

    ብዙ ሰዎች እርር ድብን ብለን እናውቅ ይሆናል፡፡ በቅናት! ዛሬ እኔ እና እናንተ ስለ ቅናት ልናወጋ፣ በቅናት ያረርንባቸውን ጊዜያቶች በድጋሚ ልናጤን ነው፡፡ የእናንተን አላውቅም እንጂ እኔ በበኩሌ ከዚህ ቀደም የኔው ጉድ በቅናት አንፃር ያደረገችበትን ቀኖች በምናቤ እንደ ፎቶ አልበም ደርድሬያቸዋለሁ፡፡ መቼም ቀንቼ አላውቅም አትሉኝም፡፡ ቅናት መጠኑ ይብዛም ይነስም የሁላችንንም ልብ ያንኳኳል፡፡ ቅናት እና እሳት ቤት አይዘሉም፡፡ እርግጥ ነው ቅናት ውስጣችን አስደሳች ስሜት የሚፈጥር አለመሆኑን እናውቃለን፡፡ ከዚህ አኳያ ቅናትን ከአሉዊ ስሜቶች ተርታ ልንፈርጀው እንችላለን? ወይንስ ለትዳር አጋራችን ወይንም ለፍቅር ጓደኛችን ያለን ፍቅር ኃያል መሆኑን ማረጋገጫ አድርገን እንወስደዋለን? ይህንን ጥያቄ ለመመለስ ብዕሬ ጉሮሮዋን ጠራርጋለች፡፡

    ከሁሉ በፊት ግን ስለምንወያይበት ርዕስ ግልፅ የሆነ መረጃ ሊኖረን ይገባል፡፡ ለዛም ነው ቀድመን ቅናት ምንድን ነው? የሚለውን ጥያቄ መመለስ ያለብን፡፡

    ቅናት ምንድነው?

    ቅናት ማለት በተቃራኒ ፆታ ግንኙነት ውስጥ እያለን በተለያዩ ምክንያቶች በውስጣችን ሊፈጠር የሚችል፣ የምንወደውን ሰው ከማጣት ጋር የተያያዘ የስጋት እና ሽብር ስሜት ነው፡፡ ቀደም ብዬ እንደጠቀስኩት ይሄ የሽብር ስሜት ነው፡፡ ቀደም ብዬ እንደጠቀስኩት ይሄ የሽብር ስሜት በተለያዩ ምክንያቶች ሊፈጠር ይችላል፡፡ በተጨማሪም ቅናት ያለንን ግንኙነት ሊጠቅምም ሊጎዳም እንደሚችል በዘርፉ የተመራመሩ ሰዎች ገልፀዋል፡፡

    አሉታዊ ቅናት
    ቅናትን አሉታዊ የምንልበት ዋናው ምክንያት በዓለም ላይ ከተፈፀሙ የትዳር ጓደኛ ግድያ መንስኤዎች መካከል ቅናት ፊት አውራሪ ሆኖ በመምራት ላይ ስለሚገኝ ነው፡፡ ይሄ ደግሞ ቅናት ልክ የማይኖረው ከሆነ አደገኛ ሊሆን እንደሚችል ያሳያል፡፡
    ቅናትን አሉታዊ ቅናት የምንለው መቼ ነው? ቅናት ከልክ እንዳለፈ ለማረጋገጥ የተወሰኑ ምልክቶችን ልጠቃቅስ፡፡
    ሀ. የቅናት ስሜት በሚፈጠርበት ወቅት ስሜታችንን ለመግለፅ ቃላትን ሳይሆን ጉልበትን መጠቀም ስንጀምር፤ በግልፅነት ከመወያየት ይልቅ ቅናት እንዲያድርብን አደረግን የምንለው ሰው ላይ ለዱላ ስንጋብዝ፡፡
    ለ. የትዳር አጋርህ/ሽ፣ ጓደኛህ/ሽ ካንተ/ካንቺ ጋር በሌለ/ች ሰዓት ጊዜህን/ሽ ‹‹ምን እያደረገ/ች ይሆን?›› በማለት ቀኑን ሙሉ የምንብሰለሰል ከሆነ አልፎ ተርፎም ቀኑን ብቻ ሳይሆን ሌሊትም ኮርኒስ እየቆጠርን ነገር የምንበላ ከሆነ ችግር አለ ማለት ነው፡፡
    ሐ. የቅናት ስሜት ከፍቅር የመነጨ ሳይሆን እምነት ከማጣት የመጣ ሲሆን፤
    መ. የትዳር አጋርህ/ሽ ውሎውን/ዋን ለመናገር ወይም አንተ/አንቺ በሌለህበት/ሽበት ሰዓት የተፈጠሩ ነገሮችን ለመናገር የምትሳቀቅ/ቂ ከሆነ፤
    ሠ. በዚህ በመዘዘኛ ቅናት ምክንያት ለምግብ ያለን ፍላጎት ከቀነሰ፤ ጭንቀት ውስጥ ከገባን፤ የልብ ምታችን በተደጋጋሚ የሚጨምር ከሆነ፣ ከልክ በላይ የሚያልበን እንዲሁም ቶሎ የሚደክመን ከሆነ፤
    ረ. በመጨረሻም ቅናት ከፍቅረኛችሁ ጋር ያላችሁ ግንኙነት ላይ ክፍተት እየፈጠረ ከመጣ ችግር አለ ማለት ነው፡፡
    ከዚህ በተጨማሪ ሊንዳ ብሎር የምትባል ክሊኒካል ሳይኮሎጂስት ቅናታችን አሉታዊ መሆን አለመሆኑን ለማረጋገጥ እነዚህን ሶስት ጥያቄዎች ራሳችሁን ጠይቁ ትለናለች፡፡
    1. ይሄ ቅናት የዕለት ተዕለት ኑሮአችሁ ጋር እየተጋጨ ነው?
    2. የምወደውን ሰው እያሳዘነ እና እየጎዳ ነው?
    3. ቅናቱ እኔ ከምቆጣጠረው በላይ እሱ ይቆጣጠረኛል?
    ከላይ ለተዘረዘሩት ሶስት ጥያቄዎች መልሳችሁ ‹‹አዎን›› ከሆነ ጉድ ፈልቷል ማለት ነው ትላለች የሳይኮሎጂ ባለሙያዋ፡፡
    እንግዲህ ወዳጆች ከላይ የጠቀስኳቸው ነገሮች በተደጋጋሚ በፍቅር ግንኙነትሽ/ህ ጊዜ የሚከሰቱ ከሆነ ቆም ብሎ ማሰብ ያስፈልጋል፡፡ በአቅራቢያችን ወደሚገኝ የስነ ልቦና አማካሪ ብንሄድ መፍትሄ ልናበጅለት እንችላለን፡፡ አሊያም ማማከሩ ለውጥ ካላመጣ በሰላም መለያየቱ ሁሉ የሚበጅ ይመስለኛል፡፡

    አዎንታዊ ቅናት
    ቅናት በአብዛኛው ግንኙነቶች አደጋ ላይ ሲጥል ብንመለከተውም መጠኑ ሳይበዛ ግን አዎንታዊ ጎኑ ሊያመዝን የሚችልበት ሁኔታ ይፈጠራል፡፡ ታዲያ አዎንታዊ ቅናት ስል ደስ የሚል ስሜት የሚፈጥር ቅናት ማለቴ እንዳልሆነ ይገባችኋል፡፡ ታዲያ ቅናትን አዎንታዊ የምንለው እንዴት ነው?
    አንዳንድ ጥናቶች እንደሚያትቱት መጠነኛ ቅናት በፍቅር ጓደኛ ላይ ደስ የሚል ስሜት ይፈጥራል፡፡ ምክንያቱም የፍቅር ጓደኛችንን ምን ያህል እንደምንወድ ሊያሳይ ይችላል፡፡ የፍቅር ወይም ትዳር አጋራችን መጠነኛ ቅናትን እንደ ፍቅር መገለጫ ሊመለከቱት ይችላሉ፡፡ ይሁን እጂ ብዙ ጥንዶች የተሰማቸውን ደስ የሚል ስሜት ቅናት ላደረበት አጋራቸው ሲያካፍሉት አይስተዋልም፡፡ በሌላ መልኩ ደግሞ መግባባት ባለመቻል እና ንትርክ መካከላቸው ያለው የፍቅር ድባብ የተጋረደባቸው ጥንዶች መጀመሪያ በፍቅር ሲወድቁ ለፍቅረኛቸው የነበራቸው ወይንም ስለ ፍቅረኛቸው የሚወዱትን ጎን መልሶ ለማግኘት ይቸገራሉ፡፡ ታዲያ በዚህ ወቅት ፍቅረኛቸውን ከሌላ ሰው ጋር ቢመለከቱት/ቷት በሚፈጠርባቸው የቅናት ስሜት ያ ጠፍቶ የነበረ የጠብ ምክንያት ግልጽ ሊሆን ይችላል፡፡ ስለዚህ ከዛ ሰው ጋር ያላቸውን ግንኙነት እንዲያድሱ ያስገድዳቸዋል፡፡ ከንትርክ የበለጠ ጥሩ የጋራ ታሪክ እንደነበራቸው ያስታውሳሉ፡፡ ያንንም ጥሩ ጊዜ ለመመለስ የሚያስችል አቅም ያገኛሉ፡፡ ‹‹በእጅ ያለ ወርቅ ከመዳብ ይቆጠራል›› እንዲሉ ነው ነገሩ አንዳንዴ፡፡

    የቅናት መንስኤዎች
    ቅናት አዎንታዊ እና አሉታዊ ጎኖች እንዳሉት ሁሉ መንስኤዎቹም የተለያዩ ናቸው፡፡ የቅናት መንስኤ በተለይ ቅጥ ያጣ ቅናት መነሻው የፍቅር አጋራችን ላይ ከመጠን ያለፈ ጥገኛ መሆን እና በራስ መተማመን አለመቻል ነው፡፡ ይሁን እንጂ የሁሉም አፍቃሪ ቅናት መንስኤ ጥገኛ መሆን እና በራስ መተማመን አለመቻል አይደለም፡፡ አንዳንድ ድርሳኖች እንደሚያስነብቡን አዎንታዊ ቅናቶች ኃያል ከሆነ ፍቅር ሊመጣ እንደሚችል እና መንስኤውም ፍቅረኛችን ካላት/ካለው የሶስተኛ ወገን ግንኙነት ጋር ሳይሆን ሌሎች ግዑዝ ከሆኑ ነገሮች ጋር በተያያዘ ሁሉ ሊመጣ ይችላል፡፡ ለአብነት ያህል ፍቅረኛ ሆዬ በስራ ብዙ ሰዓቱን/ቷን የሚያሳልፍ/የምታሳልፍ ሲሆን ወይንም ብዙ ጊዜውን/ዋን በማንበብ የምታሳልፍ/የሚያሳልፍ ከሆነ አዎንታዊ የምንለው አይነት ቅናት ሊያድርብን ይችላል፡፡ ቅናቱም የፍቅር ግንኙነቱን የሚያቀጭጭ አይነት ቅናት አይደለም፡፡ ጊዜ ከመፈለግ ጋር የሚያያዝ ብቻ ነው፡፡ ከዚህ በተጨማሪ የቅናት መንስኤ አሁን ካላቸው ግንኙነት በፊት በነበራቸው ግንኙነት የተከዱ ወደፊት በሚኖራቸው ግንኙነት የቅናት ስሜት ሊያድርባቸው ይችላል፡፡ ይህ ቅናት በበኩሉ በአመዛኙ ከእምነት ማጣት ጋር የተያያዘ ነው፡፡

    አሉታዊ ቅናትን ለማስወገድ
    ‹‹እርር ድብን ማለት አንገሽግሾኛል፤ ጨጓራዬን ልተፋው ነው፤ አንድ በሉኝ›› የሚሉ ከሆነ ደግሞ ቅናትን ፈፅሞ ልናጠፋው ባንችል እንኳ እንዴት ልንገራው እንደምንችል እንመልከት፡፡
    1. መፍትሄው ብዙ ጊዜ ያለው እዛው ፍቅረኛችን እጅ ስለሆነ የሚስማማንን ስሜት ለፍቅረኛችን ግልፅ ማድረግ ይመከራል፡፡
    2. ምክንያታዊ ለመሆን መሞከርም ጥቅም አለው፡፡ ለምን በሉኝ? ብዙ ጊዜ ቅናት ያሳደረብን ጉዳይ የሚጨበጥ ነገር ላይሆን፣ ጨርሶ ያልታሰበና ያልተፈጠረ የእኛ አዕምሮ ብቻ ያውጠነጠነው ሊሆን ይችላል፡፡ ስለዚህ የሚያስቀናንን ጉዳይ ከእውነታው ጋር በማስተያየት፣ ምክንያታዊ ለመሆን በመጣር የሚስማማንን ስሜት መርምረን ልንገራቸው እንችላለን፡፡
    3. ለራሳችን ያለን ክብር ሊጨምር ይገባል፡፡ በራስ መተማመናችንን ከፍ ያደርጋሉ የምንላቸውን የሌሎችን በራስ መተማመን የማይነኩ ነገሮችን ማድረግ ጠቃሚ ነው፡፡ አለ አይደል እኛ ከፍ ብለን እንድንታይ ሌላው ዝቅ ማለት የለበትም፡፡ ሌላውን ዝቅ ሳያደርጉ እኛን ከፍ የሚያደርጉ ነገሮችን ማድረግ በራስ መተማመናችንን ይጨምራል፡፡
    4. ፍቅረኛሞች በአመለካከት ስለሚለያዩ ከሶስተኛ ወገን ጋር ያላቸው የግንኙነት ገደብ ይለያያል፡፡ ስለዚህ የኛን ገደብ ባለማወቅ ፍቅረኛችን ልታስቀይመን/ሊያስቀይመን ትችላለች/ይችላል፡፡ በመሆኑም አስቀድመን የሚመቹንን እና የማይመቹንን ከሶስተኛ ወገን ጋር ያሉ ግንኙነቶች ግልፅ ማድረግ መልካም ነው፡፡
    ሰላም ሰንብቱልኝማ!!

    Read more
  • ከዓመት በኋላ የበፊት ፍቅረኛዬን ማሰብ ጀምሬያለሁ፤ ጭንቅላቴ ማረፍ አልቻለምና ድረሱልኝ (የተለያያችሁ ጓደኞች አንብቡት)

       

    ሕሊናዬን እያስጨነቀኝ ያለ አንድ ሀሳብ አለ እንደሚከተለው ነው፡፡ ለመጀመሪያ ጊዜ ጓደኛነት ስመሰርት በአይን ለረጅም ጊዜ ከወደድኩዋት ልጅ ጋር በአጋጣሚ ተዋውቀን፤ ከዚያም ተነጋግረን በጓደኝነት 1 ዓመት ያህል ከዘለቅን በኋላ አንድ ስሜቴን የሚጎዳ ነገር ገጠመኝ፡፡ ፀጉሬን እየተስተካከልኩ ሳለ የማላውቃቸው ሰዎች ስለእሷ መጥፎ ነገር  ሲያወሩ ሰማሁ፤ ከዚያም የራሴንየጥናት ስራ ሰርቼ አረጋገጥኩኝ፡፡ ከዚያም ለመለያየት በቃን፤ አሁን ከተለያየን 1 ዓመት ሆኖናል፡፡

    አሁን ደግሞ ለእኔ እጅግ አሳቢ ልጅ ጋር ተዋውቄ የበፊቱን ፍቅሬን እጅግ በጣም አስረስታኛለች፡፡ ከ1 ዓመት በኋላ ግን እኔ ጣዕም አጥቼያለሁ፡፡ ለምን እንደሆነ አላወቀኩትም፤ እባካችሁን መፍትሄውን ስጡኝ፡፡ የመጀመሪያዋን ማሰብ ጀምሬያለሁ፡፡ ከሁለቱም ጋር ምንም አይነት የወሲብ ግንኙነት አላደረግንም፡፡

    ውድ የዚህ አምድ ተሳታፊያችን - ዮናስ

    ለአምዳችን ስኬት ጉልህ ሚና የሚጫወቱት እንደ አንተ መሰል ተሳታፊዎቻችን በመሆናቸው ጥያቄህን ከወፍራም ምስጋናና ሰላምታ ጋር ተቀብለናል፡፡ በአንድ ወቅት የአይን ፍቅር ከያዘህ ልጅ ጋር በፍቅር ጥንዶች ሆናችሁ ለአንድ ዓመት ያህል እንደቆያችሁ፤ ድንገት ፀጉር ቤት ሆነህ ስለ እርሷ መጥፎ ባህሪ እንደሰማህ፤ እውነታውንም አረጋግጠህ ካንተ ውጪ ከሌሎች ሰዎች ጋር እንደምትወጣ ካወቅህ በኋላ እንደተለያያችሁ ከደብዳቤህ ማወቅ ችለናል፡፡ ከተወሰነ ጊዜ በኋላ ለአንተና ለፍቅራችሁ በጣም አሳቢ፣ እንዲሁም ያለፈውን ጥሩ ያልሆነ ትዝታህን የምታስረሳህ ልጅ እንዳገኘህም ነግረኸኛል፡፡ ግን ከበፊቷም ሆነ ከአዲሲቷ ጋር ምንም አይነት ወሲብ ግንኙነት እንደሌለህ ጭምር ለማወቅ ችለናል፡፡ በዚህ አጋጣሚ ከጋብቻ በፊት ወሲብ ባለማድረግህ ሳናደንቅህ አናልፍህም፤ ለሌሎችም አርአያ እንድትሆን ግፋበት እንላለን፡፡ ይሁንና ለምን እንደሆነ ባታውቀውም በዚህ ጊዜ ሌላ አንድ ዓመት አብሮ መሆኑ እንደሚያሰለችህና እንደሚያደክምህ ገልፀህልናል፡፡ ምን ትመክሩኛላችሁ? ላልከው መፅሐፍት አጣቅሰን፣ የራሳችንንም የህይወት ተሞክሮና ምክር አክለን መፍትሄውን እነሆ ብለናል፡፡

    ምንም እንኳ ያለፈው ታሪክህ ለዛሬ መሰረትና መነሻህ፣ ለወደፊቱም አመላካች መሆኑ ባይካድም ትላንት ያጋጠመህ ነገር በሙሉ ዛሬም ይከሰታል ብለህ መገመት ያለብህ አይመስለንም፡፡ ዛሬ ሌላ ቀን ነው፤ ነገም እንዲሁ! ለጥያቄህም መልስ ከመስጠታችን በፊት የሚከተሉትን ማወቅና መረዳት ተገቢ ነው እንላለን፡፡ ለመሆኑ ከአዲሲቷ ጓደኛህ ጋር መሆኑ ያስፈለገህ ዘላቂ የትዳር ጓደኛህ እንድትሆን ነው? ወይስ እንዲያው የበፊቷን እንድታስረሳህ? በግንኙነታችሁ ውስጥ የመጨረሻ ግብህ ምንድነው? ያለምንም በቂና አሳማኝ ምክንያት ብዙ ጊዜ እንድትቆዩ ባንመክርህም፤ ለአጭር ጊዜ መሆኑም ደግሞ የራሱ የሆነ ጉዳት አለው፡፡ በእርግጠኝነት የምንነግርህ ግን ቀጣይነት ላለው የኑሮ ምዕራፍ ለሚዘጋጁ ጓደኛማቾች አንድ ዓመት አብሮ መቆየታቸው ቢያንስ እንጂ የሚበዛ ነው የሚባል አይደለም፡፡ ከበፊቷ ልጅ ጋር መለያየትህ የማይታይ በረከት እንጂ ክስረትና ጉዳት አይደለም፡፡ ጊዜህን፣ ጉልበትህን፣ ገንዘብህን ልታጠፋ ትችል ይሆናል፤ ግን ወደ ፊት አብራ በመሆኗ ልታደርስብህ ከምትችለው ጉዳት አይበልጥም፡፡ ደግሞም የአንተ ካልሆነችው ልጅ ጋርም ጊዜህን ማጥፋት ላንተም ለሷም መልካም አይመስለንም፡፡

    ውድ ተሳታፊያችን አንድ ነገር ልታጤን የሚገባው አዲሲቷ ልጅ ላንተም ሆነ ለፍቅራችሁ አሳቢ እንደሆነች ነው፡፡ ይህ ደግሞ መልካም፣ ለወደፊት ህይወታችሁ ገንቢና መሰረት ነው፡፡ ታዲያ በዚህ ላይ ያንተም ሀሳብና ምላሽ ተመሳሳይ ካልሆነ ችግሩ ወደ እናንተም ግንኙነት እንደሚመጣ ሌላ ምልክት ወይም ተአምር መጠበቅ አያሻም፡፡ ደግሞ መልካም ከሆነና መጥፎ የሆነው ታሪካችንን ከሚያስረሳ ሰው ጋር እረጅም ጊዜ መቆየት የሚጠላ ሰው ያለ አይመስለኝም፡፡ ከላይ እንደጠቀስነው ለብዙም ሆነ ለአጭር ጊዜ በጓደኝነት መቆየቱ የራሱ የሆነ አሉታዊም ሆነ አዎንታዊ ተፅዕኖ ቢኖረውም የጊዜው ጉዳይ ከጥንዶች ጥንዶች አንፃራዊ ስለሆነ ዋናው የምንቆየው ለምንድነው? የሚለውን መመለሱ ላይ ነው፡፡ ከቆይታው በስተጀርባ ያለውን ፍላጎት /Motive/ ማወቅም ተገቢ ይመስለኛል፡፡

    ለመሆኑ ረዘም ላለ ጊዜ አብሮ በጓደኝነት መቆየቱ ጠቀሜታው ምንድነው?

    አብሮ ማደግን ስለሚያስከትል ነው፡፡ ረዘም ላለ ጊዜ የሚቆዩ ጥንዶቹ (ለምሳሌ ከተጫጩ በኋላ ቢያንስ ለአንድ ዓመት አሊያም ከተዋወቁ 18 ወራት ያላነሰ) ጊዜ የነበራቸው ሊጣጣም የሚችል መንፈሳዊ እምነት ይኖራቸዋል፡፡ ይህ ደግሞ ዘላቂነት ላለው የጋራ እድገት አቅም ይሆናቸዋል፤ በጋራ ማደግን መቀጠል ከቻሉ ደግሞ በደስታ አብሮ ለመቆየት አያስቸግራቸውም፡፡ ስለዚህ መልካም ግንኙነት እድገት ተኮር ስለሆነ ሁለታችሁም እየተማራችሁ የምትለወጡበት፣ ከግለሰባዊ አካሄድ ወደ ጥንድ አስተሳሰብ የምትራመዱበት የህይወት መድረክ ነው፡፡ ይህ ግን በመዳከምና በመሰልቸት የሚመጣ አይደለም፤ እንደውም ከሁለታችሁም በኩል ቁርጠኝነትን፣ ትዕግስትን፣ ትኩረት መስጠትንና መከባበርን ይጠይቃል፡፡

    መተሳሰብን ያጎለብታል፡፡ ፍቅር የሁለትዮሽ ግንኙነት ነው፡፡ እርሷ ብቻ የምትወድህ ከሆነና ተመጣጣኝ ምላሽ ካንተ ካላገኘች ችግርና በአንድ እጅ የማጨብጨብ አይነት ነው፡፡ ይህ ማለት ግን መተሳሰቡ በተዋወቅካት ማግስት ይምጣ ማለት አይደለም፡፡ ጊዜያት ባለፉ ቁጥር እርስ በርስ የመተዋወቁ፤ የመናበቡ ሁኔታ እየተሻሻለ እንደሚመጣ ግልፅ ነው፡፡ አንዳችሁ ለአንዳችሁ ፍቅራችሁን የምትገልፁበትን መንገድ በመፈለግ እርስ በርስ እንድትተሳሰቡ፣ ፍቅራችሁንም እያሳደጋችሁ ከመጥፎ ነገር እንድትጠበቁ ያስችላችኋል፡፡ ጊዜው ደግሞ በደንብ እንድትተዋወቁ ብቻ ሳይሆን ያልተስተካከለ ባህሪና ልማድ ካለም የምትተራረሙበት ወቅት ነው፡፡

    የረጅም ጊዜ እቅድ እንዲኖርህ ያደርግሃል፡፡ መቼም ጤነኛ አእምሮ እንዳለው ማንኛውም ሰው ይብዛም ይነስም በህይወቱ እንዲሳካለት የሚፈልገው ነገር ይኖረዋል፤ ለዚህም መሳካት ደግሞ ሰው የራሱ የሆኑ የአጭር ወይም የረጅም ጊዜ እቅዶችን ያቅዳል፡፡ እንዲሆንልን እንደምንፈልገው ነገር ደግሞ የሚጠይቀንም ጊዜ የዚያኑ ያህል ይለያያል፡፡ የምንፈልገው ነገር ከባድና ዘላቂነት ያለው ከሆነ የረጅም ጊዜን እቅድንና ቁርጠኝነትን እንደሚጠይቅ አይካድም፡፡ ይህ ደግሞ አላማ ያለው ህይወት እንድትኖር ከማድረጉም ባሻገር ውጤታማ ያደርግሃል፡፡ የመጨረሻው ውሳኔ ያንተ ቢሆንም እኛ ደግሞ ወደፊት ህይወትህ እንዲቃና መልካም ናቸው ብለን የምናስባቸውን ነገሮች እናመላክትሃለን፡፡ ስለዚህ ስለምታስበው የወደፊቱ ግንኙነትህ ከእድል ጋር በምንም ሁኔታ ሳታያይዝ አብዛኛው ጉዳይህ አሁን በምታስበው፣ በምትቆጣጠረውና ከሁሉም በላይ ደግሞ መጨረሻህም እንዴትና ምን እንዲሆን እንደምትፈልግ በምታደርገው ጥረት ላይ እንደሚወሰን እወቅ፡፡

    እንግዲህ ወንድማችን ማንኛውንም ሰው በሚኖርበት አካባቢ ከሌሎች ሰዎች ጋር ጥሩ ግንኙነት እንዲኖረው ይፈልጋል፡፡ ነጋዴዎች እንኳ የደንበኞችን እምነት ለማግኘትና የረጅም ጊዜ ትስስርን ለመመስረት ብዙ ጥረት ሲያደርጉ መልካም ግንኙነት ለመፍጠር ሲሞክሩ ይስተዋላሉ፡፡ በተለይ እኛ ደግሞ ወደ ፊት የህይወት ጊዜያችንን ልንጋራው ከምንሻው ሰው ጋር ምን አይነት ግንኙነት መፍጠር ላይ ብቻ ሳይሆን፣ እንዴት ልናቆየው እንችላለን የሚለው ላይ ማተኮር ተገቢ ይመስለናል፡፡ ነገሮችን ካከበድክ ይገዝፍብሃል፤ ነገር ግን ወዴት እንደምትሄድ ካወቅክና ለምን እንደምታደርገው ከተገነዘብክ የሚያስቸግርህ የሚያሰለችህ አይመስለንም፡፡ ለማንኛውም አንተ ውደዳት እንጂ የሚከተሉትን ምክሮች ተግባራዊ ብታደርግ ከውጤታማ የሆነ የረጅም ጊዜ ግንኙነት ሳትሰላች ከምትወዳት ልጅ ጋር ይኖርሃል እንላለን፡፡

    1. ከሌላ ሰው ጋር አታነፃፅር፡፡

    የእያንዳንዱ ጥንድ ግንኙነት አጀማመሩም ሆነ አካሄዱ፤ አጨራረሱም የተለያየ እንደሆነ አስብ፡፡ አሁን ያለህን ግንኙነት ‹‹ፍፁም›› ነው ብለህ ከምታስባቸው ከሌሎች ጓደኞችህ ቤተሰቦችህ ጥንዶች ጋር በፍፁም አታነፃፅር፡፡ እያንዳንዳቸው ጥንዶች በግንኙነታቸው ውስጥ የራሳቸው የሆነ የፍቅር ስምምነት፤ ልማድና ደንብ ይኖራቸዋል፡፡ ስለዚህ ወንድሜ በራሳችሁ (በአንተና በርሷ) ላይ ትኩረት አድርገህ ግንኙነታችሁን ወደ ላቀ ደረጃ እንዲደርስ የማድረግ ኃላፊነቱ በሁለታችሁም እጅ ነው፡፡ የጎንህ አጥንት እርሷ ከሆነች ሌሎቹ ምንም ያህል ያማሩ መስለው ቢታዩህም ይወጉሃል፤ ያሳምሙሃል፤ ዕድሜህን ያሳጥሩታል፤ እግዚአብሔርም ካዘጋጀልህ መልካም ነገር ላይ እንዳትደርስ ያደርጉሃል፡፡ ስለዚህ የአንተ የአንተ ነች፤ ልትቀይረው የምትችለው ሊቀየር የሚችለውን ባህሪዋን ብቻ ነው፡፡

     

    1. ልዩነታችሁን አክብር፡፡

    መቼም ሁለታችሁም ከአንድ ቤት ውስጥ እንደ አለመውጣችሁ፤ የተለያየ የኑሮ ዘይቤና አስተዳደግ እንዲሁም የሀሳብ ልዩነት ይኖራችኋል፡፡ ስለዚህ ሁልጊዜ ነገሮችን ከራስህ አቅጣጫ ብቻ አትመልከት፣ ሁሉም ነገር እኔ እንደምፈልገውም ብቻ ይሁንም አትበል፡፡ እሷም የራሷ የሆነ አመለካከት እንዳላት እወቅ፡፡ የማትስማማበት ነገርና የሀሳብ ልዩነት እንኳ ቢፈጠር በማክበር ተቀበለው፡፡ ስለዚህም ጓደኛህን ለማድመጥ፣ ለመረዳትና በመሀከላችሁም ያለውን ግጭት በሰላማዊ መንገድ ለመፍታት ጥረት አድርግ፡፡ ምክንያቱም ውጤታማ ግንኙነት ከሁለቱም በኩል ፈቃደኝነትንና መተሳሰብን ይጠይቃል፡፡ ነገር ግን በጣም አጥብቀህ የምትፈልገው ነገር ተሟልቶ እስካላገኘህ ድረስና የማታውቀው ቅራኔ በመሀከላችሁ ኖሮ ካልተፈታ ወደፊትም ችግሩ መነሳቱ ስለማይቀር ግንኙነቱን ባትቀጥለው እንመርጣለን፡፡

     

    1. ውስጣዊ ማንነትህን እንድታውቅ አድርጋት፡፡

    ከጓደኛህ ጋር የምታሳልፋቸው እያንዳንዳቸው ጊዜያት ወይም ደረጃዎች በጣም አስፈላጊ መሆናቸውን አትዘንጋ፡፡ ስለ ጓደኛህ የበለጠ እንድታውቅ ከማድረጉም ባሻገር ከእርሷ ጋር ያለህን ስሜትና ግንኙነት ትክክል ስለመሆኑ ያረጋግጥልሃል፡፡ አካልህን ብቻ ሳይሆን ከልብህ ያለውን ነገርህን አሳውቃት፡፡ ጊዜና አቅም በፈቀደ መጠንም ትርጉም ያለውና ጠለቅ ያለ ንግግር በተወሰነ ወቅት ይኑራችሁ፡፡ በደስታዋም ሆነ በሀዘኗ ጊዜ በሀሳብ፣ በአካልም ሆነ በስሜትህ ቅርብ ሁንላት፡፡ አብራችሁ የምታደርጓቸው ነገሮች ብዙ ሰዓት የሚፈጁ ከሆነ ጊዜያችሁ አጠር ስለሚል ቀልጣፋና የማያሰለች ይሆናል፡፡ ለሌላ ጊዜም እንድትገናኙና እንድትነፋፈቁ መንገድ ይከፍትላችኋል፡፡

    1. ይቅርታ ማድረግንና መርሳትን ሞክር፡፡

    ሰዎች እስከሆንን ድረስ አንዳንድ ስራዎችን ሰንሰራ እንሳሳታለን፡፡ ስለዚህ በግንኙነታችሁ ወቅት ትክክል ያልሆነ ነገር ቢገጥምህ ለጓደኛህ ይቅር ማለትን  ተማር፡፡ መቼም ቢሆን ረስህን ትክክለኛና ፃድቅ አድርገህ በመግለፅ፣ ጓደኛህን እንደ ጥፋተኛ አታድርግ፡፡ ስህተትን በእውነት ለመርሳት ሞክር፡፡ የተሻለ ነገር በማሰብ ወደፊት ተራመድ፡፡ መፅሐፉስ የሚለው ‹‹…በኋላዬ ያለውን እየረሳሁ በፊቴ ያለውን ለመያዝ እዘረጋለሁ…›› አይደል የሚለው! ስለዚህ በግንኙነት ውስጥ መልካምና ዘላቂ የሆነ ነገር ለማግኘት ይቅርታ ጠይቅ፤ ከልብም ይቅር በል፡፡ ከእያንዳንዱ ጥላችሁና ክርክራችሁ በስተጀርባ ግንኙነታችሁን ማቋረጥ ወይም መለያየት እንደመፍትሄ የምታስብ ከሆነ መቼም ቢሆን ችግርህ መፍታት የምትችል አይመስለንም፡፡ ይልቁኑ የሚያስጨንቃችሁን ነገር ወደ ጠረጴዛ ላይ በማምጣት መፍትሄ እስክታገኙና ሁለታችሁም ወደ ቀድሞው መልካም ጓደኛችሁ እስክትገናኙ ድረስ ደጋግማችሁ ተነጋገሩበት፡፡

     

    1. በመሀከላችሁ መተማመንን አዳብሩ፡፡

    በጥንዶች መካከል ያለ መተማመን አንድ ግንኙነት ዘላቂና ወደ ተሻለ ደረጃ ከሚያደርሱ ጉዳዮች ውስጥ ዋነኛው ነው፡፡ ማንም የማንንም የግል ገመና አሳልፎ ለሌላ ሰው እንደማይሰጥ፤ አንዳችሁ ሌላኛውን ጓደኛችሁን እንደማታታልሉ እርግጠኛ መሆን መቻል አለባችሁ፡፡ ለነገሩ ወደ ፊት ከኛ ጋር አንድ ይሆናል ብለን የምናስበውን ሰው አለማመናችን የወደፊቱን ግንኙነታችንን ከማቀጨጩም ባሻገር፤ እምነት በጓደኛችን ላይ ጥለን የምናገኘውን ደስታና ሰላም በራሳችን ምርጫ እንገፋለን፡፡ እንግዲህ ህይወት በምርጫ የተሞላች ናት፡፡ እኛ የራሳችንን መክረናል፡፡ አንዱንና የሚያዋጣውን መምረጥ ያንተ የባለታሪኩ መብት ድርሻ ነው፡፡

    ከላይ ከጠቀስናቸው አምስት ነጥቦች ባሻገር ምክንያታዊ የሆኑ ግቦችን ብታቅድና ብታስቀምጥ (ለምንድነው ግንኙነት መመስረት ያስፈለገኝ ብለህ ራስህን ጠይቀህ)፣ ቁርጠኝነትህን የሚገልፅ አባባል/ፅሑፍ ብታዘጋጅና ለተፈፃሚነቱ ክትትል ብታደርግ፣ ያለምንም ቅድመ ሁኔታ ጓደኛህን/እጮኛህን ማመንና ማክበር ብትጀምር፣ ያልተከፋፈለ ትኩረት ለጓደኛህ መስጠትን ብትማር፣ ሳትሰለች ጊዜ እየሰጠሃት የበለጠ እርሷን ለመርዳት ብትሞክር እንዲሁም በቆይታህ ለሚገጥሙህ ያላሰብካቸው ችግሮች/ገጠመኞች ታጋሽ ብትሆን ግንኙነትህ የተሳካ ይሆናል እንልሃለን፡፡ ሞክረው፡፡

    አብዛኛዎቹ የስነ ልቦና ምሁራን እንደሚገልፁት ሁሉም ሰው መልካም የሆነ ግንኙነት የመፍጠርና ይዞ የመቀጠል ፍላጎት አለው፡፡ እንደነዚህ አገላለፅ ሰዎች የተረጋጋ ግንኙነትና አመርቂ መስተጋብር አብረዋቸው ካሉ ሰዎች ጋር መፍጠር ይፈልጋሉ፡፡ ይህ ሳይሆን ሲቀር ሰዎች ለብቸኝነት፣ ለድብርት፣ ለጭንቀትና ደስተኛ ላለመሆን ይጋለጣሉ፡፡

    ውድ የዚህ አምድ ተሳታፊያችን ስለ ግንኙነት (Relation ship) የተጠኑ የተለያዩ ንድፈ ሀሳቦች አሉ፡፡ አሁን ያለህበት ሁኔታ ከነዚህ አስተሳሰቦች ውስጥ በየትኛው ንድፈ ሀሳብ ተፅዕኖ ውስጥ እንደሆንክ ማወቅ የምትችለው ራስህ ስለሆንክ ጥያቄዎቹን መመለስ ላንተው ትተነዋል፡፡

    Attachment theory:-

    ይህ ንድፈ ሀሳብ ግንኙነትን የሚመለከተው በህፃንነታችን ወቅት ከነበረን ከቤተሰባችን ጋር ያለንን ቁርኝትና ቅርርብነት ጋር ነው፡፡ በዚያ ወቅት የነበረን መልካምም ሆነ መጥፎ ግንኙነት እያደግንም ስንመጣ በጎልማሳነት እድሜያችን ላይ ተፅዕኖ ያሳድርብናል፡፡ እንዴት ነበር አስተዳደግህ?

    Social Exchange Theory:-

    ይህ ንድፈ ሀሳብ ደግሞ ግንኙነትን የሚመለከተው ከጥቅም ልውውጥ ጋር ነው፡፡ ሰዎች ግንኙነቱን የሚመለከቱት በመካከላቸው ካለው ግንኙነት የተነሳ የሚመጣነው ስጦታ ወይም ሽልማት በመመልከት ነው፡፡ አንተ የምትፈልገው ነገር ኖሮህ ከርሷ አጥተሃል? አንተስ መስጠት የሚገባህን ነገር ሰጥተሃል?

    Equity theory:-

    በሁለተኛ ተራ ቁጥር ያለውን በመቃወም የመጣ ንድፈ ሀሳብ ሲሆን ሰዎች ግንኙነትን የሚመለከቱት ፍትህና እኩልነትን በመፈለግ ነው፡፡ ስለዚህ ከስጦታ መለዋወጥ ይበልጥ እንደሚተሳሰቡ ይናገራሉ፡፡

    Relational Dialect:-

    እነኚህ ደግሞ ግንኙነትን የሚመለከቱት እንደ ቋሚና የማይለዋወጥ ነገር ሳይሆን ተቀያያሪና ቀጣይነት ያለው ሂደት እንደሆነ ነው፡፡ ግንኙነታችሁ ቀስ በቀስ እየተቀየረ እንደሚመጣ ተረድተሃል? በነገራችን ላይ ዶ/ር የሺጥላ መንግስቱ የሚገባው ማንን ነው በሚል መጽሐፋቸውና ሴቶች በአሰሳ ጊዜ ከወንዶች ምን ጥቃሉ በሚለው ጽሑፋቸው ላ እንደገለፁት ሴቶች ከወንዶች ጋር ያላቸው ግንኙነት ቀስ በቀስ እንዲያድግ እንጂ ፍጥነት እንዲኖረው አይሹም፤ ከዚህ ጋር ተያይዞ ነገሮችን ሁሉ መቆጣጠር እንዲችሉና መረጋጋት እንዲኖራቸው ቀጠሮውንም ሆነ በወቅቱ ስለሚደረጉ ነገሮች ቀደም ብለው ማወቅ ይፈልጋሉ፡፡

    እንግዲህ እንደማንኛውም ህይወት እንዳለው ፍጡር ግንኙነት አጀማመር፣ የተወሰነ ፍጡር ግንኙነት አጀማመር፣ የተወሰነ የህይወት ቆይታና መጨረሻ አለው፡፡ ሰዎች እርስ በርስ እየተዋወቁና በስሜትም እየተቀራረቡ በመጡ ቁጥር ግንኙነታቸው እያደገ ይሻሻላል፡፡ በተቃራኒው ደግሞ ሰዎች ራሳቸውን እያሻሹና ሌላ ግንኙነት መመስረት ሲጀምሩ ግንኑነታቸው እየከሰመና እየጠፋ ይሄዳል፡፡ George levinger የተባሉ የስነ ልቦና ምሁር በ‹‹Development and change›› በተሰኘ ጽሑፋቸው ላይ የግንኙነት እድገት ደረጃዎችን እንደሚከተለው ያስቀምጡአቸዋል፡፡

    Acquaintance (ትውውቅ)

    ከሰዎች ጋር ስንተዋወቅ ከአሁን በፊት የነበረን ግንኙነትና ቅርርብነት፣ እንዲሁም ስለዛ ሰው በመጀመሪያ በሚኖረን ግምትና ሌሎች ተዛማች ክስተቶች ሊወሰን ይችላል፡፡ ሰዎቹ ከተዋደዱና ቀልባቸው ከተፈቃቀደ ቀጣይነት ያለው መስተጋብራቸው ወደ ሌላኛው ደረጃ ያሻግራቸዋል፡፡

     

    Build-up (መጠንከር)

    በዚህ ጊዜ ሰዎች እርስ በርስ መተሳሰብን፣ መግባባትና መተማመን ይጀምራሉ፡፡ በተለያዩ ነገሮችም መጣጣም መቻላቸውና አለመቻቻላቸው የወደፊቱ ግንኙነታቸውን ይወስነዋል፡፡ ለዚህም መወያየትና መነጋጋር ይጠይቃል፡፡ ከዚህም ባሻገር ዶ/ር የሺጥላ መንግስቱ ይህ ወቅት ‹‹ህልምና ራዕያችሁ አብሮ ይሄድ አይሄድ እንደሆነ የምትመዝኑበት ጊዜ ነው›› ይላሉ፡፡

     

    Continuation (መቀጠል)

    ይህ ደረጃ ጓደኛማቾቹ በጋራ ኃላፊነት የሚወስዱበት ወይም ረዘም ወዳለ ግንኙነት፤ የፍቅር ትስስርና ጋብቻ ቁርጠኛ ሀሳብ የሚይዙበት ነው፡፡ ይህ ጊዜ ሊረዝምና በአንፃራዊ ሁኔታ የተረጋጋ ሊሆን ይችላል፡፡ የማያቋርጥ እድገትና ለውጥም በዚሁ ጊዜ ይከሰታል፡፡ ይህ ወቅት መደጋገፍና መረዳዳት እንደሚቻል የምታውቁበት፤ አንዳችሁም ከሌላው ተለይታችሁ ለመኖር አለመቻላችሁን የምትገንዘቡበት ጊዜ ስለሆን ግንኙነታችሁና ፍቅራችሁ አንዳችሁ ለሌለው በምታደርጉት ጥንቃቄና እንክብካቤ ይገለፃል፡፡

     

    Detrioration (መዳከም/መቀነስ)

    እዚህ ላይ ሁሉም ግንኙነቶች ይቀንሳሉ ማለት አይደለም፡፡ ይሁንና በግንኙነት ወቅት መሰላቸት፣ አለመረጋጋት፣ አለመደሰትና ሌሎች ተዛማች የሆኑ የችግሮች ምልክቶች ካሉ መቀነሱ አይቀሬ ነው፡፡ በዚህ ወቅት ሰዎች ግንኙነታቸውን የመቀነስ አንዳንዴም እራሳቸውን የመግለፅ ሁኔታ ያስወግዳሉ፡፡ ይህም ነገር እየቀጠለ በሄደ ቁጥር አለመተማመንና ክህደት እያነገሰ ይሄዳል፡፡

     

    Termination (መፈፀም)

    ይህ ጊዜ የመጨረሻው ደረጃ ሲሆን ግንኙነታቸው መልካም ከነበረ በሞት አሊያም ደግሞ በመለያየት የሚያበቃበት ነው፡፡

    እንግዲህ ወንድማችን አንተ የትኛው ደረጃ ላይ እንዳለህ የምታውቀው አንተ ነህ፡፡ ምንም እንኳ የግድ እነዚህን ደረጃዎች ማለፍ አለብህ ባንልም ከአንደኛው ደረጃ ወደ መጨረሻው በአንድ ጊዜ መድረስ ብትፈልግ ጤና አይስለንም፡፡ ቀደም ብለን ከላይ ያስቀመጥናቸውን ምክሮች በደንብ አስተውል፡፡ በግንኙነታችሁም የቆይታ ጊዜ ተለማመዳቸው፡ ረዘም ያለ ግንኙነቱን አትጥላው፤ ቢጠቅምህ እንጂ አይጎዳህም፡፡ የረጋ ወተት ቅቤ ይወጣዋል አይደል የሚባለው? በተረፈ ከሁኔታዎች በላይ የሆነው አምላክ ይርዳህ፡፡ መፅሐፉስ …እኛ ባሪያዎቹ እንሰራለን፤ የሰማዩም አምላክ ያከናውንልንል ነው አይደል የሚለው? ለዛሬ አበቃን፡፡ ቸር እንሰንብት፡፡

    ምንጭ: www.mahderetena.com

    - See more at: http://www.mahderetena.com/amharic/?p=4808#sthash.Jj1Y4CnL.dpuf

    Read more
  • የፋሲካ አመጋገባችን እንዴት ነው? - Our Fasika Holiday Diet

                                 

    ተልባ የጨጓራን መላጥ ይከላከላል በክርስትና እምነት ተከታዮች ዘንድ ከፍተኛ ግምት ከሚሰጣቸው በዓላት አንዱ በሆነው የፋሲካ በዓል ዋዜማ ላይ እንገኛለን፡፡ በዓሉ ከአምሣ አምስት ቀናት ፆም በኋላ የሚከበር በአል እንደ መሆኑ አከባበሩም ከሌሎቹ በዓላት ለየት ባለ መልኩ ነው፡፡ አንጀታችን ለሁለት ወራት ገደማ በቅባትና በሥጋ ላይ ማዕቀብ ጥሎ እንደመክረሙ፣ በዕለተ ፋሲካ ድንገተኛ ለውጥ ሲደረግበት ሊቆጣ ወይም ተግባሩን ለመፈፀም ፈቃደኛ ላይሆን ይችላል፡፡ በዚህ የተነሳም በደስታ ልናከብረው ያሰብነውን በዓል በጭንቀትና በህመም ልናሣልፈው እንችላለን፡፡

    ከጤና ጥበቃ ሚኒስቴር የተገኘ መረጃ እንደሚያመለክተው፤ በበዓላት ሰሞን ወደተለያዩ ሆስፒታሎችና ጤና ጣቢያዎች ለህክምና ከሚመጡ ታካሚዎች መካከል አብዛኛውን ቁጥር የሚወስዱት ከበዓል አመጋገብ ጋር በተያያዝ በሚከሰቱ የአንጀትና የጨጓራ ችግሮች ጉዳት የደረሰባቸው ህሙማንና ከአልኮል መጠጥ ጋር በተገናኙ የተለያዩ ችግሮች ሣቢያ ጉዳት የደረሰባቸው ሰዎች ናቸው፡፡ የምግብ አለመፈጨት ችግር በተለያዩ ጊዜያትና በልዩ ልዩ ምክንያቶች የሚከሰት ችግር ቢሆንም በበዓላት ሰሞን ችግሩ ሰፋ ብሎ ይታያል፡፡ ይህ የሆነበትን ምክንያት የውስጥ ደዌ ስፔሻሊስት የሆኑት ዶ/ር ምህረት ተስፋው ሲናገሩ፤ “በበዓላት ቀናት አመጋገባችን ከወትሮው በተለየ ሁኔታ በመሆኑና ቅባትና በርበሬ የበዛባቸዉን ምግቦች አብዝተን የምንመገብ ስለሆነ እንዲሁም በአንድ ጊዜ በርካታ ምግቦችን ስለምንመገብ ነው፡፡

    ከዚህ በተጨማሪ አልኮልና ቡና አብዝቶ መጠጣት፣ ጭንቀት፣ የጣፊያ መቆጣትና በሆድ ዕቃ ውስጥ የአየር መከማቸት፣ የምግብ አለመፈጨት ችግርን ከሚያስከትሉ ጉዳዮች መካከል ይጠቀሳሉ፡፡ የምግብ አለመፈጨት ችግር መኖሩን ከሚጠቁሙ ምልክቶች መካከል የሆድ መነፋት፣ የሆድ ህመም፣ ቃር፣ የአየር መብዛት፣ ማቅለሽለሽና ማስመለስ፣ ጨጓራ አካባቢ የሚሰማ የህመም ስሜትና፣ ግሣት ጥቂቶቹ ናቸው፡፡ እኒህም በታማሚው ላይ ጭንቀትና ከባድ የህመም ስሜትን ሊፈጥሩ ይችላሉ፡፡ በበዓላት ወቅት የሚኖረንን የአመጋገብ ባህርይ ተከትሎ የሚከሰተውን የምግብ አለመፈጨት ችግር ለመፍታት ዋንኛ መፍትሔ ይሆናል ያሉትን ጉዳዮች ዶ/ር ምህረት እንዲህ ይዘረዝሯቸዋል፡፡ “በተለይ እንዲህ እንደ አሁኑ አንጀታችን ከሥጋና ከቅባት ምግቦች ለወራት ታቅቦ ከቆየ በኋላ፣ ሣናለማምደው በድንገት ቅባትና በርበሬ የበዛባቸውን ምግቦች ስንመገብ ህመሙ በቀላሉ ሊፈጠር ይችላል፡፡

    ስለዚህም ቅባት የበዛባቸዉን ምግቦች በተቻለ መጠን መቀነስ፣ በአንድ ጊዜ ብዙ አለመመገብ፣ ቀበቶን አጥብቆ አለማሰር የምግብ መፍጨት ሥርዓቱ የተስተካከለና ጤናማ እንዲሆን ያግዛል፡፡ “የምግብ አለመፈጨት ችግርን ያግዛሉ ተብለው በህክምናው ዘርፍ ከሚታመንባቸው መድሃኒቶች ይልቅ ከላይ በዝርዝር የተገለፁት ነገሮች ችግሩ እንዳይከሰት፣ ከተከሰተም ለከፋ ችግር እንዳይዳርግ ሊከላከሉ የሚችሉ ናቸውና አዘውትረን ልንጠቀምባቸው ይገባል” ዶክተር ምህረት ይመክራሉ፡፡ በፆም ፍቺ ወቅት ቅባት ነክ ምግቦችን ከመመገባቸው ወቅት አንዳንድ ሰዎች ተልባ ወይንም አብሽ ይጠጣሉ፡፡ ይህም ጨጓራቸው የሚሰጠውን ምግብ በአግባቡ ለመፍጨት እንዲችል ለማዘጋጀት እንደሚረዳቸውም ይናገራሉ፡፡ ይህንን ጉዳይ አስመልክተው ዶክተር ምህረት ሲናገሩ፤ “ነገሩ በአብዛኛው ህብረተሰብ ዘንድ የተለመደና ተዘውትሮ የሚፈፀም ጉዳይ ነው፡፡

    በህክምናው ረገድም ጠቀሜታ ያለው ነገር እንደሆነም ይታመናል፡፡ በተለይ ተልባ በውስጡ የሚዝለገለግ ነገር ስላለውና ይህ ዝልግልግ ነገር በጨጓራው ውስጠኛው ክፍል ገብቶ መላጥ እንዳያስከትል ይከላከላል” ብለዋል፡፡ ሌላው ከበዓላት ጋር ተያይዞ የሚከሰተው የጤና እክል ደግሞ አልኮል አብዝቶ በመጠጣት የሚፈጠር ችግር ሲሆን እንደ ፋሲካ ባሉ ታላላቅ በዓላት የአልኮል መጠጥ በአብዛኛው ህብረተሰብ ዘንድ የተለመደ በመሆኑ አልኮል በጨጓራ ላይ የሚፈጥረው ተጽዕኖ የማቅለሽለሽ ስሜት እንደሚፈጥር ባለሙያው ያስረዳሉ፡፡ ጉበት አልኮሉን ለማብላላት በሚያካሂደው እንቅስቃሴ የደም ስኳሩ መጠን ስለሚቀንስ በግለሰቡ ላይ የድካም ስሜት እንዲፈጠርና ሰውነቱ እንዲዝል ያደርገዋል፡፡

    አልኮል አብዝተው የጠጡ ሰዎች ራስ ምታት፣ አፍ መድረቅ፣ ድካም፣ ትኩሣት፣ ማስመለስና ተቅማጥ ሊያጋጥማቸው ይችላል። ይህ ችግር ያጋጠማቸው ሰዎች ውሃ አብዝተው በመጠጣት ናርኮቲክ መድሃኒቶችን በመውሰድና በቂ እረፍት በማድረግ ችግራቸውን ሊያስወግዱ እንደሚችሉ ዶ/ር ምህረት ይገልፃሉ፡፡ አንዳንድ ሰዎች ብዙ መጠጥ ጠጥተው ይህ አይነት ችግር ሲገጥማቸው ከህክምናው ይልቅ ተለምዶአዊ በሆነው ዘዴ ችግራቸውን ለማስወገድ ጥረት ሲያደርጉ ይታያሉ፡፡ ከእነዚህ መካከልም የቲማቲም ጭማቂ መጠጣት፣ የሽሮ ፍትፍት መመገብና ውሃ አብዝቶ መጠጣት በህክምናው ዘርፍም የሚደገፍ ሲሆን ችግሩን ለማስወገድ ይረዳል እየተባለ የሚወሰደው ተጨማሪ የአልኮል መጠጥ ችግሩን ከማባባስ የዘለለ መፍትሔ እንደሌለው ባለሙያው ይገልፃሉ፡፡ መጪውን በዓል በሠላም፣ በጤናና በደስታ እናከብረው ዘንድ ጤናችንን ከሚያጓድሉ ችግሮች መጠበቅ ግድ ይለናል፡፡ 

    ምንጭ:- ጤናችን በራሳችን  105 FM

    Read more
  • የወር አበባ ዑደት መዛባት አይነቶችና መንስኤዎቻቸው

     

     በ ዶ/ር ቤቴል ደረጀ

     

    የወር አበባ ዑደት መዛባት አይነቶችና መንስኤዎቻቸው ፡-

    .
    የወር አበባ ዑደት ተዛባ የምንለው አንዲት ሴት ወትሮ ከምታየው የተለየ
    ጠባይ ሲገጥማት ነው፡፡ ለምሳሌ፦

    • የፍሰት መጠን መብዛት
    • የፍሰት መጠን ማነስ
    • መቅረት
    • የቀኑ መዛባት
    • ቶሎ ቶሎ መምጣት

     የፍሰት መጠን መብዛት - 
    ከዚህ በፊት ይፈስሽ ከነበረው መጠን በላይ ሲበዛ፣ ከ7 ቀናት ባላይ ሲፈስሽ፣ ብዙ የንጽሕና መጠበቂያ ለመጠቀም ስትገደጂ፣ ሲፈስሽ የሚረጋ ከሆነ፣ የድካ ስሜት ካለሽ፣ የማዞር ስሜት ካለሽ እና ራስን እስከ መሳት ስትደርሺ ፍሰቱ ተዛብቷል ማለት ነው፡፡

    >> መንስኤዎቹ፡- 
    ማህፀን እጢዎች፣ የሆርሞን መዛባት፣ ጭንቀት፣ መድሀኒቶች፣ የደም መርጋት ችግር ሊሆን ይችላል።

     የፍሰት መጠን ማነስ፡- 
    ከ35 ቀናት በላይ እየቆየ የሚመጣ ከሆነ፣ ከሁለት
    ቀናት ባነሰ ጊዜ ብቻ በመጠኑ የሚፈስሽ ከሆነ ይሄ የማነስ ምልክት ነው።

    >>መንስኤዎቹ፡- 
    የእንቁላል አመራረት ሂደት መዛባት(PCOD)

     መቅረት፡- 
    ለ3 ተከታታይ ዑደት ወይም ለ6 ወራት የወር አበባ መቅረት።

    >>መንስኤዎቹ፦
    • እርግዝና፣ የማኅጸን ጠባሳ፣ የማኅጸን ኢንፌክሽን፣ የሆርሞን መዛባት
    • ጭንቀት፣ ከባድ የሆነ የስፖርት እንቅስቃሴ ወይም ማረጥ ሊሆኑ ይችላሉ።

     ቀኑን ማዛባት፡- 
    ወቅቱን ጠብቆ የማይፈስ የወር አበባ ዑደት

    >> መንስኤዎቹ፡- የማኅጸን ዕጢዎች፣ የማህጸን ጫፍ ካንሰር

     ቶሎ ቶሎ መጣ የምንለው፡- 
    ከ21 ቀናት በታች ተደጋሞ የሚመጣ ከሆነ ነው።

    >> መንስኤዎቹ፡- ማህፀን እጢዎች፣ የሆርሞን መዛባት፣ ጭንቀት፣ መድሀኒቶች፣ የማረጥ እድሜ ላይ መድረስ ሊሆኑ ይችላሉ።

    መፍትሔዎቹ ደግሞ እንደ መንስኤዎቹ ዓይነት ይለያያሉ

     

    Read more
  • በአፍንጫችን ላይ የሚወጡ ጥቋቁር ምልክቶችን ለማስወገድ የሚረዱ ዘዴዎች

                                                 

    በቆዳ ላይ የሚወጡትን ምልክቶች በቀላሉ ማጥፋት ይቻላል ማለት ግን አንድ የተሳሳተ አካሄድ በቆዳችን ላይ ጠባሳ ጥሎ ሊያልፍ አይችልም ማለት አይደለም።

    ስለሆነም የቆዳችንን ጤና መጠበቅ የዘወትር ተግባራችን ሊሆን ይገባል።

    በአፍንጫችን አካባቢ ጥቋቁር ምልክቶች ከታዩ ብዙ መጨነቅ አይገባም የሚለው የስታይል ክሬዝ ድረ ገጽ ዘገባ የሚከተሉትን ቢተገብሯቸው ጥሩ ውጤት ያገኛሉ በማለት አስቀምጧቸዋል።

    1.  የፊት ንጽህናን መጠበቅ

    በየቀኑ ከ2 እስከ 3 ጊዜ ፊታችንን መታጠብ የፊት ቆዳን ጤንነት ለመጠበቅና በአፍንጫ ላይ የሚወጡ ጥቋቁር ምልክቶችን ለማጥፋት አይነተኛ ሚና አለው።

    ጥቋቁር ምልክቶች የወጡበትን የአፍንጫችን ክፍል የሎሚ ጭማቂ መቀባትም ይመከራል።

    2.  የትራስ ልብሶችን መቀያየር

    3.    የጥርስ ሳሙና

    የጥርስ ሳሙናን መቀባት ጥቋቁር ምልክቶችን ለማጥፋት እንደሚያግዝ ይነገራል። 

    የጥርስ ሳሙናውን በተጎዳው ወይም ጥቁር ምልክቶች በወጡበት ክፍል ላይ በመቀባት ለ10 ደቂቃ መቆየትና በቀዝቀዛ ውሃ መታጠብ ከችግሩ ለመገላገል ከፍተኛ እገዛ እንዳለው መረጃው አመላክቷል።

    4.  ስቲም

    በሞቀ ውሃ መታጠብ አልያም ስቲም ውስጥ መግባትም ለችግቱ መፍትሄ ነው ተብሏል።

    ከእንፋሎቱ የሚወጣው ሙቀት የቆዳችን ቀዳዳዎች እንዲከፈቱ ስለሚያደርግ በአፍንጫችን ላይ የሚከሰቱ ጥቋቁር ምልክቶችን ለማጥፋት ይረዳል።

    5. የውበት መጠበቂያዎችን ከመኝታ በፊት ማስወገድ

    አንዳንድ ሴቶች ቀን ላይ ውበታቸውን ለመጠበቅ የተጠቀሟቸውን ሜካፖች ሳያስወግዱ ወይንም ሳይታጠቡ ይተኛሉ። 

    ይህም ለቆዳ ጤና አደገኛ መሆኑ የሚነገር ሲሆን በአፍንጫ ላይም ጥቁር ምልክቶች እንዲወጡ ያደርጋል።

    ማንኛውም የውበት መጠበቂያ ለቆዳችን ተስማሚ መሆኑን ማረጋገጥና ከተጠቀምነው በኋላም ከመኝታ በፊት መታጠብ ለቆዳችን ጤንነት መዘየድ ነው።

    6. ማር

    ፊታችንን አልያም አፍንጫችን ማር መቀባት ጥቁር ምልክቶችን በማጥፋት ንጹህ ቆዳን ያጎናጽፋል።

    በቀን ለሁለት ጊዜ አፍንጫችን አንድ ማንኪያ ማር በስሱ በመቀባት ከአምስት ደቂቃ በኋላ በቀዘቃዛ ውሃ መታጠብ በተወሰኑ ቀናት ውስጥ ከችግሩ ለመውጣት ያግዛል።

    7. የእንቁላል ነጩ ክፍል

    በርካታ ሰዎች የእንቁላል ነጩን ክፍል በመቀባት የቆዳቸውን ውበት ሲጠብቁ ይስተዋላል።

    ጥቁር ምልክቶች የወጡበትን የፊታችንን ክፍል የእንቁላል ነጩን ክፍል በእጣታችን በመቀባት ለ10 ደቂቃ ያህል እንዲደርቅ መጠበቅ፤ ከዚያም በእርጥብ ጨርቅ ማጽዳት።

    8. አረንጓዴ ሻይ

    አንድ ማንኪያ የአርንጓዴ ሻይ ቅጠል ከውሃ ጋር በመበጥበጥ ፊታችንን መቀባትም ቆሻሻዎችን በማስወገድ የጠራ ቆዳን ያላብሰናል።

    ከላይ የጠቀስናቸው ነጥቦች በአፍንጫ ብሎም በፊታችን ላይ የሚታዩ ጥቋቁር ምልክቶች በቀላሉ ለማጥፋት የሚረዱ ሲሆን ችግሩ ባስ ሲልም በህክምና ተቋማት የሚታዘዙ ቅባቶችና መድሃኒቶች ይኖራሉ።

    የትርጉም ምንጭ:- FBC

    Read more
  • የ”ዘመን” የቴሌቭዥን ድራማ አባላት እስራትና ድብደባ ደረሰባቸው

    በህዝብ ዘንድ ተወዳጅ የሆነው ዘመን የቴሌቭዥን ድራማ አባላት ለቀረፃ ስራ በተሰማሩበት በሶማሌ ክልል ሽንሌ ዞን በክልሉ ፖሊስ ድብደባና እስራት ተፈፅሞብናል ሲሉ ተናገሩ።

    የድራማውን የስደት ታሪክ የሚቀርፁት የካሜራ ባለሙያዎችንና ተዋንያንን ጨምሮ በቦታው የነበሩት የቡድኑ አባላት ዓርብ ዕለት ሰኔ 30 አመሻሹን በአራት ፒክ አፕ የተጫኑ 30 ያህል የፖሊስ አባላት ከበው እንደደበደቧቸውና በማያውቁት ቋንቋ ስድብና ማዋከብ እንደደረሱባቸው ተናግረዋል።

    “መሳሪያ ተደግኖብን በከፍተኛ ጩኸት በሶማሊኛ ስንዋከብ ምን መመለስ እንዳለብን ግራ ገብቶን ነበር። በአማርኛ ለማስረዳት ስንሞክር እነሱ ለመስማት ፈቀደኛ አልነበሩም” ትላለች ከቡድኑ አባላት አንዷ።

     

    “በወታደር ጫማ ከጉልበቴ ስር ተመታሁ ሌሎችም ወታደሮቹ በያዙት ዱላ ባገኙት ነገር ወንድ ሴት ሳይሉ እየተማቱ በከፍተኛ እንግልት ፒካፕ መኪናቸው ላይ ወረወሩን ……..ወታደሮቹ ፒካፕ መኪና ላይ ከጫኑን በኃላ 12  ኪሜ እርቀትን በ160 የመኪና ፍጥነት በፒስታ መንገድ ላይ እየከነፉ ወደ አንድ ግቢ አስገቡን። ግቢ ውስጥ እንደገባን ከመኪናው ላይ እየጉተቱ ከወረዱን በኃላ የያዘነው እቃ ፊት ለፊት እንድናስቀምጥ ካደረጉን በኃላ በየተራ እያስቆሞ እያመናጨቁ ፈተሹን ወንዶች ለብቻ ሴቶች ለብቻ ካደረጉን በኃላ የመጡት ወታደሮች ሁሉ ከ10 ጊዜ በላይ ቆጠሩን። ይሄ ሁሉ ሲሆን እንድናወራ አልፈቀዱልንም እራሳቸው ይጠይቃሉ እራሳቸው ይመልሳሉ ደግሞ ይጮሀሉ” ብሏል የቡድኑ አባል ታሪኩ ደሳለኝ በፌስ ቡክ ገፁ።

    የሶማሌ ክልል የፀጥታ ባለስልጣናት በስልክ ስለቡድኑ ከሌላ አካል ካረጋገጡ በኋላ እንደለቀቋቸው አባላቱ ተናግረዋል።

    “ከድሬዳዋ አስተዳደር የተፃፈ ደብዳቤና ሌሎች መረጃዎችን ለማሳየት እንኳን ጊዜ አልስጡንም፣ እኔ ፀሎቴ የያዙትን መሳሪያ እንዳይተኩሱብን ነበር” ከአባላቱ ሌላዋ።

    የሶማሌ ክልል ፕሬዝዳንት ቢሮ ተፈጠረ የተባለው ችግር ተራና ለሚዲያ የሚበቃ እንዳልሆነ ለዚህም ምላሽ መስጠት እንደማይፈልግ በቃል አቀባዩ በኩል ለዋዜማ ገልጿል።

    “ማንም ቢሆን ተደብቆ ፀረ ሰላም እንቅስቃሴ ለማድረግ ወደ ክልላችን ቢገባ ከዚህ የባሰ ችግር እንደሚገጥመውና ያለ ፌደራል መንግስት ወይም የክልሉ ፕሬዝዳንት ሳያውቁ ሚዲያ ወደ ክልሉ መግባት አይችልም” ብለዋል በማሳረጊያቸው።

    ዘመን ድራማ ያላፉትን ወራት በቴሌቭዥን በመቅረብ ላይ ያለ አበበ ባልቻ ፣ስዩም ተፈራ ፣ሰለሞን ቦጋለና ዘውዱ አበጋዝን ጨምሮ በርካታ አዳዲስ ተዋንያንን ያካተተ ተከታታይ ድራማ ነው።

     

    Read more
  • የጥፍራችን ቅርጽ ስለባህሪያችን ምን ይላል? አስገራሚ ነገር ይመልከቱት

     ተተርጉሞ የተጻፈው፦ በሙለታ መንገሻ

    አዲስ አበባ፣ ሀምሌ 23፣ 2007 (ኤፍ. ቢ. ሲ) የእጅ ጣታችን ጥፍር ቅርጽ ስለኛ ባህሪ ይናገራሉ ይባላል።

    ይህንን ለማወቅም በምስሉ ላይ ካሉት የጥፍር ቅረጾች ውስጥ ከኛ ጋር ተመሳሳይ ሆነውን በማመሳከር ከስር የተዘረዘሩትን ባህሪችንን ማወቅ እንችላለን።

    ከኛ ጥፍር ጋር ተመሳሳይነት ያላቸውን የጥፍር ቅርጾች ምስል ካላገኘንም በምስሉ ላይ ከጣታችን ጋር ተመሳሳይነት ካላቸው ምስሎች ጋር በማመሳል ማወቅ እንችላለን።

    1 ረዘም ብለው የሬክታንግል ቅርጽ ያላቸው ጥፍሮች

    ረዘም ብሎ ሬክታንግል የጥፍር ቅርጽ ያላቸው ሰዎች በባህሪያቸው ጥሩ የሚባል ማህበራዊ ግንኙነት ያላቸው እና ከሰዎችም ጋር በቀላሉ ሊግባቡ ሚችሉ ናቸው።

    ፈጣን አእምሮ፣ አዳዲስ ግኝቶች መፍጠር የሚያስደስታቸው እና አዳዲስ ጓደኞችን በቀላሉ ማፍራት መቻላቸውም ከባህሪቸው ውስጥ የሚጠቀስ ነው።

    የሚሰሩትን ስራም ጥንቃቄ በተሞላበት መልኩ ያከናውናሉ ይባላል።

    2 ሰፋ ያለ ጠፍጣፋ የጥፍር ቅርጽ

    እንዲህ አይነት የጥፍር ቅርጽ ያላቸው ሰዎች ባለ ንጹህ አእምሮ እና ሰዎች የሚንግሯቸውን ነገሮችን አስተውለው ማዳመጥ ከባህሪቸው ውስጥ ይጠቀሳል።

    ከመናገራቸው በፊትም የሁሉንም ሰዎች ሀሳቦች በደንብ ማዳመጥ እና ከዳመጡ በኋላ በቂ ጊዜ ወስደው አስበው መናገርም በህሪያቸው ነው።

    የሰዎችን ባህሪም በቀላሉ መረዳት ይችላሉ።

    ውስብስብ ለሆኑ ችግሮች እና ጉዳዮችም ምርጥ መላምት እና ሀሳቦችን በማፍለቅ እንዲሁም መፍትሄ በማፈላለግ የሚያክላቸው የለም ይባላል።

    3 አጠር ብሎ ክብ ቅርጽ ያለው ጥፍር

    አጠር ብሎ ክብ ቅርጽ ያለው ጥፍር ያላቸው ሰዎች የፈጠራ ችሎታቸው ከፍተኛ ከሚባሉ ሰዎች ይጠቀሳሉ።

    እንዲሁም ለሰዎች ቀና የሆነ አመላካከት ያላቸው ሲሆን፥ በአካባቢያቸው ያሉ ሰዎችን ማስደሰትም ከባህሪቸው አንዱ ነው።

    ለሚወዷቸው ሰው ታማኝ ሲሆኑ፥ የሚወዱትን ሰው መንከባከብ እና ማስደሰትም ከምንም በላይ ቅድሚያ የሚሰጡት ጉዳይ ነው።

    ያሰቡትን ነገር ከማድረግ እና ህልማቸውን ከማሳካት ምንም ሊያቆማቸው አይችልም።

    እንዲህ አይነት ቀርጽ ያለው ጥፍር ያላቸው ሰዎች አልፎ አልፎ የግትርነት ባህሪ የሚታይባቸው ሲሆን፥ ምን ማድረግ እንዳለባቸው ግን ጠንቅቀው የሚያውቁ ናቸው ይባላል።

    4 ያልተስተካከለ እና በጣም አጭር ጥፍር ያላቸው

    ያልተስተካከለ እና በጣም አጭር ጥፍር ያላቸው ሰዎች ብዙ ጊዜ ጥፍራቸውን በጥርሳቸው የመቆራረጥ ባህሪ ያላቸው ሲሆኑ፥ ለአዳዲስ ነገሮች ለዩ ስሜት ያላቸው እና አሮቆ አሳቢ ናቸው።

    ለአዳዲስ ጓደኞቻቸው የተለየ እንክብካኬ የመስጠት አመል አላቸውም ይባላል።

    በሚናደዱበት ጊዜም ንዴታቸውን በመቆጣጠር ለሰዎች ያልተናደዱ መስለው የመታየት ልምድም ይስተዋልባቸዋል።

    ነገሮች ምንም ያክል መራራ ቢሆኑባቸውም እውነትን ከመናገር ወደኋላ አይሉም።

    5 ተለቅ ብሎ የሬክታንግል ቅርጽ ያለው ጥፍር

    የሚሰሩትን ስራ በሙሉ ሀላፊነት መስራት፣ ነገሮችን ማስተባበር እና መምራት፣ ታታላቅ ውሳኔ የሚሰጡባቸው ስብሰባዎች ላይ መካፈል ተለቅ ብሎ የሬክታንግል ቅርጽ ጥፍር ያላቸው ሰዎች ባህሪ ነው ይባላል።

    ለሚሰሩት ስራ ትክረት የሚሰጡ እና ለሚሰሩበት ድርጅት በጎ አመላካከት ያለቸው ነውም ይባላሉ።

    6 ሶስት ማእዘን ቅርጽ ያለው ጥፍር

    ሶስት ማእዘን ቅርጽ ያለው ጥፍር ያላቸው ሰዎች የሚሰሩት ስራ ላይ ተነሳሽነት ማሳት እና ቆራጥነት ከባህሪቸው ውስጥ የሚጠቀስ ነው።

    የሚሰሩትን ስራም በትኩረት የሚሰሩ ሲሆን፥ አብዛኛውን ስራቸውንም በስኬት የሚያጠናቅቁ ናቸው።

    7 ሞላላ ሆኖ ረዘም ያለ ጥፍር

    የፈጠራ አቅማቸው ከፍ ያለ መሆኑ የሚነገርላቸው ሞላላ እና ረዘም ያለ ጥፍር ቅርጽ ያላቸው ሰዎች፥ በጣም እድለኛ እና በውብ ነገሮች ተከበቡ ናቸው ይባላል።

    እንዲሁም አዳዲስ ፈጠራ ያለበትን ስራ ደከመኝ ሳይሉ እና ሳይሰላቹ የመስራት አቅማቸውም ከፍ ያለ ነው።

    ሌሎች ሰዎች ለመጥቀም በሚሰራው ስራም ከምንም በላይ የሚያስድስታቸው እና በትጋት የሚሰሩት ስራ ነው።

    ምንጭ፦ http://www.mahderetena.com

    Read more
  • ስለ ጡትዎ ራስዎን ማወቅ መልእክት - Healthy Breasts

    የጡት ካንሰር በአፍሪቃውያን-አሜሪካውያን ሴቶች መካከል በብዛት የሚታይ ካንሰር ሆንዋል። በጊዜው መፈተሽና አስፈላጊ የጡት ካንሰር እርዳታ ማግኘት በህይወት የመትረፉ ዕድል ሲያሻሽል ታይቷል።

    1. ስጋትዎን ይወቁ

    • ስለ ቤተ-ሰብዎ የጤና ታሪክ ለመረዳት ቤተ-ሰቦችዎን ያነጋግሩ
    • በጡት ካንሰር ስለሚኖርብዎት ስጋት ሓኪምዎን ያነጋግሩ

    2. ጡትዎን ይመርመሩ 

    • ከፍተኛ የስጋት ደረጃ ካሉት ከሆኑ ምን ዓይነት የማጣርያምርመራ እንደሚሻልዎት ለመረዳት ሓኪምዎን ይጠይቁ
    • በመካከለኛ የስጋት ደረጃ ካሉት ከሆኑ ዕድሜዎ ፵ ዓመት ከሞላ በኋላበየዓመቱ የማሞግራም ምርመራ ያድርጉ
    • ዕድሜዎ ፳ ዓመት ሲሞላ ቢያንስ በየሶስት ዓመቱ ፵ ዓመት ዕድሜ ሲሞላ ደግሞቢያንስ በየዓመቱ የክሊኒክ የጡት ምርመራ ያድርጉ
    • ስለሚደረግልዎት የማጣርያ ምርመራ ቀጠሮ እንዲያስታውስዎት በ komen.org/reminder ኢንተርነት ላይ ይመዝገቡ

    3. እርስዎ የተለመደ ነው የሚሉትን ይወቁ

    ከታች ከተዘረዘሩት ለውጦች ኣንዳችዋን ካዩ ሓኪምዎን ያነጋግሩ፤

    • እብጠት፣ የጠጠረ ነገር ወይም ውፍረት ከጡት ውስጥ ወይም ከብብት ስር 
    • እብጠት፣ የሙቀት ስሜት፣ ከጡትዎ ላይ ቀይ ወይም ጥቁር ምልክት
    • የጡት መጠን ወይም ቅርጽ ለውጥ
    • የቆዳ መጥለቅ ወይም መሸብሸብ
    • በጡት ጫፍ ማሳከክ፣ የሚቀረፍ ቁስል ወይም ሽፍታ
    • የጡትዎ ጫፍ ወይም ሌላ የጡትዎ ክፍል መዝቀጥ
    • ባልታሰበ ጊዜ በጡት ጫፍ የሚታይ ፈሳሽ
    • ከአንድ ቦታ ላይ የሚሰማ የማይለቅ አዲስ ሕመም

    4. ጤናማ የአኗኗር ምርጫ ያድርጉ

    • ክብደትዎ ለጤናዎ አመቺ እንዲሆን ለማድረግ ይሞክሩ
    • በየቀኑ ከሚሰሯቸው ስራዎች በላይ የአካል እንቅስቃሴ ለማድረግይሞክሩ
    • የሚጠጡትን አልኮል መጠን ለመቀነስ ይሞክሩ
    • ከወር አደፍ ማቋረጥ በኋላ የሚጠቀሙበት ሆርሞን ለመቀነስ ይሞክሩ
    • ከተቻልዎት ሕጻንን ጡትዎን ማጥባት ይሞክሩ

     ምንጭ: komen.org

     <-----ምስሉን በትልቁ ለማየት ምስሉ ላይ ተጫኑ

     

     

    Read more
  • German/Hungarian Woman Gang-Raped By Three Eritrean Migrants In German Town

       

    A Hungarian woman was attacked and raped by three Eritrean men in the German town of Mühlhausen, over the weekend, according to a local newspaper.

    The three migrants Medhanie A., aged 29, and David T., aged 22. from the country in north eastern Africa, were arrested on Sunday and are currently in detention as the trial goes on, Thüringer Allgemeine reports.

    According to chief prosecutor Harko Krieg, the crime took place in the early hours of Saturday morning at a bridge near the town’s railway station. He added that all three men, who are to be put on trial after the police investigation ends, arrived to Hungary from Eritrea.

    Authorities arrested the men, who are currently in pre-trial detention at a prison in Tonna, Thuringia, on Sunday, a spokesman for the local police force said.

    Both the police force and the prosecutor’s office declined to disclose information on the reason the Hungarian woman was in Mühlhausen, according to the newspaper’s article.

    Source: Thüringer Allgemeine

    Read more
  • ለአዳዲስ ወላጆች ስለ ጨቅላ ህፃናት አመጋገብ ምክር

                        

    ጨቅላ ህፃንዎን መመገብ ያለማቛረጥ የሚደረግ ሃላፊነት ነዉ፡፡ አዲስ ከመጣዉ የቤተሰብ አባልዎ ጋር የጠበቀ ግንኙነት ለመመስረት ጥሩ አጋጣሚን የሚፈጥርዎ እደል ነዉ፡፡ ስለሆነም የሚከተሉትን ሰባት ነጥቦች/ምክሮች ጨቅላ ህፃንዎን ለመመገብ ይረዳዎ ይችላል፡፡

    1. የጡት ወተት ወይም የቆርቆሮ ወተት ብቻ መጠቀም፡-

    ብዙዉን ጊዜ ለህፃናት እድገት የሚመከረዉና የሚመረጠዉ የእናት ጡት ነዉ፡፡ ጡትዎን እንዳያጠቡ የሚያስገድድዎ ነገር ካለ/ጡት ማጥባት የማይችሉ ከሆነ ግን የቆርቆሮ ወተቶችን (ፎርሙላ ወተትን) መጠቀም ይቻላል፡፡ ጤናማ ህፃናት እስከ 6 ወር ድረስ ዉሃ፣ ጭማቂም ይሁን ሌላ ፈሳሾችም ቢሆን አያስፈልጋቸዉም፡፡ (ጡትና ጡት ብቻ እንዲወስዱ ይመከራል፡፡)

    2. አዲስ የተወለደ ልጅዎን በሚፈልግበት ሰዓት መመገብ፡-

    አዲስ የተወለደ ልጅዎ በቀን ከስምንት እስከ አስራ ሁለት ጊዜ መመገብ ይገበዋል፡፡ ይህ ማለት በየሁለትና ሶስት ሰዓት ልዩነት መመገብ ያስፈልጋል ማለት ነዉ፡፡ ህፃኑ ምግብ ሲፈልግ/ሲራብ የመወራጨት፣ መጥባት ምልክቶችንና ከንፈሮቹን ማንቀሳቀስ ይጀምራል፡፡ እነዚህን አይተዉ ካላጠቡት/ካልመገቡት ማልቀስ ይጀምራል፡፡ ልጅዎ መጥባቱን ካቆመ ወይም አፉን ከዘጋ አልያም ፊቱን ከጡት ወይም ጡጦ ላይ ካዞረ የመጥገብ ምልክት ሊሆን ይችላል ወይም እረፍት እየወሰደ ሊሆን ይችላል፡፡ ስለሆነም ጡትዎንም ይሁን ጡጦ ከመስጠትዎ በፊት ትንሽ ጊዜ ይጠብቁ፡፡
    የልጅዎ እድሜ እየጨመረ ሲመጣ በትንሽ ሰዓት ዉስጥ ብዙ እየተመገበ ይመጣል፡፡

    3. ቫይታሚን ዲ መስጠት፡

    የጡት ወተት ለልጅዎ አጥንት ጥንካሬ የሚሰጡ እንደ ካልሲየምና ፎስፈረስ ያሉ ማዕድናቶች ከልጅዎ አንጀት እንዲመጠጥ የሚያደረገዉን ቫይታሚን ዲ በበቂ መጠን ስለሌለዉ የህክምና ባለሙያዎን በማነጋገር ተጨማሪ ቫይታሚን ዲ (ሰፕልመንት) እንዲሰጠዉ መጠየቅ:: ለልጆች ሌላ የቫይታሚን ዲ ማግኛ አማራጭ የቫይታሚን ዲ ምንጭ ከሆኑት ነገሮች አንዱ የሆነዉ የፀሃይ ብርሃን ሲሆን ብዙ ሰዎች የፀሃይ ብርሃን በመሞቅ ብቻ የተወሰነ የቫይታሚን ዲ ፍላጎታቸዉን ሊያሟሉ ይችላሉ፡፡ እርስዎም ልጅዎን ቫይታሚን ዲ ለልጅዎ መስጠት ካልቻሉ እንደአማራጭ ሁልጊዜ የፀሀይ ብርሃን ማሞቅ ያስፈልጋል፡፡ ስለሆነም በየቀኑ የጠዋት የፀሃይ ብርሃን ሙሉ ሰዉነቱን ከሆነ ከ10-15 ደቂቃዎች ማሞቅ የሚያስፈልግ ሲሆን ጭንቅላቱን፣ እጅና እግሮቹን ብቻ የሚያሞቁት ከሆነ ደግሞ ለ30 ደቂቃዎች ያህል ማሞቅ ያስፈልጋል፡፡

    4. አዲስ የተወለደ ልጅዎ የአመጋገብ ስርዓቱ/ሂደት ሊለያይ እንደሚችል መገመት

    አዲስ የተወለደ ልጅዎ በየቀኑ የግድ አንድ አይነት መጠን ያለሙ አመጋገብ ላይኖረዉ ይችላል፡፡ እድገቱ በፍጥነት በሚሆን ወቅት ለምሳሌ ከተወለደ በ2ኛና በ3ኛዉ ሳምንት እንዲሁም 6ኛ ሳምንቱ አካባቢ በአንድ ጊዜ ብዙ ሊመገብና እንዲሁም ቶሎ ቶሎ ሊርበዉ ስለሚችል ከላይ የተጠቀሰዉን የሰዓት ገደብ ሳይጠብቁ በቶሎ የልጅዎን የረሃብ ስሜት ምልክቶች በመረዳት መመገብ ያስፈልጋል፡፡

    5. ዉስጥዎን/ደመ ነፍስዎንና ልጅዎን ማመን

    ልጅዎ በቂዉን ያህል አልተመገበም ብለሁ ሊጨነቁ ይችላሉ፡፡ ነገርግን ልጅዎ ምን ያህል እንደሚያስፈልገዉ እራሱ ያዉቃል፡፡ ልጁ ምን ያህልና በምን ያህል ልዩነት ተመገበ ላይ ሳይሆን በሚከተሉት ነገሮች ላይ ባይበልጥ ትኩረት ማድረግ

    • ቐሚ/ተከታታይነት ያለዉ ክብደት መጨመሩን
    • በአመጋገቡ መካከል እርካታ/ምቾት መኖሩን 
    ልጅዎ ክብደት እየጨመረ የማይመጣ ከሆነና የመመገብ ፍላጎት ከሌለዉ የህክምና ባለሙያዎን ያማክሩ፡፡

    6. እያንዳንዱን የመመገቢያ ጊዜ ከልጅዎ ጋር የጠበቀ ግንኙነት/ትስስር( bond) የሚፈትሩበት ጊዜ አድርጎ መዉሰድ

    በሚመግቡበት ወቅት ልጅዎን ወደራስዎ/ሰዉነትዎ አስጠግቶ መያዝ፤ የልጅዎን እይን አይኑን ማየት፤ በቀስታ ከልጅዎ ጋር ማዉራት እንዲሁም እያንዳንዱን የመመገቢያ ወቅት የልጅዎን የደህንነት ስሜት( sense of security )፣ አመኔታና( trust) ምቾት እንዲሰማዉ ለማጎልበት አጋጣሚዉን ሊፈጥርልዎ ይችላል፡፡

    7. እርዳት መቼ እንደሚያስፈልግዎ ማወቅ/መረዳት

    ለምሳሌ ጡት በማጥባት ወቅት ችግር ከገጠመዎ፤ ጡት በሚያጠቡበት ወቅት ህመም ካለዉ ወይም ልጅዎ ክብደት የማይጨምር ከሆነ የህክምና ባለሙያዎን ማማከር ያስፈልጋል፡፡

    ምንጭ:- ሃሎ ዶክተር

    Read more
  • ጤናማ ፀጉር እንዲኖርዎ ሊያደርጉ የሚገባዎት ጥንቃቄ - ከጽጌረዳ ጫንያለው

     

     

    ከጽጌረዳ ጫንያለው

     ወንዶች ይልቅ ለሴቶች የውበት መገለጫ የሚሆነው ፀጉር መሆኑን ማንም አይክደውም። ይሁን እንጂ ለወንዶችም ቢሆን የውበት መገለጫ አይሆንም ማለት አይቻልም። ምክንያቱም ፀጉሩ ሉጫና ድፍት ያለ፣ የበዛ ወይም ቶሎ ቶሎ የሚያድግ ወንድ ልጅ ካየን «ታድሎ» ማለታችንና የፀጉሩን ውበት ማድነቃችን አይቀርም። ከመደናነቃችን መረዳት የሚይቻለው ማንኛውም ሰው

     ለፀጉሩ ልዩ ትኩረት መስጠት እንዳለበት ነው። ፀጉር በእንክብካቤ ውስጥ ሆኖና ምንም ዓይነት የፀጉር ችግር ባይኖርበትም እንኳን በእያንዳንዱ ቀን ከ70 እስከ 100 የሚደርሱ ፀጉሮች ሊረግፉ ይችላሉ። ነገር ግን የፀጉር መነቃቀሉ ከዚህ በላይ ከሆነ ጥያቄ የሚያስነሳ መሆን ይኖርበታል።

    ለፀጉር ከሚደረግ እንክብካቤ አንጻር ፀጉር ይነቃቀላልየሚደረግ እንክብካቤስ ቢሆን ምን መምሰል አለበትከእንክብካቤ ጋር በተያያዙ ጉዳዮች ፀጉርን ሊጎዱ የሚችሉ ነገሮች ምንድንናቸውፀጉራችን ተነቃቀለ የምንለው ምን ሲሆን ነውምክንያቱስ ምን ሊሆን ይችላልና መሰል ነገሮችን በማንሳት በጳውሎስ ሆስፒታል ሚሌኒየም ኮሌጅ የቆዳና የአባለዘር በሽታዎች ስፔሻሊስት ዶክተር ፋይሰል አሎ ጋር አጠር ያለ ቆይታ አድርገናል። የሰጡንንም ምላሽ እንሆ።

    አዲስ ዘመን፡የፀጉር መነቃቀልን ሊያስከትሉ የሚችሉ ነገሮች ምን ምን ናቸው?

    ዶክተር ፋይሰል፡የፀጉር መነቃቀል ሲነሳ በሁለት ዓይነት ከፍሎ ማየት ይቻላል። ይኸውም ጠባሳ ሳይኖረውና ጠባሳ ኖሮት የሚፈጠር መነቃቀል ነው። ከእነዚህ መካከልም ውስጥ የፀጉር አበቃቀል መዛባት፣ የተመጣጠነ ምግብ አለማግኘት፣ ረዥም ጊዜ የሚቆይ ትኩሳት ወይም በቆዳ በሽታ ሊመጣ ይችላል። ሰውነት በተለያዩ በሽታዎች የሚያዝ ከሆነ ለምሳሌ፡በልብ በሽታ፣ በደም ማነስ፣ በኤች.አይ.ቪና ሌሎች በሽታዎች ሲጠቃ፣ ሰዎች ከሥነ ልቦና ጋር በተያያዘ ከፍተኛ ውጥረት ውስጥ ሲገቡ፣ የተለያዩ ሻምፖዎችና ኮንዲሽነሮች መጠቀም እንዲሁም የቀለሞች መጠንና ዓይነት ባለማወቅ ፀጉር ይነቃቀላል።

    ሌላው ደግሞ ለፀጉር እድገት የሚያገለግሉት የእንቅርት (የታይሮይድሆሮሞኖች መብዛት ወይም ማነስም የፀጉር መነቃቀልን ሊያስከትል ይችላል። በእራስ ቅል ወይም በማንኛውም ፀጉር በሚበቅልበት ቦታ ላይ ያሉ ቆዳዎች ችግር ካለባቸው፣ ከውስጥ ሕመምጋር፣ ከቫይታሚን መብዛትና ማነስ ጋር እንዲሁም በኢንፌክሽንና ፈንገስ ምክንያት የሚመጡ በሽታዎችም ቢሆኑ ለፀጉር መነቃቀር መንስኤ ናቸው።

    አዲስ ዘመን፡ለፀጉር የሚደረጉ ቅባቶችና መዋቢያዎች ያላቸው ጎንዮሽ ጉዳት ምንድንነውለምሳሌ ጄል፣ቀለም ወዘተ?

    ዶክተር ፋይሰል:- የፀጉርን ጤንነት ለመጠበቅ ተብሎ የሚወሰዱ የተለያዩ የፀጉር ሕክምና (መንከባከቢያ ፣ማሳመሪያነገሮችን መጠቀም እንደ ጥቅሙ ሁሉ ጉዳትም አለው። ከጉዳቶቹም ውስጥ የፀጉር ቀለም መቀባትን ማንሳት ይቻላል። ቀለም መቀባት የፀጉሩን ወደ ተለየ ወይም ከበፊቱ የተሻለ ቀለም ያለው በማስመሰል የሥነ ልቦና ጥቅም እንዲኖረው ያደርጋል። ሆኖም ግን የተቀቡት ቀለም የቆዳ አለርጂና መሰል ጉዳቶችን ሊያስከትልበት ይችላል። ስለዚህም ይህ ጉዳት ከመፈጠሩ በፈት በቅድሚያ የቀለሙን ትክክለኛነት ማረጋገጥ ያስፈልጋል። ለምሳሌ ቀለሙ አለርጂ የሚፈጥር እንደሆነ ለማወቅ በመጀመሪያ ቀለሙን ከጆሮው በስተጀርባ ይቀባና ከሁለት እስከ ሦስት ቀናት ይጠብቅ። ከዚያም በጆሮው አካባቢ የአለጂ ምልክቶች ይታያሉ። ማለትም እንደ ቆዳ ማሳከክ፣ ማበጥ፣ መቅላት እንዲሁም ማቃጠል የመሳሰሉት ስሜቶች ይሰማሉ። በዚህ ጊዜም ያ ሰው በምንም ምክንያት ቀለሙን መጠቀም እንደሌለበት እንዲገነዘብ ያደርገዋል።

    ሌላው ደግሞ የፀጉር ቀለምን ለመጠቀም መጀመሪያ የፀጉሩ ቀለም መልቀቅ ይኖርበታል። ምክንያቱም ሕይወት ያለውን የፀጉር ክፍል ማለትም ሥሩን ወይም እንደ ፀጉር ፋብሪካ የሚያገለግለውን ክፍል ቀለሙን በምንቀባው ጊዜ ይነካዋል። በዚህ ጊዜ ቆዳው እንዲቆጣ ወይም እንዲቆስል ያደርግዋል። ይህ ደግሞ በቆዳው ላይ የተለያዩ በሽታዎች እንዲከሰቱና ጸጉር እንዲነቃቀል ምቹ ሁኔታን ይፈጥራል። በሌላ በኩል ደግሞ በፀጉር ሥር ውስጥ ያሉት ሴሎች በብዛት እንዳይራቡና ፀጉር እንዳይፈጠርም ሊያደርግ ይችላል። የፀጉር ቀለም በአብዛኛው የሚወሰነው «ሜላኒን» በተባለው ጥቁር ቡናማ ቀለም ባለው ሥርጭትና መጠን ነው።

    ሜላኒን በፀጉር፣ በቆዳና በዐይን ውስጥ የሚገኝ የተፈጥሮ ቀለም ነው። የቀለሙ መጠን በጨመረ መጠን ፀጉርም ጠቆር እያለ ይሄዳል። የሜላኒን መጠን እያነሰ ሲሄድ ደግሞ የፀጉር ቀለም ከጥቁር ወደ ቡናማነት ወይም ወደ ቢጫነት ያደላ ይሆናል። ፀጉሩ ምንም ሜላኒን ከሌለው ግን ሙሉ በሙሉ ነጭ ይሆናል። በዚህ ጊዜ ለፀጉራችን የሚሰማማና ጉዳት የማያመጣ ቀለም መቀባት ይቻላል። በቀለም ሴሎች የሚሠሩትን ሜላኒን መሥራት እንዲያቆሙና ፀጉር ቀለሙን እንዲቀይርም ያደርገዋል። በተለይ የፀጉር ቀለምን ለረጅም ጊዜ የሚጠቀሙ ሰዎች ፀጉራቸው እንዲሳሳ፣ ቆዳቸው እንዲጎዳና ለካንሰር በሽታ ተጋለጭ እንዲሆኑም ያደርጋል።

    ቀለሙን ተቀብቶ ቆዳው ላይ ማቆየት አይገባም። ይልቁንም በውሃ በማራስ ፀጉር እንዲለሰልስ ማድረግ ተገቢ ነው። ይህ ካልሆነ ግን የቆዳን ቀዳዳዎች በመድፈን ፀጉር ኦክስጂን እንዳያገኝ በማድረግ የፀጉር ሴሎችን በመግደል ፀጉር እንዳያድግና እንዲነቃቀልም ያደርጋሉ።

    አዲስ ዘመን፡አመጋገብ ለፀጉር መነቃቀል መንስኤ የሚሆን ከሆነ ምን ዓይነት ምግቦችን መመገብ አለብን?

    ዶክተር ፋይሰል፡-ፀጉር እንደማንኛውም የሰውነት ክፍል የተመጣጠነ ምግብ ያስፈልገዋል። በቂ ውሃም ማግኘት አለበት። ይህ ከሆነ ደግሞ ፀጉር እድገቱ፣ ጥንካሬውና ዕድሜው በአስተማማኝ ደረጃ ላይ እንዲሆን ያደርገዋል። ካርቦ ሃይድሬት፣ ፕሮቲንና ማዕድናት እንዲሁም ቫይታሚኖችን በተለይ «ኤ፣ሲ እና ኢ» የመሳሰሉትን መመገብ ለፀጉር ህልውና ወሳኝ ናቸው። ፀጉር የተመጣጠነ ንጥረ ነገሮችን ሳያገኝ ከቀረ ግን ከመነቃቀሉ ባለፈ ሌሎች ተመሳሳይ ችግሮችን ሊያስከትል ይችላል።

    ፀጉር የተመጣጠነ ምግብ ማግኘት አለበት ሲባል ደግሞ በሁለት መልኩ ከፍሎ ማየት ይቻላል። የመጀመሪያው በምግብነት የምንጠቀመው ሲሆን፤ ሁለተኛው ደግሞ በእራስ ቅል ላይ በቅባት መልክ የምንቀባው ነው። በእራስ ላይ ከምንቀባው ይልቅ በምግብነት የሚወሰደው የተሻለ ጠቀሜታ አለው። ምክንያቱም አንድ የሰውነት ክፍል ከታመመ ለሁሉም የሰውነት ክፍሎች በሽታው እንደሚዳረስ ሁሉ በምግብነት የምንጠቀማቸው ንጥረ ነገሮችም ለሁሉም የሰውነት ክፍሎች በመዳረስ ማንኛውንም በሽታ የመከላከል አቅም እንዲኖራቸው ያግዛሉ።

    አዲስ ዘመን፡ለፀጉር ተብለው የሚዘጋጁ ቅባቶች በራስ ቅል ቆዳ ላይ የሚያስከትሉት ጉዳት ይኖረው ይሆን?

    ዶክተር ፋይሰል፡እንደ ቅባቶች ዓይነት ጉዳቱም ይለያያል። ለምሳሌ ለፀጉር የምንጠቀመው ቅባት ፓራፊን፣ ኦሊቫኦይልና የመሳሰሉት ነገሮች ለጤናማ ፀጉር ምቹ ሲሆኑ ለታመመ የራስ ቅል ቆዳ ምቹ ላይሆኑ ይችላሉ። ይልቁንም ችግሩ እንዲባባስ የሚያደርጉበት ሁኔታ ይኖራል። ኢንፌክሽን ያለበት ሰው የጭቃ ቅባት ቢጠቀም ጭቃነቱ እዚያ አካባቢ ለሚኖሩት ባክቴሪያዎች ምቹ መራቢያ ስለሚሆን ፀጉርን እንዲበጣጠስ ያደርገዋል። ስለዚህ ቅባቶችን ለፀጉሩ በሚመች መልኩ መርጦ መጠቀም ይገባል።

    አዲስ ዘመን፡ፎረፎር ለፀጉር መነቃቀል ይዳርጋል ይባላል ትክክል ከሆነ ምክንያቱ ምን ይሆንበሕክምናስ መፍትሔ ይኖረው ይሆን?

    ዶክተር ፋይሰል፡ፎረፎር «ማላሼዢያ ፎረፎር» በሚባል ፈንገስ የሚመጣ ሲሆን፤ በሁሉም ሰው ላይ የሚታይ ነው። በተለያዩ ውስጣዊና ውጫዊ ምክንያቶችም ሊመጣ ይችላል። በተለይም በፀጉር ቆዳችን ላይ የሚገኙ ነጭ የደም ህዋሳቶች ሲሞቱ ነው ፎረፎር የሚከሰተው። ፎረፎር ፀጉር እንዲያልቅና እንዲበጣጠስ ከማድረጉም በላይ የፀጉር ውበትንና ቆዳን ይጎዳል። በተለይ ቅባት በሚበዛባቸው ቦታዎች እንደ ጭንቅላት፣ ፊት፣ ግንባር ፣ የላይኛው የጀርባ ክፍልና ደረት አካባቢ ጎልተው ይታያሉ።

    ፎረፎርን ሙሉ ለሙሉ ማጥፋት አይቻልም። ምክንያቱም በማንኛውም ጤነኛ ሰው ላይ የሚታይ ፈንገስ ነውና። ብዙን ጊዜ በማበጠሪያ፣ በልብስና በመሳሰሉት ነገሮች ተጋባብኝ ወይም ፎረፎር ያዘኝ ሲባል ይሰማል። ፎረፎር ግን ተላላፊ በሽታ አይደለም። ምክንያቱም በተፈጥሮ አንድ ሰው የሚፈጠርበት ክስተት እንጂ። ስለዚህ ፎረፎር እንዳይፈጠር ማድረግ በምንም መልኩ አይቻልም። ሆኖም ግን ፎረፎርን መቀነስና ከፎረፎር ጋር ተያይዘው የሚመጡ በሽታዎችን መከላከል ይቻላል። ይኸውም ህክምናው በሦስት ዓይነት መልኩ ሊሰጥ ይችላል።

    የመጀመሪያው ህክምና የፈንገስ መጠኑን ሊቀንሱ የሚችሉ ጸረ ፈንገስ ሻምፖዎች፣ ክሬሞችና ቅባቶችን በመጠቀም የሚሰጥ ህክምና ነው። ሁለተኛው ደግሞ ቆዳ በተለያዩ ምክንያቶች ሲቆጣ ቁጣውን ለመቀነስ የሚያስችሉ ቅባቶችን በመጠቀም የሚሰጠው ሲሆን፤ ሦስተኛውና የመጨረሻው ሕክምና ደግሞ የፎረፎር ምልክቶችን ተከትለው የሚመጡ ህመሞች የሚታከሙበት ነው። ለምሳሌ፡የቆዳ መቅላት፣ ነጭ መሆን፣ ማበጥ፣ መቁሰልና መግል መያዝን ለማከም የተለያዩ መድኃኒቶችን በመጠቀም የሚሰጠው ህክምና ነው።

    በእርግጥ መቁሰል ማበጥና መግል መያዝ የሚመጣው ፈንገሶቹ ከመጨመራቸው አንጻር ቢሆንም ብዙ ጊዜ ግን በኢንፌክሽን ምክንያት ቆዳ እየሳሳና በሽታን የመቋቋም ኃይሉ እየተዳከመ በመምጣቱ ሊከሰት ይችላል። ፎረፎር ብዙን ጊዜ የሚታየው ዕድሜያቸው ከ15 ዓመት በላይ ባሉ ሰዎች ላይ ሲሆን ከዘህ በታች ባሉት ላይ አይታይም። በእነርሱ ላይ የሚከሰተው ቆረቆር በመባል የሚጠራው ነው። ይሁን እንጂ ሁለቱም ቢሆኑ ለፀጉር መነቃቀል ከፍተኛ አስተዋጽኦ ያደርጋሉ። ስለዚህም ተገቢውን ህክምና በማድረግ ፀጉር እንዳይነቃቀል ማድረግ ይገባል።

    አዲስ ዘመን፡በዘልማድ ላሽ እየተባለ የሚጠራው ድንገተኛ የፀጉር መነቀል እንዴት ይመጣልህክምናውስ ምን ይመስላል?

    ዶክተር ፋይሰል፡የተወሰነ ቦታ የሚከሰት የፀጉር መመለጥ «አሎፔሺያ አሬታ» የሚባለው ሲሆን ጠባሳ በማይፈጥር መልኩ የሚከሰት ነው። በተለያየ የሰውነት ክፍሎች ላይም ሊታይ ይችላል። ላሽ የሚመጣው በሰውነት የበሽታ ተከላካይ ሕዋሳት ላይ በሚደርስ ቀውስ ምክንያት የራሳችን የበሽታ መከላከያ ዘዴዎች የፀጉር ስሮች በሚያጠቁበት ወቅት ነው። ላሽን በሦስት መልኩ ከፍሎ ማየት የሚቻል ሲሆን እነሱም፡ፀጉር አንድ ቦታ ላይ ብቻ ክብ ሆኖ ሲነሳ፣ እንዳለ የፀጉር ክፍል ሲነሳና ሰውነት ላይ ያለው ፀጉር በሙሉ ሲነሳ ናቸው። ይህንን ከፋፍሎ ማየቱ ያስፈለገበት ምክንያት ደግሞ በሽታውን ለይቶ በማውጣት ህክምና ለመስጠት እንዲቻል ነው። ይኸውም በአጭር ጊዜ የሚድነውንና ረጅም ጊዜ የሚወስደውን እንዲሁም ተያያዥ ችግሮች ያሉበትን የላሽ ዓይነት ለመለየት ያስችላልም። የላሽ ህክምና በመርፌ ብቻ፣ በመርፌና መድኃኒት፣ በመርፌ፣ በመድኃኒትና በቅባት መልኩ ሊሰጥ ይችላል።

    አዲስ ዘመን፡በአጠቃላይ የፀጉር መነቃቀል እንዳይከሰት ምን ዓይነት ጥንቃቄ እንዲደርጉ ይመክራሉ?

    ዶክተር ፋይሰል፡ፀጉር ፈጣን እድገት ካላቸው የሰውነት ክፍሎች አንዱ ነው። ሆኖም ግን በተለያዩ ምክንያቶች ሊነቃቀል ይችላል። ስለዚህ የፀጉር መነቃቀልን ለመከላከል የተለያዩ ነገሮችን ማድረግ ይቻላል። ከእነዚህም ውስጥ በቂና የተመጣጠነ ምግብ መመገብ፣ ፀጉር በቂ ውሃ እንዲያገኝ ማድረግ፣ አዘውትረን ፀጉራችንን አለመታጠብ ምክንያቱም የራስቅል ቆዳ የሚያመርተውን የቅባት መጠን ስለሚቀንስ የምንታጠብበትን ጊዜ መወሰን ይገባል። በሳሙና፣ ሻምፖና ኮንዲሽነር ስንጠቀም ደግሞ የተመረጡና ለፀጉሩ የሚስማሙ መሆን ይኖርባቸዋል። በተለይ በልብስ ሳሙና ፀጉርን መታጠብ ለፀጉር መነቃቀል ያጋልጣል። ስለዚህ የፀጉር መነቃቀልን ለመከላከል ከላይ የተጠቀሱትንና መሰል ተግባራት ማከናወን ተገቢ ነው። በተጨማሪም ወደ ህክምና ተቋም በመሄድ የህክምና ባለሙያዎችን በማማከርም መፍትሔ መሻት ያስፈልጋል።

    ጸሐፊ ጽጌረዳ ጫንያለው



     

    Read more